上海婆婆336 (已結業)

出完job無時間煮飯，返到屋企附近食個麵解決好了。口淡淡想食濃味點的東西，去了食上海菜。點份雲吞湯拉麵$52，雲吞大大粒包了肉餡，皮半透夠薄。配麵好大碗，幼身麵。高力豆沙$48 獎自己的甜點，外皮好似疏夫里好輕的，內中心有香蕉蓉同紅豆泥，白白的是糖霜粉。加杯豆漿$15健康美味。

Bee 家晚飯@上海婆婆九龍灣 牛頭角道77號淘大商場地下G143-162號舖捉了妹妹與妹女兒去吃飯，小孩愛打機宅性難改，只好下樓找間店子。肥妹喜歡吃小籠包，大人都以小孩口味優先選擇，就去了上海婆婆。小籠包$36，4隻水準無論那間店都沒偏差，汁多鮮甜，肉餡有固定肥瘦比例，皮薄餡靚,做得巧手，每次來都必點。魚籽煙燻蛋$18 兩只，流心濃郁細膩，蛋白如啫哩口感，蛋黃又甘香，放上了黑魚籽點綴，好看好吃。黃金炒飯$72,有蝦蛋碎， 米粒炒到金黃，米飯炒到收水乾身就一粒粒不黏，吃下也分明，鹹白惹味。黑醋排骨 $76 ，黑醋甜酸股味道是促進食慾的，也是我來切選。肉煮到入味，骨肉輕易分離。露筍炒白合 $78， 兩者都是爽身的，白合又養顏滋陰，整體清宜岩女生。雞絲拌海蜇皮 $65， 海蜇都是爽身低卡的角色，水份足，略以鹽同麻油調味已是上佳之前菜涼盤。紅油炒手$48，少了點辣的刺激，隨意點份炒手吧，辣油一層沾在雲吞皮上。上菜速度神速，但溫度又維持到，口味也對我胃口，晚市人均消費才百來元。

兩個人係九龍灣行左半個鐘都諗唔到食咩，見到呢間有唔錯的評價，而且有好多人正在用餐，於就決定試下。點了4款食物。酸辣湯要讚下上菜勁快，等左5分鐘有得飲。一位份量都有一大碗。夠酸夠辣。兩個人share就剛剛好。蒜泥白肉蒜泥白肉粒粒都包左青瓜架！真係好有heart! 蒜蓉味唔會太過勁，食完唔會口臭，試過有啲餐廳生蒜蓉落太多，會苦架。排骨擔擔面如果係食肉獸，記得叫排骨擔擔麵，無排骨要$50，加$10就有多份排骨了。抵啊！至於排骨味道都幾香口，厚返少少會開心d。干煸四季豆真心推介，d肉碎夠哂咸，配四季豆一齊吃，中和返個味道就剛剛好。

近來淘大商場開咗好多新嘅鋪頭食店,真係多個選擇, 今日放假, 經開淘大睇一套戲之後,就係隔籬附近食咗個上海婆婆啦, 入面好大, 唔需要點樣等位, 就叫咗個牛展湯拉麵, 嗰套餐係包埋個小籠包嘅, 咁首先食咗個小籠包先啦, 皮好薄, 一放入口, 湯汁四溢, 熱辣辣, 好JUICY, 唔錯!食完小籠包之後, 再食個牛展湯拉麵, 飲飲湯味道唔錯, 甜甜地幾清新,牛展個肉質有咬口, 有牛味, 但係唔會黐牙, 另外個麵軟硬適中, 不錯不錯埋單都係63蚊仲要冇加一喎, 份量又OK

響淘大商場中庭食肆集中營, 過到黎先睇吓想食咩都得! 上海婆婆入面坐位舒適, 佢地員工有禮貌, 仲好主動不斷加茶.放工黎食個晚飯都唔使趕下場咁.之前經過門口已經被有10款菜色的蟹粉系列餐牌吸引, 揀左個蟹粉炒年糕 - 上菜見到年糕金黃, 不過蟹粉又好似同餐牌張相有點分別, 但係香味撲鼻, 急不及待起筷! 蟹肉絲蟹膏煮成的金黃色年糕味道非常香, 終於唔使左拆右拆享受大閘蟹精華!食上海野就指定動作叫上海小籠包 - 小巧的骰, 薄皮裡面有肉汁同豬肉餡. 小籠包永遠食我食上海野至愛!紅油抄手又叫了一客 - 抄手皮同豬肉配搭醒胃調味, 但不太辣四小拼 - 岩晒d想試多幾樣野的兩口子, 有脆鱔, 小排骨, 烤麩, 肴肉, 每樣過足口癮, 賣相同味道非常吸引魚籽煙燻蛋 - 呢樣我之前響呢間餐廳未食過, 蛋軟燻香仲有魚籽風味點綴一整啖口感, 多層次味道非常豐富!川椒辣子雞 - 少少辣, 雞肉入口細嫩無渣不油膩 埋單$549

平常家附近亦有一間吃上海菜的菜館，但味道較濃且份量少剛巧經過，見好多人又多位就入去啦，點左個雪菜肉絲湯麵HKD50及銀芽炒鱔糊HKD98予我感覺份量頗大，大大碗而且麵好多，，加上味道唔會鹹，好清，比起我平常吃到的那間來得優惠麵唔會腍，口感適中，不吃得多的人，2人都足夠而鱔糊亦是不錯，銀芽及鱔的份量比例相約，不會像平時吃到的銀芽多，而鱔甚小味道方面，亦唔會過鹹，十分好吃唯一這裡的飲品選擇較少，而我平常愛飲的熱豆漿，亦只有凍，有點失望！整體食物選擇都多，味道不錯，加上真想不到以這個定價，味道及份量完全沒有偷工減料，令人驚喜，值得再來~

太太很喜歡食上海菜,今日情人節和太太往九龍灣上海婆婆食晚餐慶祝情人節, 我們點了花雕醉雞, 蒜蓉炒白菜仔、小籠包、雲吞湯拉面和炸醬面。花雕醉雞, 醉雞有醇香花雕味, 雞肉肉質鮮嫩, 滲出酒香；蒜蓉白菜仔, 白菜仔爽口爽脆, 炒得乾身不油膩, 配上蒜蓉帶出白菜鮮味；小籠包餐廳主打, 皮薄餡靚, 湯汁夠熱和香濃, 肉質鮮甜, 美味的小籠包；雲吞湯面, 面好爽口彈牙, 雲吞大大粒, 配上爽口蔥花令整個面好豐富,而配菜蛋絲和紅蘿蔔絲好有蛋香和蘿蔔鮮甜, 令整個雲吞湯面食落口感更有層次(要改善的地方是明明要求職員剪面, 最後無剪!)；最後炸醬面甜度適中, 面條適中彈牙, 配上炸醬一起食, 開胃面食餐廳座位闊落, 坐得好舒適, 適合情侶聚會晚膳好地方, 今晚情人節相約老婆在上海婆婆食上海菜, 太太食得好開心愉快,開心情人節。

同媽媽撐枱腳要食返啲正氣嘢，滬菜就啱哂佢口味喇。今晚嚟個proper dinner，叫哂頭盤、主菜、麵食、甜品！四小拼$98，有鎮江肴肉、烤夫、黑醋排骨同脆鱔。平常出面食好多高級滬菜餐廳整嘅脆鱔好多都係又幼身又硬，今次呢個係水準之上，鱔肉本身夠粗，炸得鬆脆，是個開胃小食。如黑醋排骨熱葷的話效果應會更好。肴肉和烤夫味道一般。煙燻小黃魚$43，很有特色，魚肉保持鮮嫩，魚皮不乾仍富彈性，入口有香濃嘅煙燻味，讚！嫩雞煨面$52，是媽媽常點嘅菜式，味道有保證，湯底不咸不膩，滿滿一碗全都是小棠菜和雞肉顆粒。自家製豆漿$15，有很香黃豆味，不算過甜。宮廷芝麻餅$38，即炸金黃色嘅外皮好吸引，咬落鬆軟，芝麻香同炒過嘅肉碎餡料味道很夾，外皮厚度和餡料份量嘅比例恰當，推薦這菜色最後以薑茶湯丸$32作結，估唔到薑茶勁味十足，芝麻湯丸煮得夠淋夠煙韌食過上海婆婆多次，都仍然覺得廚房弄嘅熱葷菜式比冷盤好，或許是除了大路嘅醉雞同雞絲粉皮外，較少食客點其他冷盤吧。主力推介包點、麵食和主菜，價錢相宜，味道又有質素保證！

上海婆婆既水準一向唔錯，所以每次係九龍灣想食上海菜我都會揀番上海婆婆，今次難得同媽咪黎九龍灣行街，都照舊黎呢到食番個Lunch先。 星期一至五有Lunch Set同埋Tea Set，Lunch Set 小菜有送湯，拉麵又有配點心， 都係Around $50-100, 都幾抵食，而且款式都幾多，最後我地就叫左一個小菜套餐，一個拉麵套餐。 呢個係小菜套餐送既酸酸辣湯，佢都幾足料，唔似有啲深係溝好多粉，酸酸地辣辣地，好開胃。今日請媽媽Lunch，食好啲叫左我地都好鍾意食既松子黃花魚，其實真係好抵，正常Menu要$17X,宜家成個Set都係$118。味道方面水準依舊，松子魚外皮炸到好香脆，但仍持到內還魚肉既鮮嫩，除左有大量酸甜醬汁，同時都有大量既松子、菠蘿、紅綠椒同埋椰果，口感超級豐富，同晚市質素係一樣架！ 拉麵我就叫左婆婆擔擔麵，擔擔麵湯底好濃郁，有好香濃既花生味，再上辣油真係幾惹味，另外佢既拉麵都煮得過淋，所有野都岩岩好！至於小籠包既，同樣皮薄餡多，而且咬開內裹滲好多肉汁，食個時真係要小心啲，哈！作為雞絲粉皮既擁蹇躉，真係忍唔住加 $10 叫番份，好彩都冇令我失望，粉皮十分煙韌，花生醬夠晒

新年前知道有同事會離職, 提早與同事FAREWELL, 大家揀左上海婆婆336, 分店就揀左淘大。地點方便而且地方大易有位。(店名已經改左係上海婆婆336)未裝修前係上海婆婆, 裝修用上黑色為主, 感覺好暗。裝修後光猛左好多。感覺裝修過後餐牌價錢仲貴左。雖然得4個人, 大家都係好胃食的, 所以都叫左好多餸 :醬燒茄子 $63無錫脆鱔 $98砂鍋粉皮魚頭湯 $118黃金四季豆 $70百葉結紅燒肉 $85336炒飯 $72醬燒茄子大家都一致讚成呢個餸係能夠伴飯最夾。唔算好油, 茄子份量好多, 4個人食都覺得足夠, 真係必點的餸之一。無錫脆鱔超級失望, 完全唔脆, 而且好硬, 感覺似炸左好耐。好細碟, 完全似一個前菜, 價錢係$98, 好唔值。砂鍋粉皮魚頭湯未試過去食上海菜ORDER湯, 今次第一次, 果然有驚喜, 湯好甜, 因為上海菜味道較濃, 原來飲呢個湯能夠中和一下。黃金四季豆用鹹蛋黃一併炸過的四季豆, 好入味 ! 預左係油膩..但又令你停唔到口….百葉結紅燒肉唔太推介, 百葉結好硬, 唔肯定係咪好難煮得淋, 比較難消化, 紅燒肉係相片都見到係一大舊肥膏多過肉, 而且件件都係咁, 真係

適逢星期六放假，又剛出了花紅，決家與家人在淘大吃頓豐富晚飯。因媽媽感冒未清，還是選擇到上海婆婆336吃中菜較穩妥。上海婆婆未更名做336之前，已在淘大屹立多年，個別食物質素有保證，算是我們家平常的飯堂。變為336後，店面裝修設計新穎，更換過的桌椅亦較以往的坐得更舒適。例牌必叫的當然是小籠包，大小剛好，皮薄多汁，豬肉餡很冧很鬆軟。另一味我最喜歡的菜式是銀芽炒鱔糊，鱔魚的數量很多，醬汁濃郁夠味，送飯一流。踏入冬季上海婆婆推出了蟹粉系列的菜式，我們點了蟹粉黃金炒飯，飯炒得很乾身，金黃色的飯粒，粒粒分明，吃下去嚐到淡淡的蟹粉味道，如果有更多蟹粉會更好。最後叫了砂鍋雲吞雞（例牌），貪其有湯飲，有菜又有雞食。一鍋有六隻雲吞，半隻雞，還有小唐菜。奶白雞湯不過咸，喝下一碗，剛好調和其他濃味菜式，略嫌雞肉有點鞋。

上海婆婆的午市套餐, 只有星期一至五先有,難得平日可以放假,  所以同媽媽去試下個套餐. 淘大呢間店好乾淨, 好大, 但人手唔算好夠。睇下個餐牌 ~我地叫了2個套餐 :1) 銀芽鱔鰗, 酸辣湯, 白飯2) 雪菜肉絲拉麵, 小籠包4隻先飲下酸辣湯, 唔算好辣, 感覺似汁多D, 真係麻麻地 !銀芽鱔鰗配白飯 呢個依然好好味, 雖然銀芽依然多過鱔鰗,但鱔鰗炒得好香, 可以送上一碗飯啊 !雪菜肉絲拉麵對呢碗真係好失望, 肉絲完全泡過龍, 完全無味,  雪菜又少又碎,簡直差過自已煮。期待已久的小籠包, 可以保持一貫水準, 一啖咬晒入去, 汁係咀裡面滾動,鹹淡適中, 好好味呀 !!今次雖然食到個套餐, 但係失望大過D ! 除左個鱔鰗同小籠包係好食, 其他就真係唔掂 !

每逢週末都會輕輕收爐，母親大人做無飯煮婦，她不用煩惱煮什麼之時便是我們一眾小的煩惱吃什麼的時候......嗱，先備案，母親大人不吃太甜太濃味的菜色，家姐不吃油膩食物，我又偏向蔬食，故我和炭星人也想了很久去哪兒吃飯😂😂最後簡單去了附近的上海婆婆，有濃有淡有甜有咸有冷有熱，應該可以滿足到大家的百樣口味吧😅😅😅八點才到餐廳，等了廿分鐘就有位，以週末的人流裝修過後的婆婆十分開揚，座位也闊絡舒服，是家庭朋友聚餐的好選擇👍🏽👍🏼👍🏿似乎上海婆婆也開始有一點玩味呢～一向喜歡上海菜的精緻，顏色繽紛，味道接近廣東菜的香濃，帶點甜帶點辣，香而不膩❤️❤️十多頁厚厚的餐牌，有前菜冷盤、🐔🐮🐷🐟的主菜，蔬菜、飯麵和點心等熱食，選擇頗多，而且包準不是同一隻醬煮十個菜然後懶多菜色的頹貨🙈🙈價錢合理，是正常料理價位，可放心多點幾個菜呢😀松子雞跟叉子⭐️⭐️⭐️⭐️⭐️叉子其實是Sesame Pie，芝麻酥餅～每次看到酥餅二字，馬上會聯想到酥脆的餅皮，香酥有咬口，不能控制的要點來試試(=´∀｀)人(´∀｀=)雞肉以醬料醃到入味再跟松子仁同炒，加上顆顆毛豆和蔬菜粒，顏色尚算繽紛💛💜口感同時有爽脆的菜粒香脆的松子和雞肉粒，釀到芝麻包中

雖然上海婆婆有很多分店，但今次是我頭一次幫襯，所以點菜就由朋友發板。朋友果然無介紹錯，三人吃，點了四個送，剛剛好！上海肴肉：第一次吃，賣相很特別，大小適中，一口放入口又得！雖然目測每款肴肉都有不少脂肪，但放入口又另一種感覺！冷冷的口感，但點了醬汁又出奇地好吃。花雕雞：雞很滑很嫩，而且唔肥，我最鐘意！而且雞「葉」得很入味，陣陣酒味超香，但嫌佢份量少，大碟Ｄ就１００分！排骨擔擔麵：排骨很香，吃下去肉質結實唔黏牙，無雪味，切開一塊塊上吃很方便，個人認為加入麵裡吃好似有點浪費擔擔麵有少少辣，但我唔太識辣都可以接受黃金炒飯：飯和送的比例不錯！而且飯炒得非常香，遠遠已經聞到那陣香味，食完一碗都不覺飽，要繼續添飯吃！而且食落一Ｄ都唔油！推介！雖然一口氣不停讚食物，但這裡的服務確實麻麻！WAITOR有點粗魯，詳細不說了上海婆婆不是茶記，而且價錢不便宜，服務應該有適當的水準！

近期多來了淘大, 原因是商場假日早上都沒很多人, 頂層的玩具店、精品店及書店是消磨時間的好地方, 這類仍有很多小商店的商場現今已屬買少見少, 而店舖售賣的貨式和大型商場那些一式一樣的悶蛋貨品一比簡直是叫人心花放, 所以有時間真要多多支持一下~今天是端午節, 這一個節日原是紀念古人投江, 但在當今都市人繁忙的工作生涯最大的意義, 相信很大部份是'吃糭'和'放假';  而我們, 平白多了一天假期又不打算擠去看扒龍舟, 就偷閒來逛逛及吃假日午餐~上海婆婆 - 久聞其名但一直未有機會幫襯, 今天似乎沒很多人, 趁此機會試一試店員領我們進內堂坐, 午餐時段人不太多, 有點懷疑...安頓好就點餐吧吃上海餐必叫一客我們喜歡的生煎包:  包子熱燙燙的, 小心不要心急!!! 見有葱花家常薄餅, 當然要點一客嚐嚐, 一上枱覺得$53元似乎份量少了點, 吃了幾口即時覺得一點不貴, 值回票價, 有緣來吃東西的真不要錯過做得這麼好的小吃!~ 當然要點小籠包真是可惜, 否則這餐會以高分結束給個笑面給未懂欣賞包點的小寶叫碗麵埋單二百多元, 頗為滿意的一餐, 下次會再來環境方面: 座位舒服, 真不錯