上海老家

营业中

休息中

朋友大力推薦我食呢間大角咀隱世上海菜小店！我平時其實好少接觸同食上海菜🤣 見佢咁樣講我就黎試吓！原來佢係休業後隆重重開！不過位置就唔多起眼，大家要比眼力👀 事關佢附近大廈都裝修緊🙈 ① 五香燻魚 · 煮得好香！勁有驚喜！大家一定要點🥹🥹· 雖然賣相欠奉但真心好食·表面脆配甜甜既滷水汁·店家用新鮮嘅鯇魚腩😆② 脆皮炸子雞 （半隻）·外皮脆、肉質滑嫩、擺盤靚！！·食落去唔油膩③上海回鍋肉 ·呢個係我食過最好食既回鍋肉！💜·望落有光澤但食落去唔油膩！·超級香會流口水🤤！勁多肉同豆干！④ 排骨擔擔麵·與別不同的擔擔麵！花生味相對無咁出·（超驚喜！）排骨好軟嫩、炸粉完全唔厚啖啖肉大舊！抵食！😍本身仲想點啲甜品但我地實在太飽🤣🤣🤣我地留翻下一次再食🤣我想食炸饅頭、高力豆沙同豆沙鍋餅🫦！最近餐廳透露有優惠推出！🎉🎉凡係消費滿$100 會送$10 coupon (無上限）！而且當晚follow 店家社交平台 ！①雞絲粉皮②脆皮素鵝③無錫小魚兒會在上面三款小食中選一款送大家食😍😍 正呀！我果晚就送咗雞絲粉皮！花生🥜醬味特濃😍上海老家 (大角咀)📍：大角咀中滙街61號地舖 （奧運站B出口出）

👅五香燻魚（$68）呢度嘅燻魚同出面食到嘅有少少唔同，用嘅魚大大件😃食落外脆內嫩，甜甜地好香口👍🏻不過魚有少少細刺，要小心啲食!。👅太白醉雞（$78）醉雞一上枱已經聞到好濃嘅酒味🤩一碟有雞髀、雞翼、雞胸三個部位，雞髀嫩滑啖啖肉🤓雞胸索曬酒味齒頰留香，雞翼皮爽脆，唔錯唔錯😛。👅小籠包（$48/4粒）呢度嘅小籠包非常貼心，每粒都有個兜仔裝住，唔洗驚用筷子夾穿個皮🤪咬落爆汁幾滿足，但湯汁可以再鮮甜啲，而個皮亦都可以再薄少少😗。👅銀芽鱔糊（$198）鱔糊落油撈勻之後好有食欲，同啲脆卜卜嘅銀芽一齊食都幾夾😝不過都係中意傳統落蔥、薑嘅「響油鱔糊」多啲！。👅香醋排骨（$138）排骨新鮮大件，一碟都份量十足😉個汁醬酸甜味岩岩好，每一件排骨都掛晒汁😋不知不覺食咗好幾嚿！。👅流心高力（$72/4粒）一嚟到大家都以為係高力豆沙，因為個樣係一模一樣，點知食落有驚喜🫢入面唔係豆沙餡，係兩種果醬餡😂exactly係二寶果汁糖流心個隻味同質感，都係豆沙餡先夾😅

今晚同朋友食上海嘢慶祝生日，服務態度唔錯，我哋叫咗醉雞、燻魚、酸菜魚、小籠包、香醋排骨、高力豆沙。醉雞肉質幾嫩滑同埋酒味剛剛好，唔會嗆喉！👍🏻我平時比較少食魚，燻魚係我朋友揀，魚肉炸得幾香口，味道剛剛好唔會過咸，點埋啲汁，甜甜哋幾開胃。香醋排骨酸酸甜甜幾開胃，雖然話就話排骨，但唔會無乜肉，送飯一流。酸菜魚都幾大碟，幾香，魚肉嫩滑，味道唔會好辣，一般人都食到，不過如果再酸dd更好，同埋個底有啲粉仔喺度，我朋友以為係芽菜！😂小籠包用錫紙兜，好似蛋撻仔咁，直接用手攞嚟食都得，唔駛驚揸筷子唔叻會夾穿個小籠包漏汁，皮薄多汁，肉汁幾鮮味！😌高力豆沙比其他地方大個，味道正常同有空氣感，豆沙唔會過甜，不過1人食兩個就好飽。🤣最後食唔晒，我朋友打包，成餐飯我最滿意係佢調味適中，唔似其他上海菜館好重口味同埋好油膩，連我個掩尖frd都滿意。仲有竟然喺餐廳撞到吳唱K，佢見我同frd慶祝生日，主動同我frd講生日快樂，好Nice!😆

大角咀出名多好嘢食，估唔到隱藏咗間上海餐廳，從前菜、湯、海鮮、肉類、蔬豆、炒粉麵飯、甜品，應有盡有，餐廳環境闊落，店員服務態度有禮，食物價格合理，值得到訪。前菜有醉雞，酒味香濃，雞肉嫩滑而且好入味、薰魚炸得啱啱好，外皮酥脆，薄身，唔油膩，魚肉鮮甜，醬汁開胃，不過魚刺唔少，要小心食。小籠包即叫即整，個錫紙兜係照顧揸筷子唔叻嘅朋友仔，方便食用，十分貼心。外皮夠薄，咬落爆汁，熱辣辣好好味呀～ 主食有鱔糊，口感結實，彈牙，沾滿醬汁，個人好喜歡。另外有酸菜魚，可自行選擇辣度，魚肉嫩滑啖啖肉，仲有芽菜、麵等配菜，讚！最後以甜點作結，流心高力係上海菜嘅必點之選，不過呢間入面竟然係軟糖，好特別🤣

其實平時都好少食上海菜，因為上海菜偏甜，我唔係好鍾意，不過今日有friend過嚟玩，想搵上海菜食，呢道肉OK嘅，有啲似廣東嘅白云豬手，但係呢個唔好咁煙靭同埋加工過，有啲似肉凍，骨膠原，點汁更加好味啲，脆皮齋鵝，出邊炸到脆卜卜入邊識到一層層，腐皮包住冬菇，蘿蔔木耳絲都幾爽口，上海炒年糕有少少油膩，同埋啲甜味比較重啲，豆沙鍋餅呢個冇咁甜，OK嘅

真心唔好食，專登喺OpenRice search評分好高，睇嚟嗰啲收晒錢，個小籠包完全係粉，個四川擔擔麵，入邊嗰三舊雲吞完全冇味總括而言，本人極度失望，絕對唔會有下一次

今次係第2次食啦，上個月食過一次，係社交平台見到食辣谷友分享有個魔鬼辣水煮魚，好夠辣，於是就去試咗食。朋友吾算好食得辣（平時朋友譚仔食中辣），所以叫左大辣，但員工好好人知我為左魔鬼辣而來挑戰，所以分開裝左碟魔鬼辣醬比我。首先大辣對我黎講真係吾算辣（本人譚仔食特辣），但朋友都食到咀唇紅哂，普通人我諗叫小辣、中辣就夠啦講返個魔鬼辣醬，真係辣㗎喎，食咗幾啖條利即刻感覺到辣，個人都出哂汗好刺激，不過都仲係接受到嘅辣度，辣係有咸味，唔係得死辣，係好味嘅辣隻辣令水煮魚好入味，好夾，好食魚好滑，暫時係我香港食過最滑既水煮魚，滑過太二。不過配菜就少款左啲，有萵筍、芽菜、木耳、菇、幼薯粉。如果多配菜啲會開心啲🤪同埋隻辣好夾毛血旺，建議加入毛血旺，一直常幫襯😍酸辣湯：酸味較多，辣味較少，似胡椒嗰種辣，建議辣度可以多啲，咁酸辣湯就真係酸酸辣辣好好食啦。不過比起出邊嘅酸辣湯算係好食好多，所以2次去都有叫黎食上海粗炒：味道好食，麵質爽口彈牙，份量好足，正豆沙鍋餅：今次食仲送左份甜品豆沙鍋餅比我地食，份量好大份，我估係正常既size? 好大方多謝晒豆沙暖暖的，配埋表面煎過既皮，脆脆的甜甜的很好食，不過好飽肚🤣但日

喺門口想叫外賣！走個阿姐出嚟係咁問我想食乜！我叫佢俾個餐牌我睇吓有乜嘢食！佢話冇㗎，淨係識問我食乜！我連有乜嘢食都唔知！點樣知食乜呀！態度差到冇人有，我都費事理佢，轉身走人！佢仲加多句都唔知你想食乜！以後都唔會幫襯，咁好服務🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬

唔知食只好嘅一日，行下行下路過見到間上海菜館，lunch時間都無乜人，心諗會唔會中伏，膽粗粗就試吓😂坐低先送上兩碗例湯，例湯不過不失，正常發揮。然後我地叫咗兩個午巿客飯配菜飯🍚香醋排骨呢個排骨值得一試，排骨算係炸得香脆，咬落去入面仲有肉汁，唔係乾爭爭個啲，黑醋嘅味酸酸甜甜，超級開胃🤤外婆菜煎蛋食完都唔知咩係外婆菜，類似菜乾咁嘅物體，佢個蛋煎得幾香，食落唔係特別好味又唔係特別差，有屋企煎蛋嘅感覺😙最後想講個菜飯，菜飯太濕同有啲油淋淋嘅感覺，唔係好掂🥲整體而言，正正常常，以客飯嚟講份量十足，味道不過不失。埋單時同收銀吹咗兩句，佢話呢度即叫即做，唔落味精，我覺得可以再試下佢啲炒麵類。

今次攞起碗筷嘅目標，係深入探索一間傳統嘅上海菜館。首先入口嘅酸辣湯，滿滿嘅料同埋啱啱好嘅酸辣比例，攪拌出一股過癮味道，飲一啖滋味即刻喺口腔爆發啊！啲蝦仁撈起嚟，咬落去係脆口嘅，豆腐又滑溜溜嘅，整體食感得嚟又唔會太稠濁，啱晒來熱天炒作降降火。接住有份脆皮素鵝舌頭都要讚「正」！腐皮外層夠韌勁，蔬菜內餡食完後心思思嘅，啱晒追求健康嘅班友。換轉紅油抄手，啱啱好嘅蒜香味拎起個氣氛，抄手皮嘅彈性又唔錯，啲餡料嘅豬肉夠香夠潤，但個人覺得，如果醬汁再濃郁啲就完美啦！當然，唔可以錯過嘅經典四川擔擔麵嚟閉幕。面條掛汁力度好，喺濃濃嘅花生味湯汁中浸泡，每條面條都是香味四溢，咁鮮美嘅滋味，食落只係一個字—正！整體嚟講，食物味道係實在嘅好，質素穩健，再加上滿滿嘅地道氛圍，真係至抵享受！下次有機會，一定拎埋班友再嚟大快朵頤一番！🥟🍜🍲

一班朋友去食飯，行行逛逛就選擇了去小舖，仲要係區內老店，可以齊齊分享。有朋友住在鄰近，想找在旁的地方，方便佢，又可以去小店幫襯，感覺良好。呢間小店朋友常去，今次就帶我們來感受一下。我們選了小籠包，素鵝，酸辣湯，雲吞雞湯，咕嚕肉，雪菜玉絲炒年糕，高力豆沙。服務員幽默有趣，像鄰家姨姨一樣，叫大家唔好浪費，食埋佢，帶走佢。。。好地方，要再嚟#HongKongfoodie food#大角咀#上海菜#雲吞雞湯#貨真價實

星期六諗住搵間小店試吓、點了一個火腿津白、擔擔面，小籠包，松子魚。未講食物、先講態度，接待員毫無表情完全冇招呼，態度10分令人不舒服，逼着你點餐、阻住他工作的樣子，碗同筷子洗三次都仲係好多油😩再講食物，火腿津白的火腿已經有異味、擔擔面質完全冇彈性湯底淡，難食。小籠包亦冇驚喜，感覺上好似超市出來的質素。松子魚的汁好像漿糊一樣😩⋯⋯本應諗住一家三口找一個有質素的上海小店、但是莫倫服務質素食物質素完全失望。

份量多！二人餐288 5樣野喎(冇影到甜品)！冇加一！嗱 咩價錢咩質素，你期望高級上海野就唔會係，但佢所有野味道一定對得住呢個價錢有多！當然，絕對有改善空間1. 除左湯之外，唔夠熱～2. 松子魚唔夠脆，但係味道整得好味～得閒會想再食！

上海老家 (大角咀)大角咀中滙街61號地舖片皮鴨以其酥脆的皮和嫩滑的肉聞名。通常搭配薄餅、蔥絲和甜麵醬一起食用，口感豐富，味道鮮美。小籠包以獨特的皮薄餡多而聞名，每個小籠包都包含著鮮美的豬肉餡料和濃郁的湯汁。蒸熟後，小籠包的香氣撲鼻，一口咬下去湯汁四溢，非常美味。鎮江肴肉是由豬肉製成，經過醃制和煮制而成，口感酥爛，肉質鮮嫩。四川擔擔麵以麻辣的口味和濃郁的調料而聞名，通常搭配花生醬、辣椒油、蒜末和蔥花。這道麵食有著豐富的層次感和辣味，令人回味無窮。豆沙糕餅是一種以豆沙為餡料的傳統中式糕點。以糯米粉製成外皮，內陷是由炒制的豆沙製成的甜餡。豆沙糕餅口感軟糯，甜度適中，是一種很受歡迎的甜點。

三鮮湯麵 $68鮮甜可口，湯底濃郁鮮美，三款海鮮的結合帶來豐富的味道，每一口都能品味到海鮮的鮮嫩與湯麵的彈牙，令人回味無窮。上海炒年糕 $78口感綿密，年糕炒至微黃色，外酥內軟，搭配豐富的配料，帶來濃郁的醬香味，每一口都散發出上海風味，令人欲罷不能。太白醉雞 (例牌) $75醉人美味，太白醉雞肉質鮮嫩多汁，入口即化，配以獨特的醉雞醬汁，帶來濃郁的酒香味，令人陶醉其中。北京片皮鴨 $48外脆內嫩，皮薄肉嫩的北京片皮鴨，經過獨特的燒烤技巧，肉質鮮美，每一口都能感受到鴨肉的鮮香和皮脆的口感，令人垂涎欲滴。