上海老家

营业中

休息中

下個月就是父親節了，大家想好要帶爸爸去哪裏慶祝沒有？失傳的正宗古法上海菜也是一個不錯的主意！🤫❤️/ 食物 / ꧁ 黑醋小排骨 $138 ꧂排骨腌漬得啡啡黑黑，表面灑滿香口的芝麻，味道酸酸甜甜，十分開胃!꧁ 四川回鍋肉 $88 ꧂腩肉爆香後相當有鑊氣，色澤紅亮，加上青紅椒、青蒜，香濃惹味、佐飯一流。꧁ 陳醋木耳 $50 ꧂這道涼拌小菜超好吃，木耳口感爽脆，加入鎮江醋後更加開胃，讓人食慾大增。꧁ 炸饅頭 $30 ꧂炸饅頭現點現炸，外脆內軟，外層完全沒有吸油，裡面的饅頭口感超級軟綿滾燙，蘸上煉奶後更加好吃！/ 環境 / 店鋪位置有點隔涉，距離奧運地鐵站有點遠，大家記得預留時間行走。面積比我想像中小，每張枱的距離頗近，不過有膠板相隔。我是平日去的，客流不算很多。餐廳晚市熱鬧的時候可能會覺得有些擠逼，建議大家可以早些前往。背景音樂是七八十年代的老歌，非常配合這裡的主題格調。/ 價錢 / 餐廳定價正常，最近還在做下午茶優惠，$28已經可以點一碗四川擔擔麵。/ 服務 /餐廳採用QR CODE下單，收加一服務費。≡※≡※≡※≡※≡※≡※≡※≡※≡※≡※≡※≡※≡※≡※≡※上海老家大角咀中滙街61號地下

見OP好似好多正面評價 特地一行10人去試下哇 行到去 環境已經唔掂 入去坐底之後 服務態度差到一個點 可能佢見有2個小朋友 覺得小朋友一定食得少野掛 完全唔想服務你 覺得你阻佢d位咁 算啦 見一行10人行8分鐘過來搵食 附近冇乜食肆 快快食完早d走啦 照食 哇 不敢想像 坐係d差過大排檔既位要收$10/位茶水 冇服務仲收加一 食物質素非常差 我吃過最難吃的上海野人均$300位 真係去食返一般連鎖好好多 真不知道自己为何选择賽螃蟹 冇蟹肉 得蛋白 要收$138加一 仲超鹹 完全食唔到 鎮江肉唔凍

之前book左上海老家晚市，因為聽聞佢地晚市套餐好抵食。可惜疫情之下政府禁堂食，今日一有返晚市堂食我地立即去左大角咀試返晚市套餐！地理位置比較偏僻，門口非常易認，只要望到兩盞大燈籠證明你無揀錯地方😎二人套餐只係$288，加$88就可以轉沙鍋雲吞雞。最後我地叫左太白醉雞、順嫂魚羹同肉沫炒粉絲。太白醉雞肉質好嫩滑，酒味好香，份量好大。順嫂魚羹用料十足，包括荀絲、薑絲、雲耳絲同桂魚魚肉，魚肉肥美，整體口感豐富，味道比較其他清甜。肉沫炒粉絲入面有好多材料例如肉碎冬菇等等，味道唔會太濃，佐飯一流。三個菜式都好好味，下次再encore!

行完奧海城🎉出去搵食，記得上次去過大全街附近見到有好多餐廳🍽。我今次再去返附近搵食。🤩行下行下👟去到中匯街，比個燈籠🏮吸引咗埋去。加上頭先食完牛角包🥐仲未係好肚餓🙈，我地今日決定食清d，食上海菜。餐廳入面都幾多人食。🙂店員安排我地入座之後，比咗個QR code我地自己落單。分隔板上面都有教點樣可以落單。😙🧆 陳醋木耳食到醋 + 麻油嘅味道😉。木耳又爽又甜。🥯 炸饅頭 + 練奶饅頭炸到外層卜卜脆，啱啱好金黃色。加煉奶食係最好食。😋🍲 咕嚕肉酸甜甜甜好開胃🤤，啱晒唔係好肚餓嘅我地。咕嚕肉好大件，但咬落唔會硬弸弸。😎🥬 冬菇小棠菜清清地叫個菜食下，一d油膩感都冇。💪

已經去過大角咀搵食好多次，竟然無一次發現呢度有間上海菜🫣位置有D 入，係中匯街，比較尾嘅位置，附近有幾間車房，再比一間水果度遮住左😅原來有間食肆🥰店內環境都好闊落，當日係閒日，同埋都夜，甘岩比較少人。要讚一讚呢個雞絲粉皮，個麻醬係出色嘅，同埋個粉皮比其他店闊身，好食👍🏻回鍋肉炒粗麵，夠入味，可以問店員拎個辣醬一齊食再野味D😆酸辣湯$68～ 好大碗，夠足料👍🏻佢個炸饅頭係出色嘅，我地都放左一段時間先食，但都仲係好脆口，同埋個花奶勁多，岩晒我😍整體黎講，無論食物定環境都喺滿意嘅，下次再試埋個水煮牛先😆

一星期前訂咗位，嚟到發覺冇此需要，一來連續幾日滂沱大雨，二嚟其實搞錯咗應該係小菜館格局而唔係私竇式私房菜。加上6點就報到，先嚟碟「蒜泥白切肉」同「紅油抄手」做住前菜等friend。蒜泥白肉排列比較粗獷，唔似平時一片片層層叠，比一般厚身，有啲捲曲，十片左右，碟底墊咗不少青瓜絲，相對少辣油….抄手皮屬於厚身，顯得內餡份量略嫌少。見到「肉沫炒粉絲」，朋友提醒即是螞蟻上樹，霎時諗起電影春嬌入面谷德昭用呢款餸來比喻女伴面容……。係夠鑊氣，粉絲入味，但調味過龍，好鹹吓，食完每啖要飲番啖茶。徘徊上海四川，想減辣所以斷估揀咗「上海回鍋肉」，呢道就調味適中，鹹中有些甜，炒得肉爽菜香，豆腐乾加多些少就更完美。我對「酸辣湯」冇乜興趣，但無可否認呢碗整得幾好。首先我以為嗌小，只係一個飯碗仔嘅份量，嚟到係成個湯麵碗滿，而且難得酸辣度攞到平衡，唔會只得酸冇乜辣，黑木耳、腐皮、蝦球、筍絲、豆腐粒等用料充足，稀杰度適中，唔好此道都食咗三碗仔。「煉奶炸饅頭」就有啲失準，只得個底脆，包面係腍，似食緊金黃色嘅蒸饅頭多啲。自助落單餐牌餸菜款式會多過實體餐牌，太長不能盡錄，因此只能斷章節錄部分。

成日煮飯會好攰㗎，去搵朋友順便食返個午餐先。我哋去左大角咀上海老家，地方雖小但環境舒服。餐牌有很多不同的上海菜式供選擇。我哋點咗雞絲粉皮，糖醋魚柳，酸辣湯，醬爆雞丁。老闆娘好好人，怕我地唔夠飽，仲送咗2碗白飯俾我地添。(真係太睇得起我地個胃😂)雞絲粉皮 - 粉皮十分Q彈，雞絲好嫩唔鞋，配埋麻醬，好好味，唔駛5分鐘食晒😋糖醋魚柳 🐠 用咗新鮮嘅菠蘿同青紅椒配上炸過嘅魚柳，甜甜酸酸， 十分開胃。醬爆雞丁 🐓 雞丁嫩口，配上爽口翠玉瓜粒，加埋惹味醬汁，撈飯一流。酸辣湯 🥣 稀稠度適中，十分足料嘅湯羹，味道少酸偏辣，可口又過癮，飲完額頭仲會冒汗添🙈呢度仲有好多其他吸引既菜式，如果你住附近，又突然想食上海家鄉小菜，不妨黎上海老家試下！

同2位朋友放工後一齊去食晚餐～由於好耐無食中餐，朋友提議去食上海菜！我地叫左上海酸辣湯，上海炒年糕，京蔥爆炒牛肉，鎮江肴肉同糖醋魚塊～上海炒年糕超級好味～ 煙靭煙靭既年糕配埋醬汁同埋京蔥肉絲既調味～ 美味非常！同朋友食得好開心！誠意推薦上海炒年糕！糖醋魚塊炸得好香口，外脆內淋，食落健康又好味！配合埋洋蔥同埋燈籠椒🫑～ 糖醋魚塊真係好岩配埋飯一齊食！上海酸辣湯都好好味！酸酸地辣辣地好開胃～ 真係好正！佢又唔算好辣，所以唔食得辣嘅嘢人都可以點黎飲！

又係公司附近嘅上海菜，平時都多人，咁啱呢日落大雨就冇乜人Lunch嚟講都算幾抵，嘢食好快上枱🥢咕嚕肉💰$55客飯系列，酸酸甜甜夠開胃，好大碟都食唔晒🥢上海回鍋肉💰$55客飯系列，個人嚟講鐘意呢碟多啲，濃味又有邪惡豬腩肉，椰菜都煮到好惹味，送飯好正，不自覺食多咗好多飯🥢雞絲粉皮💰$60好耐無食呢款，幾香花生醬溝麻醬味🥢脆皮素鵝💰$68外層腐皮脆口，入面有冬菇絲紅蘿蔔絲等等，味道幾好，鐘意唔點醬多啲💰$238/2ppl🚩上海老家 (大角咀)📍大角咀中滙街61號地下

🐳現在由於疫情不能去上海旅遊吃正宗上海菜，所以來到這間古色古香的上海老家，位於奧運站附近，步行約7分鐘。🐳雞絲粉皮作為涼拌前菜，幾開胃的，雞絲嫩滑，粉皮爽口，配上芝麻醬。🐳脆皮素鵝有點像腐皮卷的小食，但全部材料是素的，非常適合素食者，配上喼汁，酸酸味味，脆口開胃。🐳酸辣湯雖然是小碗，但份量也幾多，材料也很豐富，兩個人是吃不完的，但味道酸酸辣辣，有口感之餘又醒胃。🐳上海炒粗麵粗麵真的很粗，勁似炒烏冬，但比烏冬硬身，配菜也非常入味，微有鑊氣。

去大角咀探契媽，大同新村附近多咗好多美食小店，而且又有啲新起嘅豪宅，小區感覺煥然一新！契媽介紹我去中滙街一家上海菜餐廳，上海老家。餐廳大廚都是擁有超過60年中菜經驗的名廚，說是失傳古法的味道！睇睇Menu有優惠晚市套餐，價錢經濟實惠，甲＋乙十丙各一款=$288，套餐送蒜蓉或清炒時菜一碟，抵食！順嫂魚羹醉雞冷盤的醉雞，清香的酒味，嫩滑的雞肉，啖啖肉，肉質鮮甜，必食之選。上海回鍋肉上枱香氣撲鼻，果然是傳統古法炮製，上海回鍋肉相當有鍋氣，肥瘦相間的回鍋肉，油香滿腔，香辣又惹味，滋味無窮！蒜蓉炒時菜健康的蔬菜中和一下肉的油膩，感覺清新，蒜蓉味道濃郁。下次一定再來，品嚐一下金鍋酸菜魚和乾燒蝦球等主打菜式。

與家人到上海餐廳用膳～ 餐廳以簡單的木色設計引起食客在餐廳的休閒感覺！給客人一種非常舒適的感覺！我們點了酸辣湯，京蔥爆牛肉和鎮江肴肉～ 這幾款上海特色菜～ 特別是酸辣湯， 餐廳做法非常正宗美味，酸辣湯非常足料！有雲耳雞肉絲和豆腐等食材，酸辣湯非常開胃，配上少許胡椒粉更出味道～ 京蔥爆牛肉非常美味，牛肉又滑又大塊～ 配埋京蔥同洋蔥真係好好味～就咁食又得～配埋飯食都好好味鎮江肴肉真係好好味！咬落好有口感，做法都好特別，以冷盤嚟食既肴肉～總括嚟講餐廳環境好舒適，同朋友傾偈食下飯真係好岩～

前排去咗大角咀果邊搵fd玩hea下，夜麻麻又有D肚餓但冇晒晚市同堂食都冇乜選擇搵到呢間野仲開緊做外賣就求其搵Ｄ野填下肚啦我地各自叫咗個鱔糊湯麵同燻魚擔擔麵$98一碗鱔糊湯麵，Ｄ鱔肉勁多幼骨，醬汁亦都唔好食，仲要少腥，芽菜完全唔入味，呢個時候反而覺得唔入味仲好起碼食得下，份量唔多，個湯麵真係同清水烚麵冇咩分別完全唔好食，咁就收我一舊水最難食嘅都係個燻魚，成兜魚肉係凍嘅！！！ 食落D魚肉勁腥勁鞋勁霉，有少少似豆豉鯪魚果種魚乾，但係！！！難食過１００倍！！！！俾$70食D難食過廚餘嘅食物真係食完都驚肚痛，真係唔係講笑超級難食，係個擔擔麵叫做正常D....

老家呢個名，十間上海野點都有兩三間係咁叫，通常咁叫得都唔差嘅，結果亦都證明左係岩，餐牌有好多小菜選擇，座位亦都坐得舒服上海咕嚕骨：醬汁調味適中，咕嚕肉外脆內軟👍🏻呢個價錢黎講份量算正常，而且醬汁吾會死甜過酸，咕嚕肉大小亦都適中接近一口size，少少酸甜足足送左成碗白飯🍚洋蔥炒牛肉：牛肉份量略嫌吾夠，但牛肉都算炒得嫩滑，而且鑊氣都有，香噴噴🐂陳醋辣椒木耳：竟然係全晚最佳🤣勝在辣汁惹味，凍凍地食幾正

🥳契細佬生日, 話好耐無食過上海菜, 朋友介紹話大角咀呢間上海菜館幾好, 又方便泊車, 附近有停車場🚗, 又有街位! 如果搭車由奧海城行過嚟都唔遠, 一於試試! 🤔選擇困難症的我, 決定來個套餐, 2人食剛剛好! 🤗首先有湯或羮類、冷盤、小菜等, 小菜都有30款選擇, 仲送蒜蓉或清炒時菜一碟, $288 都幾抵! 🐟順嫂魚羮 ~ 我第一次食魚羹, 本人一向對羮類都無好感, 但細佬喜愛魚當然要就佢啦! 好在飲落唔差, 魚肉唔腥仲好嫩滑, 仲有爽脆木耳, 增添口感, 讚! 🐤醉雞 ~ 例牌份量, 雞皮爽脆, 酒香都幾濃, 雞肉嫩滑, 不錯! 🐥宮保雞丁 ~ 醬料好香口, 雞肉粒份量好多, 有大量脆肉瓜搭配, 好適合配飯或啤酒! 🥬蒜蓉炒時菜 ~ 送的份量也不少, 菜新鮮仲有好香濃蒜香味, 唔油, very ok!