上海老家

营业中

休息中

又黎大角咀搵野食對呢個地方真係又愛又恨👻朋友帶我去左呢間位於中匯街既上海老家餐廳隱身係修車房中間唔細心睇真係會睇漏眼·叫左兩個午市客飯加左一個冷盤小吃同開開心心叫左碟雞食♡ 陳醋木耳（$50）夏天熱熱地 · 食呢d夠哂開胃酸酸地 · 木耳夠哂爽彈♡ 宮保雞丁（$55）撈飯之選🍚香口惹味醬汁辣中帶少少甜味而雞肉切丁粒 · 完全被醬汁包裹住仲有翠肉瓜同腰果 · 一羹一啖夠哂正♡ 糖醋魚塊（$55）魚塊大大塊 · 炸皮唔會太厚酸甜味調得岩岩好夏天就係用食酸酸甜甜♡ 太白醉雞（$75）醉雞係髀位加雞胸位肉質好滑身而帶酒香$75黎講好抵食༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞(๑•́‧̫•̀๑)ꨄ小小總結：有屋企住家飯既感覺除左價格親民 · 店員仲好nice小店位置有啲隱蔽不過認住個燈籠就無錯架喇

係大角咀中匯街呢個四圍都係車房同充滿機油味既地方竟然開左一間上海菜館，鍾意食上海菜既朋友可以一試陳醋木耳（$50）木耳好爽口，加上黑醋既味道酸酸地，幾開胃乾煸買季豆（$88）本身呢味係川菜，而家連上海菜館都有得食，四季豆油炸之前，再用肉碎、辣椒、蒜頭炒過。唔算太油，味道比較重，建議配白飯一齊食榨菜肉絲炒粉皮（$88）就咁睇好似平平無奇，細心d就會發現到榨菜同肉絲，粉皮口感爽滑，味道唔算太濃，而好份量唔少，實夠飽肚另加每位茶位$10

🇭🇰Hong KongAverage expense pp: HKD$150-200+📍Address: 上海老家, Tai Kok Tsui香港真係好難得可以食到正宗嘅上海菜，因為煮上海菜都需要廚師的心思、功夫同手藝！呢間有40年中菜經驗嘅主廚，令我地大飽口福。每碟菜調味適中，冇坊間一般上海菜既油膩感。老闆都十分親切，令呢份餐廳有一種人情味。我覺得我會去多第二次、三次…..第一道菜係油豆腐粉絲湯（$98），真係落足料，有冬荀、蝦米、萵荀、冬菇、小唐菜同埋新鮮正宗魚腐煲出黎，湯頭相當鮮甜，完全唔會口渴。第二道菜係太白醉雞（$75），酒香撲鼻、雞肉嫩滑，入口爽口而不膩。好多上海餐廳有呢道菜，但做得出色嘅真係好少。第三道菜係黑醋小排骨（$138），呢道真係開胃菜，排骨有用麵粉包住炸至香脆外層，內層既肉仲係好滑，酸酸甜甜，相當唔錯，拌飯一流！

晚市終於開返，於是約左朋友放工行街食飯。行大角咀呢頭食野。兩個人叫左一湯一粉兩冷盤。今日太餓既關係叫左主要大份又飽肚既菜式。有酸辣湯（細）、肉沫炒粉絲、脆皮素鵝，同埋紅油抄手。脆皮素鵝 $68外層既腐皮炸過，口感就外面脆，入面既冬菇金菇就香軟，食到層次感。點唔點喼汁都好食。酸辣湯 $68 （細）大大碗，兩個人都飲左幾碗，足料，有豆腐、多竹筍、黑木耳、蛋花，仲有豬肉。酸酸地，唔算辣，怕辣都食到。紅油抄手 $68大大粒，份量多，幾抵食嫁。肉沫炒粉絲 $88粉絲既濕度都保持到，口感軟綿綿。有豬肉碎、紅椒、冬菇，唔錯。

幾個月冇去堂食啦🙈今日專登去大角咀搵朋友順便去上海老家食午餐朋友喺奥運港鐵站接我再行上海老家幾條街就到唔算太難揾😆餐廳係用QR code落單方便大家減少接觸嘅機會疫情底下都係一個幾令人食得放心既位🥰門面同擺設有一種傳統上海飯店既感覺入到去就想叫返d傳統上海菜式前菜就叫左陳醋木耳陳醋汁有少少辣但夠陳醋味食落好開胃木耳大大碟又好爽脆好抵食另外叫左酸辣湯酸辣湯好足料,有雞絲、木耳、豆腐、蝦仁、豆干絲,冬菇絲等等吸晒湯既湯料食落真係好惹味好正味道都唔會過辣或過酸,酸辣程度剛好酸辣湯分量都偏大，我同朋友兩個人食每人都至少食到3碗主菜就試左個四川回鍋肉同埋紅燒豆腐回鍋肉加埋青椒辣椒乾一齊炒食落真係有少少辣🥵🥵但辣辣地加埋d紅油送飯一流至於紅燒豆腐因為落左筍令到碟野更有咬口紅燒汁落左冬菇令到食落好香之餘偏甜食完辣野最適合叫返個紅燒豆腐解辣 🤣🤣

放工去奧運同朋友食飯，今日想食上海菜。朋友由下午5點開始就不時話好肚餓，於是我哋決定叫份量足料既菜。 兩個人就叫細既酸辣湯啦！叫左一份肉沫炒粉絲做主食之後叫左兩個冷盤酸辣湯（細）比想像中大份，我哋都飲左幾碗。足料豆腐、竹筍、黑木耳、豬肉。酸酸地少少辣，幾開胃。肉沫炒粉絲 份量都幾多，粉絲好入味，甜甜哋咁味道唔錯。多豬肉碎同埋冬菇 、紅椒。兩個人食到好飽肚。紅油抄手 有6粒，份量好足，我鍾意個汁有蒜蓉配味，大大粒好抵食。脆皮素鵝呢道冷盤個口感唔錯，外脆內軟既腐竹，入面有冬菇同紅蘿蔔，仲有少少金菇。點埋個喼汁食都幾好食。

上海老家細細的店，不起眼，但就有令你感到用心烹調食物的人嘅心意。鎮江淆肉，夏天必食，凍凍的淆肉晶凝通透，沾上鎮江醋，又開胃又涼快，食完一舊又一舊。燻蛋（係用鴨蛋)功夫多，已經冇乜人會做，好驚🫢失傳，襯呢度重有得食，就快啲過嚟食喇！肉沫炒粉絲（外面叫螞蟻上樹）究竟分別在於乜嘢？外面食到嘅螞蟻上樹，粉絲係炸嘅，咁就熱氣一d，而呢款肉沫炒粉絲，係濕做嘅粉絲，食落冇咁熱氣之餘，一家大細都啱食(只有一dd 辣)可以接受到。順嫂魚羹，入面有好滑嘅魚肉(龍脷柳)又冇骨，肉質好滑，還有好多木耳絲，食落好爽口，羹嘅濃度啱啱好唔大稀，我最鍾意食魚羹加埋胡椒粉黎食，更加美味。

最近疫情好翻啲, 所以就開始返返工👀 今日就去咗大角咀一間小店, 上海老家🤤 係一間好高質的上海小店🥳.🌟酸辣湯 (小) $68想講呢碗小一啲都唔小!! 😧 超大碗🙈 個碗同隻手一樣咁大👀 入面有好多料! 豆腐/肉碎/蝦/ 筍/ 木耳🤤 好足料! 最難得係個味道真係好岀色!! 夠曬酸同辣👍🏻 因為有時食連鎖, 得個鹹味, 唔夠酸同辣😢 呢個必點!! .上海粗炒 $78粗炒最緊要係有鑊氣🤟🏻 麵好煙韌, 調味好夠, 仲好足料👍🏻 好多椰菜絲同冬菇絲, 份量都好多!!🤩.紅油抄手 $68好多蒜同蔥🤟🏻 略嫌唔夠麻haha~ 可能我食得比較重口味🙈 皮好薄而啲肉就好扎實👍🏻 好正宗😛 好開胃🤓.脆皮素鵝 $68我第一次食🙈 腐皮好脆口! 又唔油膩! 都有十幾舊👀 仲有醋俾你點🙆🏻‍♀️ 入面包住紅蘿蔔🥕同冬菇絲, 口感幾得意, 外脆內軟😛.Overall, 呢間上海小店質素好高!! 好正宗🔥 不過位置就有小小難揾, 值得一試🙆🏻‍♀️

雖然只是距離上一次與朋友飯局和寫食評只是三個月時間，但香港的時間幾乎停頓了，不少港人都因新冠病毒疫情下的限聚令而被逼不能外出用晚膳，朋友間少了吹水交誼飯局，真係吾中招都抑鬱啦！4月21日終於解封，晚市恢復，飲食業終見曙光。星期日晚，約了一班相識幾十年的老朋友，又恢復往昔的交誼飯局啦！今次選擇了食評不錯的大角咀區小店「上海老家」，這區以上海菜作招牌主打食店不多，想必有一定水準吧！朋友包括正宗上海人，廣東仔的我當然不用費心，點菜任務就交朋友發板啦！所為希望越大就失望越大，食評頂多只能稱為改良版的上海名稱的廣東菜。前菜小碟，點了以下冷盤：素鵝：個人覺得最出色，脆香。鎮江肴肉：色澤不錯，爽口有肉味。燻蛋：賣相不差，味淡冇燻煙味。萵荀海哲：Ok啦！不過不失。皮蛋豆腐：刀功不夠，碎皮蛋加百福豆腐。無錫脆鱔：完全吾合格，吾脆兼靭，懷疑係咪鱔？主菜麵食：酸菜桂花魚：300幾蚊？廣東版平民貨式，性價比低。太白醉雞：賣相算佳，聞有酒香，但食落就嫌太雪雞味，吾夠滑。雪菜肉絲炒年糕：普通酒樓水準，年糕咬口欠奉。竹笙豆腐羹：又吾錯喎！有驚喜。甜品選擇不多，點了高力豆沙，味道熱度尚合格，但賣相就差少少，乜吾係球型

朋友知道我鐘意食上海菜，所以找到好味的 黑醋小排骨即推介比我，大角咀上海菜 上海老家。成日去唔同地方食 黑醋排骨 都覺味梗差點，今次來到這間有驚喜，份量不少之餘，上面加了芝麻所以更加香口，黑醋味濃帶點甜甜的，口感炸得幾脆口，如果送飯一流。另外叫了2款清淡的 上海菜，雪菜肉絲炒年糕 ，雪菜不少所以十分濃郁味道，年糕軟熟而好入味，配上少少辣醬最岩。咸肉津白，津白吸咗不少火腿香不錯，醬汁濃度剛好。這裡價錢合理坐得都幾好，反而再驚喜是這裡的茶不錯，可再嚟試其他食物。

今次去了奧運站附近的一家貼地上海菜枱與枱之間距離闊落 沒有太花巧的裝修 感覺有點像是一家人打理的餐廳可以用QR code自助下單 都幾方便鎮江淆肉江蘇十大名菜之一的前菜豬皮膠和蹄肉比例平衡 爽口彈牙燻蛋另一道前菜 煙燻過的溏心蛋蛋黃黏口 加上椒鹽同吃更好味紅燒獅子頭這個推薦 必吃！全餐第一名！肥瘦比例剛剛好 入口有油香 肉質鬆軟多汁砂鍋雲吞雞（半隻）想喝湯 所以點了這個 小份的也有六個雲吞 應該是店家手包的 湯頭清甜 我們全部喝光

媽咪講左好耐想食上海菜 所以晚市重開第一擊就去左大角咀嘅上海老家門口貼晒啲雜誌訪問同openrice得獎熱店紀錄未食已經好期待燻蛋淡淡地嘅煙燻味 蛋黃好金黃好流心脆皮素鵝外層炸到脆卜卜入面食到一層層腐皮包住冬菇蘿蔔木耳絲 幾爽口鎮江肴肉呢個每次食上海菜都必食淡淡嘅酒香 好多嘅骨膠原 點埋喼汁更好味上海炒年糕年糕口感煙韌 加入冬菇同清甜嘅旺菜炒得幾好味唔算太油膩豆沙窩餅呢度嘅豆沙窩餅唔算太甜 豆沙餡都幾厚唔錯唔錯

大角咀冇乜上海菜，見openrice介紹，即管試試，下午揀d少人去嘅時間，避開午飯時候，地點唔係大街都幾穩閉，去到已經滿頭大三千汗，門開著但內裏冇客，問侍應是否營養業，態度傲慢叫我du開心出行坐低，問佢有冇下午茶餐，其實差5分鐘就2.30pm, 佢話計入坐計，所以不適用，既然坐低，好食就冇拘少少數月。天氣差不多28°c, 坐低已經大汗淋離，明白右乜客為了節約能源唔開冷氣，問侍應有冇風扇，佢話冇但又唔開冷氣，好彩坐近門口，有少少風吹入，叫了上海回鍋肉及甜酸小排骨客飯，冇湯提供只有清水，回鍋肉炒過耐有燶味，小排骨太硬又冇酸味，一路食一路抹汗，只此一次，永不再去。

上海老家平時無咩食開上海菜，經過大角嘴見到呢間招牌好顯眼吸引左熏蛋 $15/一隻幾特別 生生地 加d椒鹽食都係第一次脆皮素鴨 $68外皮炸到香脆可口入面保留腐皮本身口感仲有菇同蔬菜係裏面 吾會好單一酸辣湯$68分量超多，2個人完全食唔曬配料好豐富：有雞絲、木耳、豆腐、豆干絲,冬菇絲等等酸辣湯唔會過份嗆辣或過酸,酸辣程度剛好 好開胃回鍋肉炒粗麵 $98麵質煙韌 粗面口感較好醬油沾滿麵條配料有椰菜，冬菇，豬肉絲 分量都好多

燻魚又凍又腥又難食！燻魚太難食呀！忍唔住要寫食評！好似係雪櫃攞出黎，汁是像茄汁，又厚汁包住腥臭的魚⋯我平日已是很不怕腥的人，它的腥味是慢慢滲出來。很難會食第二口。京蔥爆牛肉另外叫左「驚蔥爆牛肉」，汁太多油，而且偏鹹，牛肉有部份係好難咬斷，好似牛筋咁靭咁，要浸一浸水先至食到塊牛肉。佢嘅汁好似用豉油煲出嚟咁，冇我平時食呢碟餸嘅嗰種味道。擔擔面也只是正常，沒有特別，入到口咁⋯不明白為何如此多好評。寫完可以馬上去第二間食過，因為好似冇食過咁