下町天丼 秋光 (已結業)

海鮮丼熱潮未過，天丼已急不及待進場，大埔有平價的炎天丼，銅鑼灣則有這家，日本得獎名店秋光。一有猛龍過江，香港人自會擁去試，聽說又是一位難求，所以餐廳開業頭一個月，筆者也不願去同人爭。七月尾的平日與友人前來，果然不用再等位，我們更可以選擇坐吧檯。大家都沒有飯癮，因此只點了天婦羅，另外再加一份刺身。甜品之後再算。刺身五點盛，很喜歡那器皿，把整件事也提升了。雖不是特別的種類，但款款味鮮，比起我早幾日在老牌名店吃的出品，有過之而無不及。貪心一點，要五代目天婦羅，跟上的醬汁，出煙的，感覺良好。海鰻 (跟骨)、蝦、櫻花蝦餅、昆布魚卵及池魚仔等。池魚仔有點腥，其他的各款味道蠻好，只是粉漿頗厚身，還幸不會太硬太實。不管吃什麼菜系，有甜品感覺總會開心一些。這晚的綠茶雪糕合格，但我更欣賞白桃雪葩，超級美味清新，不容錯失。人生總有高低，幸好我身邊仍有好友，支持住。

下町天丼 秋光為日本淺草名店，曾經獲得日本天丼冠軍，睇番日本食評網tabelog 分數大約係3.5，睇番日本其他天丼店，最高分都只係3.66，以天丼黎講，秋光分數算係不俗。係日本，秋光既五代目丼賣2500yen(約港幣$190)，算係貴價天丼，你要知道，係日本天丼1000yen已經食到。係台灣，其實都有秋炮既分店，五代目丼就賣台幣$550(約$140港幣)。黎到香港，價錢更貴既常識吧，賣$250 仲要加一。下町天丼 秋光 @ 銅鑼灣五代目天婦羅丼 (6.5/10)($250)秋光既天婦羅款式係幾特別，採用關東形式炸法，即係炸粉較厚，而且油味較重，用上麻油同埋沙律油作炸油。黎到秋光，無理由唔食佢地既名物 - 五代目天婦羅丼 - 以七款時令食材製成。今次foodki食到既天婦羅係櫻花蝦餅，南瓜，鯡魚卵子，虎蝦，海鰻魚骨，原條海鰻同埋鮎魚。foodki食後覺得油味太重，炸粉亦都太厚，對我黎講，真係幾失望。幸好創意搭救，除平時都會見到既炸蝦南瓜外，仲有非常脆口海鰻魚骨，原條海鰻天婦羅肉質非常嫩滑。但數到foodki最鍾意一定係櫻花蝦餅，一大塊混入大量櫻花蝦，入口鬆化，蝦味濃郁。一路食落去覺得口

今晚與友人來到一間來自東京淺草百年老店【下町天丼 秋光】，它獲得日本天丼冠軍，它果然聲名大噪，一早都已經有不少客人在門外等位，幸好友人一早預訂座位，今天有幸來到一嚐天婦羅的滋味真是非常高興。 原來天婦羅都有分派，關東的流派是用厚身的炸粉炸天婦羅，有別於我們平時食的關西薄粉炸的天婦羅，不過吃起來都不算好油膩，口感都不算感到太厚粉，天丼方面採用了北海道的七星米 。  食天婦羅前先食一些壽司，我選擇了壽司八貫 ($240)，壽司方面都是由師傅發辦，壽司端上來時，真是讓我嘩然驚喜，賣相已經相當吸引，分別有日本海膽，吞拿魚、拖羅、赤貝、鯛魚、油甘魚、冰葉三文魚卷，吞拿魚卷、帶子及牡丹蝦。日本海膽軍艦的海膽份量十足，甘香豐腴，紫菜都好脆口。鯛魚壽司的鯛魚肉質鮮美，鮮嫩帶有彈性，而帶子壽司的色澤雪白，入口感滑嫩而鮮。牡丹蝦及赤貝的肉質也是爽口彈牙。吞拿魚的肉質幼嫩柔滑，而拖羅方面，入口油脂甘香，香味在口腔縈迴不散，真是讓人回味無窮。今天品嚐了少少的天婦羅，個人選擇了一份蕃薯天婦羅($20)，一共有兩片，大大片的蕃薯天婦羅，即炸已經熱辣辣，口感香脆，清爽甘甜，蘸上天婦羅汁食，晤油膩又美味。 個人

在淺草吃過這間老店～當時覺得不錯。知道了在香港開了分店，和朋友一起晚上光顧。晚上18:30到店內得兩枱客。進入了店兩人點了五代目天麩羅丼。10分鐘後熱騰騰的丼上枱了。五代目是廚師精選的旬節食材做的天麩羅。有蝦，南瓜，什菜餅，魚骨。。算唔錯但可能先入為主，始終覺得日本店口感比較好吃。

下町天丼 秋光，由日本淺草遠道而來。據說，它是相當知名的天丼名店，曾獲得日本「全國丼聯盟」天丼類別金賞獎，吸引不少老饕慕名而去。既然現在可以在香港一嚐，小妹當然不會錯過了。五款刺身拼盤$280，有三文魚、甜蝦、海膽、油甘魚和帶子，每款有兩件，以淡藍透明器皿盛載，恰如海鮮暢游於大海中般，鮮味洋溢，充滿著夏日的感覺。甜蝦，又名甘海老，顧名思義，以鮮甜細滑見稱。甜蝦已預先去殼，只留頭尾蝦殼，肉質嫩滑且黏黏的，帶著淡淡的甜味。新鮮海膽呈橙黃色，放在青瓜片上，如花瓣般嬌艷。放入口中口中，味道甘甜鮮美，滑不溜口，瞬間在口中融化， 陣陣餘香縈繞不散!厚切三文魚肉色橙紅，肉質細嫩鮮美不在話下，又含有豐富的omega-3。帶子刺身肉厚味甜，極富彈性，味鮮且甘甜，保留了帶子天然風味。油甘魚被稱為小鰤魚，淡淡甘甜的淡紅色魚肉，油分頗高，每口都充斥著魚油香氣，卻具有獨特的清爽口感。刺身水準著確不錯，只是，招牌的天婦羅，霸氣有餘，好吃卻稱不上了！在侍應推薦下，要了餐牌上最貴的五代目天丼$250。「天丼」即天婦羅蓋飯，只要到東京淺草走一趟，便會發現主打天丼的餐廳隨處可見。據說，淺草老店按照江戶時代傳統，以秘方製作

之前喺東京食過天丼，簡直驚為天人，不過喺香港好食嘅天婦羅店為數不多，偶然之下得知天丼專門店下町天丼秋光開設首間香港分店，約番同遊東京好姊妹回味天婦羅丼。天丼專門店據說無論米飯、食材都由日本入口，炸天婦羅的方法及醬汁製法都跟足傳統，賣相與味道都跟淺草總店一模一樣。餐牌中五代目天丼似乎最適合有選擇困難症嘅我地，五代目天丼嚴選七種時令海產入饌，今次就有鰻魚、鰻魚骨、虎蝦、櫻花蝦、尖魚、白身魚、南瓜等七種食材，配特調醬汁同吃。天丼有濃香麻油味，炸槳較厚，食材新鮮肉厚，堆得滿滿的一大碗，食材比白飯還多，喜不喜歡見人見智。個人覺得味道還可以，不過食到最後會有少少飽滯。天丼以套餐型式上，配菜有小魚乾、煙燻鴨胸沙律、味噌湯、蜜瓜同餐茶等，每樣配菜做得不錯，如沙律新鮮爽脆，味噌湯材料豐富。

出左銅鑼灣，諗唔到食咩之下女朋友推介呢間佢想試下既日本天婦羅店。見到呢度除咗天婦羅出名之外刺身同小食都幾吸引，所以就黎試下啦海膽豆腐 $80見到師傅係入邊將個豆腐由不規則切到好四四方方，見倒師傅對野食既賣相係有一定既執著😎出黎既效果估唔到係幾吸引。海膽食落都幾好，有陣甜味係口腔徘徊, 食得出係新鮮貨而唔係雪藏野!! 豆腐厚實但未至於好重豆香味, 但係口感都幾滑溜既。燒牛舌 $80牛舌份量雖然唔係好多，但咬落去林得黎有咬口而且保留到原有水份。勁度推介東風螺 $50其實唔太知係用乜嘢汁煮，不過食落好入味東風螺螺肉彈牙。真係佐酒之選！五代目天丼 $250魚骨天婦羅真係第一次見，食落脆卜卜蝦肉都幾厚肉原條鰻魚都幾多肉食，天婦羅唔會炸到食材太干，食得出有魚味南瓜口感偏林身而且南瓜好甜櫻花蝦蝦味濃好適合佐飯整體而言都幾好，不過本身個人對炸野麻麻地所以比較上黎就覺得小食比較優勝。

周刊介紹, 銅鑼灣的食街: 登龍街, 開了新食店, 127年歷史嘅日本天婦羅專門店, 樓上舖, 商業大廈十三樓, 網上再了解一下日本原店, 鎮店食物係原條海鰻天丼, 雖然莆燒鰻才是賣飛佛, 但天婦羅鰻都不會錯過, 尤其是日本過江龍... 睇到照片就很想食.... 下午我老闆早走, 員工自然配合, 早了一小時離開公司, 五時半來到店, 少人, 座位隨意揀...餐廳坐位簡潔舒適, 幾乎所有店員及廚師均為日本人, 如無理解錯, 只有兩位識講廣東話. 餐牌除天婦羅外, 還有其他食物, 不太似日本傳統風格, 可能為相就香港人多樣化的口味吧...., 同行之一的友人, 就是對煎炸食物沒有好感, 幸好有日式壽司、刺身及日本料理供應. 餐具精緻, 傳統日本製的瓦碟, 短身扭紋身的筷子, 拿起來夾食物, 特別得心應手.前菜:海膽凍豆腐, 海膽屬於細型款式, 食不出是否紫海膽類別, 但絕對夠新鮮甜美, 凍豆腐夠滑溜, 配搭起來, 感覺很清新.五代目天丼, 網上提供詳細資料, 由第五代傳人谷原師傅, 用七款時令食材製做, 屬此店的招牌天丼, 炸至金黃色的天婦羅, 層層疊在白飯上面, 米飯是來自北海道的七星米

銅鑼灣野食類型林林立立, 其中登籠街為例整條街都係食肆, 不過以拉麵店為最多除左地舖之外, 永光中心呢度差唔多整橦都係食店, 想食咩既種類都有, 今次就簡左呢間『下町天丼 秋光』聽聞呢間係『日本天丼聯盟冠軍』😈，其中以嚴選食材為首, 而且選材極為講究! 👍🏻心思思一直都想試下, 今日終於試到喇!😍當日黎到時大概係6:30, 距離晚飯時間尚早不過入面既卡位座已經坐無虛席,同男朋友安排到坐吧枱, 一邊食野一邊可以望住師傳切魚生感覺都唔錯!天丼🍚價錢由$160-$250不等黎得呢度當然食返個勁野試下佢地個水準😁叫左一個豪華「五代目天丼」另外單點左幾個「一品料理」。雲丹豆腐 $80鮮橙色既海膽放滿豆腐面, 食落鮮甜一d腥味都冇, 日本冷豆腐質感明顯比香港既豆腐實淨得多而且食落好細滑. 煮東風螺 $60東風螺size都算大隻不過份量唔算太多, 食落成粒肉都好鮮甜可口而且煮得好入味! 入味得黎又不失原有既彈牙口感, 好食!燒牛舌 $80牛舌處理得幾好, 有口感而且師傅燒得一d都唔干, 咬落牛舌juic,y咬落有咀嚼感但唔會太un簡單以黑椒燒成再配檸檬汁就可以吊起牛舌既味道, 如果客人覺得味道有d啖

今晚，朋友帶我去食日本嘢，聽講係大阪有名的天婦羅名店。地方唔大，餐具就好靚。朋友點左一個刺身拼盤$280，有三文魚、帶子、海膽、甜蝦和油金魚五種刺身，每樣有兩件，切得厚身，入口非常鮮甜味美，舔舔脷。我最鍾意煮東風螺$50，螺肉鮮嫩又夠滑，可惜，醬汁唔夠香辣濃郁，有d不足。最後，要左碗迷你野菜烏冬$80，烏冬咬下去十分滑啫啫，麵條有咬口，同雜菜和清甜湯底同吃，比較清淡又唔油膩。不過，烏冬份量少，湯多菜多。

登龍街, 近幾年的別名: 拉麵街, 開了很多間在日本都十分有名的拉麵店, 加上其中兩三棟商業大廈, 都轉型為食店, 正是比傳統的百德新街, 更應該被定為名副其實的食街. 傍晚六時五十分, 夏季的天空, 太陽伯伯還未想回家....店名"秋光"的來頭, 無需花時間再講吧..., 想知?? 網上搜一搜就有了, 又或, 只需看一看之前的食評, 相信十成九都是網上抄來的... 哈哈..., 講得也十分清楚和詳細..., 至於甚麼關東關西特色, 我相信, 這從來都只是經濟影響文化的問題, 就好似中國一樣, 粗枝大葉的北方包點, 皮厚粉硬, 餡料簡單, 而精緻的南方點心, 皮薄軟身, 餡料貴巧, 箇中原因, 都是經濟問題...老實講, 日本如此有名的店, 在港開業, 搵"樓上鋪", 不太合乎效益吧..., 其實, 應該直接開在大街, 又或大型商場, 可以更快速地引起全城注意. 此店位於高層十三樓, 排隊坐電梯, 不算等好耐, 但天氣三十三度的街, 半分鐘已經開始流汗... , 出電梯, 右望, 門口放著現時大多數的高級日本餐廳都有掛出來的"日本產米使用店"的木牌, 這是由某公司發出的認證, 有興趣可

秋光是日本淺草的名店，近月落戶銅鑼灣，為大家獻上有名的天婦羅料理，當然不少得最馳名的天丼。餐廳地方不算很大，座位密度略高。裝潢是簡約的和式設計，正前方是半開放式廚房及刺身吧枱。雖然廚房主要製作天婦羅食品，店中不太覺有油煙味，抽風系統做得不錯。第一次到訪名店，固然要以最馳名的天丼作目標。視乎天婦羅的款式與份量，各天丼的定價由百餘元至二百餘元不等。隨天丼另附上前菜、沙律、湯、生果及飲品。前菜是醃漬魚乾，屬味道濃甜的小吃。相比之下，胡麻野菜沙律食感來得清爽輕盈，尤其適合伴上緊接而來的天婦羅丼。這客五代目天婦羅丼是鎮店名物，內含七款廚師精選食材。單看賣相，已覺得份量十足，火氣騰騰！秋光的天婦羅屬較重味的關東煮法，用油較香，炸漿外層較厚。這種製法的好處當然是將炸物的搶口度極盡提升，而鬆厚金衣亦帶來更明顯的酥脆口感。這幾款天婦羅普遍拿揑到關東煮法的優勢，控油方面亦算合理。不過，一次過吃太多還是難免會有膩感呢！細意品嚐每一件天婦羅，先吃人氣最高的海老，選料新鮮蝦香足，肉質結實。多春魚選材比較細條，略帶微微苦澀味，只屬一般。櫻花蝦餅製作厚身，鹹香脆感甚濃。子持昆布是頗特別的食材，以依附在昆布表面的魚卵

灣仔食午飯來來去去嗰幾間，今日轉戰銅鑼灣。登龍街一帶食肆多的是，最方便。多選擇又有煩惱了，不知食咩好。好彩同事有主見，要去食日式炸物。一間主打日式炸物的餐廳在商業大廈內，裝潢一般日式設計，店員數目頗多，大約計算過有9人之多，相信服務速度一定不會馬夫。五代目天婦羅定食廚師精選七款時令食材，所謂不時不食喔！有蝦，鰻魚，多春魚，子持昆布，鰻魚骨，南瓜和櫻花蝦。蝦永遠是天婦羅中的主角。起碼5-6吋長，炸漿不是太厚剛剛好，有鬆化度，不膩喉。鰻魚長過我手掌，凈係食佢已飽了一半。外表酥脆與內裡嫰滑的對比，太棒了。多春魚有點失望，魚春位比較苦，整條失色了。子持昆布非常特別，嚼落煙煙靱靱有彈性，原來是魚皃產卵在昆布上形成的，真係唔講唔知，好有趣。鰻魚骨口感似成蝦條薯片之類，脆卜卜，用來佐酒一流。南瓜不用多說，香糯的南瓜味我最鐘意。櫻花蝦餅有點似食魚餅，有質感有口感。套餐可跟烏冬，蕎麥麵或白飯。稻庭烏冬，香滑幼細，昆布湯底清甜美味。食過一餐美味午飯過後要回公司繼續努力吧！

下町天丼 秋光是日本淺草的名店，現在由EN Group帶他打進香港市場，闖入銅鑼灣，恕我孤陋寡聞，實在未聽過下町天丼 秋光的威水史，也未有機會可以再到日本一趟。既然都闖入香港，不如就先試銅鑼灣店的吧。聽說淺草的下町天丼秋光店曾經獲得全國天丼金牌，而今年也陸續在亞洲不同地點「插旗」，如馬來西亞、台灣、新加坡等等。而香港店也會沿用淺草店的製作秘方，材料如蛋、粉漿都是來自日本，務求做到一模一樣，讓客人如同在淺草般的美味。而他們的天丼也有不同的組合，$160-250不等，跟朋友簡簡單單來個天丼定食女性におすすめ($160)。説到天婦羅是本店的主打，天婦羅鋪在白飯之上，仔細一看天婦羅有海老、鰻魚，蔬菜有蕃薯，天婦羅都撐到在碗外，這樣挺有看頭的。淺草的天婦羅風格混合使用沙律油及麻油，天婦羅的味道特別的香，同時也可以帶走腥味。而且在炸時用了蛋漿，跟平時的天婦羅比較厚粉，不過吃起來夠酥脆，不算太大負荷感，容易入口。蝦的鮮味非常出眾，在天婦羅的麵衣內突圍而出。而旁邊的鰻魚也不是相當有鮮味，整體上的天婦羅做得不錯。我對他們的和風卷蛋小失望，因為呈上時不是新鮮熱辣，有種冷掉的感覺。另一原因是玉子蛋太深入民心

早在五月尾時得知日本淺草天婦羅專門店『下町天丼秋光』六月在香港銅鑼灣開設分店, 感到非常開心, 因為佢地在2015年在日本全國天丼大賞中矛勇奪金賞. 早前終於有機會一試佢地的天婦羅.在店的門口, 見到掛上, 代表這裡的米是採用來自日本的米.店內的座位不算好多, 所以最好預早訂位.店內裝修以簡約和風為主.這裡除了天婦羅外,還有刺身, 壽司和小食選擇.來這裡食飯, 我當然是為天婦羅而來.這裡的天婦羅選擇也有不少, 另外, 也有單點, 客人可以因應自己的喜愛而選擇.最後我選了天丼 – 波, 當中包括海鰻一條, 炸小蝦帶子白魚野菜餅一塊, 蝦有兩隻和野菜三款, 貪心的我, 可以一次過試多幾款. 愛食牛舌的我, 見到有燒牛舌, 忍不住要點一客來試下.店員先奉上燒牛舌.賣相精緻.每一塊牛舌大小也差不多, 色澤又靚.這裡的牛舌是厚薄度適中, 入口時牛舌夠濃, 帶點咬口, 肉質夠Juicy, 完全不覺得硬和乾身.單食已經夠味, 若想再突出牛的味道, 可以加一點點鹽作為調味.期待已久的天丼 – 波終於上枱.份量真係幾大份. 見到天婦羅已發現和平日食開的有點不同, 炸粉較深色, 原來當中除了由秋光師傅研發