个園竹語

营业中

休息中

一家大細15人兩張枱包廂，最低消費$5000。食物質素頗高。鐵板小籠包乃鎮店招牌菜，另外黑蒜花膠燒大鱔水準頗高，蟹粉竹笙豆腐石鍋也不錯。其他菜式如蔥油餅，薰蛋，上海粗炒，醉鴿，東坡肉都到位。因為包廂，有資深服務員專心照顧。另外，即叫即製黑豆腐花都值得一試，須30分鐘前訂。

去年來過幾趟个園竹語用餐，不過對老媽來說「个園」就是新餐廳。聽聞「个園」下午茶很不錯已多時，前天終將預謀實現，帶老媽來一試。為什麼要預謀？我的老媽雖不是傳統口味的媽媽，除了不吃生和辣的食物，Pizza、拉麵、牛扒、日式炸雞、漢堡包、意大利菜、斯里蘭卡菜，總之基本上好吃的也能接受，且吃得大樂。問題在於她是一名慳家女，下午茶從不願意花錢，更重要是不願意花我的錢，尷尬的爭付鈔場面經常出現！今趟早協議好了，她便不再囉嗦，可以乖乖地享受食物！下午茶包含兩杯飲品，由於熱生薑蜜暫停，退而求其次要了熱柚子蜜，還備有凍低糖豆漿和橙汁供選擇。下午茶的八款點心以別緻的中式兩層盒盛載，極為配合「个園」淮揚菜的格調！下午茶的內容又豈止八款點心，先來這道非常好吃的黑松露帶子燉蛋，除了美味、更隱隱透露出「个園」非一般的功架！心明愈簡單愈難做得好的道理！入口燉蛋非常的滑溜，滿滿高湯與酒香在嘴巴內盤旋，調味溫和不過火，加上嫩滑的帶子點綴，令人不其然掛上滿足的笑容，而且每人一碟的份量也不少啊！回到盒子裡的點心，以鹹點比重居多，甜點只僅佔兩款，可能對喜甜的朋友，難免有點不夠喉！上層：鎮江餚肉。黑松露燻溏心蛋。蜜汁脆鱔。 陳

有幸book到AE信用卡買二送二蟹宴，終於有機會帶屋企人黎試下呢間餐廳呢個係餐單，每位食客仲送AE行李牌一個最先上既係前菜，4樣都好食，最想encore 絕對係蜜汁脆鱔，炸到脆卜卜撈左糖醋汁，好好食燉湯正常發揮，好飲之後上左蟹粉蝦球，蝦都大粒少少彈牙，蟹粉醬汁有鹹鮮味，但食多兩啖感覺偏鹹，送飯會好D由於大閘蟹未蒸好，先上左蟹粉獅子頭，但係老實講有D失望，點解？因為個汁同上面個蟹粉蝦球一模一樣，一樣偏鹹，而且以菜單編排上兩個菜用同一個汁，唔係好有誠意大閘蟹係公蟹，菜單寫保證5兩半到6兩，但當日4位其中有兩隻睇落唔似有5兩半，不過蟹膏多，食得幾滿足椒鹽原條小黃魚，好好食，啖啖肉，魚魚皮位置煎/炸得好酥脆，魚骨部分都有些少脆，魚調味又唔會過鹹，可以唔需要送飯食，推薦蟹粉小籠包推薦，皮薄湯多，好好食最後上埋夠薑湯圓，真係好夠辣，對於食左一餐比較寒涼既蟹全餐黎講好適合總結：食物分量都算ok,但係個人認為加一碗面或者飯會比較合適。另外，菜單設計上，兩個菜用同一款醬汁（起碼我食落似係），實在有D失望。但係環境同服務黎講幾好，而最後蟹宴令我喜歡既食物都同蟹無咩關係，不過都推薦大家去試下魚類小菜。

之前試過大閘蟹套餐，今次其他食物～🔸蟹粉拌麵蟹粉同麵分開上菜，一大碗蟹粉配上白麵！一位份量足夠兩位女士使用，蟹粉並唔會油膩，配上陳醋正！🔸蟹粉大湯包蟹粉大包必食之選！服務員會送上飲管，先享用大湯包内鮮甜湯汁，肉汁同蟹汁非常鮮美！鮮肉同蟹粉比例剛好～🔸酸菜肉末（配叉子燒餅）配上叉子燒餅鹹淡適中🔸水煮牛水煮牛有萵筍，芽菜、薯粉配菜。牛肉新鮮，越食越辣越滋味！總括🔹價錢屬於中上，但食物精緻，環境舒適！

呢間小籠包都算皮溥，價錢貴，汁都多，蒸既時間都應該係岩岩好，等得耐，即叫即蒸，師傅都係即日整，唔會放入雪櫃多凍再拿出來，所以肉質都比較新鮮有豬肉香味，人都比較多

朋友生日🎂她說想食呢間首先，餐廳位置好易位就係海港城入面食物方面想讚一下個臭豆腐炸得好脆味道依然有街邊食臭豆腐的臭味但唔會太濃要拎到好近個鼻先聞到。另外，叫咗肉蟹糯米飯肉蟹好好味🤤糯米飯係偏濕偏軟唔係平時我哋食好黐牙，好哽胃嗰一隻口感而且份量好多，呢個唔錯👍酸菜魚，原先餐廳餐牌係東星班但因為賣晒，所以轉了桂花魚呢份酸菜魚內有勁多勁多芽菜😂仲有少量薯粉鋪底味道就不過不失。但個炒豆皮＆牛肉餅真係失望唔好食好彩最好份甜品（酒釀丸子🍡）好好味令到成餐飯有個完美嘅結尾

抓緊大閘蟹尾巴，大閘蟹放題經常見，今次嘗試大閘蟹餐！🔸个語滬式四拼盤拼盤包括（蜜汁脆鱔、糖醋小排骨、四喜烤麩、煙燻糖心蛋）蜜汁脆鱔輕輕掛上蜜糖汁，爽脆清甜；煙燻糖心蛋淡淡燻香，正👍🏻不過糖醋小排骨略嫌有少許硬實，四喜烤麩一般🔸蟹粉蝦球燉蛋蝦球大隻爽口，燉蛋烹調時間剛好，非常鮮嫩，配上蟹粉一流！🔸鮮拆蟹粉燴魚翅真材實料，食到啖啖蟹肉同蟹粉🔸清蒸六両江蘇大閘蟹比較細隻，不過不失，但總感覺坊間買嘅可以更加鮮味～🔸脆皮安格斯牛肉起初諗住平平無奇，點知有驚喜！安格斯牛肉外脆內軟，牛肉軟腍🔸椒鹽原條小黃魚小黃魚酥脆，魚肉鮮嫩🔸蟹粉小籠包皮薄餡靚，蟹肉鮮肉非常鮮味又多汁！最晚之最！🔸紫薯薑茶湯圓薑湯芝麻湯圓，稍為奇怪加上紫薯😅總括🔹餐廳寬敞，環境唔錯。食品質素尚可，不過可能因為套餐關係，所有食物都好似早已準備好，上菜較快，食物溫度亦只是微暖。

🦀又到咗大閘蟹嘅季節，真係好想好想找到一個愛蟹之人一齊食返一餐「蟹🦀️的盛宴」，果然無揀錯，整個套餐完全係非常完美，而且亦係每一道菜都係咁出色，極度滿足🦀.———————————————————————————.《🦀个園大閘蟹套餐 $588》🥢大閘蟹🦀️💬足六両嘅大閘蟹公，真係相當飽滿紮實，又多膏到流油，非常黏糯😋.🥢蜜汁脆鱔。糖醋小排骨。四喜烤麩。黑松露燻溏心蛋💬前菜有四小碟拼盤，脆鱔超級脆仲脆過薯片；小排骨同烤麩非常入味；煙燻溏心蛋係有驚喜，攻陷味蕾同鼻腔😋.🥢蟹粉燴魚翅🦀️💬蟹黃極度濃郁，啖啖魚翅真係好想撈飯食，真心覺得好幸福，超好味😋.🥢脆皮安格斯牛肉🐮💬真心係好少食到，外皮超級脆，濃郁嘅黑椒汁加入肉味香濃嘅安格斯牛肉之中，又一次味蕾嘅衝擊😋.🥢蟹粉蝦球燉蛋🦀🥚💬同樣係被蟹黃一層厚厚咁遮蓋住，中間有一隻彈牙嘅大蝦，非常有咬口，下面係嫩滑嘅燉蛋，十分美好😋.🥢椒鹽小黃魚🐠💬原條上嘅小黃魚已經炸到好香脆，細細條都可以大啖大啖咁咬，乾身唔油而且肉嫩😋🥢蟹粉小籠包🥟💬爆汁嘅情況一定會有，唔需要擔心；蟹黃味道一樣濃，絕無偷工減料，非常鮮甜😋.🥢桂花紫薯薑茶湯丸（位)💬一頓豐富晚餐嘅終結，甜度同

🦀又到食大閘蟹季節，往年都係食鴻X的大閘蟹餐,今年試下新店～个人竹語首先一入門口感覺裝修高級，每個卡座位都好似有獨立房間，感覺高私隱度，環境寬敞燈光柔和🩷。😋食物方面：脆炸黃鱔好好味，安格斯牛肉配上青檸汁，感覺解油膩幾清新。🤩最精彩係蟹粉翅，真正有翅湯的感覺，足料好味道（不是生粉水的羹狀感覺🫢）🦀主角6两大閘蟹，不過不失，幾新鮮。蟹粉小籠包都精彩，好鮮味👍。🥂單點左兩杯白酒，令成餐飯更完美🏅成餐飯最值得讚既係：服務全部食物都係熱呼呼上台的，店員主動殷勤招待，不時用手感覺茶壺有無涼左，會主動換上熱茶，感覺窩心。

10月至11月一向都係大閘蟹盛產嘅季節，聽聞呢間餐廳有一個專係食蟹嘅套餐，所以特登同屋企人過嚟品嚐。第一道菜安格斯牛有驚喜，本身以為佢個外型好似蛋糕但係其實原來係牛，有fuison味下次幾好食，煮得唔錯，亦都食材都還新鮮燉蛋普普通通炸魚屋企人都唔鍾意食最後打咗包。同埋唔明蟹宴入面點解會有一道菜係炸魚終於嚟到主菜，一隻六両重的公蟹大閘蟹。首先佢太細隻我覺得唔似六兩另外就係啲膏都唔夠多，比起我自己再買返嚟食的有些少分別。蟹粉小籠包，普普通通啲皮唔夠簿甜品都普普通通

本來想用OpenRice 訂枱服務，但不知道餐廳沒有這個服務！只可以打電話！由昨天打電話到今日都是沒有人接聽也沒有留言服務，心想是不是關門大吉！特別走到餐廳去看看，一個服務員像新手問我訂位時間，另外有一位高級一點的說等她幫我，然後我跟她說打了很久也沒有有人接電話，接著我說想訂位日子，她已經跟我說接電話只有一個人所以很忙接不到電話，跟著說所有booking 已滿！態度像我餐廳好忙好忙！是客人不對！餐廳是否應提醒工作人員加多一點禮貌呢？

昨天到个園吃大閘蟹餐，我喜歡它的菜單，優質食材不花巧。我會俾90分，如前菜和甜品/薑茶花多一點心思就滿分。環境寬敞舒適，上菜節奏控制得宜，服務也舒服週到。个園滬式四拼盤，不錯不是凍冰冰的。 蜜汁脆鱔: 蜜汁份量剛剛好，脆鱔是鬆脆的沒有腥味 糖醋小排骨: 是拼盤最弱的一款，沒有任何特別，入口ok 四喜烤麩: 烤麩軟糯，我喜歡有點温温的，調味剛好不油 個園煙燻溏心蛋: 煙燻味夠香蟹粉蝦球燉蛋: 蝦球又大又爽，蟹粉配燉蛋很夾，如燉蛋可以更嫩滑一些更好。鮮拆蟹粉燴魚翅: 滿滿是魚翅，可以夾起來吃的。蟹粉足，味道鮮，沒有味精👍🏻清蒸江蘇大閘蟹: 足六兩全是爆膏蟹公！脆皮安格斯牛肉: 是個園招牌菜，必吃！外皮薄脆，內𥚃鬆軟，紋理明顯是一層肥一層肉的好夠牛肉味。伴菜也夠淋椒鹽原條小黃魚: 非常新鮮，炸得剛剛好，外面好脆，魚肉鮮嫩蟹粉小籠包: 外皮薄又，餡料足多汁紫薯薑茶湯圓: 薑湯夠辣但欠薑味。吃蟹要喝薑茶，如可提供更多更熱的慢慢喝就好了。

我哋叫咗大閘蟹套餐，環境幾靚，不過上菜好急，一坐底一陣間已經不停上，擺到成枱都係，跟住事唔好咁急上晒啲嘢食，佢哋先慢慢上。嘢食中規中矩，價錢偏貴。服務態度幾好。我諗下次再嚟食唔會叫套餐。

多數寫得食評，一係就係間餐廳好差，一係就係間餐廳超好，真心覺得呢間餐廳好好今日同朋友慶祝生日，到場後選擇了食大閘蟹套餐588一位 由於需要$200切餅費，所以多叫兩個壽包25一個兩個起叫當慶祝兩條友食到好飽,食物質素很好,而且服務質素亦都好好。裝修嘅位置好多都以小包間嘅形式，好有私隱嘅感覺。其中蟹粉小籠包簡直必定要叫，因為真係好足料！無論係慶祝生日，請客食飯，同朋友聚會，必定要選擇呢間餐廳。整體感覺非常好。

中秋節好想同朋友食返餐靚中餐，咁啱有海港城coupon 於是就搵咗呢間餐廳，不過太full book我哋walk in碰吓運氣🥰好彩有枱，不過用餐時間限時90分鐘，都跟得緊㗎個時間，要傾偈嘅就要就住啦🤭餐廳環境好古典優雅，亦都好有私隱度，間隔好好，可以同朋友開心Chit chat🫶🏼鎮江餚肉🥢可以話係上海餐廳必點嘅前菜😍層層分明，啫哩肉凍好鮮味石鍋竹笙蟹粉嫩豆腐🦀超鍾意食豆腐，呢度嘅豆腐都好滑好嫩🤤唔會有太多調味，就係食蟹粉嘅鮮味🥰鐵板上的小籠包🥟多湯！湯包皮薄香脆😍小籠包包得好實，唔使擔心夾起嘅時候會整穿個皮😍高力豆沙香蕉🍌鬆軟嘅口感，入口即化，高力豆沙就係要梳乎梳乎感🥰不過覺得香蕉味唔夠濃😂距離90分鐘時限15分鐘就有侍應幫我哋埋單😆因為有coupon 我哋一枱3人總共可以減$300，人均$200有找，物有所值呢！總括而言，從環境、食物質素、服務，都係一間中上嘅餐廳，值得一試呢！