丸亀製麵 (太古城中心) (已搬遷) 新店位置

老公同我叫既唔同鋪頭, 佢就試呢間丸亀製麵大家試唔同野先可以咩都試下~~食多D丫嘛個鋪唔係好大, 不過醒在買烏冬之餘... 仲可以真係好似日本咁一路排隊一路揀小食٩(◦`꒳´◦)۶老公叫左個烏冬加左樣小食, 好似好好味喎老公唔食得西蘭花, 所以Ignore左...湯底都幾好味豬軟骨都ok淋, 唔會太硬咬爛牙=口=...都幾好味不過烏冬份量可以多d...有人大食唔夠飽啦....~~~~~~(´_ゝ`)隔離舊炸魚係另外叫既都唔係話好貴望落好似好大件咁! 老公話似炸雞....雞, 全部都係雞?! 咁其實味道都ok既, 唔會話得舊粉囉.......埋單約$60下次可以試下其款!!~ ^^

到目前為止最令我記得，最有印象嘅烏冬是第一次到日本時所食的小店，那間小店並不是什麼什麼出名的店鋪，亦不是味道很出眾。但為何我這麼刻骨銘心呢？我相信係拒嘅風味。我所講嘅呢間烏冬店位於一個小巷內，店是長方型的，入面像吧台一樣，並列而坐，全家只有老闆一日，站在長枱內忙碌的製作著。店所做的是本地人生意，早上人特別多，每一個早上都人來人往，吃嘅人匆匆嘅進去亦匆匆嘅離去，價錢只是港幣10多元一碗。它沒有亮麗嘅樣貌，沒有高雅嘅餐具，也沒有寬敞嘅地方，有嘅只係日本人嘅情懷。香港呢間日式嘅麵店，令我記起了它。無論型式，價錢，味道都十分相似。店是以自助嘅型式為主，首先選了自己喜歡吃嘅味道，然後跟店員說，店員便會立刻為你製作。取餐後，旁邊會有一些炸物以自助嘅型式選擇，每種價錢不過是幾元起，十分化算。另外還有飲品可供選擇。完成整個過程後，最尾嘅位置店員會為你結算。然後自己找位置坐便可以了。我到嘅時候是下午茶時間，它們有些特惠嘅套餐，都不過20多元。我選了溫泉蛋湯烏冬，25元。滑嘟嘟嘅溫泉蛋，中間流心狀態，食嘅時候要小心的用湯匙盛著，再慢慢放進口，才能感受到拒嘅特別。烏冬坦白說不是我口味，不是爽口彈牙嘅類型，稍

同媽子今日中午去太古城行街街,行到甘上下去food count 8 下有咩價廉物美好野食,見到丸亀製麵, 睇上去個menu d價錢算係甘wor,$4x 有個飯或者烏冬, 荼記都唔止呢個價啦 !好! 就一於試下 !麻醬牛肉烏冬(左) 味道不錯, 鳥冬麵質爽口彈牙, 份量很少!媽媽食完完全唔夠飽 ! 咖哩牛肉飯(右)咖哩不是辛味的那種, 醬汁豐富, 最o岩丫鍾意飯撈汁既我!份量很少之餘牛肉份量係極少!!!今次到我食完完全唔夠飽 !!!! 吾...都有下次既, 總括黎講野食係好食 , 但下次2個人應該叫3個好D!可能係媽媽同我一樣大食掛!! 

打工仔lunch搵食記呢日去左食food court,大家一致選擇丸亀製麵, 因為食過都知佢既烏冬好出色,同日本食既一樣今次簡左冷烏冬. 非常彈牙.我諗都算係少有香港人願意俾幾廿蚊單食個素麵而仲讚不絕口既選擇因為簡單既食物要做得好,而且水準一直保持,都真係好難得今次仲試埋飯團同平時食開紫菜仲脆卜卜既唔同,d紫菜林晒,有小小失望不過調味做得唔錯,當計味道都好食既

太古apita 的food court內想不到竟然有<丸龜製麵>呢間在日本有名堂既烏冬麵店。此店烏冬是來自讚岐縣，烏冬麵最有名的產地。個人好喜愛日本既烏冬麵，之前都食過一次，這天lunch 又去尋回日本烏冬味道！店舖採取自助形式，先點烏冬款式，每款烏冬麵均是即叫即煮，但是也不用等很久，就可以到下一步選配菜小食，隨個人喜好配搭屬於自己的口味。麵還可以追加配料。我點了：溫泉蛋湯烏冬$38用鏗魚加醬油調製湯底，帶點甜甜鹹鹹的又有些魚香味。主角烏冬麵質滑流，個人喜歡這個粗幼度，有咬口，唔硬又唔會太腍麵上的天婦羅炸碎及蔥花自己落的，可以帶出湯底既清香。而溫泉蛋感覺味道不是日本吃的那種，可能是蛋不是來自日本吧。但是做法都係流心，蛋黃流出加上烏冬麵吃又是另一番風味！配菜點了：天婦羅茄子：熱辣辣，足料夠大條，要讚個外層炸漿好鬆脆！而茄子夠香甜多汁，外脆內juicy , 分分鐘唔記得係食緊炸物，推介！仲有：野菜魚餅$13呢個亦係這裡必點小食，份量都幾大條，魚肉餅實肉好彈牙又夠滑，魚餅外面煎至金黃剛剛好！ 自己加左鏗魚醬汁，都算係重點，食落更豐富惹味！小食天婦羅等有驚喜！ Re姐推介指數：

每個月總有幾日想食得清淡D，通常我都會選擇食烏冬。今次就去左APITA FOOD COURT既丸龜製麵丸龜製麵係來自日本既連鎖食店，感覺上味道都有D保證。ORDER既方式都係比較自助，首先叫左個烏冬先。烏冬都有好多選擇 超過十個，想清淡D可以叫清湯烏冬，釜揚烏冬，濃味D有咖喱烏冬，醬油烏冬，總有一款啱你（除非你係唔食烏冬）叫完烏冬就可以自選配菜，配菜係一個一個咁計錢既，多數都係天婦羅，有雞有蝦有蔬菜。唔怕太齌都可以只食烏冬既。之後就可以去俾錢，俾完錢旁邊有個自助既加料既地方。可以任你加豉油，蔥，天婦羅脆片等等⋯⋯我今次就叫左個釜揚烏冬（大）＄35烏冬好彈牙！正！本身木桶內既湯比較清淡。但佢會提供一個醬汁俾你點。所有怕太清淡既人都唔洗怕太清淡。加埋D蔥，天婦羅脆片，正！唯一要講最唔好既地方就係⋯⋯FOOD COURT搵位真係好麻煩

剛開始時，我一星期都食2次。喜愛牛烏東加炸雞塊。但不知如何，和樓上那位朋友說的一樣，D烏東越食越咸 。每次食完，條脷總會"回咸"幾小時，久而久之，真係腎病都會有。炸雞塊  (和其它炸物)，都係凍冰冰，個炸粉皮淋淋地。和以前真係差好遠了。我見過佢地送貨，佢地D烏東用卡盒運泥，盒面寫係國內做，可能佢地唔再自家製了！

丸龜製麵是間來自日本的連鎖店，主售烏冬麵食。 創辦人粟田貴先生的父親岀生於丸龜市，當地人以讚岐烏冬為主食，因此用此為概念創立了 丸龜製麵。丸龜製麵有售不同種類的烏冬，如清湯烏冬，釜揚烏冬等等，香港店的經營模式和日本很多麵食店經營模式相似。先選了想吃的烏冬底(分中及大size)，再因應個人喜好另加toppings如味玉，蘿蔔蓉等，經過收銀處途中，還有不同天婦羅，炸物，及飯團可選。Bagel選了中的醬油烏冬$29，再另加了明太子$7,南瓜天婦羅$10，total $46.烏冬麵底口感也屬彈牙具韌度，不會像一般餐店吃的烏冬粉感重(遇過最差的情況是吃到有酸味)。 可惜醬油湯底本身已經有一定咸度，以明太子本來也是重咸味的食品，加起來就咸上加咸，吃完要急急腳去買飲品飲才能解掉其咸度。至於南瓜天婦羅，雖然不是即叫即炸的，但吃時還帶微暖，一件的份量也算大塊，粉漿不會太厚，先是微微的脆感，其後則是南瓜的甜味及綿腍感。總結，份量對女生來說還算足夠，味道屬不過不失，加上在太古一帶的餐店來說，這兒的格價已屬便宜的了，在附近上班的孩子一試也無防。

第一次食呢間烏冬面快餐店，叫咗個腐皮烏冬。四十幾蚊一個餐下包飲品我覺得個價錢都幾貴。但系個烏冬食落去都幾彈牙，個腐皮甜甜地幾得意，份量都幾大！唯獨是呢度比較難搵位！

兩年前的秋冬，小弟第一次到日本，在京都見證了滿山紅葉的盛放。 在去之前， 已搜了日本的<丸龜製麵>的評價是又便宜又好吃。 不過因為時間關係，最終沒有如願。其實在年多前，已得知<丸龜 > 已來港開業。 偏偏在曾經經過很多次門口想進入時， 都因為信心不足而卻步。 (因為在此之前已嘗過幾間主打烏冬的日式食店(其中一間在APM) , 發覺都不過爾爾。)幸好，今天終於忍不住入去試了。點了 熱牛肉牛蒡烏冬， 只是區區的$39 . 味道不得了， 滑滑的烏冬配著香口的醬汁，加上任加的葱花，炸蒜 和薑絲 , 成就了一碗渾然天成的完美麵食， 配著天婦羅吃， "好好味呀！！

放工後想不到食什麼，老婆提議到太古逛商場解暑，便找找該區有什麼食肆，見到此店的冷烏冬，便決定前往。到後找了一圈，才發現原來在Food Court內。 點了兩碗 -- 冷烏冬(大) 和腐皮湯烏冬(大)，另夾了四款炸物。店家的烏冬麵質感一流，冷烏冬配上自己加入蔥花和薑蓉的淡醬油沾汁，清爽且冰涼，是大熱天的完美伙伴 ，不過本人卻覺得過硬了一點，老婆卻認為剛剛好。熱烏冬相比冷的則較軟熟但卻不會糊爛，更有一般澱粉的香甜味；而腐皮已先用黑糖醬汁煮透，加上清香的木魚湯，又是一碗令人歡喜的麵條。店家的炸物尚算即炸即賣，七八款中我們挑選了竹輪、胡麻雞柳、野菜魷魚和炸海老(蝦)，因為有$20兩件的炸物優惠，本身每件約$13至$15左右。老實說，只有剛出爐的雞柳較好，用的是腿肉，口感彈牙而且有肉汁，好吃。其餘三款，竹輪只有半邊而且口感像粉團，蝦肉彈牙但炸皮太厚，炸魷魚板太鬆缺乏嚼勁，所以下次不要也罷。 總結，以快餐式烏冬來說，一人浪漫或夫婦簡餐的平靚正之選。

每次去太古城，如果手頭較緊就會選擇這家的烏冬，因為價錢不貴，30元已經可以吃到一個烏冬這次嘗試的是明太溫泉蛋伴烏冬，一向喜歡明太子和溫泉蛋，當然會選這款烏冬！不過“撈匀“後，明太子和溫泉蛋味消失了，可能我加了太多醬油？？所以有點失望，而且烏冬也有點硬下次還是吃湯烏冬好了

烏冬店不多,呢度水準不差,只係自助式服務比較灰.明太子烏冬係今次既目標,配料就只有咸咸地既明太子和溫泉蛋,加大量蔥花和豉油後,夾著煙韌又涼快既烏冬,極速食光光炸物新鮮炸出來,難食極有限.不過呢個FOOD COURT幾多昆蟲飛來飛去,影響食慾

I almost feel compelled to write this as I've tried Marugame Seimen elsewhere (notably, Isquare) and it's actually pretty good value-for-money.  Unfortunately, the Tai koo branch staff are clearly not up to par.I visited on a Friday afternoon around 2:30pm (work in the area and this is the best time to beat the lunch crowd) and Marugame has after 2:30pm some off-peak hour offers according to colleagues. These include free soft drink if you buy regular price udon or there are two types of udon on

很久沒有很烏冬了，所以今天去了丸龜製麵叫了這個明太子溫泉蛋伴烏冬。在服務方面，店員即叫即製，等候時間很短，而且付款後還有個地方讓顧客自由添加豉油，蔥花，薑蓉，天婦羅脆片等配料，十分貼心。在烏冬方面，麵質十分彈牙爽口，而且能鎖住豉油，做得十分出色。在溫泉蛋方面，不是過生或過熟，同樣都是煮得剛剛好。明太子則份量適中，而且不會太咸，味道控制得很好。總括而言，這個烏冬味道的確不錯，即使49元有點貴，但都是值得考慮的。