丸亀製麵 (iSQUARE國際廣場)

营业中

休息中

其實很久前也來過一次 ^^這次再來是因為有朋友沒吃過~所以再陪他來吃。不過...除了看到有增加的咖哩烏冬和關東煮以外，其他的炸物也是沒有更新過。我們都是點了有溫泉蛋的烏冬 因為溫泉蛋確實是不錯的~有位朋友則是點了明太子撈烏冬 ^^(〃'▽'〃) 因為有明太子的關係~烏冬的味道剛剛好~~炸物的話握介這兩款 - 紫菜魷魚 和 炸雞粒 特別是紫菜魷魚 -w- 這個很易入口~ 而且有啖啖的紫菜味道不錯的~

我仲記得丸亀最初開既時候, 我係因為睇到日本電視節目介紹話佢D烏冬好味所以同朋友去食過一次, 果次都覺得幾OK好食但之後發覺大角咀果邊都有間烏冬好好食, 跟住就冇再去過丸亀喇我見好耐冇食過, 走去食下啦, 點知 ...烏冬好"林", 完全唔爽口彈牙揀左3件天婦羅, 凍既 雖然魷魚個味道都唔算差, 但係整體就越食越扣分其實份量唔算好多, 但係唔知點解覺得好油膩一食完即時成個人吽左我諗我暫時唔會再去喇

茄牛呢個必勝組合，估唔到係丸龜都食得到。番茄牛肉烏冬 -- 好食!! 茄湯酸酸地好開胃，牛肉都好入味! 烏冬煙煙勒勒，同個湯好夾! 天寒地凍，好0岩食呢!另外點左海苔魷魚+天婦羅南瓜，兩樣都係0岩0岩炸起，脆脆好食! 海苔魷魚最like，用來送酒都唔錯!!

之前聽日本朋友講過呢間好好味, 於是今次黎到就試下. 點知好失望.首先係自助既, 拿完你想要既野就俾錢同搵位坐. 所以搵定位先會好D.有純烏冬, 有其他, 我揀左溫泉蛋烏冬, 心諗溫泉蛋應該超正, 點知中左伏……個樣算討好首先佢係唔知邊度就咁拿左隻蛋出黎, 唔熱又唔凍咁, 又無蛋汁味, 烏冬更是令我心碎失望, 既唔爽又唔彈牙. D湯係普通有D咸既鼓油味….第一次出街食飯食左一啖係唔上食落去…

店舖十分有趣，用先點餐，後入座方式似係香港嘅車仔麵店，不過係現場製烏冬，即場煮麵有好多款湯底選擇，望左成分鐘都唔知點好結果聽侍應介紹，試下番茄湯底啦番茄湯底嘅烏冬，唔係話好濃味，清清地分量都唔小，望落好似唔係好大碗但係可能係烏冬飽肚彈牙的烏冬好吸引除了烏冬外，可以另外加天婦羅，我就叫左蕃薯同茄子，都好好味

門口位係自助點餐先俾錢，餐具凍水全自助同日本好似咖喱烏冬啲烏冬超彈牙好好味，咖喱又好香少少辣，仲有小小肉包埋。大既烏冬係個半烏冬絕對夠飽。食得辣既不妨試下。至於個天婦羅幾失望，唔知係咪因為唔係新鮮整起，個皮係淋既。以日本野炸物真係唔多得

這次的午餐是男朋友同我慶祝生日而設的，他知道我一向都喜歡食烏冬同拉麵，所以今次帶我去試下這間烏冬，去到一睇店舖名，就覺得好特別。我叫了一個溫泉蛋烏冬，加一個炒豚肉。拎住托盤行去同師傅講想食什麼烏冬，好快就望住他煮好碗烏冬，拎住碗繼續係counter睇下有無想食的天婦羅，飲品，最後就可以去俾錢。之後去自助調味料區，個度有個牌掛係上面，講解不同的調味料，有薑、蔥、芝麻、鰹魚醬油、天婦羅碎等等。我照牌的拍示，係烏冬上加了三湯匙的鰹魚醬油，天婦羅碎。自己去搵一個舒服的位，把溫泉蛋同鰹魚醬油混合在一起，咬一口讚岐烏冬，真係好煙韌彈牙，加少少天婦羅碎，好脆，好好食，特別鰹魚醬油把成碗烏冬的味道提升。另外炒豚肉比較乾同多油，所以把豚肉點一點烏冬汁先比較易入口。男朋友選了牛肉烏冬加飯糰，隻蛋太熟，牛肉都OK，飯糰入面的飯好入味，應該係飯入面加了醬汁，所以不用出面加豉油。但飯糰不是太大，十幾蚊件覺得唔太平宜。店舖內外都有指示指引顧客特別的點餐方法不過估唔到中size的烏冬都咁大碗，至少食得飽，而且都只是$40-50一碗烏冬，係尖沙咀未必可以咁平食到個午餐~同埋都好小機會會係自己去取餐，餐具，水都係自取的

由於太座太喜愛”烏冬” 有烏冬在尖咀而且是從日本專程將整套系統運作拿過來給我們試,豈能不去一試一下, 難得的是她沒有將價格定於高位, 只是從一個大家比較容易接受的位置開始,其實真的不容易去維持尤其在高昂租金的香港,烏冬質感較有彈牙口感尤其是即煮即食, 因為我叫的”溫泉蛋烏冬”就是此種即煮烏冬, 而另一種先行稍為煮一下到有柯打來時再番煮埋其餘的時間,太座吃的那個”明太子玉子烏冬”正是那一種,可能因為放了一段時間, 口感方面同即煮的比較稍為淋番少少, 沒那種”趙勁”, 但又不致於很差勁, 溫泉蛋都OK, 明太子如果多一點會更合理(份量上) 但當然明白如果要取一個平均的價位絕不是件易事, 湯汁可能因為關係到成本, 個人認為太少了,炸天婦羅可能不太適合這樣炸定等人買,可惜的還有店方沒有安排蘿蔔茸在醬油內!為何不付上可能是控制成本, 亦可能是師傅認為有或者無唔影響任何效果, 不過本人認為有分別! 而腐皮壽司其實唔易做得好,可惜好多人都看扁它,希望下次再來還能看到她在這商場及有所進步

前晚九點鐘睇完戲，一心到來想試下佢，整間舖大約五成滿叫左兩個清湯烏冬，另加紫菜蛋漿炸魷魚粒一客野食ok，最好食係紫菜蛋漿炸魷魚粒~但整體上略嫌貴，性價比不算高

佢地的烏冬同飯分開中同大, 可以選擇, 除非你係大胃王, 一般女生揀中已經夠飽~~~ 佢地主打係天婦羅, 有蔬菜天婦羅, 好似個拳頭咁大, 好想試~, 有炸蝦, 炸雞, 南瓜,蕃薯, 等, 仲有飯團可供選擇形式就似車仔麵店, 先點個烏冬(有6-7款) , 之後就自己夾想要的餸, 最後就付款 , 比完錢就可以再自行加醬油, 蔥, 天婦羅碎等等....  我試了以下的東西...醬油烏冬(中), 加一件南瓜天婦羅, 加一件炸雞, 大約47蚊.... 味道, 因為是冷烏冬, 所個醬油好重要, 味道不是太差, 而且d 蔥同天婦羅炸碎碎係自己加, 所以食得好開心, 本來我想要蔬菜天婦羅, 不過排到我時就比人夾晒, 我又唔知可唔可係度等, 所以就決定去食炸雞... 好啦, 佢地天婦羅醬汁, 佢地d 汁唔係外面果d 稀稀的汁, 佢地d 比較濃同埋鹹, 唔好落太多, 南瓜炸得幾好, 唔太油同埋都脆卜卜... 炸雞就麻麻地啦... 好油同埋, 唔夠熱........ 唔係太吸引~~~餐廳座位幾舒服, 而且通風做唔錯, 唔會有太大陣食物油煙味

今日去開尖沙嘴. 無咩想食. 於是走上I-SQUARE. 都係毫無頭緒. 以前食開個間日本野執佐. 因為間野50-60蚊有套餐. 食過兩次OK. 點知今次再去唔見左.呢間係類似快餐店. 得幾個選擇. 唔係豬軟骨烏冬就係咖哩飯. 咁我就兩個都叫佐. 食完覺得咁既價錢. 當食快餐OK. 份量足夠. 而咖哩辣度又夠. 本來無咩挑剔.最差都係服務. 唔知係咪怕人霸住張臺唔走. 死都要人買完野至準入去坐低. 如果人地攞好多野咪好唔方便囉. 我食野個日已經有人鬧D職員. 真係想多D人食野好心靈活D啦. 你將D未買野既潛在客人趕走曬係咪好過癮?

記得年初喺openrice度睇過編報導，介紹「丸亀製麵」獨有o既流心天婦羅蛋，其實一路都想去試，無奈小肥極少過海，所以一拖再拖，結果要等到表妹約去紅館睇天生歌姬A-Lin o既演唱會，小肥表哥先終於有籍口去一嚐此道「炸蛋」 ！唔過九龍真係唔知道原來iSQUARE咁方便，同地鐡站可稱得上為連體嬰；商場又有升降機由地鐡嗰層上餐廳，真係慳返唔少時間同腳骨力 ！一早知道黎「丸亀製麵」要排隊，小肥好醒目地早幾日就打定電話問服務生咩時間幫襯唔洗排咁耐 。哥仔好爽快地答我六點左右啦，所以當日我地兩老表六點半前到。一邊排隊，一邊諗食乜，時間好快就過；哈哈，其實都係等咗大概五分鐘！同師傅仔落完單，攞完碗麵，自選不同天婦羅菜式，付款，需時都係差不多五分鐘。可能因為早，搵位都唔係一個問題，小肥只係嫌座位以及餐桌太細，活動空間太少，肥肥家族絕對唔可以一齊黎囉 。麵檔無論係煮食counter，天婦羅部，或者係座位都打理得頗為乾淨企理。以快餐店黎講，收銀哥哥，煮麵師傅們，及清潔嬸嬸，所有員工o既態度都算友善，咁忙都唔會話黑面，而且仲有心機講解落單流程，XO仔覺得好合格架啦 ！至於食物方面： 醬油蘿蔔茸

在iSquare看完戲已差不多十點，隨意地走進這家烏冬店。這種日式自助烏冬店的格局，即時令我想起我第一次去東京旅行時，跟著旅遊書去吃，被騙吃了東京麵通団。東京麵通団不是難吃，只是所有天婦羅都是非常冷冰冰的。好吧，試試香港的！估不到烏冬種類選擇如此多，我就選了溫泉蛋烏冬和咖喱烏冬。可是十點這個時候，大部份天婦羅盤都是吉的，沒太多選擇，最後兩隻海老天婦羅跟排前面的顧客，各搶了一隻。店員說可以另order天婦羅的，他們會再弄些出來，很累的我沒有order了，夾多一件茄子算了。雖然是讃岐烏冬，但麵質不夠煙韌，醬汁湯底比較咸，但撈埋溫泉蛋的蛋黃就剛剛好。海老天婦羅有正常日式餐廳水準，$13蚊一只來說是很好的了。另外，淨咖喱烏冬，是偏甜而完全不辣的日式咖喱，味道OK，但如果再熱些會更好，同樣也是烏冬不夠煙韌。 跟日本的一樣有返却口！但香港人都是等阿姐收拾餐盤吧～走的時候才有新鮮炸好的海苔魷魚天婦羅，很想吃！總括而言，在iSquare可以做到這麼平民的價錢，環境舒適，食物又不差，已是很好！但我對烏冬要求高一點，真的想要煙韌一點，下次試試點餐時要求吧～

The first time I encountered Marugame Udon was in Takamatsu, where Marugame is based I believe, many years ago.  I was impressed by its quality, transparency, cleanliness and low price (it is cheaper in Japan than in HK). When it opened its first store in HK last year, I was glad that it finally came to town.The keys of this store are its udon and soup but not the tempura I feel. I am not saying that the tempura is not good (especially factored in the price), just that they are not as outstandin

今日同朋友睇完戲，盲摸摸就黎左呢間試下，大家都係溫泉玉子伴烏冬(一個有明太子一個冇), 另外再加海苔魷魚天婦羅同蕃薯天婦羅。始終依度烏冬係主打，真係要講下烏冬..我地兩個烏冬都係要熱，但係感覺上只係室溫，可能係撈烏冬既關係掛，所以可接受，但味道就真係麻麻地，正確呢講應該係無咩味，而且感覺上好乾，撈埋D料(溫泉蛋&明太子) 感覺上仲有”溜”既感覺，我地食完只係覺得飽，但冇滿足感sosad T_T不過喺TST呢講價錢係平既~~~=]