久久

营业中

休息中

之前諗唔到食咩好，咁啱就俾我發現咗呢一間喺中環街市新開的台灣菜，見佢新開梗係要試吓啦🤩他們的款式選擇也很多，選擇困難症的我都揀咗好耐先決定好食咩🫣鹽酥雞滷肉飯 $58 推薦指數🗯️：🌟🌟🌟鹽酥雞的份量不少，不過就炸得有少少乾身，但食落都不會太柴，所以還不錯；不過滷肉飯就一般般，他們的滷肉偏乾，而且比較瘦，沒有滷肉飯獨有嗰種油香味，配上鹽酥雞一齊食，就係乾上加乾，要不斷飲嘢飲古早榨菜肉鬆蛋餅 $46 推薦指數🗯️：🌟🌟份量超級少，一啖咬落去主要食到的就只有外面的那層皮，榨菜肉鬆很少，而且同樣都係食落超級乾，醬汁少到連味道都不是很試得出珍珠奶茶 $16 推薦指數🗯️：🌟🌟跟餐都要加$16先有一杯，味道很甜，如果不是因為其他食物太乾，應該唔會飲得晒古早芋泥三色芋圓 $38 推薦指數🗯️：🌟🌟🌟算是一整餐之中最好吃的，芋圓煙煙韌韌，不過味道就普普通通，涼粉一條條咁食落有少少似河粉，但係用匙羹就唔方便食肉，芋泥食落好滑身，不過都會食到少少芋頭粒嘅質感，而且芋頭味都好濃，不過整體味道都算偏淡以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。

真係垃圾到講唔出聲，珍珠奶茶完全0茶味，得奶呀，走冰又唔得，個魯肉飯還好，飯就有d爛，豬扒就好唔match,隻甜汁勁甜，豬扒就炸到黑Q曬........真係食一次就88啦！ 接近90蚊，大把好野食啦！真係你地識唔識煮野食架！！！最基本一個奶茶都仲未識沖，d茶真係咁貴咩！賣3幾十蚊，貴過25蚊果間天仁世一茶皇..............................天仁世一

同朋友🧒🏻一齊喺中環，想簡簡單單食啲嘢，咁就行咗嚟中環街市呢度搵吓望吓，因為呢度開咗唔少小餐廳同埋Kiosk🤩，行半個圈🤣，見到呢間，台灣食物，名字又幾得意，咁朋友🧒🏻就話不如試吓😆$56「古早花雕雞卷」：雞肉卷成員柱體狀，跟住厚切一片片，雞肉肉質軟熟，啖啖肉，有淡淡嘅花雕香味😋$38「滷肉A菜」：大量滷肉鋪喺菜面🤩，滷肉半肥瘦夠晒甘香😋；A菜新鮮爽脆😋$58「麻辣鬼椒起司雞腿蛋吐司🍞」：多士🥪邊有啲熱溶咗嘅芝士🧀️，好惹味😋；裏面有雞髀肉，仲有煎雞蛋，幾好味，少少辣，食得好開胃🤩$46「古早榨菜肉鬆蛋餅」：蛋餅夾住啲軟腍腍嘅肉鬆同埋脆脆哋嘅榨菜粒，呢個小食幾好味🤩$38「古早芋泥三色芋圓」：芋圓煙靭🤩，芋泥幾香芋頭味🤩，仲有燒仙草，整體唔係好甜，啱我胃口🤣

[ 久久 ]最近中環街市又有新店，主打台式料理，價錢親民。✿ 久久紅燒半筋半肉麵 $63湯底濃郁，麵條爽口，紅燒牛肉半筋半肉，口感柔軟😋。✿ 鹽酥雞滷肉飯🐔🍚 $58滷肉飯用滷汁燉煮而成，味道非常香濃，鹽酥雞外皮酥脆，鹹味十足，好適合餸飯食。✿ 古早榨菜肉鬆蛋餅🍳 $46古早榨菜肉鬆蛋餅口感脆脆的，配上酸酸甜甜嘅榨菜同咸咸嘅肉鬆，美味可口。✿ 滷肉A菜 $38滷肉都幾多，滷肉汁帶出青菜香味🥬。✿ 黑糖薑母茶 +$12黑糖薑母茶好台式口味，偏甜而不太辣。✿ 紅棗桂圓茶 +$12紅棗桂圓茶好味又養生，不會過甜。總結🫦中環街市有好多不同餐廳，主要以food court形式，可以食好多唔同口味食物，呢間台式餐廳性價比幾高，想食台灣野不妨一試。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿久久地址: 中環皇后大道中93號中環街市地下G18號舖✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

💙中環·久久💙中環街市有間新開嘅台式餐廳😎一入到係food court形式 鍾意坐邊都得大大隻字寫住久久 離遠已經望到木系裝飾 餐點都有埋注音 幾有台灣風味💕蜜汁滷排骨滷肉飯 $72滷出嚟嘅排骨口感鮮嫩多汁而排骨滷完之後再搽蜜糖上色+甜味😃然後再炸 大大塊非常脆 肉味香濃有少少炸過咗 但味道還可以滷肉吸收咗滷汁嘅味道唔會覺得太鹹或太甜易入口👌🏻👌🏻飯底係台灣傳統滷肉飯飯粒 仲有2條小棠菜+鹹酸菜久久紅燒半筋牛肉麵 $78麵幾大一碗 上面係牛肉+牛筋各兩大件紅燒牛肉係半筋半肉夠腍 而且都夠入味牛筋啲筋有啲彈牙 入口感覺豐富2條小棠菜+鹹酸菜+蔥花個湯唔係重口味 飲落帶少酸麵條係扁身軟麵條 但唔太掛汁士林鹽酥雞 $46鹽酥雞份量尚可 粒粒都好大嚿但炸粉偏厚咗 食落要咬到好入先係肉味道唔會過鹹 幾脆身涷芋香珍珠奶茶 $16芋頭幾香濃 迷人嘅紫色甜甜煙韌嘅珍珠 搭配香濃芋香奶茶味道豐富多層次熱黑糖薑母茶 $12真材料沖泡而成 但味道偏淡除咗可以暖胃暖身仲有美白抗氧化功效😂

Back date: 27 June 2023差不多3點先食lunch, 又係又係中環街市。 但好幾間已經係tea menu。朋友介紹久久台式茶飯館 （Chew Taiwan)。 佢話雖然都係tea menu,但久久份量十足， 所以決定叫呢間。睇下佢 menu (Picture 2). 有麵 有飯 有小食， 我肚餓， 所以決定叫飯。 叫左鹽酥雞家傳滷肉飯。鹽酥雞大大件 仲要有成6件， 仲有伴菜，蛋 （雞和伴菜分上的）, 滷肉飯份量真係十足。鹽酥雞值得推介 好味， 滷肉飯正常發揮。packing吸引

食物非常一般叫咗個半筋半牛伴麵 $82 啲牛肉唔夠淋 仲要無牛肉味 好似冰鮮咁個麵得個辣字完全無麻香味 麵條煮太淋咁嘅質素要$82 完全唔抵食勁難食 職員態度差 用qr code 落單收唔到confirmation receipt, 個女職員無諗住幫手, 比咗錢攞唔攞到嘢食唔關佢事咁淨係叫人搵中環街市職員 明明張單有晒名,電話 都無諗住幫手話知你死嗰隻..唔識變通 仲要好似係我呃佢嘢食咁(?)以後唔會幫襯又貴態度又差omggggg

今日又去咗中環街市搵食，見到有間新開左冇耐嘅台灣牛肉麵，啱晒，就係好想食麵，同埋佢仲有仙草芋圓，真係正中下懷😄我揀咗牛肉麵，加咗杯珍珠奶茶，牛肉麵好食，牛肉大大嚿，又煮到好入味好林，湯底飲完唔口渴！珍珠奶茶嘅珍珠係彈牙嘅，奶茶夠濃郁，係好飲嘅！朋友就想食飯，嗌咗個排骨滷肉飯，有半隻蛋配埋嘅，試咗舊排骨，味道唔錯！滷肉飯都係好味嘅！芋圓仙草，就麻麻哋，仙草切到一條條，唔係想食嘅滑捋捋質地，三色芋圓就正常發揮😊會因為佢嘅牛肉麵同滷肉飯再返嚟幫襯😆

sunday經過中環簡單食餐飯入來叫了份滷肉炸雞飯+肉鬆蛋捲+地瓜酥滷肉勁多肥肉，下不了口炸雞好硬好老，感覺雞唔新鮮肉鬆蛋捲腥氣十足地瓜酥甜膩唔好食東西難食都算了，最令人激氣的事：坐低見到檯有少少水漬，去counter要啲纸巾，第一次去比左两張薄紙，實在太薄了，两張都唔够出邊一張厚，就走去再攞多次，结果都係比两張勁薄的紙巾，問佢可唔可以比多啲，佢竟然飛左兩個白眼話，「紙巾跟餐㗎，你要多咪去隔離(7仔)買咯」，激死！！2023年6月25號下午3點係度值班的這位女侍應，實在讓人大跌眼鏡。

Yeah下個月終於回台喇🛫！今個月都繼續食住台灣嘢止住癮先，中環街市🏬裡餐廳林立，久久係其中一間新開業嘅台式餐廳，價錢喺呢區嚟講算好大眾化👍🏻，性價比幾高。·🍜久久紅燒半筋半肉麵 HKD$78牛筋口感軟綿😚，半筋半肉嘅腱肉肉質軟腍，加上紅燒湯底味道濃郁😋，十分不錯。麵底係偏腍身嘅白色扁麵，幾掛湯💦。·🍚蜜汁滷排骨滷肉飯 HKD$72充滿古早風味，滷肉🐖係台灣食到嘅味道! 滷肉半肥瘦，具油燸口感😙；而排骨大大件，香酥厚實啖啖肉，襯埋半熟流心蛋🍳一絕。·🌯古早榨菜肉鬆蛋餅 HKD$46每吃一口都係滿滿嘅肉鬆😚，蛋皮層整得較薄，若厚些會更具口感呢。·🫖冷泡亞里山烏龍 加配+$12🍵冷泡台南高山綠茶 加配+$12無糖冷泡茶好適合解膩，烏龍茶茶底較濃郁，綠茶口味則較清新。·📍久久中環皇后大道中93號中環街市地下G18號舖

放工嚟中環街市食dinner，第一次幫襯呢間台式店就叫咗碗牛肉麵。等咗5分鐘左右就煮好，速度好快，但食落仲有少部分麵條硬硬地，唔係好夠熟。食舊牛先知出事。。碗麵有三舊牛肉，份量正常嘅，但係其中兩舊係完全咬唔開，硬過牛肉乾，同平時食過軟稔稔嘅牛肉係兩回事。最後我只係食咗一舊牛肉（而嗰舊都係硬，只係算係啱啱好咬得開嘅程度）就要放棄碗麵。冇諗過喺中環會食到咁難食嘅嘢，七十幾蚊唔係話貴但附近有好多比佢好嘅選擇。一定唔會再幫襯喇。

上次去中環街市買沙律見到呢到裝修緊，今日經過原來開咗台灣菜，太耐冇食，我哋就睇吓餐牌就坐低叫，下午茶性價比好高。久久麻辣牛三寶$98有牛腱心，牛筋，牛肚，炆得好入味，味道少少辣辣地幾開胃，牛腱心口感軟林，牛筋爽口彈牙，牛肚煙韌可口，另外酸菜很好食，酸酸甜甜好開胃。久久紅燒牛肉麵$58牛肉煮得剛剛好入口幼滑爽口，湯底龍肉牛肉味，牛肉口感煙韌。士林鹽酥雞$46鹽酥雞炸到香脆，一咬開好多汁，雞肉嫩滑。古早芋泥三色芋圓$38芋圓煙煙韌韌，仙草爽滑，芋泥香甜，好好味。

現場係Foodcourt咁, 只環叫左野食去附近位置等餐點完成就可以拎埋位食😎大腸麵線 $32碗麵線好香冬菇味, 大腸腍而入味, 係好食既大腸麵線!! 而且佢寫係輕量, 但其實都幾飽肚🙊 係幾近台灣既味道🥢滷肉A菜 $38 台灣既A菜即係同油麥菜好類近, 本身平平無奇既灼菜, 加左滷肉就令人好有食慾🫶🏻🥢士林咸蛋芋泥酥 $42呢個芋泥酥一食就知係即叫即整, 口感好脆肉熱辣辣, 整體都幾大舊好飽🙊🧋自家芋泥奶茶 $32 如果配餐就加$22, 奶茶會較甜炎炎夏日好岩飲, 而且真係好多沙沙口感芋泥蓉係杯底, 對於我呢個芋泥控黎講都幾滿足😌

最近在中環街市發現了一家新開的台式餐廳，名為「久久」這裡的最出名吃久久紅燒牛肉麵，其中最受歡迎莫過於「牛三寶麵」。真是好適合貪心的我一口氣吃了牛身上的三個部份。-HK$85 久久川味牛三寶麵~爽口又彈牙的牛肚、軟燸的牛筋、半筋半肉的牛腱肉組合，吃起來口感扎實又有咀嚼感，辣得刺激的川味湯底與我喜愛口味的酸菜，酸酸辣辣，讓我吃得十分過癮。-HK$22自家製的芋泥鮮奶~淡淡的芋香味道和濃郁的奶香，喝起來順口，吃到芋粒，不過對我來說芋泥有點甜。-總括來說，招牌菜「牛三寶麵」，牛筋、牛肚及牛腱肉相對份量大，可以滿足不大胃口的我。

餐廳：久久地點：中環街市菜式：台灣菜餐牌：下午茶餐牌有古早手工麵，家傳滷肉飯，地道小食，甜點，飲品，價錢相宜久久紅燒半筋半肉麵 $63久久紅燒半筋半肉麵大大碗，面頭係牛肉同牛筋各兩大件。牛肉係半筋半肉，夠稔，食落骨膠原感重，味道亦啱啱好。牛筋入口即化。伴有兩大條小棠菜，鹹菜同蔥花。個湯好清，飲落帶少少酸味，送麵好好食。麵係白色扁身麵條，偏稔，份量好多。呢個下午茶價錢抵食。自家芋泥鮮奶 加$22自家芋泥鮮奶用外賣膠杯上，大半杯係冰，下底係芋泥。鮮奶好滑，配甜甜哋嘅芋泥係啱啱好，夠飲！士林鹽酥雞$46士林鹽酥雞用金屬兜加張吸油紙裝住，一共有9 件。鹽酥雞炸得外脆內滑，味道唔會過鹹。古早台式烤香腸 $48古早台式烤香腸 一客8片，整得皮脆肉汁多，伴有蒜片可以解膩加辣。滷肉A菜 $38滷肉A菜係油墨菜上面加好多滷肉。油墨菜份量足，滷肉份星多，又嫩又夠味！眼濶肚窄，最後多到要打包。今餐全部食物都滿意，上菜快捷，價錢合理，地點方便。下次希望可以試試其他野食。