亞萊嘜嘜 (已結業)

一家人食生日飯， 想食呢間好耐，多人先可以食多啲野，果然沒有選錯。我們有五個大人兩個小朋友，叫了一個六人餐，有一個併盤(中),有五個款式的小食，各有特式，而且都好好味! 有泰式肉粒包菜前菜，不是太辣，好開胃。個餐有魚的，但因小朋友多，我們將個魚轉做無骨豬手半份，不用加錢，超好味呀！有個泰式鮮蝦炒金邊粉，酸酸甜甜的，好開胃呀！個餐仲有一個咖喱海鲜配蒜蓉包，咖喱唔辣的，配上蒜蓉包甜甜的，好夾呀! 仲有一個粉絲煱，啱晒小朋友，清清地，但個湯底好好味，一點也不會覺得有味精。我地現場切蛋糕，無收我哋切餅費，個個都食得飽飽，好滿足呀！會介紹朋友們和再光顧

第二次嚟呢間餐廳食中午飯，記得第一次嚟大件夾抵食，食到好飽好開心舔舔脷，今次因為我哋一行10人，除咗中式酒樓都唔易搵位，貪呢間夠晒就腳又坐得多人同舒服，所以就決定再嚟食。印象中之前啲價錢整體好似平少少依家由50頭加到50中，50中嗰啲加到接近60⋯⋯不過好彩都仲有啲平少少嘅精選午餐我叫咗個雞扒冬陰公檬粉，酸酸辣辣，還可以有埋餐飲，熱檸蜜唔使加錢唔知係咪餐廳加咗價所以推出左其他優惠，今次我哋10個人食左300幾蚊，已經儲夠印花下次可以食個free lunch不過如果冇呢啲優惠，我諗我短期內都未必會再嚟食。唔係因為啲食物唔好食，只係同區仲有好多其他泰式餐廳可以試呢！

之前上網見到人推介呢間既泰王香茅燒雞又話有好幾款菜式係夏日限定去開荃灣買野由荃灣地鐵站行去千色店既行人天橋見到大家樂上夏日綜合拼盤好足料，有四款頭盤菜有粉皮好滑蒸粉包濃郁越南既香菜葉味道配上米粉的濱海春卷札肉粉絲炸蝦餅 - 要趁熱食喔！擺耐左會淋雜錦串燒 - 最欣賞燒車厘茄 必推青芒果沙律配炸烏頭好少見到泰國餐廳會有呢類菜式既配搭對於男仔黎講作為前菜，的而且確又開胃又滿足到上主菜啦！ 泰國網紅燒雞好精彩，絕對係今晚既mvp下面放住一層層香茅葉同辣椒成隻雞叉住放喺你面前燒皮脆得黎雞都好嫩滑泰式潮爆炸鮮魷上層鮮魷原隻切到一圈圈咁下層滿滿既炸蒜仲收埋好多魷魚好似尋寶咁玩味十足甜品：夏日涼浸浸冰鍋一上菜就有好多仙氣噴出淨係望住都感覺到好清涼裡面甜品有新鮮生果球泰式芋圓作點綴(第一次食-煙煙韌韌咁 唔錯喎) 聽講係荃灣店先有另有椰汁同椰糖糖漿俾你調較甜度個人覺得原本既甜度岩岩好就冇落到

好精彩嘅晚餐點解會用精彩黎形容美食🤣睇到嘩嘩聲因為佢結合左視覺+味覺享受 又冰又火.係荃灣行去千色匯嘅天橋 發現左一間泰越餐廳交通好方便 原來老闆同廚師都係泰國人所以可以食到最地道最正宗嘅味道.夏日雜錦拼盤🍢很色彩繽紛 好豐富 當中包括👇🏻泰式粉絲炸蝦餅 蒸粉包 泰式米紙卷 蔬彩繽紛串燒全部都好開胃好fresh 最中意佢個米紙卷 幾煙韌.酥炸烏頭拼青芒果沙律🐟呢個菜式係香港比較少有 第一次食可能因為用左青芒果同青蘋果絲製成沙律炸烏頭一啲都唔油膩 反而帶點酸甜.原隻泰皇燒雞🍗嘩 從來都未試過係自己面前燒一隻雞隻雞已經燒左一次 上桌後再以香茅辣椒燒多次真係好香 個皮燒到勁脆 多剩嘅雞油都流出來肉質鮮嫩 用手一撕就食得 醬汁就偏甜微酸.泰式潮爆炸鮮魷🦑賣相好靚啊 魷魚圈會一串串地放在架上炸得香脆 食到魷味嘅鮮味 主要用鹽調味而魷魚鬚則配合香茅 香葉 辣椒等 相對惹味.涼浸浸夏日冰鍋🍧嘩嘩 泰國版芋圓？噴仙氣嘅冰鍋用剉冰作底 仲有密瓜 紅肉火龍果 哈密瓜煙韌的泰式三彩芋圓 不同的口感 有啲似三色冰咁按個人喜好加椰奶及蜜糖 好有泰國風味啊.泰式青檸沙冰💚青檸又係比較少見 仲加左少少鹽原來泰國人平

食物方面: 是次點了泰式皮蛋蝦餅，蒜蓉通菜，泰式鮮蝦炒金邊粉，豬頸肉湯河1. 泰式鮮蝦炒金邊粉 - 看到餐牌上有推介的標記,滿心的期待... 可惜的是,蝦是一吃便知是冰鮮蝦的蝦，而炒金邊粉，濕濕的金邊粉不像是"炒"，整盤只像食緊一碟酸酸地既野既感覺，雖然面出面有一個蛋花皮， 但這心思也補救不到他的味道問題，最後，食到一半也不想食這碟，只好再叫一個最穩陣的豬頸肉湯河2. 蒜蓉通菜 / 豬頸肉湯河 - 味道不錯，相對上沒什麼特別， 最穩陣的菜式3. 泰式皮蛋蝦餅 - 皮蛋下的炸粉炸得不錯，可以一試有一段時間，我經常食亞萊嘜嘜，那時各樣菜式也很不錯，但不知是不是多人幫襯了，相而味道上好像退步了不少... 應該暫時也會減少幫襯。

經過天橋N次，同事介紹先留意到有間泰國餐館😅於是今日就到「亞萊嘜嘜」食晏。餐牌圖文並茂，有小食、串燒、海鮮等，選擇眾多。- 芒果炒飯- 炒雜菜- 炸鮮魷- 皮蛋蝦餅讚👍：份量充足賣相吸引改善👎：味道不過不失，略嫌過於濃味，需要不斷補充飲水中和返😣

荃灣覓食的地方不少，但午晚餐等高峰時期想找個位置吃飯也不是容易。等位，等餐，然後侍應等你埋單，這是多可怕的煎熬...有云辛苦揾來志在食，可偏偏食餐安樂茶飯就這麽困難，甚是可悲...是日不約同事，就自己一個獨個兒用餐，還自己一個私人空間。選了一間樓上的泰國餐館。環境有特色，不算客滿，食客可以自己佔據一張餐枱，安心用膳。翻了餐牌一下，打算叫海南雞加豬手飯，加一杯咸檸七。但我叫錯了代號，落錯了單，叫了泰式猪頸肉飯。不過既來之則安之，吃過才知因禍得福。豬頸肉分量不少，有油脂，所以燒得格外香口，下墊了白燙的椰菜。上面淋了葱油，下面備了泰式醬油，看似是豉油，卻有着微微的甜酸，非常開胃。白飯煮得粒粒分明，稍硬，但有米香，也很好吃。咸檸七叮囑侍應少冰，真的是上了很少冰，四分一個咸檸檬加一片青檸，再和上七喜汽水，五味紛陳。坐在位置上，喝完這杯特飲，一日的辛苦，也是值得了...

上年去完泰國之後都冇咩再點食過泰國野, 今日同班朋友講起不如食番餐泰菜過下口癮, 就黎左呢間野食飯, 整體都好ok! 但不過我覺得呢間野個位置有d難搵, 我地都搵左一陣先搵到. 食左幾個小菜, 最好食一定係個個炸魷魚圈, 炸得好鬆脆 份量又多 講起都想再食多次! 個芒果糯米飯唔太甜, 易入口, 好有係泰國個時食個個feel! 下次同班friend都會再去食多次！

開咁耐，幫襯咁耐，愈食愈所氣。一行四大一小，叫好食物，再叫多枝啤酒，經驗話有「泰x」「朝日」「藍妹」好似有依三款，我地叫「泰象」，等左一陣，經理拎枝「朝日」嚟，我話我地「泰象」，跟住佢話：「咁我換俾你啦！」面無表情，近乎黑面，明明俾佢拎錯，話幫我換，仲係咁樣樣，真係🤬。中間加菜，職員叫極都唔應，四目交投都唔應，唔係聽唔到，係唔應啫，做咩野既唔應，企係杜傾計既都唔應。一碟芒果糯米飯，等左三個職員「忙完」先有人應一句「等等」。如果唔係特別好耐性的，就要認真考慮一下，係咪要去挑戰自己。生蝦刺身死死實實千層糕個邊乾到介口芝士蝦丸又係死死實實

因為父親節正日唔得閒，所以提早同爸爸慶祝父親節我爸本身唔太中意食中菜，所以就上網搵左呢間有父親節套餐既泰國野同佢試試，加上我地又多人，呢間有得book位就試下了首先去到都坐得幾舒服，開頭以為係D圓櫈會好似大排檔咁，點知個個人都有 有PAN既櫈坐，都算坐得舒服大家都係無主見既人，所以就求其揀左個套餐唔洗再煩了~~大家都相機食先，因為D擺盤真係好得意！圖中既主角係泰式皮蛋炸蝦餅，個waiter介紹係話外層係用新鮮蝦膠打成蝦餅，食落去都幾彈牙之後隔離既係炸鮮魷，棟高黎擺都幾特別，影相一流呀下面就係鮮魷既香料，用黎炒香鮮魷既，原來一樣可以食，香茅XX就食得多，淨係食香茅就真係第一次~~~後面有個椰青既就係原個椰青海鮮焗飯，入面真係會有椰肉，而且都有幾多呢個雞真係不得了！佢會即場係枱度點火烤，所以個個都拎電話出黎影XD隻雞烤完之後D肉都仲係好嫩，配埋個特制醬汁，酸酸地咁好好食！Waiter仲比埋手套我地自己撕完之後拎住黎食，好過癮XD最後埋單佢仲有提我地唔好掉張單，7至8 月番黎食可以送泰式飲品或者甜品~~~今次爸爸都食得幾開心，有得食又有得睇，一家人都好滿意

就到父親節，為免強勁既人潮，所以決定同爸爸及一家人提早慶祝 “爸爸節”，唔想下下都去酒樓食中菜，所以我發板！決定去食泰菜！原來呢間亞萊嘜嘜已經有父親節套餐了！岩曬！如果熟悉荃灣既朋友，一講千色店就會知係邊度，就算唔熟既都唔緊要，荃灣又名 “天橋之城”，由地鐵站行黎呢度，一路有天橋送你黎餐廳，大約5分鐘既路程，佢就係係正千色店既隔離！唔好講禁多，小弟係個泰菜控，即推介下d食物比大家先，第一道菜！有 泰式皮蛋蝦餅，餐廳重話呢個係佢地既自創菜式黎架炸蝦餅大家就食得多啦，有皮蛋係入面既炸蝦餅我都係第一次食！食落又有d意想不到既感覺喎！外面係香脆既炸蝦餅，比較有咬口，而入面係更有咬口既皮蛋！皮蛋好獨特既味道當然唔會被覆蓋啦，所以從外層食到內層，蝦餅 vs 皮蛋既感覺，原來係禁夾架！爸爸都表示呢道菜夠曬特別呢杯泰式奶茶係我今晚既飲品，味道都唔錯喎，就算無叫少甜，都唔會太甜，岩曬我口味，重要茶味夠香濃，有係泰國飲既味道，絕對無叫錯主菜一號黎啦，佢係 原個椰青海鮮焗飯，個賣相都夠吸引啦，一大個椰青，入面放滿曬炒飯，炒飯滿到爆出黎，上面既飯如果無椰汁係度支撐住既話，一定多到跌曬落黎所有海鮮都係飯既上面

好耐無同親戚朋友食飯，由於有老人家、小朋友同行，選擇餐廳都要顧及，見到呢度泰國菜有父親節套餐，就約埋一齊食。價錢合理，口味適合一家老小☺️首先有泰式小食5味拼盤 包括：絲網春卷：春卷香脆可口，炸南瓜粟米餅： 栗米餅同南瓜炸埋一齊，南瓜味更香更濃，炸魚餅，炸蝦餅：蝦餅炸得爽口彈牙，香葉包雞：用香葉包住的雞肉，食落有陣陣的葉香味柚子大蝦沙律平時如果去泰國食依個餸，一定有點點辣，餐廳為了小朋友都可以食到，所以不辣的泰式皮蛋蝦餅好特別的皮蛋，皮蛋外層包了一層炸蝦餅泰式潮爆炸鮮魷賣相好特別，碟上有條柱 串住炸鮮魷青檸烏頭魚烏頭魚上枱先點火，魚肉有少少青檸調味 醒胃原個椰青焗飯滿滿的焗飯上有各種各樣的海鮮配上椰汁🥥泰式咖喱海鮮雜錦用一個南瓜🎃挖空中間，放滿海鮮，另外再加秘制咖哩汁原隻泰王香茅燒雞香茅燒雞，燒雞盤下放滿香茅，店員上枱時會將香茅點火，隨即陣陣香茅香味攻上最後就是甜品：泰式甜品拼盤 (大菜糕, 椰汁糕, 千層糕)，黑白芒果糯米飯另外不得不提就係鮮果沙冰，店內所有沙冰都是用鮮果制成，不會添加糖分

父親節將至，作為孝順仔女的我，就算忙著上街，也要和屋企人食飯。無辣不歡的爸爸，最好就是帶他吃泰國菜，由元朗開到荃灣的這間正宗泰菜店，位置就在千色店毗鄰，搭港鐵也可以無障礙行天橋過來，相當方便合作。原隻泰王香茅燒雞燒雞配以香茅及其他特製香料。由於廚師已預先原隻烤過，上桌時待應會即場再在客人前以香茅作原料再烤一遍，好吸睛記得拍片。同時，醬汁亦是師傅特別調制，配上香嫩的雞肉，十分搭配。泰式皮蛋蝦餅待應說這道菜為她們自創，以手打蝦膠包著皮蛋的外圍，配以獨家醃制的酸菜中和味蕾。口感特別，外脆內彈，好得。原個南瓜咖哩海鮮雜錦咖哩海鮮雜錦，今次我們加錢升級以南瓜方式上碟，聽待應講咖哩為獨家配方，加入了蛋花特別調制。看上去硬朗的南瓜其實都已經先煮熟，拌以咖哩一起進食有另一番風味。炸蒜蓉包見咖哩汁濃味美，我們點多碟炸蒜蓉包，長方形金金黃黃好吸引，仲要好香兼外脆內軟，唔點咖哩食都可以。泰式潮爆炸鮮魷鮮炸魷魚配上辣椒及香茅，鮮魷配上特制的醬料，香脆可口，魷魚圈會一串串地放在架上，而魷魚鬚則配合香茅、泰式香葉、辣椒等其他香料以碟奉上，可配合香料一同進食。雜錦五色小食拼盤有南瓜粟米餅、炸魚餅、炸蝦餅、香葉包雞、

位於荃灣青山公路163至174號昌耀大廈二樓的亞萊嘜嘜，主打泰國菜。餐廳以啡色為主色調，牆上也放了不少充滿泰國特色的木雕。首先來到的是泰式金柚鮮蝦沙律，味道酸酸甜甜，頗為開胃，面頭加了少許炸蒜、小蝦乾，令味道更豐富。 蝦仁頗大隻，而且份量十足。有幾款菜色是六月份才有的，個人最喜愛的限定菜色是泰式咖哩海鮮雜錦。今次則額外升級，用原個南瓜來上桌，賣相頗為誘人。這款咖哩味道完全不辣，味道頗香濃，能嗅到香料的香氣，怕辣人士也能盡情吃。裡面的海鮮有軟殼蟹、巨型青口，份量慷慨。軟殼蟹炸得酥脆，和咖哩味道十分夾。另外，還有青椒、洋蔥等做配菜，各款配菜都吸滿了咖哩汁。吃完海鮮後，可以挖南瓜肉來品嚐，味道清甜軟滑。🙆‍♀️特色蒜香包的味道也頗不錯，蒜味香濃，外面烘得微脆，裡面軟熟，可以點少許咖哩醬來吃。原隻泰王香茅燒雞來到了，燒雞是豎著來到的，頗有排場。侍應會在底下盛滿了香茅的鐵盤子點火，把雞肉的油份逼出來。之後，可以拜託侍應把燒雞切件，抑或穿上手套，把雞肉撕下來直接吃。雞肉的皮燒得微脆，而裡面的肉則頗為多汁，口感滑嫩，雞胸位一點也不嚡口。點少許特色甜辣醬，更能吊起雞肉的鮮味。🙆‍♀️另一款小吃，泰式皮蛋蝦

亞萊嘜嘜是泰文「Ａｌｏｙ　Ｍａｋ　Ｍａｋ」，意思是「美味」。這家由元朗大牌檔做到入舖，晚晚門口人潮排隊，甚受元朗人愛戴，食物質素可想而知，今天到來荃灣的分店，試試由泰籍師傅主理的道地泰國菜。餐廳位於千色店附近，在大家樂樓上，除地面樓梯可達外，還可以在行人天橋步入再上一層。以木色為主的裝修很有東南亞色彩，單邊窗口位都是卡座，可以一邊食一邊看行人天橋的景色。先來泰式皮蛋蝦餅，新鮮炸起，香味撲鼻，手打蝦膠彈牙，加點泰式酸甜醬更添風味，當中自家醃製的酸菜令胃口大開。 泰式金柚鮮蝦沙律清新，柚子新鮮，果肉飽滿，加入醬汁酸甜平衡，醒神開胃，正好掃走夏季悶熱，很不錯。泰式潮爆炸鮮魷微辣，賣相特別，魷魚圈一個個整齊排列在架上，魷魚鬚及其他配料就放碟上，炸蒜香茅絲辣椒碎惹味非常。店員端上亞萊嘜嘜特色的蒜香包，一件件粗條，放得像層層疊，賣相吸引，蒜味香濃，入口外酥脆內軟綿綿，牛油味香，淨食已停不了口。我們選擇泰式咖哩海鮮雜錦以南瓜盛載，師傅特別調製的咖哩加入蛋花、芹菜、洋蔥和三色椒等，味道香濃惹味而不嗆鼻，配蒜香包或白飯亦可。南瓜盅內有多款海鮮，軟殼蟹、青口、大蝦、魷魚等原隻泰王香茅燒雞，賣相有氣派，廚師