享慢煮泰 (已結業)

享慢煮泰Lemon GrassCream brûlée $68🍮Thai milk tea with cheese cream on top $44🍼☕️Lobster lava croissant $58🥐Pork belly and pork neck $158The decoration of this restaurant is soooo Thai!With many elephants 🐘 drawings and Thai treesChill environment Thai happy~The dessert is delicious Very sweet and creamy!!Must order the signature croissant, with lava lobster soup 🦞 🍜 Lobster taste strong and well Perfect match with the croissant Thai cheese milk tea also cool, with huge cheeeese milk on top. P.s cann

食得多西式high tea, 呢個好似相對多鹹點。最抵食係有燒蠔同扇貝，high tea很少有海鮮。味道唔錯！加錢要左龍蝦湯流心牛角包同泰式奶茶流心牛角包。前者ok後者甜左d!其餘食物正常。甜品係個焦糖燉蛋最好味！用open rice coupon 加一計埋牛角包，total 309 for two!

呢排上網成日都見到唔少人介紹一間位於西環嘅泰式fusion餐廳：享慢煮泰，睇圖見到餐廳裝修得好有格調，食物又十分吸引！🤩🤩 望一望個餐廳名，我先醒起原來佢係我好耐之前喺上環食過一間法國餐廳，享慢煮意嘅姊妹店！😮 嗰時都食到舔舔脷，令我非常回味！我諗呢間姊妹店都應該唔錯，於是今日就book咗檯夜晚過嚟試下！😝.餐廳可能因為太受歡迎，即使已經book咗檯，都要喺門口排一排隊，大概等咗半小時～我實在太肚餓了，一入座櫈都未坐暖就即刻瘋狂咁嗌嘢食！🤣 首先上菜嘅係餐廳最出名嘅fusion料理：冬蔭龍蝦湯流心牛角包！西式嘅牛角包、泰式嘅冬蔭功、法式嘅龍蝦湯，三樣嘢夾埋一齊到底係點嘅呢？🤔.第一件事一定係相機食先！😎 喺牛角包嘅中間切開，等龍蝦湯爆晒漿流出嚟，再影相打卡！金黃色嘅牛角包同奶黃色嘅龍蝦湯真係好夾又好靚！影完相就即刻嚟試下，牛角包外層非常酥脆香口，仲食到好香牛油味！牛角包即叫即整，即使上檯之後影咗一陣相，湯汁都唔會被個包索晒～😋😋.龍蝦湯係幾重冬蔭功味，只係微微辣，而且龍蝦味亦都好鮮好突出～🤩 我最鍾意個湯嘅質感，佢絕對唔係稀溜溜好似水咁嚟hea你，個湯非常creamy又濃郁，係極之惹味

今次我地主要set menu咁叫，有個主要set menu就$298一位，會有4個course，由頭盤到甜品，另外仲有其他set menu，視乎大家會叫幾多個course啦，價錢就會唔同，價錢方面就唔多講啦，大家可以參考翻上傳既menu，留意番會有加一服務費。龍蝦湯流心牛角包 , 冬蔭龍蝦湯流心牛角-龍蝦湯流心牛角包 （6.5/10）特別用心，竟然可以將湯放係包入面基本上用刀一吉就爆哂d湯出黎，牛角好脆口，其實就好似用緊特別啲既方式飲酥皮湯一樣大家真係要試試佢！-冬蔭龍蝦湯流心牛角包 (7/10)對比龍蝦湯牛角包之下，呢個冬蔭龍蝦湯就特別啲，湯底都幾濃味，唔會話係好辣！我自己就比較鍾意冬陰龍蝦湯牛角啦，可能因為酸酸辣辣，就有層次感啲😌-龍蝦汁龍蝦伊麵配飛魚籽（7/10）呢個超重龍蝦味嘅伊麵，味道都唔錯，不過龍蝦就冇挑蝦腸，伊麵好掛到龍蝦汁，真係每一啖都充滿好鮮既龍蝦味，不過我就覺得有少少漏啦（可能叫咗咁多龍蝦嘅嘢。） 加上有飛魚籽，食落就有啲口感，唔錯。蟹肉流心蛋龍蝦汁燴飯🦀 (6/10)整體蟹肉份量都好多，但唔知點解覺得似係蟹粉撈飯嘅味道🤣超入味，加上隻流心蛋，味道好creamy，但

想同媽咪慶祝生日，佢同爸爸先到餐廳，坐低已經覺得坐得好唔舒服，張枱唔高唔低，張櫈勁阻住人岀入，去廁所返來坐低已經撞到幾次！講到食物，成個餐牌都好多龍蝦嘅嘢，龍蝦湯啲味好苦，媽咪食左龍蝦伊麵啲龍蝦都覺得好”鞋”！上菜嘅時候個侍應踩到我哋其中一個人隻腳，差啲仆親！完全坐得好唔舒服，嘢食又覺得唔得，好希望

枱訂左 11:30am, 明白星期日中午 booking 會好 full, 但訂座時講左用餐 90 分鐘，點知 11:20 已被人問收碟兩次，係一放低刀叉就問你收得未，極度騷擾，而且令人好有壓逼感，終於被清哂枱，然後 12:30 自動隊左張單埋黎，企定定趕你走，當時餐廳只得 50% 半，亦冇人等位，唔明點解要咁樣，問服務生點解一個鐘就要趕我地走，佢話 booking 好滿，呢個解釋不能接受，以為自己喺澳牛 😑 用餐體驗之惡劣係佢食物質素難以彌補

lunch想去d有特色又坐得舒服嘅餐廳，揀左黎lemon grass食，事前book定枱有得坐靚靚梳化~~~最岀色嘅當然係冬蔭龍蝦湯流心牛角包泰正！！一切開見住好多湯湧岀，超級開胃！👍🏻👍🏻友人試法式龍蝦湯流心牛角包，同樣濃郁好味道👍🏻👍🏻main course點左虎蝦青咖喱燴飯，好有椰香味！另外又點左瑪莎曼咖喱和牛面頰配白飯，肉質非常嫩口，連d薯仔都好入味👍🏻👍🏻三個人由12:30坐到2點，正！總共食左$498！(順帶一提，侍應服務態度好好，不過以講英文為主)

呢間餐廳安排極度混亂訂左位都要等但人哋唔訂位就可以直入態度十分惡劣以後都唔會幫襯食到一肚氣完全唔明點解要咁樣安排訂左位都等左二十分鐘先入得真係太過分！！！！！！！

今日去咗西環嘅呢間享慢煮泰 係專食fusion泰國菜嘅餐廳 朋友之前食過十分推薦 於是就今日嚟食個 lunch啦午餐時間嚟到人都幾多 不過就算坐滿地方都好闊落 裝修夠曬格調同食fine dining無分別叫咗個set lunch 雖然前菜同甜品都要加錢 不過已經包咗飲品 價錢幾抵食招牌流心龍蝦湯牛角包 牛角包焗得鬆脆 上面仲有芝士 一切開濃郁嘅龍蝦湯已經爆曬出嚟馬沙文咖哩牛面肉 咖哩口味非常濃郁有輕微嘅沙嗲味 仲有粒粒花生喺醬汁入面 非常惹味 和牛分量都幾多 炆得又淋又入味 仲有陣陣膠質融化喺口腔 超正招牌流心布拉塔芝士沙律 勁大舊布拉塔芝士 一切開仲係流心嘅狀態 芝士味道雖然唔濃郁 不過奶香十足 配埋下面嘅新鮮車厘茄仔一齊食 非常清新上面有燒豬腩肉同埋燒豬頸肉 好大陣香茅味醃料非常入味 豬肉層次分明肥瘦適中 超正 下面係用番薯做嘅醬汁 甜甜地可以中和豬腩肉嘅肥膩感泰式奶茶牛角包同龍蝦湯牛角包用嘅包係一樣嘅 但係個餡就係香甜幼滑嘅泰式奶茶 香脆嘅酥皮吸收咗香滑奶茶嘅甜味 令到成個包都甜入心呀

之前去過中環Fast Gourmet食下午茶，食過返尋味，不過今次去西環主打泰菜嘅姊妹店食晚餐，分別點咗兩道菜(HK$158)、三道菜(HK$208)。🍴龍蝦鳳梨沙律爽口龍蝦肉加上清甜菠蘿壓成球，仲混合咗大量蟹子，味道同口感都好豐富。🍴冬蔭龍蝦湯流心牛角包龍蝦湯依舊濃郁，遇上酸辣冬蔭，味道複雜但非常之夾，比純龍蝦湯更有層次，更得我心。🍴冬蔭龍蝦汁燴海鮮食完牛角包，唔好畀佢停，呢道菜嘅湯汁比牛角包稀，但味道依然濃郁，配埋鮮甜海鮮滋味到不得了，食完碗飯，當然要飲埋啲湯先完美。🍴招牌西班牙黑毛豬腩配黑毛豬頸之前試過豬腩，調味較，今次畀多次機會佢，睇下佢會點用泰式調味去煮。豬腩同豬頸肉都係慢煮完再燒，豬腩腍滑，重油香，豬頸肉肥膏爽口，一啲都唔油膩，泰式調味在於咖喱南瓜蓉，細滑到可以用「汁」形容，好香甜，伴碟仲有紫椰菜，夠酸爽，解膩一流。🍴椰子雪糕配風乾鳳梨及紫糯米意式雪糕口感綿密，椰味香濃，再加上椰絲、椰果，真好「椰」。本以為風乾鳳梨口感似乾果，但咬落好似啄啄糖，好新奇。煙韌紫糯米撈埋椰子雪糕食，係泰國嘅味道。🍴泰式奶茶 HK$36、鴛鴦 HK$48奶茶本身想叫少甜，但店員話預先調好，飲落茶香

朋友約係堅尼地城食飯介紹咗依間fusion泰式料理餐廳，餐廳裝修帶點古典味好有氣氛。晚餐可以隨自己喜歡選擇2/3/4 個course嘅set dinner，非常有彈性。法式龍蝦湯流心牛角包牛角包外面酥脆香口，一切開龍蝦湯隨隨流出，龍蝦湯鮮味香濃。冬蔭龍蝦湯流心牛角包冬蔭湯較稠身，牛角包吸收曬所有湯汁。龍蝦鳳梨沙律沙律菜及菠蘿新鮮，龍蝦肉爽口，蟹籽粒粒口感特別，整體酸酸甜甜非常醒胃。真空慢煮挪威三文魚配冬蔭燴飯慢煮三文魚出色，三文魚外面微微煎香，內裡肉質嫩滑，冬蔭燴飯冬蔭味會香濃，燴飯煙韌。龍蝦汁龍蝦蟹肉伊麵蟹肉及蟹籽份量足，龍蝦汁掛滿條條伊麵。真空慢煮法式焦糖燉蛋甜度適中，蛋味香濃，口感綿滑。

#泰好食流心牛角包🥐-朋友喺西環返工 佢已經唔止一次向我推介 話加多近山附近有間泰式fusion餐廳 流心牛角包頂呱呱 聽到我心癢癢 作為麵包控 我決定為’包‘而去 陪朋友食晚餐 -☕️#Tiramisu Cheesy $44飲得嘅提拉米蘇 面層有厚厚可可粉 芝士奶蓋非常滑溜 大啖啲呷 連下面嘅冰美式咖啡一齊飲 少甜少甘 味道唔錯😌 下次我會試泰式奶茶cheesy-4道菜晚市套餐 $298⭐️前菜：冬蔭龍蝦湯流心牛角包朋友忍口俾我食 流心選擇有咸有甜 咸版有冬蔭功或龍蝦湯 當甜品就揀泰式奶茶 切開睇吓 小小一個牛角包 裏面竟然可以流出咁多汁液 濃稠惹味 趁熱食冇得輸 不妨去片睇吓🤓-⭐️燒物：燒日本扇貝美國生蠔配泰式汁海鮮唔係特別大隻 熱辣辣冇腥味 泰式汁甜甜酸酸幾開胃-⭐️主菜：龍蝦汁龍蝦伊麵配飛魚籽伊麵吸收龍蝦汁 朋友話佢夠味唔鹹 煙韌有咬口 不過嗰半隻龍蝦有啲over cooked-⭐️甜品：焦糖燉蛋伴椰子雪糕椰子雪糕上面灑上紫薯粉 雪糕球細咗啲 朋友食得有啲唔夠喉 燉蛋夠蛋香-🍮#官燕椰汁燉蛋白伴北海道紅豆 $88我鍾意食燉蛋白多啲 十勝紅豆粒粒圓潤香甜 加埋金箔碎燕窩 滋潤又養顏 椰汁

早前與媽媽已經吃過中環的享慢煮意它家的招牌龍蝦湯流心牛角包跟爆漿蟹膏流心牛角包令人回味很多朋友都查問我這次帶朋友再去吃牛角包不過 我們是去了堅尼地城的分店這分店主打泰國菜既分店泰式風味 x 牛角包🥐------------------------------♠️招牌-冬陰功龍蝦湯流心牛角包既然來到泰式店當然要試特色牛角包牛角包依舊保留啡黃香脆的表面在中間切下內裏的冬陰功龍蝦濃湯即時湧出香味撲鼻而來品嚐起來有龍蝦湯的甜味然後有冬陰功的酸辣味鍾意食辣的朋友 不能錯過🦞前菜-燒波士頓龍蝦放入口 龍蝦味香濃帶有火炙味道肉質新鮮彈牙肥大肉口🐮瑪莎曼咖喱和牛面頰看似是一碟普通的牛肉咖喱吃下 驚喜湧現首先咖喱味香辣 特別是花生味濃郁加上和牛幼嫩肉滑是飯小偷🥐泰式奶茶流心牛角包飯後甜品又是牛角包 但這次是泰式奶茶奶茶偏甜了一點但味道香濃 而且配搭牛角包也不錯

溫馨提示:🔵🔵🔷🔷🔹🔷🔷🔵🔵我哋叫咗兩個set dinner，一個three courses 另一個two courses。叫咗一個龍蝦湯留心牛角包🥐，招牌流心布拉塔芝士沙律🥗，蟹肉留心蛋龍蝦汁燴飯🍚，馬莎曼咖喱和牛面頰🐮。牛角包面頭配有芝士碎，而芝士沙律就配咗番茄同埋青瓜。個龍蝦汁燴飯就有蟹肉絲碎，飛魚子粒，同埋龍蝦汁，面頭仲有一粒流心蛋。馬莎曼咖哩偏印度式，有椰奶，配牛頰塊。甜品就叫咗一個真空慢煮法式焦糖燉蛋布甸。除咗焦糖燉蛋布甸，入邊仲有菠蘿絲同菠蘿蓉。溫馨提示:🔵🔵🔷🔷🔹🔷🔷🔵🔵

閒時上網睇嘢食。。見到呢間泰式餐廳特價下午餐，又有特色龍蝦湯牛角包，於是買兩張劵試吓買之前打咗去餐廳確認嗰日有無位而且我地係book17：30，有之後先比錢買劵對於我呢個新界人嚟講西營盤真係無去過嘅。。。但跟住佢講地鐵出咗搵好快就到，坐低之後店員確認我地兩張特惠劵，我地再加兩個牛角包，好快就上菜喇由於我地咁晏順便當埋晚餐，所以除咗下午茶set,我都再叫多個伊面。。。整體餐廳環境舒服，而且服務員親切有禮，令我第一次到訪嘅地方印象十分好