影片
更多
2022-07-21
155 浏览
每次試新餐廳之前，先閱Openrice 評價是例行公事。見到食評一致讚好，相片外貌不俗，便抱有期望+帶點冒險心態走入一試此「慢煮泰式fusion」餐廳。一入到餐廳，裝潢不錯，唯晚市都坐唔滿，少有不安。再看看餐牌，價錢不菲，僅盼質素與價格會成正比。1）馳名龍蝦湯流心牛角包落單不久，侍應就送上這餐。此菜式乃openrice食評力捧，果不其然，當晚高潮在前菜一環已然完結。說穿了，其實是a) 將牛角包中間刺穿，b) 再灌入龍蝦湯，兩樣食物本身都去到邊都廣受歡迎，餐廳將呢兩樣溝埋一齊，雖有創意，可惜未能發揮「瀨尿牛丸」的魔法，平平無奇，不過不失。2）至尊酥皮海鮮火山煲如圖示，一切盡在不言中。雖說值唔值、好食唔好食，乃主觀概念，但任何食物都總會有「絕對難食度」(有如「絕對零度」(absolute zero))，一旦跨越，勢必人皆覺得難食。呢個煲就冇咁誇張，所幸尚未越過「絕對難食度」，但係就物超所值($直逼250)：(a) 湯底實屬 「馳名龍蝦湯流心牛角包」的 流心龍蝦湯 溝 水 同少少辣，唔洗「留」心，都一食便知；(b) 價錢乃$248 （未加一）；(c) 內容卻爲：霉蝦x3、青口x2、蜆、菇（十
一入到餐廳，裝潢不錯，唯晚市都坐唔滿，少有不安。再看看餐牌，價錢不菲，僅盼質素與價格會成正比。
1）馳名龍蝦湯流心牛角包
落單不久，侍應就送上這餐。此菜式乃openrice食評力捧，果不其然，當晚高潮在前菜一環已然完結。說穿了，其實是a) 將牛角包中間刺穿，b) 再灌入龍蝦湯，兩樣食物本身都去到邊都廣受歡迎，餐廳將呢兩樣溝埋一齊，雖有創意，可惜未能發揮「瀨尿牛丸」的魔法，平平無奇，不過不失。
2）至尊酥皮海鮮火山煲
如圖示，一切盡在不言中。雖說值唔值、好食唔好食，乃主觀概念，但任何食物都總會有「絕對難食度」(有如「絕對零度」(absolute zero))，一旦跨越，勢必人皆覺得難食。呢個煲就冇咁誇張，所幸尚未越過「絕對難食度」，但係就物超所值($直逼250)：
(a) 湯底實屬 「馳名龍蝦湯流心牛角包」的 流心龍蝦湯 溝 水 同少少辣，唔洗「留」心，都一食便知；
(b) 價錢乃$248 （未加一）；
(c) 內容卻爲：霉蝦x3、青口x2、蜆、菇（十分離奇，可設想為濫竽充數）；
(d) 以酥皮+煲下有個火爐試圖營造「火山」，你問我是否 groundbreaking? 我認為並無開天闢地之特別，更多覺得圖文不符，冇啦冇掕；
(e) 海鮮質素令人失望：蝦霉、青口同蜆有沙、mini帶子吃時像小石子。
3）真空慢煮挪威三文魚配 冬陰燴飯
隻言片語可大大昇華一物予人之印象：麥當勞可為 美國連鎖餐廳、大家樂可為 法式餐廳(Cafe Dé Coral)。真空慢煮，其實即係煎，但總算不過不失。冬蔭燴飯才是重點，吃出人生頓悟。
吃第一口飯時，心中頓生無數疑團：「究竟我食緊乜？」，飯是濕濕的，味道卻說不出，有鹹有辣，到而家都唔知係咩味，總之與冬蔭絲毫扯不上關係。含著這口飯推敲自己食緊乜時，友人觀我面相，道我臉上有無數問號，到佢自己品嚐之時，啖飯一入口，我倆面面相覷、欲言又止，結論：冇結論、大家都唔知食緊乜。
Conclusion:
差，唔抵食，人生苦短、生活逼人，不必折磨舌頭。「劣食」罪名成立。
備註：
隔離台叫左個我估係「 龍蝦汁蟹肉伊面」，9成9係 3）真空慢煮挪威三文魚配 冬蔭燴飯 個base，面變飯，照辦轉換。
$268
2 浏览
0 赞好
0 留言
张贴
