京笹居酒屋

营业中

休息中

同朋友3人做團年，其中一個朋友提議這間日本餐廳，佢之前同日本朋友食過，我呢啲偷人當然冇反對啦。訂位訂了8點，早了大半個鐘去到，剛到時沒什麼客，過了8點後開始多人。日本店員，部分應該在香港多年了，廣東話英語都流暢，點餐冇問題。碟碟野食都好精致，好好味。但對大食嘅人黎講就真係太細碟。酒水一定唔少得，點了一支sake，自帶了一支日本梨酒。野食方面主要點了些佐酒小食如雞泡魚乾，雞軟骨，簿片洋蔥沙律，超辛辣魚腸，鹽燒銀杏，燒青椒仔等等。刺生方面就點了個細雜錦刺生，原條池魚刺生，條池魚骨仲幫我地攞去炸來送酒添。最後點返啲飽肚野食，牛肉蔥卷，三文魚子壽司，碎吞拿魚腩卷。前前後後18碟，埋單2千零5十幾，每人700。送了幾張coupon, 下次送雪糕。

好耐之前同朋有行完街經過一試、現在成為了我們的飯堂。幾年來每次去的前菜都不一樣、而且每款味道都很捧。食物水準也一直保持沒有下降。和朋友每次去必點的有海膽壽司、他們的海膽很新鮮。一向很喜歡他們的燒物如雞泡魚干、燒牛舌和燒雞軟骨。環境氣氛不錯、適合和朋友飲酒聊天。因為有coupon 還贈送雪糕或一支清酒、因為朋友不飲酒因為選了雪糕。員工服務態度也不錯、親切友善。不過有時結帳有少少慢、可能因為人太多。

經常嚟食午市，$70-$100 ，抵食之餘選擇多，最近幾次試埋夜市，都一樣抵食，地方大，位多，好多時唔使訂位都入到座。晚上Menu 好多野揀，魚生、壽司、串燒、鍋物⋯⋯，而且味道好地道，唔怪得次次都撞到日本人嚟幫襯。今次無食特別野，主要揀自己鍾音人食嘅野：食咗納豆、蝦羔炒飯、蕃薯天婦羅、清酒大蜆、雞肉京葱串燒，仲有啤酒同燒酙hoppy尤其喜歡蝦羔炒飯，好香，每粒飯都有蝦味。其他食物都無失望，雖然都係居酒屋基本會出現嘅食物，做得好就係真功夫。日本人店員每次都好誠懇招待，會繼續支持！

話說已經encore 過呢間餐廳的午市好多次，因為lunch都係 $70，好抵食。居酒屋環境好舒服，可以慢慢坐，就決定生日飯要同男友係度食，果然冇令我地失望！池魚刺身（$150）刺身係整條上！條魚唔算好大條，但真係好新鮮，睇隻魚眼就知！刺身切片，拌上蔥及少許薑絲，以去除鯹味，刺身味道微甜。赤貝刺身（2隻$140）本身錫住男友荷包，唔唸住叫，覺得只有兩隻好唔抵！但男友好想食，咁我就一於奉陪啦！原來好大隻架，份量也不少呢！賣相滿分！非常精緻！赤貝一樣好新鮮，味道鮮甜，比平日吃的更爽口，很出色呢！雜錦天婦羅炸皮厚薄適中，個人覺得蓮藕、芋頭最特別。蓮藕薄薄爽脆，感覺清新。芋頭好靚，少少粉，充滿芋頭香。鮮蝦就略欠彈牙，而且比較細隻。總結覺得呢間餐廳好有心思，食材新鮮，價格可以接受，環境舒適，值得推介！

weekday放工同朋友一齊來，依間店已經來了好幾次，最喜歡係員工甚至客人都有好多是日本人，感覺很正宗，氣氛都不錯。是夜，叫左個雜錦壽司，海膽最好味，一啖放入口，海膽溶化係口中再來最愛既腸仔炒麵，自從第一次來叫過之後，就每次都好想再食，配菜(紫菜同蔬菜)配合埋腸仔，一流！食唔停最後炸軟殼蟹都係水準之作，一上枱就好快清了依度最好是沒有限時，近年太多90分鐘限時，每次都趕頭趕命。但依度就可以慢慢食，慢慢傾，以後還是會再來的。

未食過, 只係每都會在附近打邊爐。今日我見到有兩位年紀老邁食客光顧完, 其中一位更行動不便, 服務完首先把助行架抬到樓梯底, 再扶嗰個行動不便的食客落梯級。 之後另一位食客給了打賞服務員, 但服務員無要, 仲叫她攞去做善事就得啦！而家呢d青年好少有架啦！ 比著係九龍中心d看更已收下了打賞了。讚!讚!讚!

今曰同hubby 看過有關日本料理的電影，晚上便急不及待勁食日本嘢。這餐廳中低價定位，好日本地道風味，絶對可勁食一番。海膽壽司：嘩！好甜呀！絕對無腥味！以六十元兩件實在超值了！比上次去高級鮨店吃的更好食！真心推介！免治雞肉捧：唔會太鹹太乾，燒到剛剛好！雞肉之中有軟骨，囗感不錯！燒牛舌：味道對位，但肉質有點韌，也由於是薄切的關係，囗感麻麻。炸蝦天婦羅：有五大隻蝦！好脆，炸皮鬆化，炸得唔油，時間拿得好準！迷你牛肉鍋：牛肉唔會太肥或太瘦，湯汁是壽喜燒汁，味道甜甜的，蔬菜十足，加理旦汁牛肉拌白飯，一流！但食過後有點口乾，是味精嗎？之前食晏食過幾次，估唔到晚飯的選擇咁多，價錢合理而味道不錯，推介！

This restaurant is hosted by Japanese. Quite local japanese restaurant. Felt like I was actually back to the time travelling in Tokyo. Good thing is that they provide english/chinese menu, so you dont have to worry about language. Food Quality: Good. I tried sashimi there and beef pot and also some other dishes. All good I would say.Service: Nice with quick responseValue for Money: A little bit higher than expect. Guess probably because of the location - TST.

已經幫襯過這cozy的日本家庭經營的居酒屋大概有五次。這晚再訪，感覺依舊，每次也是有選擇困難證！這兒的服務是一貫的日式超親切服務，一坐下便送上醬油海螺小吃及熱毛巾，連小食也是認真制作的！今晚點了廚師推介的海膽牛油果天婦羅，其實在此吃晚飯的原因就是為了它！兩種我的最愛在一起，怎能錯過？一如所料，海膽的鮮甜配上creamy的牛油果，包上薄薄的一片脆紫菜被輕輕一炸，不但沒有油膩感，罪惡得來又帶點清新。索價只是78，實在太抵了！我試過在別的高級日本餐廳吃海膽天婦羅，份量差不多但價錢是四倍！可想然之這裡是無論質素或份量都好有保證！另點的一款也是廚師推介的門鱔天婦羅，原本以為門鱔跟鰻魚是一樣的，但原來不是！這度菜好有驚喜，門鱔是啖啖肉，好嫩滑的，配上salt跟酸酸的柚子醬，非常配合，吃時別忘了要小心碎骨呀！也試了明太子雞翼，雞翼燒得不錯，外面有少少脆，但略嫌明太子醬下得不足，吃得不夠過癮！另也試了迷利牛肉鍋，忘了拍照，牛肉份量超多，但一定要配上白飯，因為只吃鍋的甜湯會有點喊！最後還是要以海膽壽司來結束晚餐，日本海膽的鮮甜是無法跟加拿大的相比！看照片也應知道這是大大滿足！小女好少會有餐廳會番兜的，但

一班同事出糧又去食豪啲啲。今次走去食日本料理，呢間食店真係日本人經營，打電話訂枱有試過幾次都咁啱係日本人聽，少少廣東話少少英文加埋一齊先book到位。每次去京笹我都會叫䓤碎吞拿魚飯，你去食過一次就會明。佢可以俾你揀白飯同壽司飯，我次次都揀壽司飯的。呢個丼好足料，大部分飯位都有吞拿魚碎。佢用既葱食得出好新鮮，令個飯食落好有嚼勁👍👍👍仲有不同嘅配菜，例如：新鮮嘅紫菜、醃製嘅蘿蔔跟酸薑，一碗丼有幾種口感，真心覺得抵食。份量都ok大，如果係女仔食嘅話，不妨叫少飯。而同事就幾個都食是日定食，佢限量發售架😏😝但同事話欣賞佢既魚生飯多啲，首推各款魚生飯！私心推薦：葱碎吞拿魚腩飯😝

日本人經營的餐廳，午餐定食約$60-100，我點了天婦羅定食（$100），上碟時份量適中，有三隻蝦、洋蔥、冬菇、蓮藕、蕃薯、青椒仔等。炸蝦炸得都算乾脆，蝦身亦彈牙，一口接一口，只是蝦尾部分較乾身。炸冬菇亦推薦，因為炸粉很薄身，而且冬菇很Juicy! 同樣喜歡炸蓮藕，口感爽脆和香口炸粉配搭很好！不過炸芋頭，感覺不太配搭，較濟和實身。食物整體尚可，雖然不算地道，但味道可以。服務方面，雖然店面有日本人駐場，但服務質素一般，特別是午市繁忙時間，職員表現忙碌和急躁,有待改善。

今次嚟到京笹搵食！有成大半年冇去過京笹～因為佢成日full好難搵位。本來想book位但打去又話冇得book好在等咗5分鐘左右就有位。京笹係有個每日轉款式嘅弁当箱定食～今日有牛油煎三文魚、桜花蝦炸蔬菜餅等…滿心期待下佢竟然賣哂所以揀咗魚生飯食。三色魚生飯($63)佢嘅三色係三文魚，三文魚子同海膽！海膽：鮮甜！冇腥味！但份量較少⋯⋯夾住青瓜食更添鮮味。三文魚：肉同脂肪分明～魚身有光澤！咬落去果然有三文魚獨特嘅油香三文魚子：本身不太喜好三文魚子⋯⋯怕它太腥～但呢度還可接受。飯：有紫菜鋪面～不會太單調。但飯好實～唔知係咪裝飯時壓太實～有點敗筆！

又到了lunch time, 很久沒吃日本菜了，所以今天來到我們經常光顧的京笹居酒屋。這餐廳是由日本人家族經營的，菜色較有家庭風味。除了主menu外，他們還提供每日不同的日替menu。當我們坐下後，店員會送上熱茶和暖暖的濕毛巾讓我們抺手，天氣冷的時候實在很喜歡這服務。由於客人眾多，店員會一次過送茶和毛巾去幾張枱，有時可能要等久一點才會送過來的。我選擇了弁當箱定食 ($72)，這定食一向是最抵食的，因為菜色款式多，份量也足夠，而且經常轉換款式，可為客人帶來新鮮感，所以通常最多客人order的也是這個定食。今天的戒當箱定食包括：刺身三款，燒汁燴牛脷，燒玉子併春卷，洋蔥沙律，白飯和味噌湯。恰好是凍食熱食各兩款。弁當箱分為五格，各款菜式各佔一格，在中央有一小格放了醃菜，賣相十分吸引。我先試食凍食，洋蔥沙律味道鮮甜不腥，很爽口清涼，上面灑了鰹魚乾碎，增加了甜味，沙律汁呈透明，帶微酸，是比較開胃的一道菜。然後我吃了刺身，這裡的刺身一向不錯。刺身有三款：油甘魚，三文魚和墨魚。全都很新鮮，油甘魚入口即溶，三文魚肥美，墨魚彈牙，在上面的蟹子令其有少許脆脆的口感。煎蛋很滑，味道少少甜。春卷入面原來是日本年

辛苦左一個星期，星期5既LUNCH梗係唔帶飯出去食飯啦同事今日帶我去食一間好多人幫襯既日本野喎!日本野我中意呀!呢間日本野多人!好彩同事仔醒，一早訂左位!我同AMY叫左2個餐，一齊SHARE食!呢間餐廳好搞笑，一開始會派熱毛巾比客人抹下手既，唔知係咪日本人既傳統呢??首先黎既就係是日定食($72)，有金菇豬肉卷﹑冷製菠菜﹑刺身三款同北容貝沙律。首先講講個沙律，一般，份量好少，我同AMY一人一啖已經食完，我就厭佢唔夠凍，拎出黎嗰時暖暖地的，沙律暖好怪XD冷製菠菜夠晒凍，不過D菠菜無乜味，應該只係煮熟之後雪凍，製作比較求其，我只係覺得有菜落下肚都叫好.. 刺身三款內面我中意三文魚刺身，十分肥美，咬落去既口感係入口即融，好新鮮，而且刺身都無任何魚腥味，我聞到既只係新鮮既味道!最後個金菇豬肉卷，十分之硬，咬開都有D吃力，D金菇應該唔係好靚，食完一路都「痴住」D牙..麻麻地，豬肉卷都無乜味，汁比較少，整體上我都覺得佢麻麻。另外我地ORDER既係「姜汁炒豬肉定食」($70)，平左$2，但係個賣相靚好多! 姜汁我就唔係好食到，但係就覺得豬肉略帶少少咸，不過其實都可以接受。豬肉既份量好多，黎到我地面前

是日同好姊妹相聚想食日本既居酒屋，就搵到依間打去BOOK台都要講英文，去到先知有D服務生應該係日本人黎前菜八爪魚同青瓜，有少少WASABI味既醬，好特別，味道清新好好味我地初時以為唔洗錢，埋單先知每人計20幾蚊，不過我地都覺得算抵明太子撈烏冬，見開飯個個都有叫，我地都叫左一個黎試下味道好濃郁，明太子加芝士同忌廉，還有一些紫菜絲，味道好夾，好正但多食會膩，所以同朋友SHARE就最岩～大家一定要試下啊！清酒煮峴，峴比較細粒同埋湯都幾甜下，幾好味不過朋友話有D有少少沙，我又唔覺，可能我咁幸運食到都係冇沙既明太子雞翼，雞翼偏小味道偏咸左少少，炸得好脆，但冇咩肉可以食到，但係好明顯係可以食到明太子既～整體都好味～食左少少先發覺冇影到相，鰻魚飯份量好多三個人每人都分到一碗飯，塊鰻魚都幾好食，因為食得出用炭燒，好有係日本食鰻魚既感覺！好好味，大家鍾意食鰻魚既唔好錯過呀～三文魚牛油果軟殻蟹卷，冇諗過一件都咁大件入面仲有少少牛油果，好FRESH既味道好好食！軟殼蟹食得出都仲係好脆，加埋三文魚同牛油果既配搭係一流大家唔好錯過～總結，我地會再黎因為無論食物質素，環境同服務都唔錯，好有日本居酒屋既感覺～