京.花朝 (已結業)

銅鑼灣一向都係美食集中地，但講到樓上既餐廳就要去發掘發掘。今次試既京花朝，佢主打既就係罕見既京菜！首先試左佢個砂鍋雲吞雞，佢既雲吞同出面既唔同，係菜肉，而皮都非常薄，好正！入口即溶既感覺！！另外個雞湯都煲到好濃，雪白色，一絕！另外都試左佢個糖糟魚塊，酸同甜既比例岩岩好，重點係個魚都非常滑，食入口仲可以保持到果陣脆口既感覺！蔥爆牛肉就正正常常啦，牛肉好稔，蔥亦無比牛肉多10倍咁，都真係幾唔錯~ 會再番轉頭食！

這間位於銅鑼灣的京·花朝，以京菜為主，有多款的京式小食，片皮鴨等等，最好先預定，確保餐廳有供應。香酥鴨半份雖然是半份，但份量十足，有四片的夾餅，鴨肉外層酥脆，肉質亦很鬆化，加上青瓜及葱等調料，平衡一下油膩感。水晶肴肉肴肉晶瑩剔透，啫喱狀的膠質跟肉平均，加上鎮江醋增添風味。糖醋魚片魚片無骨炸得香脆，肉質嫩滑，加上糖醋汁酸酸甜甜十分開胃。紅燒肉百葉結百頁結煙韌有咬口，而紅燒肉一層肥一層瘦，肥瘦均勻，入口肥而不膩，送飯一流。豆沙鍋餅外皮香脆且薄，中間的紅豆蓉豐富，不會太甜。整體食物質素中上，份量十足，而且價錢合理，小食幾十蚊起，小菜及主食都是百元有交易，店員服務有禮，值得一讚。

今年母親節帶咗媽媽去食佢鍾意嘅京菜預先訂好一隻片皮鴨如果你真係好肚餓的話去到一坐底，你就可以叫佢上鴨😂皮夠脆，係香港泥講算不錯的。剩返嘅鴨身 我地叫左茄子炒鴨肉味道有啲似魚香茄子個醬汁😆食完隻鴨 先再叫幾他餸😋😋😋整體上也不錯，其實最緊要媽媽食得開心☺️

一家人食飯，最好食中菜坐圓枱可以傾下計，今年母親節照舊去中菜館，搵咗間裝修幾好嘅小店，可惜食物水準不似預期，而服務態度則令人發火！北京烤鴨 (半隻x2份) $228x2⭐️⭐️⭐️前後叫咗兩次半隻，返到屋企先發現張單唔係收一隻錢，所以變相食貴咗，無端端被收多咗$3x！係初頭訂位只訂半隻，去到見到半隻鴨太細所以加多半隻，講真隻烤鴨無乜特別，肉質ok但皮唔脆，切功又求其，唯一可取係餅皮，熱辣辣又薄又煙韌，每塊皮仲會有張紙隔開防皮互黏錦繡松鼠魚 $268⭐️⭐️⭐️⭐️炸得幾香脆，有人連魚頭都差唔多吞埋，魚肉鮮嫩，酸汁調較剛好酸中帶甜，雜果蝦仁數量也稍多賽螃蟹 $128⭐️⭐️⭐️⭐️蛋白香又炒得滑，加醋令味道提升，最重要係熱辣辣黃金蝦球 $148⭐️⭐️⭐️⭐️蝦爽口彈牙，蛋黃咸香炒得滑溜，黃金蝦水準不錯；另外仲有黃金青瓜在內，又估唔到出奇地夾瑤柱蛋白炒飯 $98⭐️⭐️⭐️炒飯粒粒分明炒得乾身，瑤柱同蛋白少到食唔到，我仲以為係什麼招牌炒飯四川擔擔麵 $68⭐️我從未食過咁差嘅擔擔麵，麵質同味道與一般公仔麵無異，味道方面雖然走咗辣，但最基本嘅蔴醬都無，一味死咸上湯金菇翡翠苗 $88⭐️⭐️⭐️苗嫩份量都算多，上湯味道也不錯椒鹽豆腐 

近排好鐘意食中菜、京菜，由其係片皮鴨。位於銅鑼灣既京花朝比起其他中菜館既座位偏少，但人流都多。擺放既碗、碟、茶杯都印有花紋，好特別。而menu都好有特色，古代既畫風，只係花上面著色，配合番餐廳名 京‘花’朝為左片皮鴨而黎既無可能唔叫黎食之前食過其他餐廳既片皮鴨有少少穌味，唔太喜歡，所以都有少少擔心今次會唔會都食到，但好開心少少穌味都無2個人食半隻已經好夠，食得多會好漏。片皮鴨唔算太肥，皮好脆，少少油脂帶出片皮鴨唔乾身既口感。鐘意就甘食又得，用薄皮夾住鴨、青瓜，蔥一齊食都得。薄皮、青瓜同蔥如果想再要就要加錢，如果青瓜同蔥可以無限refill就更好，因為每次我都會夾大量，唔夠我食。另外仲點左份雞絲粉皮，可能食得太多片皮鴨，所以再食甘多麻醬有少少漏。不過整體黎講都推介食。當個口好漏既時候，叫一份糖醋魚片黎食解下漏裡面似係魚柳，皮薄厚肉。酸酸地好開胃，配多碗白飯夠哂喉。如果食片皮鴨前需要濕紙巾，可以問佢地拎。

最近聽銅鑼灣上班的朋友力推「京.花朝」，找了個晚上去嘗一下。店鋪位於銅鑼灣食肆「百樂中心」，一出電梯即看到印刷圖上的電鍍金色招牌，整體簡潔。店員隨即安排入座，桌面超闊落，反倒座位移動空間較細，顯得走廊通道更狹小。誠意推薦套餐，款式選擇多而價錢較划算，基本前菜、主食、湯水、白飯及甜品一樣不漏。我們額外點了半隻北京烤鴨，整體還算飽肚。北京烤鴨（半隻）HKD 228價錢其實不算便宜，所以外型小巧有點失望，勝在烤鴨水準高，味道確實不錯。烤鴨外皮烤至香脆，油香十足，鴨肉結實卻不乾硬，帶肉香。配上餐廳即蒸出爐薄餅皮，薄餅皮超薄但鎖住水分，口感煙韌彈牙。薄餅皮包住鴨肉、青瓜及白蔥，入口軟熟不飽肚。認真高水準薄餅皮！自選特色晚餐 每位268城山素腐方及夫妻肺片兩款均很不錯，濃度剛好卻不顯油膩，口感香口而不濟。金蒜風沙大虎蝦味道正常中規中矩，沒太大驚喜。京蔥羊肉京蔥爆香炒羊肉，味道惹味香濃，羊肉軟腍帶些少羊羶味，反倒更顯羊肉香。乾燒魚塊推薦之選。魚塊外皮香脆內里晶瑩剔透，肉香嫩滑富水份。師傅再以酸甜醬拌，味道更豐富，口感更惹味。是日竹絲雞湯雞湯味道清甜，味道薄身香口，質感較滑。杏仁豆腐口感冰凍滑溜，帶杏

今次就同阿媽一齊去銅鑼灣食中菜，銅鑼灣伯樂中心不嬲出名多嘢食，今次就試下一間中菜餐廳。餐牌選擇好多，亦有套餐可以選擇，感覺上會比較抵食。基本收費兩位來講茶芥$10一位x 2小食$20一份巴蜀口水雞$78口水雞來講個辣汁可以另外上，都算幾好，不過啲雞不過不失啦。原盅燉湯$68 是日淮山圓肉赤肉燉雞腳口味甜甜地，飲得出有唔少材料喺裏面，唔會覺得有重味精口味。三絲瑤羹$68呢個size比較大，而且大有少少鹹香味道，有豐富口感。蝦仁炒飯$98炒得每一粒都比較乾身，大廚手勢功不可沒,蝦仁蛋彈牙，整體鹹味適中。糖醋魚片$128有些甜甜酸酸的感覺，而且質感不硬不軟，吃下去剛剛好。豆沙鍋餅$58最後的甜品， 十分香脆，同時甜味亦符合香港人口味。整體服務不錯，食物也OK，如果多些人來就可以試一試特色的片皮鴨。

下午去少人，環境寧靜，服務周到👍🏻座位夠寬闊，坐得舒服。我地叫左個二人套餐 $288先黎原盅燉湯x2 ，是日靚湯係淮山桂圓雞腳湯，燉得夠味！好飲，幾潤同補既感覺🤣👏🏻前菜揀左香酒醉雞同北京醬蹄，醉雞味道濃郁、入味！雞肉仲好滑添！我地都覺得好食🤤而個醬蹄都唔錯，蒜香味突濃！醬蹄嘅口感爽爽的，送飯食一流。蔥爆羊肉炒得好香口😍羊肉同蔥嘅份量都多！好正呀🤤係我最鍾意嘅菜式！糖醋魚片魚片好大片，有魚味，唔會係有雪藏味果種，糖醋汁味道剛好，唔會好酸，好食！加上洋蔥同青、紅燈籠椒嘅伴碟，呢道菜係開胃之選🤤蛋白炒飯，唔錯，個飯有少少濕，較清淡，中和番果幾道菜👌🏻是日甜品係雜果杏汁大菜糕x2 ，都幾特別，第一次食杏汁味嘅大菜糕🤣

🇭🇰 銅 鑼 灣．．．．ヾ(๑╹◡╹)ﾉ整體分數：◆◆◆◆◆．📌座位舒服 環境如酒樓般熱鬧適合家庭聚會或是大伙朋友聚餐～(⁎⁍̴̛ᴗ⁍̴̛⁎)．📌服務態度很好員工很細心 看到茶太濃就送上了熱水開稀～．📌即使提出不要小食的決定 也樂於幫助 不會黑面相對！．📌食物質素整體CP值很高的！(˶‾᷄ ⁻̫ ‾᷅˵)⋯雞絲粉皮 $68推薦分數：◆◆◆◇◇相對地這個性價比不太高 不過味道是不錯的(⊙v⊙) 粉皮厚度適中 很多時餐廳都忽略了控制醬汁的份量 但這個麻醬是足夠吃完整份的 雞絲和青瓜沒特別的讚美或挑剔的(⊙v⊙)．水晶肴肉 $68推薦分數：◆◆◆◆◆沒拍清楚 但數量差不多有10塊 性價比很高！(;´༎ຶД༎ຶ`) 啫喱般的肴肉內有肉絲 增加了多一份口感(˶‾᷄ ⁻̫ ‾᷅˵) 淡淡的高湯味不會太膩 也令人再三回味～．上湯蟲草花翡翠苗 $88推薦分數：◆◆◆◆◇蟲草花和翡翠苗的份量都絕不欺場呢！兩者爽脆感都滿分了！💯 不過高湯帶點油膩感 可能是菜苗先過了油吧？(°_°)．上海炒年糕 $88推薦分數：◆◆◆◆◇這個價錢也不便宜啊～不過的確用料很足 內有上海年糕、少量上海粗麵、娃娃菜白菜仔、洋蔥顆和雞絲醬汁香濃而不過咸

白色情人節通常食西餐，我們反其道同朋友食中菜，便去了座落銅鑼灣百樂中心9樓的京.花朝。由於正值晚餐時間，大廈只有兩部升降機，龍尾已由大廈排到出街尾，排隊時間比較長，需要耐心等待。我們點了自選特色晚餐2位，五香牛肉、涼拌海蜇皮、花雕話梅醉松葉蟹腳、鳳梨咕嚕肉、醬燒茄子（素食）🍆、白飯（2位）、是日湯羹（兩位）、是日甜品（二位）、茶芥$10/位及小食$20，另收加一服務費，合共$634。小食：花生，香脆，一口接一口食，停不了口五香牛肉：肉酥軟涼拌海蜇皮：冰涼、好開胃花雕話梅醉松葉蟹腳：開胃冷盤、花雕味濃鳳梨咕嚕肉：非常開胃的菜餚、配上菠蘿🍍、非常絕配醬燒茄子（素食）🍆：醬香濃郁、送飯一流白飯（2位）：正常是日湯羹（兩位）：原盅靚湯，非常好味是日甜品（二位）：清甜

今晚又去了銅鑼灣覓食，百樂中心有很多餐廳，今次就試試京花朝，京滬菜。餐廳好寧靜，和朋友短聚的好地方。餐廳服務一流，會建議食客先吃點的菜不夠再點，很窩心的舉動。我們點了冷盤醬牛筋 $68，牛筋的味道都不錯，但略嫌啫喱狀多了些。北京烤鴨，薄餅皮及蔥、青瓜絲 $228 半隻。半隻烤鴨先呈現眼前讓你拍照，再片皮，烤鴨肉香，薄餅包著肉、蔥、青瓜點醬連皮吃，好吃。不過薄餅溫度維持不到，很快就涼了，口感會硬些。糖醋魚片 $128配絲苗白飯 $12 碗，糖醋魚片，甜酸度剛好，魚炸得好脆，配上糖醋，好夾，好好味。最後以甜品高麗豆沙 $48/4件作結，高麗豆沙內裡是紅豆沙饀，味道可以，但質感一般比較結實。

帶個日本同事來食晚飯，想盡地主之誼選個好食d 既餐廳，同埋要近佢住既銅鑼灣的酒店，我地就係到搵左呢間餐廳。叫左以下菜式給評價蔥爆牛肉：portion細，肉少蔥多，肉係彈牙，可惜冇咩肉味，估計落左好多石膏粉金蟲草豆苗：豆苗一D都唔嫩，好多揸，金蟲草以為高級野，最終好差又冇味酸菜魚：一來唔夠辣，半淡半咸唔到味，魚係冇骨，不過佢d魚一d 都唔入味，同埋係d 雪藏魚，一d 鮮味都冇！招牌炒飯：個waiter 講到好正，出來都唔係好得，D蝦係冇味細隻蝦毛，急凍雞肉更有冇味，唯一好既係D飯炒得香！家鄉豆腐：咁多道菜，相信係比較好既一道，不過都唔叫得上好味老實說，只係環境相對比較好同有空間，其他野例如，服務同食物都馬馬地，而且 portion 夠細份，最終食唔飽，怕佢地甜品，拔絲xx 都可能係伏，結果轉場！

這幾天不停落雨，落到人都煩哂，真係唔想在街上逗留。。。所以今晚我就同朋友就揀咗間樓上舖食飯，但我地又想食中餐，又要靜靜地嘅。。。所以就去咗朋友介紹嘅京。花朝試吓！佢地嘅裝修比較古典，地方不算大，靜靜地，入到來講嘢都細聲d。。。雖然地方不大，但都有幾張大枱。今日雖然係星期四，又落大雨，但到8點左右整間餐廳已經全部座滿！我地叫咗個自選特色晚餐，每位$268我地今晚揀咗：五香牛肉微辣，係一道好開胃嘅前菜涼拌海蜇皮不辣，海蜇夠爽口是日靚湯花雕話梅醉松葉蟹腳花雕味好濃，蟹腳好有花雕酒味糖醋魚片魚片大大塊，甜甜酸酸，好醒胃上湯蒜子浸時蔬今日嘅菜係溫室豆苗，好新鮮呢度嘅餸菜係因應幾多人而整幾大碟，二人份量剛剛好，唔多又唔少。。。唔使做大side鬼！今日甜品係杏仁豆腐茶唔算甜，清清地，杏仁味十足食飽後，靜靜地傾下計，呢度真係一個好嘅算擇！

好朋友最近升了職，說要請我吃頓晚飯，分享她的喜悅，我當然卻之不恭。能在工作範疇上獲得上司的認同和賞識，絕對是一件開心嘅事，當然要慶祝一番，而今次友人就揀左銅鑼灣這間以京滬菜為主打的「京.花朝」。餐廳位於耀華街 3 號百樂中心 9 樓，店內地方不大，但裝潢簡約而具格調，設計帶點古色古香；用餐區以木製檯櫈為主，襯上輕快的音樂和室內的古董擺設，環境清優雅緻，予人舒服的感覺。安坐後先翻開店員送上的餐牌細看，食物分門別類，有冷盤、魚翅、湯羹、海鮮、肉類、蔬菜、飯麵和甜品，另外亦有三款適合兩位、四位及六位享用的「佳餚宴」、「良朋宴」、「歡溢宴」。至於茶芥方面就每位 $10，小食每份 $20。本來友人打算點隻北京烤鴨，不過兩個人吃得不多，提議不如清清地，點個「佳餚宴」($488)。先每人來一客原盅燉靚湯，是晚靚湯為圓肉杞子赤肉燉雞腳，湯品上桌時仍熱辣辣，散發著陣陣香氣。馬上趁熱呷一口，湯身甘香鮮美，清甜潤喉，加上用料十足，啖啖滋味。接著是京式兩小碟，分別有雞絲粉皮和香酒醉雞。滑溜的雞絲粉皮，配上金黃色的麻醬，賣相極佳！粉皮晶瑩剔透，入口彈牙，而且非常爽滑。金黃醬汁由麻醬、花生醬製成，配上粉皮吃，麻香

香港好食而又抵食嘅北京菜其實唔多，今日我終於可以一試朋友極力推介嘅隱世京滬菜，果然無令我失望餐牌選擇都幾多，重點係我覺得價錢好合理服務方面店員全程照顧得我地非常好，加茶上菜收碟速度都非常快，重點係滿臉笑容，非常抵讚！先黎個雞絲粉皮，呢個都算係我食過數一數二好嘅雞絲粉皮，雞肉嫩滑，粉皮唔un，麻醬唔會膩，青瓜爽口完美組合寶話想食北京填鴨好耐一直都無機會同佢食，今日終於滿足到佢嘅願望適逢時間尚早所以請到廚房大師傅出黎幫我地片鴨仲片得鬼死咁靚比我地影相睇相就知個鴨有幾啖啖肉同埋皮嘅色澤非常靚！包埋熱辣辣同厚薄適中嘅皮簡直係天衣無縫後加一個蟲草花翡翠苗真係估你唔到咁大碟！上湯唔會過咸，翡翠仲係好爽口同翠綠，非常清新最後點少得我最愛嘅高力豆沙，不嬲都覺得食完唔會起哂痰就係靚嘅高力豆沙！呢個炸得唔膩，糖唔會太多岩岩好，豆沙又唔會調得太甜，係高力豆沙嘅完美示範！二百幾蚊係香港食到一個幾高質嘅京菜餐係絕對超值，同屋企人黎食試多幾樣野應該會更開心！下次要帶埋屋企人開返兩圍先