人和月雞煲火鍋店 (已結業)

很久沒有吃雞煲，見到IG有啲post介紹呢間人和月雞煲+打邊爐， 價錢二百幾蚊一位，有得食雞煲同埋高質牛肉火鍋，見今日路經尖沙咀，就決定去試一試。餐廳位於海防道，地鐵站附近，一入到去餐廳，感覺好企理， 同埋應該係新開張嘅。首先坐低就要點前菜（雞煲/酸菜魚），食完雞煲之後就選擇你想要嘅湯底。我哋兩個人點左雞煲+麻辣湯底打邊爐，辣度係小辣。雞煲份量唔算多，但夠香又夠辣， 而雞件亦算嫩滑冇雪藏味， 讚！食完雞煲之後，就嚟打邊爐，個麻辣湯底唔知點解有少少羊蘇味， 只係小小！ 我哋兩個人點呢個餐包左牛下肩、牛板腱， 呢兩個牛就只能夠叫一次，非常高質，牛味好重，肥瘦適中！另外我哋亦都點左金錢展、牛胸爽、雪花肥牛、黑豚肉、墨魚滑等等肉類。其實唔使$298 一位嘅價錢有以上嘅肉類選擇，而肉類質素亦十分之高質，選擇多，所以價錢非常之合理！而公家地方有一個位係比大家去令蔬菜、丸類、同埋甜品等等嘅食物。而飲品方面有各類汽水、和自家製嘅冷泡茶，非常之有誠意。呢個價錢可以食到唔同種類嘅高質肉類，雖然甜品選擇唔算多（冇雪糕），但價錢依然都係性價比高，一定會再幫襯！

秋風起 又係邊爐嘅季節當然而家剩係打邊爐已經滿足吾到我所以有埋雞煲或者酸菜魚梗係加分啦 新開張嘅人和月就啱唒位置喺尖沙咀又方便 今次揀咗價錢中間嘅特選滿足吃到飽 $298/位頭盤可自選自家韓式芝士雞/招牌麻辣雞煲/老檀酸菜魚今次揀咗酸菜魚 魚片超滑 而家配菜非常入味湯底更是好飲 之後就到打邊爐嘅時候藥膳養生牛奶湯底非常幼滑 亦滲岀微微嘅藥膳味配料方面一開始會有預設嘅牛肉拼盤上乘嘅安格斯、金錢展及牛板腱都有香濃嘅肉味 特選牛胸爽則非常爽口高級嘅雪花肥牛更是脂肪比例剛好之後可以根據自己喜好任意點選各款牛肉另外亦有40多款火煱配料自助供應當中有齊多種蔬菜🥬菇類丸類及肉類真係食到你飽為止特別喜愛特選甜品 當中有芝麻糊豆腐花等最驚喜係有芋圓及小丸子 芋圓同小丸子十分煙韌👍🏻食唔停口而店內亦有多自家製飲品最愛洛神花蜜及桂花烏龍茶就係我至愛又一性格比頗高嘅火鍋之選

香港人真係好鐘意食雞煲，去到邊都係咁多人食！今次去左尖沙咀既人和月雞煲火鍋店試下～一開始係食雞煲先，叫左麻辣小辣，少少辣過下癮，雞肉又香又滑，好惹味呢~~食辣野一定要飲野，呢度有個好多飲品仼飲，仲有自家制冷泡茶，解渴解辣一流！！食完雞煲就食火鍋，揀左沙爹湯底，叫左牛肉拼盤同海鮮拼盤，有十個牛肉不同部位都食到，值得一試，另外海鮮都幾新鮮，有鮑魚、蝦、扇貝~除咗兩個拼盤，仲有多款火鍋配料可以叫或者係配料櫃自己拎！自助區度仲有甜品拎，係香滑豆腐花，可以自己加啲芋圓，好得意又好味，飽到上心口~~

今次嚟到尖沙咀食雞煲～～叫咗一個麻辣雞煲，少麻少辣，好過癮呀～雞件唔算多，但都夠食，因為要留肚陣間打邊爐，雞肉醃得好夠味，又嫩滑，啖啖肉，正！食完雞煲就轉咗個沙嗲濃湯底，除咗跟餐有個牛肉拼盤同海鮮拼盤，有個自助區可以拎啲丸、菜同火鍋配料～～牛肉質素幾高，肉味濃，仲有廣島蠔好大粒，juicy～黑豚肉肉質爽彈～海鮮有鮑魚、扇貝、蝦同蜆，幾新鮮～仲有個大大飲品櫃，近排愛上冷泡茶，呢度有多款口味嘅冷泡茶，蜂蜜菊花露，少少甜唔錯～～多款韓式汽水任飲～～甜品有豆腐花，好滑溜呀，加幾粒芋圓同丸子，好味～～

踏入初秋，頓覺涼意，亦正是火鍋的好時節。朋友已急不及待約我去了這家新店烚烚佢。位置不難找，就正正在海防道，也有大大個綠色招牌豎立在餐廳外牆。這裏的雞煲是吸引我們來的主因，聽朋友形容是好食得食完立刻Encore！這麼誇張的好味道，我又怎能錯過呢？選了$378的大滿貫吃到飽套餐，貪其可以任食牛胸爽、牛下肩、外裙邊、雪花肥和金錢展等，牛肉是牛魔王打邊爐不可或缺的。餐牌以外有自助區，放了各式丸類及疏菜，我最欣賞有自家製飲料，大大枝養生又止渴，我的洛神花蜜酸甜開胃，蜂蜜菊花露清甜下火，食火鍋配來飲著實適合不過。說時遲那時快，雞煲已經上枱，份量真不少，上面鋪滿了芫荽，雞煲未滾起已飄著淡淡芫荽香。雞件真夠嫩滑，秘製醬汁辣中帶麻，甜甜地更惹味！令人食唔停口！果然無介紹錯，真係好好味！最後用雞煲汁點埋響鈴、芋絲、豬肚和腐皮來吃，吸盡精華，一滴都不放過！！食完雞煲食物陸續上枱。海鮮拼盤擺盤精美，帶子、鮑魚、大蜆肥大肉厚，看得出是新鮮貨色。套餐所有牛肉會先上一盤，等食完再選自己喜歡的無限encore。不得不讚牛肉盤的質素十分好，牛肉雪花紋分明，嫩紅帶白。湯底選了鴛鴦，一邊是沙嗲，一邊是楜椒豬肚鍋，沙嗲夠香，

今日去咗尖沙咀打邊爐，試左間同事介紹 話新開無耐嘅打邊爐放題我地揀左中間價$268既餐新開張個環境好乾淨舒服 野食,飲品同甜品櫃都放得好企理 有大量嘅丸同埋菜 全部都好靚仔仲有好多自家製冷泡茶同野飲 岩晒我一開始我哋揀咗個招牌麻辣雞煲 個雞煲好惹味，佢用咗兩款辣椒，平時好少見，同埋佢有好多香料，每件雞都好滑好入味，忍唔住全部食晒。之後我哋就開始打邊爐，我哋今次叫咗個藥膳養生牛奶湯 好香藥材味佢先上左個好靚嘅拼盤，出面分別有精選金錢展、嚴選牛板腱、嚴牛下肩、特級牛胸爽、同埋高級雪花肥牛，有幾款可以任叫全部牛都做得好好味，我哋之後都encore叫多好多份食之後佢嘅海鮮都好好味，海蝦係用新鮮蝦，隻隻都好生猛。另外仲有嫩滑鯇魚片，係出面食幾百蚊部酸菜魚嘅質素，又係叫咗好多碟食唔停口。仲有日本元貝，又係啲好新鮮嘅海鮮，都係嗌咗好多份，全部食晒 飽到頂上心口

平時食🐓雞煲加打邊爐就食得多但如果頭盤另外仲有酸菜魚 芝士雞煲咁 就開心得多了🥰事關平時食完雞煲已經飽左一半 有時太惹味又會食多左兩件😋呢間人和月有我最愛既酸菜魚食🐟如果想食酸菜魚又想打邊爐🍲 真係要揀呢間!!!酸菜魚份量係跟人頭計算 真係又酸又辣又好食屬小辣 魚肉都唔少 無骨 魚肉肉質好滑 仲好食過平時食開既酸菜魚專門店🤫.到打邊爐啦‼️除左自助bar同嘢飲 其他都係QR code落單美國牛下肩 牛板腱 牛胸爽同海蝦絕對係我既主打湯底揀左鴛鴦鍋🍲 川式麻辣🌶 vs 胡椒豬肚湯食麻辣少不了鴨血 煮到入晒味最正特別推介呢度既寬粉 麻辣寬粉煙煙韌韌好Q彈胡椒豬肚湯都十分足料 好多豬肚 呢度既花膠都係任食 落落呢個湯度煮腍左都好吸引 岩晒女士養顏😍呢度既肉品每份大約係6片左右 厚薄適中 肉味香濃牛胸爽係牛胸腔肋骨中間既軟骨部分 下湯煮十多秒即可食用 食落帶點爽口 食完仲有餘香 極好食。海蝦都超新鮮 你見我食咁多隻就知咩事🤣不騙人我都算係#蝦控 🦐 但大家都知平時任食都真係好少會俾新鮮蝦 呢度既海蝦就真係新鮮蝦了 肉質彈牙爽口 連蝦膏都好正 我已經book左下星期再同friend黎食🤤.店內仲有

本身都想畀多次機會返到去越諗越火滾話說我真係唔食得辣但又鍾意食麻每次食襯某店3小辣我都一定肚痛得好緊要咁就當然唔會叫大辣小麻啦佢有得分開叫我都會分開揀今次就叫小辣大麻個類似店長/經理明明覆咗我一次先落單$268/人 中價餐第一次就唔食最貴先出到嚟畀我見佢放咗三粒魔鬼椒都心知不妙個嬸嬸行過都話：「哇～後生仔咁食得辣」我話：「你都覺得好辣呀可」我話我叫小辣大麻，就叫佢去睇下呢個係咩佢睇完返黎話呢個小辣大麻黑人問號！我見個店長/經理埋黎睇話我叫小辣大麻佢話去睇睇又去廚房問下佢出黎死都話係小辣咁你死口唔認我吹你唔脹你話你家店個小辣係咁都得但好明顯連個呀嬸都知唔妥無計，咪拿拿聲襯啲辣椒未出晒味就食左佢但當然無可能啦好彩嘅係個雞煲唔難食都算啦…呢啲錯都常有咁咪叫佢火鍋配類囉仲可悪！10樣配料4樣都無又唔事先講想落單又話無某種牛又無帶子又無乜乜物物仲要行埋黎話唔好意思呀無貨就算問有無其他嘢代替又話未知你係員工無權話事都叫個大佬黎店長/經理又係講埋同一樣嘅嘢錢你又識收！最火滾係我地食到一半個店長/經理行過望一望話「好似真係好辣喎」火都嚟！！我都已經同你講咗話呢個太辣似係大辣亦都講咗話要換佢就唔都唔做又

最近有啲涼意，朋友提議一齊去打邊爐！所以我哋就去咗位於尖沙咀海防道新開嘅打邊爐店《人和月雞煲火鍋店》開餐啦！🥰🥰🥰我哋揀咗$378大滿貫吃到飽120分鐘放題火鍋套餐！頭盤我哋就揀咗老檀酸菜魚，魚片肉質好滑，而配菜方面都好入味！之後就到打邊爐時間啦，呢度嘅湯底選擇都唔少，商議下就揀咗左藥膳養生牛奶湯底，未開始打邊爐前，我哋淺嘗左一口湯底，幼滑牛奶中滲出藥膳嘅味道，味道不錯的！👍🏻👍🏻👍🏻而配料方面就先上咗預設嘅海鮮拼盤及美國牛肉大滿貫拼盤，當拼盤上枱時的確有種震撼感的！個海鮮拼盤有扇貝、鮑魚、海蝦、大蜆同細蜆！當中最正嘅係爽口彈牙嘅鮑魚！而美國牛肉大滿貫拼盤就有成八款不同嘅牛肉所組成的，當中包括極上黑安格斯牛小排、特選外裙柳、精選金錢展、頂級美國封門柳、特級牛胸爽、嚴選牛板腱、嚴選牛下肩、高級雪花肥牛！每一件牛肉片都好鮮嫩，而牛味較為突出的有安格斯牛小排同封門柳！😍😍😍另外我哋仲追加左墨魚滑、蝦滑、鴨血、鯇魚片及海蝦等！出面都擺放左一啲蔬菜同丸類等比大家攞返埋位打邊爐用的！而我就攞咗一包火鍋川粉返嚟，雖然係第一次試，但一食就愛上，呢塊粉皮熟咗之後呈現透明狀，食落煙煙韌韌，而且吸晒火鍋嘅湯

好友生日，佢係一個勁中意食雞煲打邊爐食靚牛既人！所以我一早BOOK 左呢間人和月雞煲火鍋店同佢慶祝生日～我地揀左$298嘅餐，一開始可以3選1揀韓式芝士雞/ 酸菜魚同麻辣雞煲～我地揀左小辣雞煲先！D 雞勁份量都幾多，又惹味，愈食愈滋味！食完雞煲，就可以換湯打邊爐任食～個鍋未黎之前，我地就出去拎野飲～整醬料之後就慢慢嘆!我地揀左個藥膳養生牛奶湯!飲左少少, 好濃藥膳味, 感覺唔會熱氣，又養生！我地可以電子落單～個擺盤勁細緻，擺左各款肉類，上面仲放左名稱牌子！當中唔係好多地方有既牛胸爽都可以任食，真係好爽口，正~我最中意＂嚴選牛下肩＂,牛肉本味好濃厚, 肉質又嫩滑~另外仲有好多野任叫,我地叫左好多野，EG. 鴨血、魚滑、蔬菜、花膠, ETC.飲品都多元化，可以飲埋佢地自家製既茶，唔錯！OVERALL $298, 食到咁多野, 真係好抵！下次可以試埋有海鮮拼盤既餐~

香港天氣正式入秋啦！秋冬最岩同朋友聚會去食雞煲或者打邊爐。今次瘦編去咗尖沙咀試吓依間新開張嘅「人和月雞煲火鍋」，可以一次過滿足你兩個願望。☺️-餐廳有三款套餐選擇，瘦編揀咗中價位【特選滿足吃到飽】。首先頭盤有麻辣雞煲、韓式芝士雞煲同酸菜魚選擇。瘦編揀咗韓式芝士雞煲，雞件沾上大量韓式辣椒醬，表面仲有大量芝士碎。開火之後芝士就開始溶，做成拉絲嘅效果，好正。食完之後可以通知店員，揀埋湯底就可以打邊爐！湯底有6種選擇，瘦編就揀咗胡椒豬肚湯底，胡椒香味好濃，仲有爽口豬肚可以食！👍🏿-首先每枱會有一盤美國極品級靚牛併盤，一次性供應，之後可以叫自己套餐包嘅食物。最深刻係有特級牛胸爽，香港唔係好多打邊爐嘅地方會有，口感好爽，正！另外其他牛肉都唔錯，高級雪花肥牛油脂分佈比例平均，肉質好嫩。牛下肩同牛板腱嘅肉味都好重！任食款式仲有好多選擇，牛、豬、雞、海鮮樣樣齊，用QR code落單好方便。另外出面仲有蔬菜、丸類、飲品同甜品設自助區，甜品區好驚喜！有芋圓、小丸子、涼粉、紅豆等等好多配料，熱辣辣豆腐花勁正！大家一定唔可以錯過！-味道評分▶️🌕🌕🌕🌕🌑 (4)抵食評分▶️🌕🌕🌕🌕🌕 (5)回購評分▶️🌕🌕🌕🌕🌑 (4

喺尖沙咀行完街搵嘢食，試吓呢間新開嘅火鍋任食叫咗個大滿貫吃到飽套餐$378/位頭盤三選一，我哋揀咗老檀酸菜魚，酸酸的夠晒開胃，魚肉好夠滑之後火鍋有六款湯底，我哋揀咗藥膳養生牛奶湯，聽個名都覺得好補呀美國牛肉大滿貫，有八款唔同牛肉試，都好鮮嫩海鮮拼盤，有鮑魚，扇貝，同蜆類⋯好新鮮同爽口彈牙額外仲加咗一啲配料出面仲有個自助吧，部分火鍋配料，例如瓜菜類，丸類，菇菌類，甜品類都自己夾，所有配料都有蓋蓋住， 十分衛生嘢飲都係任飲，都係出邊就可以攞到，有啲自家品牌嘅飲品一定要試吓呢個川粉十分推介，煙韌彈牙，好有口感，必食

行過尖沙咀，見到開左間新既火鍋店，就上去試一試，上到去座位唔多，但靠窗邊都有七八個卡位，坐得都舒服今次揀左$298既餐，見到有比較罕見既牛胸爽，不過呢款真係食一兩塊就夠，因為食完會成口牛油香，但都幾膩其實$298呢個餐可以揀雞煲，芝士雞或者酸菜魚，今次我地就揀左雞煲好惹味👍🏻👍🏻香料又夠，所以一煮熱既時候已經勁香食完雞煲我地就揀左川式麻辣湯底，麻辣湯底都好正先每一款牛都黎左少量比我地試食左先再加單👍🏻👍🏻總結，落單後上菜都好快，侍應哥哥亦都好快手，一有食吉碟就好快自動黎收

半個月前已經預約左因為一大班人慶祝1️⃣0️⃣月之星🌟好彩有一班人8號風球都不放棄餐廳亦同樣 打風照做生意係開心嘅🥳幾特別.. 揀左$29X嘅餐首先3選1可以係韓式芝士雞/雞煲/酸菜魚但呢3款唔係任食食完就換湯打邊爐任食呢個設定第一次遇到我酸菜魚&雞煲都試左下個人幾鍾意酸菜魚魚幾滑，重點係啲酸菜好食‼️雞煲幾濃但我覺得偏甜左啲…然後就到打邊爐揀左藥膳湯底藥膳嘅味唔係好夠濃點評下啲牛啦🐂牛胸爽okay嘅但一半半 有部分唔夠爽牛下肩係最出色牛味夠 肉質唔會太UN其他牛款都Normal豬肉都NICE嘅…印象深刻仲有魚皮餃 好食喎‼️飲品好多選擇仲有幾款自家製嘅花茶/涼茶甜品區係台式甜點有豆腐花、芋圓、涼粉etc. 自己撈 幾過癮幾欣賞環境乾淨企理同埋員工嘅服務好周到又有禮貌值得一戰❕ps. 如果酸菜魚同雞煲可以refill就好

火鍋店一直都開到成行成市，最近尖沙咀中達都開左一間新店，放工同朋友黎左試下人和月雞煲火鍋店! 距離地鐵站只有數分鍾路程，非常方便。模式係先選一款預設小鍋，食完再轉湯底打邊爐。同朋友揀左芝士雞煲，香濃芝士加上微微帶辣既雞肉，非常惹味!之後點左一款唔常見既湯底，藥膳牛奶湯，都係第一次見! 湯底奶白，飲落好香藥材味牛既種類好多，會先比一個拼盤你虐好各款肉，之後可以按自己鍾意既再加單!試過之後我比較喜歡牛下肩，肉同脂肪比例適中，油香夠而且肉質彈牙牛味重!除左牛肉，魚片都有驚喜! 魚肉食得出用酸菜魚既味底醃，又滑又惹味，不停encore~另一賣點係海蝦任食，肉質夠爽︿用上新鮮蝦，而且蝦肉夠鮮夠甜墨魚滑同蟹籽蝦滑同樣出色，質感彈牙味道鮮甜，值得推介👍🏻最後唔少得甜品，自助區有豆花、芋圓、芝麻糊、紅豆沙等等，每樣都整得唔錯~