人和月雞煲火鍋店 (已結業)

尖沙咀又多一間樓上雞煲火鍋任食放題, 地點離港鐵站2分鐘內路程, 交通方便。餐廳以綠色做主調, 設多個卡位, 坐得舒服,分別有三款套餐選擇, 我地揀咗中價位【特選滿足吃到飽】, 首先頭盤有自選口味雞煲/酸菜魚, 我地就揀咗韓式芝士雞煲,雞煲送上檯時, 雞件已熟, 而且沾上了辣汁(可自選辣度), 面層佈滿大量芝士碎,稍為加熱直至芝士全溶, 開蓋就食得,熱辣辣時, 可拉出超長芝士絲, 每件無骨雞件外層包住辣辣地醬汁又沾上了芝士, 雞件嫩滑多汁, 辣辣地又散發陣陣芝士香, 惹味滿足。之後再自選湯底轉打邊爐,揀咗胡椒豬肚湯底, 味道很有胡椒香, 微微地嘅胡椒辣, 豬肚爽口。送上一盤美國極品級靚牛併盤, 呢盤為一次性供應 如果想再encore就要逐一收費。特級牛胸爽: 質地超爽滑, 唔油高級雪花肥牛: 油脂比例最多, 較為嫩口精選金錢展: 油脂極少, 但薄切令口感冇咁厚實鞋口嚴選牛下肩、牛板腱: 肉味較重任食款式包括有少量牛、豬、雞、海鮮, 經QR code落單,日本黑豚五花片很嫩滑牛柏葉夠爽墨魚滑、蝦滑: 雖然不是好彈牙果種, 但夾集了墨魚、蝦碎粒, 幾有層次原本menu上有海蝦, 因缺貨而用

朋友食過，極力推薦！今日同屋企人去試咗，新開張，有9折！食完真係有驚喜🤩我地叫左最貴果個海鮮餐$378（每位）！首先我地選咗頭盤～雞煲食完之後，可以選湯底！有8種選擇～之後會上一個海鮮拼盤和牛肉拼盤，海鮮擺設好靚，而且都新鮮，牛肉味道唔錯，仲可以試到唔同部位出面有自助Bar~可以自取飲品、火鍋配菜、甜品個人推薦自家飲品（少甜）芋頭貢丸、餃子類、鴨血超滑豆腐花下次再黎試下酸菜魚我見都好多客人食值得一試！超抵食！

人和月雞煲火鍋店，顧名思義，有雞煲有邊爐，仲係120分鐘任食添！抵食之餘，味道都唔差！餐廳採取QR code落單，不過都有蔬菜、丸類、飲品、甜品等等係自助供應。食打邊爐前，首先可以三揀一，韓式芝士雞、老壇酸菜魚或招牌麻辣雞煲。未食已經聞到隔離檯食緊麻辣雞煲嘅香味，所以揀左小辣嘅麻辣雞煲，味道辣中帶甜，越煲越香越入味，唔夠辣餐廳可以加辣，而且可以加入蟹柳、魚蛋、午餐肉等等，更加索味好食！火鍋湯底有6款，我就揀左胡椒豬肚湯，胡椒味香而不剛剛到位，唔會蓋過海鮮同肉嘅鮮味。由於我食嘅係大滿貫吃到飽套餐（$348/378/位），價錢視乎入座時間而訂，比其他套餐多左份海鮮拼盤，有活鮑魚同活海蝦，新鮮度十足；美國牛肉大滿貫就有優質牛肉拼盤，有部分可以追加，一個價錢幾種享受確係感覺良好！

今次同朋友食飯叫咗$298嘅套餐。我地揀咗麻辣雞煲，睇得出個雞煲落足料，有八角、芫荽、原粒辣椒，好惹味🔥不過我唔食芫荽☺️所以整曬出嚟，係到提醒各位唔食芫荽嘅朋友，記得走芫荽！雞件正常份量，雞肉都算多，整體正常。之後打邊爐揀藥膳牛奶湯底，另一檯朋友叫咗沙嗲湯底。藥膳牛奶湯底都好足配料，不過聞落去冇奶香味，沙嗲湯底陣味就超級香濃，十分推介沙嗲湯底👍🏻飲品有汽水同埋佢自家製嘅凍茶，蜂蜜菊花露幾好飲，洛神花茶酸酸地幾開胃，但係有一支蜂蜜菊花露特別甜😅調配個位職員應該唔小心落蜜糖落得重手咗。打邊爐配料自行出去拎，有唔同類型嘅丸、菜、菇。種類唔會特別多，不過都夠食啦。牛肉方面，推介大家食牛胸爽！咬落去真係好爽口，超級好味，而且出面好少見。肥牛一般😓脂肪比例太多，雖然重牛味但好容易會食濟。海鮮方面，海蝦都算新鮮，正常味道。墨魚滑同蝦滑十分推介😋墨魚滑入面有馬蹄，所以食落好爽口，而蝦滑入面嘅蟹籽都算多。整體海鮮都好好味。甜品方面，選項唔多，有凍涼粉同熱豆腐花。雖然冇雪糕有少少失望，不過佢有唔同配料比你加落啲涼粉到，有oreo餅碎、抹茶味餅碎、小丸子etc。豆腐花都算正常，唔會好濃石膏粉嘅味，都算好味。

有朋友拍心口話呢間新開餐廳啲嘢都食得吓，所以就去試吓佢，間野都好新淨闊落，我哋兩個人都有卡位坐😚，望吓餐牌，竟然見到最貴嗰個價錢有牛白肉食，都好少去見有餐廳可以任食🤤🤤雖然着係個價錢貴就貴啲，不過見有my飛佛，唯有今個月慳啲使😝首先就揀咗個雞煲食，微🌶，一上就已經香噴噴，炒多兩炒就已經食得，花椒 八角 香葉香味應有盡有，啲雞汁亦都好足夠🤩，可以包晒成舊雞👍🏻👍🏻 個汁味道比較甜，咁下次食辣啲都唔怕佢仲有另外上過雞煲汁，俾你食完雞之後再落啲材料食，我個人推薦拎金菇 豬皮 魷魚 就最適合，佢地索埋啲雞煲汁，比街邊嗰啲更好食👍🏻👍🏻之後就可以再揀湯底打邊爐，我哋揀咗胡椒豬肚湯，入面胡椒味好足夠，有辛嘅勁度，豬肚就比較再等吓食先夠淋😝佢套餐有牛肉拼盤同海鮮拼盤跟，牛肉我覺得最好食一定係黑安格斯牛肉，不過高級美國肥牛同牛白肉都唔差，而且仲可以encore😂海蝦非常正，蝦頭好甘香甜美，唔苦味，非常難得，所以我都叫咗10隻8隻食😝甜品方面就有豆腐花，佢有多種配料俾你選擇，我食過多種選擇之後，配芝麻糊係最夾，豆腐花既香加埋芝麻糊嘅甜，大家可以試吓🤓飲品方面佢有好多款自家製茶飲，唔使試吓飲汽水咁悶佢所有

新開張冇幾耐嘅人和月雞煲火鍋店，晚市有120分鐘火鍋放題，有三個價位，只要分別在於海鮮、牛肉種類等等。打邊爐前先食招牌麻辣雞煲，除左雞煲，仲可以揀酸菜魚或韓式芝士雞。唔怕辣可以叫中辣以上，我呢個係小辣，入口香甜惹味帶微辣，越食越香越開胃！解渴解辣涼伴有呢堆自家制飲品，例如桂花烏龍、羅漢果菊花蜜，清甜解渴。飲品櫃好多款式。火鍋配料自助區，整齊企理。大滿貫吃到飽包埋海鮮拼盤，以及牛肉大滿貫！海鮮新鮮，鮑魚彈牙有鮮味！胡椒豬肚湯底配海鮮及肉類都幾夾。甜品區有自家制豆腐花、芋圓，好滑溜。

捉住夏天的尾巴,約局食飯最精彩的是來個麻辣火鍋!正如冬天食雪糕,與夏天食火鍋(尤其是麻辣的)都有特別的風味;有朋友下午來電約局晚餐,原本意向是西餐,但我想起有好友推介了近期在尖沙咀新開張不久的放題火鍋店,遂提出轉站於此,朋友聽後也同意,我就馬上打電話先去訂位;慶幸Openrice大神竟有這食店的詳細地址,分享給了朋友,約定飯局在7點鐘開始;其實食店的選址還真的很好,從港鐵尖沙咀站九龍公園出口處行過去只消數分鐘的步程;(其實只要一站於海防道的街頭或街尾,都很容易抬頭就望到「人和月」的巨型招牌!)因朋友早到一步,已經入內就座了;我從大廈的電梯上去,一開門就有個明亮的環境出現在眼前,掃了出行碼量了體溫就可進入食肆;大概食店走的是摩登舒適路線,首先有明亮溫暖的燈光,映照著以木紋色調的牆飾為主軸,呼應了餐枱的木色,配搭著綠色的座椅,從門面以至整個室內環境,都予人一種明亮簡潔的感覺!甫坐下來,朋友跟我說已屬意挑選餐牌上提供的三種套餐的其中之一--提供高質肉食的大滿貫;然後我細看一遍,以及詢問店員後,發覺真的非常吸引;這食店的套餐是以芝士雞煲/麻辣雞煲/酸菜魚作前菜,之後換上另一款湯底來打邊爐(火鍋

尖咀新開打邊爐，連lunch 都有得食雞煲/酸菜魚 + 打邊爐，蔬菜係任食嘅😃😃😃 份量啱啱好，食得哂！任叫嘅入面嘅牛肉，同埋炸魚皮，不停encore!! 我諗我會再嚟😃😃😃👏👏

中秋節到👏👏，難得有假期當然要食餐好，呢間新開的《人和月雞煲火鍋店》專做雞煲、酸菜魚 和火鍋放題！分別有三個吃到飽餐選擇，我地選擇咗(特選滿足)＄298（1位）！頭盤(招牌麻辣雞煲）我點咗個小辣既雞煲，店員一放低，香味撲鼻 ，分量大約半隻雞，雞肉掛汁一流，辣度亦剛剛好，可能經過焗一焗，所以雞件特別入味和惹味，店員多留一碗醬汁，給我們可以加點火鍋配料，多種食法👍🏻👍🏻！藥膳養生牛奶湯～第一次用牛奶湯打邊爐，都幾特別！先來一盤牛肉拼盤，不同部位與口感都齊全，好新鮮！海鮮方面～有海蝦、同嫩滑脘魚片自助區亦有30多種火鍋料、自家製支裝飲品、甜品等等．．．

喺IG見到尖沙咀呢間新開嘅火鍋店幾吸引，今日收工就同朋友過嚟試下！一入鋪已經感覺到呢間鋪同一般火鍋店唔同，呢到比較光猛乾淨，裝修都幾stylish，唔會好老土，而且留意到呢到係比較多卡位，坐得幾舒服！餐牌如下，我同朋友揀咗$378 呢個set，想試多幾款牛！頭盤揀咗麻辣雞煲 ，睇賣相都知惹味，啲雞都好入味，麻而不辣，正！平時多數食完雞煲就打邊爐，呢到好特別，會另外提供啲雞煲汁俾你煮下其他配料，真係第一次見！食完雞煲轉邊爐，湯底揀咗胡椒豬肚鍋！一上枱就聞到好香嘅白胡椒味~有好多豬肚喺入面~呢個海鮮拼盤真係不得了，勁新鮮，扇貝好爽口，鮑魚好彈牙牛肉拼盤，一次過可以試晒咁多款牛肉，最抵讚嘅係佢每款肉上面都有個牌仔寫明係咩肉，方便陣間落單可以再叫！最正係有牛胸爽食，唔係到到有架！呢到係電話落單，真係好方便！上菜快，無漏單出面配料區都好企理，款式都算多！全部都有蓋蓋住，相對比較衛生！除咗一般汽水，呢到仲有自己整嘅茶飲，飲下茶可以消下滯，自家製真係好有誠意！推薦呢個蜂蜜菊花露，淡淡嘅蜜糖味，同埋真係有菊花喺入面！甜品係豆腐花！啲配料係我自己裝架，係咪好似喺街食嗰啲呢？順帶一題，唔知係咪新開張嘅關係

尖沙咀中達大廈有一間新開嘅火鍋店 今次同朋友嚟咗試吓特選滿足吃到飽 $298/人頭盤有芝士雞/麻辣雞煲/酸菜魚揀 包你又食到火鍋仲有唔少好食肉類 仲有豐富嘅頭盤食🤤今次叫咗小辣嘅麻辣雞煲一上菜陣陣麻辣味隨即撲鼻而來 非常之香 整體個煲仲有唔少配料例如花椒粒辣椒洋蔥等 另醬汁好惹味 每件雞亦都沾上到麻辣醬嘅香味 又或者可以再點甜醬 辣同甜配埋一齊 味道豐富好開胃 雞件亦唔韌 唔錯😋火鍋湯底揀咗藥膳養生牛奶湯 足料😋有京蔥 杞子 紅棗 白芷 白勺 等等 未落火鍋料之前試過吓 個湯好濃嘅藥膳加牛奶味 味道唔會好漏 係清新且味道舒適嘅湯底 肉類則係透過電話落單 店員會先比五款肉類你試 再任加單 不過牛板腱如果想加單則要加錢 牛下肩嘅肥瘦比例唔錯 牛肉味出 肉質比較嫰滑牛板腱同金錢展嘅牛肉味則比較重 不過牛板腱嘅肉質會比金錢展滑😋第一次食牛胸爽 牛肉味特出 咬落則比較爽口另外仲有黑豚肉同五花片 肉質鮮嫩 海鮮則有海蝦揀 日本元貝因為賣晒所以無得試 可惜可惜其他配料就可以出去自助區選擇 全部都有蓋蓋住保持衛生另外有糖水飲品區 飲品試咗冷泡茶 桂花烏龍同玫瑰茉莉花茶 味道清新

剛剛同朋友行街見到新開張人和月火鍋放題，見到個名咁得意上咗去試吓，環境舒適,服務員又有禮貌，食物品種多,牛都有好多款式，甜品仲有豆腐花芋圓，下次都會再幫襯，滿足

經過見新開張試吓，晚市時段，點選了大滿貫吃到飽火煱放題火鍋，頭盤有三款，我就點選了其中兩款雞煲🐓和酸菜魚🐟），🐓雞煲味道特別，（太心急食冇影相）不過第一次食只叫了小辣🌶️略嫌唔夠辣🌶️下次可以叫中辣）（酸菜魚🐟魚肉夠滑），之後轉湯底打邊爐，湯底揀咗胡椒豬肚湯同沙嗲湯底，牛肉一次過可以試晒唔同部位，值回票價👍👍，海鮮拼盤有鮑魚、扇貝（勁大隻)海蝦🦐，蜆，追加日本廣島蠔🦪，蟹籽蝦滑，墨魚滑等等（最緊要係夠新鮮）自助Bar有烏冬、麵、菜、萵筍、多款丸類，但係都冇食丸同麵，食完牛肉同海鮮都飽咗八九成，因為要留肚食甜品😋，飲品有好多選擇，不過比較特別係有自家製蜂蜜菊花露，桂花烏龍、洛神花蜜（吾太甜👍），食完海鮮整番碗紅豆薏米豆腐花一流👍，台灣芋圓😋最正👍，小朋友食完再食，自助甜品有涼粉、豆腐花、台灣芋圓、軟綿紅豆、薏米地方闊落，坐得舒服，侍應有禮貌，值得一試👍

收工見到以前川上龍個位變左間新餐廳，同朋友兩個人食左個海鮮套餐任食火鍋。叫左個酸菜魚估唔到好好食，份量又多，二人海鮮份量又好多，食左呢兩樣都飽飽地，仲有個牛拼盤，丸類都好多選擇，水餃出色，豆腐花芋圓都好食。脆肉脘魚片似譚仔個隻都好食，仲有好多野食未試，下次想去試雞煲自家茶都係出色既

今日試新野 路過尖咀落下姐姐派傳單，食個雞煲放題又唔錯，叫咗個$298餐全單仲有9折 🐔煲甜甜地辣辣地幾野味，食材新鮮有質素 唔係想像中果隻cheap cheap放題，🐃牛拼盤質素唔錯，部位種類多，場地卡座舒適可以再嚟，服務員有善，可以新開效率可以提高少少，Last仲有個甜品吧自己揀，老婆勁like有豆花同芋圓涼粉，唔係一般派雪糕，可以再番食