你妳 (已結業)

都唔知幾時有得去旅行，所以決定食啲台灣嘢食彌補一下。平時離開紅磡呢邊，見到一間新開嘅外賣舖，咁就梗係要試吓拎返公司食啦。我哋幾位同事叫咗幾樣嘢食，包括好似幾出名嘅肉鬆污泥當時已購令一個鹹蛋黃番薯肉鬆吐司，感覺都幾好食，所以就試吓啦。另外再加左兩個便當添一個呢就係返另一個呢就係江畔麵，各有千秋味道唔錯。😊小食方面包括有甜不辣花枝丸蝦餅番薯條等等，仲有我最鍾意食嘅髯鬚雞，全部都係新鮮整起，就算拎咗返去10幾廿分鐘都唔錯幾好食嘅。但我見我哋有四個人佢仲好細心咁樣將花枝丸展開幾舊俾我哋添，真係好貼心，抵讚。下次都可以試吓其他甜品嗰啲嘅，另外嘢飲方面都好足我要左紅豆抹茶芋圓，見佢啲料都好足夠，真係好滿足😙

你妳係一間主打台式便當同輕食既外賣店，另外仲有賣台式飲品🧋今次就試咗佢嘅吐司同芋圓仙草。下次有機會要試埋個鐵路便當先得‼️.♦ 肉鬆芋泥吐司 ⋆ $42我一向都好鍾意食肉鬆芋泥吐司！你妳既呢個吐司中芋泥同肉鬆嘅份量都好足，每一口都係滿滿嘅餡料😋肉鬆鹹鹹地同芋泥好夾。. ♦ 紫薯白兔糖麻糬吐司 ⋆ $ 48麻薯本身係我另一個favourite.佢嘅包裝仲好特別，用咗白兔糖嘅紙質去包裝，細個嘅回憶即刻返晒嚟‼️第一次咁大量嘅麻薯放入口😂😂真係好夠煙韌。不過始終都係覺得傳統～味道嘅肉鬆芋泥係最好食.♦ 仙草1號 ⋆ $38佢除左仙草仲有三色芋圓、紅豆同水晶。大大一碗，個底全部都係仙草。黑糖味比較重，所以整體都偏甜。個人認為芋圓再多少少就好😝😝

今日試搭屯馬線，行開嚟黃埔，見到有間鋪面細細但係好多人排隊嘅小店，原來係你妳喺呢度開咗分店。呢間分店只做外賣，但係好多街坊幫襯，或者好多人都好懷念台灣嘅味道，於是我都唔執輸，趁下熱鬧。上次食荃灣店已經覺得呢度有台灣嘅味道，特別係佢嘅招牌芋泥土司。今日仲要畀我見到個特別版：芋泥白兔糖麻糬吐司！就咁睇個名都知道味道一定好特別，返到屋企打開個包裝超靚，完全係一粒巨型嘅大白兔糖！打開見到厚厚嘅芋泥配上煙韌嘅白兔糖麻糬，打卡真係一流。吐司味道唔甜而且有好特別嘅口感，食完唔會有太大嘅罪惡感，不過我覺得如果白兔糖嘅味道再出啲會更好。然後我再叫咗個魯肉飯醫肚，上次喺荃灣店食嘅魯肉飯我印象好唔錯，今日呢個都好對辦，魯肉比較乾身，冇咁肥，反而啱我口味。另外我揀咗三個小食：古早味雞捲、台灣士林香腸、澎湖花枝丸，我個人最鍾意士林香腸，肥瘦均勻，而且香腸燒得剛好，脆脆的，配合生蒜蓉真係特別開胃。 因為我先生都好掛住台灣嘅牛肉麵，所以特別叫一碗佢試。個湯底係可以嘅，牛肉都算腍，但略嫌唔夠入味，啲麵條都係，質地係好有𡁻口，不過如果可以平衡到火候同味道，會更出色。總括來講，呢一餐外賣都可以暫時一解我地去唔到台灣嘅思

今日終於試到呢一間野，話晒係芋泥控，一定要試吓.佢哋嘅裝修幾得意，好似有個叮噹隨意門。叫咗肉鬆芋泥吐司，$42。佢哋係即製，等左大約幾分鐘。拎左返公司食，好明顯冧咗😅鬼叫我叫外賣咩份量好大份，分享俾朋友會好啲。食到一半已經好飽肉鬆超多，芋泥唔係死甜。ok gei .食得出應該係自家製，唔係出邊已經溝好咗嗰啲👍🏻要讚一讚雖然佢哋係小店，但好有禮貌。食品方面應該要多啲新野，希望佢哋頂得住有機會，下次都會再食過

星期六中午經過，發現屋企附近新開了間外賣店，好似幾吸引，決定買少少番屋企試下😛外賣店行粉紫色路線，岩女仔打卡，地方唔算大，隱約見到廚房，乾淨企理😇主打手作吐司，同埋台式便當，就買一樣一份試吓我鍾意食紫薯，叫咗個肉鬆紫薯吐司，再加錢要咗個小食甜不辣拼地瓜薯條🍟紫薯肉鬆份量好多，唔知係咪因為紫薯冇另外加糖紫薯味唔係好出，肉鬆鹹香味比較出。另外嘅小食，啱啱炸又熱又脆，好正。自選便當可以自由配搭主菜和小食，我要了大雞扒做主食，小食就要了花枝丸加蝦卷。呢個餐性價比好高，有齊我鍾意食嘅嘢☺️另外叫了杯手工特飲，芋泥珍珠小芋圓。聽個名都知，杯飲品勁飽肚😝😝

今日趁課堂嘅空檔，趁冇咁忙嘅時候就去紅磡同同學諗住買外賣。行行下呢條街，發現依間新開嘅台灣外賣店，比去過多啦A夢隨意門吸引咗（提醒自己唔好講叮噹，唔係有暴露年紀㗎啦）。雖然喺鋪面細細，裝修好別緻。鋪面用粉紅色嘅主打，簡單咁樣擺咗好多花樽，整潔得來好優雅。佢個餐牌呢都包含咗好多唔同食物，有飯有面有吐司有珍珠奶茶，基本上呢雖然鋪面細細，但係你想叫啲乜嘢食都有。今日呢我哋四個人，因為要有動力去繼續想超難嘅課堂，所以我哋都帶咗幾多嘢食㗎。我哋嗌左以下嘅：肉鬆芋泥吐司套餐+一口鹽酥雞拼花$42佢個包質鬆軟，加上非常之濃厚嘅芋泥，好咁呢亦都好豐富，而且出奇地同麵包好夾。餐廳員工好好，見我哋呢有四個人，幫我哋將啲雞粒呢係再切醒四小粒，方便我哋進食。抹茶紅豆小芋園 $30黃金蛋黃地瓜肉鬆吐司+甜不拼平地瓜薯條 $48個肉鬆吐司真係值得一讚，超多肉鬆，但係又唔會呢好乾，反而係好Juicy。地瓜薯條，番薯蓉好足料，咬落去好有質感，唔會好乾身，而且炸到有薯條嘅香味。滷肉飯+茉莉綠茶 $55乾拌麵+炭培烏龍珍珠奶茶 $55啲飲品呢係超多珍珠，超大杯，而且個茶味係好香濃嘅，超級抵飲。我自己亦都私心推介乾畔麵，雖

終於等到紅磡店開幕啦 不過佢係外賣店有一日經過既時候見到呢間吉鋪 貼左Youyou個樣實在係太興奮啦終於等到了開業 梗係要試試佢由於係外賣店既關係 佢門口都放左張長椅比人坐係到食同埋佢地設計左度隨意門做送貨同員工出入既門其實好想試!! 但決定留番下次下午茶食呢個都幾吸引wo乾拌面，五花肉，海鮮餅，迷你蝦捲。$55 蚊葡萄柚綠茶 連埋野飲都係加$3 = $58魯肉飯，雞扒，蝦捲，台灣腸 $55 蚊連埋野飲都係加$3蚊咋 自選三文治: 豬扒 +薯仔沙律 +蜜糖芥未 $42蚊靜係食呢個都好飽啦蜜糖芥末醬有少少奇怪甜不辣 (餐點 +$10)因為佢炸得比較脆同荃灣站比較 因為佢無問脆度而我上次覺得好好食係因為5分脆可能要自己提及仲有野飲 白桃綠茶 葡萄柚綠茶 白桃烏龍茶清爽 而且果味都比較突出

最近你妳youyou係紅磡開咗一間外賣分店雖然係外賣站 但係門口有一張木椅同埋背後有一到好靚嘅粉紅色木門畀你打卡 途人經過都會畀佢門口嘅裝飾所吸引 款式方面 除咗有招係嘅手作芋泥吐司之外仲加上有香港特色嘅口味有白兔糖鮮奶麻薯口味同埋黃金鹹蛋黃口味白兔糖絕對係童年嘅回憶 芋泥白兔糖麻薯吐司 $48首先店舖用上白兔糖嘅包裝紙包住吐司 非常可愛未食之前已經畀佢個樣吸引一打開 海量嘅芋泥同埋白兔糖麻薯湧出 超大份 然後麻薯係用白兔糖加埋3.6牛乳打製而成 食落口感冰涼之外仲有淡淡嘅奶香 童年嘅感覺返曬嚟 而且食落唔會好漏 再加上芋泥 配搭非常恰當食落層次豐富 非常好味 芋見紫薯吐司 $45另外朋友買咗芋泥配搭紫薯嘅吐司顏色非常鮮艷而且份量十足 芋泥加紫薯呢個組合一定唔會令人失望 芋泥綿滑唔會好甜 紫薯口感豐富而且吐司用牛油烘過 外層香脆而內裡豐富 另外再買多兩杯嘢飲金鑽鳳梨綠茶鳳梨香甜再配上綠茶 味道恰配 食完吐司再飲上綠茶非常滿足 手作紫芋牛奶香甜順滑芋泥搭配牛奶 帶有濃郁口感而且柔順美味 每一口都非常滋味

《你妳 》對於我呢個港島人嚟講平時基本上係大欖都扯唔埋嘅。雖然已經見過佢出現係人哋 Story 無數次但自己其實都系冇事試過。做咗廿年港島人，冇耐前終於搬咗去九龍，系平民區嘅街道中竟然發現你妳新店嘅蹤影，仲要無人排隊添! 梗係啦啦臨買番屋企開心 Share其實小妹平日唔算特別鍾意食芋頭，但芋泥呢又唔同講法喎 😌 全家都肯陪食嘅關係，我一次過試到兩款唔同風味嘅多士 首先 - 「芋見咸蛋黃紫薯吐司」 ($48)呢個配搭可以一口氣食晒三款唔同色嘅餡料，份量十足，紫薯同芋頭嘅厚度係平均嘅，兩者中間再夾一層鹹蛋蓉。足料到爆非常抵食。但由於全部都係咁 dense 嘅料，一個人食四份一件已經飽到上心口。想小試一下嘅同朋友分享就啱晒。不過冇鹹蛋配肉鬆嘅配搭有啲可惜，期待佢哋推出新款 另外我仲點咗另一款新口味「芋泥白兔糖麻糬吐司」($48)，見到麻糬就覺得幾新奇，有啲似豆腐花，更加啫喱狀但又唔會黐牙。口感幾得意幾 rich，白兔糖味其實更加似牛奶味，我自己鍾意呢個配搭多啲，有啲新鮮感，冇咁飽，有食甜品嘅感覺。 個人覺得唯一美中不足嘅係多士冇烤過，如果烤至金黃色外脆內軟會令多士更加精緻，而且仲可以有冷暖交

之前都食過YOU YOU 既其他分店, 知道係屋企附近開左分店, 即刻去睇下!!原來呢間係外賣店黎, 門口有隨意門, 好得意!比起其他分店, 呢到既吐司更加多元化, 除左招牌既芋泥吐司, 仲有好多款既咸味吐司, 因為就到夜晚時候, 所以我就叫左咸吐司試下!!佢既吐司套餐係可以自選既, 45蚊起, 我揀左鐵板雞排, 醬汁要左蜜糖芥末, 配菜要左台灣腸, 仲可以叫少醬, 健康D!一見到個吐司就真係O左咀, 因為勁大份, 好似食半份已經飽!雞掛好嫩, 醬汁好味, 同埋佢本身已經好多生菜, 口感好豐富!特別推介佢既仙草大滿貫, 雖然要48蚊, ,不過真係勁大碗, 3個人都夠食!佢既仙草好滑, 唔會好甜, 仲有4款唔同既芋泥, Q彈好食!!!另外叫左個牛三寶飯, 牛三寶係會跟埋湯底, 而湯底帶有藥材味, 我幾鐘意, 牛肉都好淋好入味, 糖心蛋都好好食!!

叫deliveroo見到呢間野新開，即刻order黎試下，好有驚喜喎😍仲記得以前去台灣做展覽，日日做到無停手，中午食個便當就係最輕鬆時候。所以成日都好懷念台灣便當個種豐富幸福感。今日竟然係屋企附近食到 雞卷有大腸包住，外脆內軟。魯肉飯店家用心用到較瘦嘅肉便魯肉，食落無負擔。再加一隻好入味嘅糖心蛋，正！小食都一樣無馬虎，香腸同蝦卷，每一樣食物都睇得出係用心制作。之後應該會不停encore呢間野！💗💗

因為疫情的關係，已經有一段時間冇去過台灣，其實都幾懷念台灣食物。😬之前已經聽講呢間YouYou喺荃灣食芋泥吐司好出名。但係因為本人太懶連樓下七仔都唔想行嘅人所以遲遲都未試。🤷🏻‍♂️直到今日打開戶戶送平台發現有呢間YouYou原來喺黃埔開咗分店。我即刻就嗌咗三個吐司同埋一個仙草。1)肉鬆紫薯吐司⭐️⭐️⭐️⭐️⭐️賣相一流，用嚟Po IG 幾好！係我認為三個入邊最好食！紫薯嘅微甜再加肉鬆嘅鹹香陣味真係好夾鍾意食紫薯味重嘅你一定要試吓😉2)芋見紫薯吐司⭐️⭐️⭐️⭐️⭐️成個吐司口感都好順滑除咗有紫薯嘅香甜仲有芋泥嘅綿滑☁️真係好正！😋3)芋泥白兔糖麻糬吐司⭐️⭐️⭐️⭐️第一次食白兔糖嘅麻薯陣味係幾新鮮麻薯嘅煙韌同埋芋泥嘅順滑，口感幾過癮！但係味道相對冇前面兩個咁出色（冇對比冇傷害）😅4)仙草3號⭐️⭐️⭐️⭐️⭐️有三色芋圓、仙草、布甸、水晶芋圓味道和口感都好出色然後裏面嘅水晶增加左整個甜品嘅爽脆口感，布甸好重椰香同蛋味！😋黎黃埔開分店係一個正確嘅選擇😂起碼多咗我將會係常客嘅人佢去幫襯😂