你妳 (已結業)

今日lunchtime朋友帶咗我去一間黃埔附近新發現嘅台式吐司店聽講佢最出名嘅係芋泥吐司間舖頭好細，應該係做外賣多但因為我呢排食得比較清淡，所以見到佢嘅menu都盡量選擇啲冇咁肥嘅食品😂同行嘅朋友share咗一份咸同一份甜嘅吐司， 即係最出名嘅手作芋泥吐司因為我唔太好甜野，費事咁滯，夏天咁熱又唔想食咁熱既麵，就嗌咗個台式便當- 乾拌麵套餐🤣主菜就揀左鹵水雞扒，因為職員話佢其他大多都係炸物😂套餐送2款台式小食同1杯飲品, 我揀左香芋海鮮餅同士林香腸，同一杯葡萄柚烏龍茶同行既朋友唔係第一次食呢間吐司，佢地繼續好評👍🏻芋泥勁足料又香滑有芋香另一個自選吐司就味道正常而我個便當餐。。🙁塊雞扒睇落都唔似鹵水， 雞肉又乾又嚡，嚡到我以為自己食緊雞胸肉而且佢啲炸蒜片好油😥士林香腸味道正常冇乜特別芋泥海鮮餅口感都幾特別，而且真係有芋香但都係幾油個麵嘅麵質一般，撈埋個肉燥都係好油唔知係咪因為外賣嘅原因 啲嘢唔係即刻食， 所以成個餐都好油膩🤡最後油到晚餐都食唔落😅大家如果試呢間店都係食番吐司算😅成餐飯最有印象係杯飲品，因為只係加$5，我叫左少甜葡萄柚味道清新好解油膩👍🏻

之前去過荃灣店，估唔到今次紅磡開咗新分店，我去仲方便左。每次都必點佢招牌吐司，肉鬆芋泥吐司🤩材料豐富賣相又靚打卡一流！一定要記得加錢轉套餐，可以加小食，食台灣野，唔少得炸鹹酥雞同花枝丸。朋友陪我打卡佢鍾意食熱食，叫咗招牌牛三寶飯。估唔到份量幾多，有牛腩牛筋同埋牛展一次過食晒不同部位。下次想試埋個自選便當，自由度大好多。我見有唔少街坊都入嚟買便當🍱兩個套餐分別加咗兩杯飲品，朋友叫咗炭焙烏龍奶茶小芋圓+$15。我怕肥🤪叫咗白桃烏龍茶加仙草+8。朋友杯手工特飲好抵飲，分量大一倍😣不過我嘅白桃烏龍茶味道好香好fresh 👍👍另外試咗朋友杯嘢飲，最鍾意啲小芋圓，煙韌有咬口🤓

走到紅磡區附近，看看有甚麼可以幫我解渴，途經（你妳）台式食店，小店型式，只有企位，應是做外賣為主，點吃加$5有台式飲品。選了「肉鬆芋泥吐司」小甜不膩又鹹香。加$20可配 「甜不辣拼地瓜薯條」送冬瓜茶，甜不辣與地瓜都炸得酥脆，兩者也是有少少甜。除肉鬆包，不如點多個飯，回家就不用煩吃甚麼，順便點碗甜品，一條龍服務，嘻嘻！自選便當：「魯肉飯拼三層五花肉+台灣士林香腸+澎湖花枝丸」米飯煮到一粒粒，魯肉汁夠味，肉中帶有豆卜絲，送飯好ok，五花肉一件略肥，但做到入口只滲出點點油脂，沒肥膩感，挺爽口，不過還是不敢多吃，香腸上加了蒜粒提味，效果不錯，花枝丸彈牙含魷魚粒，好味😋。食物外帶回去吃，「白桃綠茶」跟飯+$5，即時飲了，讓我降降溫，白桃清香，綠茶小甜，夠凍👍。甜品選了「仙草芋圓」因為最喜歡紅豆加仙草，這款已經讓我滿足👍，而且很大碗，很多料，放了一段時間的芋圓，依然煙韌😋

經過這家小店「你妳」，總被其粉紅色大門所吸引，這次恰好有機會試一下他們家的手作芋泥吐司了。這個手作芋泥肉鬆吐司，材料是滿滿的，芋泥是每天人手去作，口感會比一般的軟滑，有軟綿綿口感，配合肉鬆，口感是那麼的豐富。牛肉麵，牛肉也有幾塊，用了牛腱的位置，炆得軟稔，口感多汁，麵條也挺彈牙。至於這個仙草大滿貫，利害了，有三色芋圓、小芋圓、紅豆、小布丁、水晶，芋圓也是自己手作，所以口感Q彈，配合其它配料，層次十足。金鑽鳳梨烏龍茶，淡淡的鳳梨甜香，與烏龍茶是那樣匹配，冰凍去喝十分可口呢！

肉鬆芋泥吐司 $42👍 打卡一流，即使紅磡店只係做外賣，都頗有文青風，有張枱仔俾你打下卡，不過在下作為一個hea 爆 foodie，太懶唔想拆包裝，所以只係影到咁 😌👍 即叫即整👌 芋泥幾滑，都食到粒粒芋頭，但味道唔算特別濃郁，可能唔啱季節？👌 一定要襯新鮮，我一個人食唔哂，分兩次食，第一件微熱，小脆，麵包軟熟，好食。第二件隔左2-3個鐘先食，塊包已經好韌，無左剛烘起嗰種多士感，很一般。👎 第三幅圖可以見到其實無表面咁多饀，雖然因為都係芋泥，如果再多啲可能會飽死，但一打開見到一半都係無饀嘅，少不免有啲失望。而且推到咁，如果係街食，無餐具可以推返均勻，會有一半都係齋食包都少量肉鬆，講真，真係 so damn sad.

隨意門🚪係門口非常易認🤙🏻無得去台灣心癮身癮起，經過見到咦有隨意門？叮噹最強法寶，希望可以一開門就身處台灣🥲🥲好返返黎現實先，點咗兩個飯兩款吐司，仲有一個小食：- 自選便當：滷肉飯1款 主食：三層五花煙肉2款 小吃：花枝丸＋士林香腸配台式飲品　白桃烏龍茶 (+$3)- 自選便當乾拌麵1款 主食：鹽酥一口雞2款 小吃：蝦捲＋海鮮餅- 肉鬆紫薯吐司- 秘制雞扒 X 松露醬 X 荷包蛋吐司＋甜不辣薯條(+$10)＋地瓜薯條 (+$10)＋妳你手工特飲　手作紫芋牛奶 (+$15)係屋企食最爽☺️☺️仲要係台灣的味道啊☺️☺️抵飲、抵食、推介🌟🌟🌟🌟🌟

邪惡指數: 🐽🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️同朋友去咗黃埔紅磡掃街，而當我地由一間餐廳行緊去第二間餐廳嘅時候無意中發現咗呢間新開嘅舖頭🤩 見到佢個Menu幾得意不禁停低睇吓有冇嘢啱（雖然行程已經好pack!) 😝 最尾都係忍唔住買咗一份外賣試試佢🙆🏻‍♀️：⭕️ 肉鬆芋泥吐司 🍞 - 一拎見到就極度興奮😍 份三文治切咗一半，清楚睇到啲爆多嘅餡料！佢嘅吐司烤到外脆內軟，有牛油香。軟綿綿嘅芋泥，配埋香口嘅肉鬆，呢個鹹鹹甜甜嘅配搭出奇地好食🤤

寶石戲院呢個area好多餐廳選擇，但「你妳」係我成日黎叫外賣，食過幾次。因為覺得餐牌食物好多種類，價錢又好抵食，好好味。魯肉飯有埋蛋，唔洗特登加錢嗌，仲有佢碗飯好多魯肉，唔會好似其他地方唔夠送飯。d魯肉好入味，好味，推介!!我們全家嘅至愛，花枝丸 & 鹽酥雞好香口，每次必食！！今次另外叫咗我一直想試嘅「白兔糖鮮奶麻薯系列」，好鍾意個包裝，超級吸睛，相機食先！！佢哋d吐司每一個份量又係大大份，大件夾抵食！！

妳你其實依間餐廳都已經食咗一兩次，估唔到喺紅磡佢都開咗外賣店當然就係要一試遇見紫薯吐司，肉鬆芋泥吐司叫咗吐司做聽日嘅早餐，就算隔一日食轉用焗爐焗一焗都好好味，佢哋嘅紫薯同污泥嘅比例係超級幾多，加厚厚嘅吐司食，絕對有台灣嘅感覺仙草3號仙草3號除咗有兩份仲有小布甸同埋芋圓，依個甜品絕對係出色因為份量都多同埋佢哋嘅配料都選擇多好好味而家仲做緊優惠價$5就會有嘢飲，叫咗個白桃烏龍茶，飲落去味道都幾特別，烏龍味茶味都突出唔一個唔錯嘅選擇，下次去開紅磡又可以選擇買啲外賣返屋企食啦

太耐無去台灣，很掛住台灣的便當，所以去了這間新開的台灣小店外賣店，食物款式不多，有台灣牛肉麵、便當、仙草甜湯、芋泥三文治等。魯肉飯+三層五花焢肉+滷水大雞扒+台南鮮你蝦捲+澎湖花枝丸魯肉飯又是我至愛，珍珠米煙韌跟魯肉超夾，焢肉一層肥一層瘦，入口溶化，炆得很腍，蝦捲及花枝丸都幾彈牙。乾拌麵+滷水大雞扒+台灣士林香腸+ 台南鮮你蝦捲魯肉撈麵麵質都有點腍，雞扒入味又不會過咸，送麵一流。秘制豬扒+松露醬+荷包蛋吐司豬扒薄切但入味又夠腍，有淡淡的松露香，荷包蛋煎至中間有點溏心，再加上番茄及生菜，厚切多士份量十足，一份可以當一餐。金鑽鳳梨烏龍茶少甜少冰剛好適合不好甜飲的我，有淡淡的鳳梨香，茶味濃郁但不會蓋過鳳梨味，非常解渴。

終於唔使去荃灣先食到，依間you you啲台式三文治食過之後非常難忘，但荃灣太遠所以都唔可以成日去，但屯馬線開通咗之後，發覺黃埔開咗依間分店，雖然只有外賣，但都冇咗我黎搵食嘅意慾。呢間舖嘅門面好特別，竟然有道隨意門，打卡一流。餐牌有好多選擇，除咗台式三文治之外，仲有台式便當選擇。唔去得台灣，食住個臺鐵便當都好。冇得堂食外賣返屋企慢慢食。佢哋而家有得自由配搭三文治，我叫左個炸雞扒芋蓉鹹蛋黃醬三文治。一個三文治幾種唔同享受，我最鍾意甜甜鹹鹹嘅感覺。雞扒炸得好香脆，配埋芋蓉同鹹蛋黃食估唔到咁夾。自選便當：我揀咗鹵肉飯/三層五花腩肉/香芋海鮮餅/花之丸佢哋啲滷肉不得不讚，入口即溶，仲塊塊都厚切，花之丸都好彈牙，香芋海鮮餅好特別出面未食過。另一個我揀咗乾拌麵，乾拌麵啲麵係粗麵，非常彈牙，配滷水大雞扒/台灣士林香腸/台灣蝦捲，鹵水大雞扒滷得好入味，香腸直情有台灣嘅味道。希望佢哋越開越多分店，等我唔使去咁遠食。

一直一直都想試，但一直都未有動力。今天終於可以一償心願！今次試了「芋見紫薯吐司」。知道自己喜愛多士夠熱多脆，特別要求店員烘久一點。芋泥：係呢個包最出色的食材。微甜，帶有顆粒芋頭，增加口感。紫薯泥：比較淡味。雖然身為紫薯控，但相比之下，的確沒芋泥出色。但都欣賞店家沒添加太多糖來掩蓋原食材上的不足多士：雖然叫了「大烘」，但還是不夠熱。原因大概是店員夾餡都需要時間。其次是餡料應該是從雪櫃取出來的。雖然係咁，但反而有種「冰火交融」的感覺。不錯的！整體：芋泥加分！空肚食半件已經飽，建議同人share。一下次食咁多澱粉質破大戒，但十分有滿足感。我把食淨的帶回家再翻焗吃，這次麵包就夠熱夠脆了！餡料免煩一併焗，熱食都好食整體來說，都推薦一試的！未食過台灣出品，無從比較了。

✨紅磡新開外賣店🥡✨-👉🏻芋泥炒蛋鐵板吐司💲35👉🏻自選便當（魯肉飯 / 乾拌麵）💲55• 主食（選一款）：鹽酥一口雞、古早味雞捲• 小吃（選兩款）：台灣士林香腸、台南鮮蝦卷、澎湖花枝丸、香芋海鮮餅• 手工特飲➕💲15：芝士奶蓋綠茶、炭培烏龍珍珠奶茶〰️〰️〰️〰️〰️〰️〰️〰️〰️上次係荃灣食過一次 覺得啲嘢食味道一般但好平好抵食 對個芋泥吐司少少失望但真係好多人都話好食所以我比多次機會佢再試多次🙈點知真係好食咗好多！🤩芋泥勁滑完全冇起沙 真係拍得住係台灣食過正宗嘅芋泥吐司🥰呢個係鐵板吐司所以熱熱地食仲好食🤤同埋芋泥味係天然甜唔會落香精味😋估唔到芋泥同炒蛋都幾夾 隻蛋仲炒得幾滑🤤另外個兩個便當都好抵食勁大份🤣味道不過不失 中意食雞卷同香芋海鮮餅😛覺得個魯肉飯同拌麵可以多返少少汁🤏🏻嘢飲幾好唔算好甜🧋總括係今次好食咗好多🙈等外賣都幾快👍🏻同埋中意食芋泥嘅一定要試🥰〰️〰️〰️〰️〰️〰️〰️〰️〰️你妳 (紅磡)📍紅磡必嘉街103-105號寶石戲院大廈地下L號舖🔗#7eating紅磡#7eating荃灣#7eating台灣菜

自從啟德站開咗之後，間唔中都會搭幾個站落去紅磡搵食。今日放下晝，反正無嘢做，一於單拖過嚟必嘉街買外賣。其實一早已經睇中咗呢間主打台式料理嘅小店，門面以浪漫迷人的紫色為主調，旁邊有道粉紅色隨意門，非常盞鬼，如果隻門可以隨意開啟，應該更有快感。小店面積不大，設計簡約，以外賣為主，不過客人亦可以站在旁邊的企位立食。點咗個鐵路便當 ($55)，另外再加咗吐司同仙草芋圓各一份。自選便當可以揀魯肉飯或乾拌麵，配 1 款主食同 2 款小吃。魯肉飯擺放得非常整齊，分開三格盛載，魯肉肥瘦適中，口感鬆軟，調味亦恰好，米飯粒粒分明。主食揀咗滷水雞扒，雞肉大大塊，店員已經代為切開數件，肉質非常嫩滑，夠晒入味。台灣士林香腸味道亦唔錯，脆口又帶點蒜香，充滿台灣夜市風味！澎湖花枝丸，每一粒都好似兵乓球咁大，口感彈牙，食到鮮甜滋味。跟餐 +$5 可以點杯台式飲品，揀咗金鑽鳳梨綠茶，鳳梨的香甜，配上綠茶的茶香，鮮甜又清爽，好 fresh。吐司選擇非常豐富，除了三款經典口味外，仲有白兔糖鮮奶麻糬口味同一系列鐵板吐司。揀咗肉鬆芋泥吐司 ($42)，吐司好墜手，非常大份，餡料飽滿。肉鬆香氣獨特、鹹香味濃。芋泥綿滑帶芋頭香，吐

住紅磡既FRIEND同我講佢樓下開左YOUYOU, 事關我同佢之前係荃灣食過, 聽到呢個消息真係好開心!因為又多個芋圓既選擇啦!!!!今日LUNCH去左買外賣, 揀左1個便當, 1個吐司, 同埋1個芋圓, 都係百幾蚊~鐵板牛肉吐司好大份, 好似台灣食既吐司咁! 賣相好吸引!韓式辣醬都幾辣, 牛肉份量好多, 好惹味幾好食!便當就正常, 全部炸野熱辣辣食就實好食!重點推介仙草大滿貫, 除左仙草同芋圓, 仲有小芋圓, 布甸,珍珠, 超多料!!!!份量多到可以夠3-4人食, 同埋佢既仙草唔係好甜, 好好食都只係$48!