你妳 (已結業)

難得和媽媽來紅磡找叔叔探完之後時間也不早於是和媽媽買個外賣回家吃晚飯這次見便當的配搭很豐富所以買了兩個回家品嘗因為爸爸不愛吃飯所以選了個吐司給他自選便當便當一打開非常吸睛滿滿的伴菜加上分明的間格令人垂涎三尺🤤魯肉飯+秘制豬扒+香芋海鮮餅$55香芋海鮮餅的芋頭味很出但不會影響口感不過我不知道海鮮餅是哪個部分🤣🤣秘制豬扒肉質不會太硬實很易咬開上面加了大量炸蒜非常喜歡魯肉飯+酥炸大雞扒+台南鮮你蝦捲$55酥炸雞扒真的很酥脆咬落去油份充足但絕不油膩加上蝦卷異常地彈牙口感一百分💯！芋泥流心芝士吐司$40超級無敵厚身吐司滿滿的芋泥加上一大片半溶芝士吃一份都會飽肚加上吐司烤到焦香外脆內軟麵包鬆軟口感不會太硬實👍🏻👍🏻👍🏻👍🏻📍 你妳 (紅磡)紅磡必嘉街103-105號寶石戲院大廈地下L號舖

之前都買過幾次小食及飲品，今晚唔想出街食飯，所以即刻諗到喺度買外賣，晚上特別多人，我前面最少有5～6個客， 佢哋係即叫即整，所以都等咗差唔多十五分鐘。佢哋個包裝盒設計唔錯，環保得嚟都幾保溫。 自選便當套餐$55， 有兩個主食，4個餸及4個小食選擇， 好容易揀到自己想食嘅配搭。今次食乾拌麵加三層五花控肉及香芋海鮮餅，五花肉好在唔會太肥，乾拌麵亦唔會因為外賣而發漲或變硬身，質素唔錯。 見到一個新增的超值套餐，計落真係幾抵，$65有齊主食、甜品及飲品。酥炸大雞扒蜜糖芥末吐司，甜甜地加芥末的微辣，味道有層次， 雞扒亦有台灣夜市水平。 三色仙草芋圓加小布丁感覺正宗，材料豐富，唔會太甜。 台式飲品都有水準， 高雄紅茶牛奶小芋及 金鑽鳳梨綠茶各有特色。

你妳終於喺紅磡開咗分店，趁今日放假決定同朋友一齊嚟試吓。我哋兩個人要咗兩份吐司同埋兩杯嘢飲share。肉鬆芋泥吐司超大份好足料，肉鬆同芋泥嘅份量都好多，聞落超香。吐司烘到脆脆地，芋泥甜度適中，肉鬆夠香口同鬆軟，三樣一齊食，口感好豐富，喺附近返工嘅話，真係可以當一個lunch咁食。鐵板芋泥炒蛋芝士吐司都係好大份。軟熟嘅芋泥同原本就係perfect match嘅炒蛋芝士吐司好夾，食落有好香芝士味，適合鍾意惹味少少嘅嘢食嘅人食。熱手作紫芋牛奶聞落真係好香芋頭味，同牛奶嘅比例非常之好，同吐司好夾，暖笠笠咁，好適合冬天飲。凍高雄紅茶牛奶小芋圓係店員推介嘅，都幾大杯。紅茶牛奶好好飲，入面有齊芋圓、地瓜圓同埋珍珠，芋圓同地瓜圓都好香，口感好好。

一直都想試下你妳，之前開喺元朗對於九龍人嚟講真係有啲遠。今日咁啱去開黃埔，就決定去必嘉街嘅分店買嚟試吓。餐牌都好多選擇，樣樣睇落都唔錯，真係有啲難揀。最後決定要芋泥肉鬆蛋餅、原味蛋餅同埋炭培烏龍珍珠奶茶。芋泥肉鬆蛋餅外層香脆，入面有流心煎蛋，然後有一層芋泥，再包住肉鬆。外層嘅餅同煎蛋好好食，芋泥嘅甜度啱啱好，估唔到同肉鬆都好夾。因為份量比較多，建議細食嘅女仔可以兩個人share食。原味蛋餅同芋泥肉鬆蛋餅一樣，有脆脆嘅外層同埋香滑嘅蛋，但係就冇芋泥同肉鬆，食落冇芋泥肉鬆蛋餅咁飽肚，想食得light啲嘅就可以揀呢款。炭培烏龍珍珠奶茶超香濃，烏龍茶味好突出，珍珠嘅份量比例啱啱好，食落煙韌，真係好好飲。舖頭出面嘅裝修都好靚，有長凳可以坐喺度等嘢食，又可以打卡影相。下次經過附近嘅時候，一定會再試下佢嘅吐司系列同埋其他特飲。

經過呢間門口，第一眼見到「隨意門」🤩就吸引到我。冇得去旅行🧳，食下台灣嘢，當回味下都好。一共叫咗2個餐經典口味：肉鬆芋泥吐司 $42食呢個真係要小心，材料多到迫爆，食到好論盡😜，估唔到肉鬆同芋泥原來咁夾。紫薯白兔糖麻薯吐司 $48外面包著白免糖🐇嘅糖紙，超可愛。食落好新鮮嘅口味，甜而不膩。甜不辣拼地瓜薯條 +$20番薯條🍠食落煙煙韌韌，正正子洋蔥圈拼地瓜薯條 +$20洋蔥圈🌰香脆可口轉台式飲品 +$5凍金鑽鳳梨🍍烏龍茶（原價：$29）配搭好清新轉你妳手工特飲 +15熱探焙烏龍珍珠奶茶🧋（原價：$35）少少甜，勁多珍珠，啱哂我。----------------你妳you you地址：紅磡必嘉街103-105號寶石戲院大廈地下L號舖

太耐冇去過台灣食早餐，今日午餐特登黎個蛋餅餐，估唔到味道同口感更勝台灣! 老老實實呢度既蛋餅最吸引，用左手抓餅煎個蛋落去，加上熱到溶溶地既芝士同大量肉鬆，食落味道超豐富，芝士同蛋口感柔軟好夾，惹味既肉鬆帶出多啲層次。最衰冇豆漿，但個高雄紅茶牛奶小芋圓都好足料，叫左少甜反而岩我口味。兩卷蛋餅已經好滿足，跟餐仲有個魯肉飯。 既然係咁就加個最愛的台灣小食蒜蓉台灣腸。煎得恰到好處既香腸片帶點焦香甜口，配埋蒜蓉辣椒既刺激簡直係重口味人士至愛，非常下飯。魯肉飯俾足料，味道不過不失，呢度已經夠兩個女仔share 黎食個令人走一轉台灣既午餐了！

佢哋嘅吐司爆餡我哋一早就知😍，但真係估唔到攞上手會咁震撼🤤，成個賣相冇95分都有90分‼️打卡呃Like一流😏👍🏻，味道方面我哋覺得鹹食同甜食吐司各有特色，不過草根妹妹最中意都係韓式辣汁配鐵板牛肉果款🔥，夠惹味😎！.📍芋泥白兔糖麻糬吐司（$48）包裝紙印上白兔糖🐰logo，賣相有趣。吐司外層烘到脆身，中間夾住芋泥同麻糬，芋泥幼滑💜，麻糬同樣軟嫰滑溜，口感幾夾。雖然食唔出同白兔糖有咩關係，但味道微甜唔會膩。.📍自選吐司（$46+$4）（鐵板雞扒+蜜糖芥茉醬+芝士+荷包蛋）🐓雞扒醃得夠味又嫰滑，荷包蛋煎得唔老🍳，除咗本身有嘅番茄🍅同生菜🥬 ，我哋再+$4叫多個芝士做配料🧀，無論喺口感定味道都唔錯。雖然落咗蜜糖芥茉醬🍯但味道唔算好出，不過食落又的確喺好juicy。建議大家買咗要即食，會好食好多嫁。.📍 自選吐司（$46+$4）（鐵板牛肉+韓式辣汁+芝士+炒蛋）另一款多士揀咗個韓式口味嘅配搭🇰🇷，鐵板牛肉肥瘦均秤🐂，食落口感唔會乾硬而且份量好多，加上韓式辣汁同生菜感覺就好似落咗泡菜咁😍非常惹味。加埋芝士🧀同滑蛋🍳味道好豐富🤙🏻，係三個吐司中我哋最鍾意嘅口味😍。

上一年去過位於荃灣嘅#黃店#你妳，估唔到荃灣店已經冇做，反而喺黃埔開咗新店。呢間店以做外賣為主🥡，門口仲有個打卡嘅隨意門好易認🚪。.📍鐵路便當（$55）可以揀魯肉飯或者乾拌麵，主食同小吃各選一款。今次我哋要咗飯同麵各一，主食方面就揀咗酥麻大雞扒同一口鹽酥雞，小食點咗台灣士林香腸同蝦卷。我哋覺得飯好食過麵🍚，肉燥多啲亦較濃味；而麵就腍咗啲🍜。餸菜方面鹽酥雞夠入味🐓；香腸惹味唔會好膩；蝦卷正常水準；而雞扒反而好似乾咗少少。另外每短都會送半隻溏心蛋💛，食落都幾豐富。.📍芝士玉米蛋餅（$36）餅皮中間包咗煎蛋🍳、芝士🧀同粟米🌽，餡料幾多但餅皮唔夠薄脆，味道未夠豐富，可能表面加多啲燒汁會好啲🤨。

趕唔切去荃灣分店既lastday，所以就特意搭車黎呢邊試，順便係寶石戲院睇場戲。題外話，戲院好耐歷史，好懷舊，係用人手劃位，寫坐位number係張戲飛到架。要左個set餐，有吐司、仙草芋圓同一杯飲品。本身自己都係芋泥同紫薯控，幾經掙扎，最後簡左要肉鬆芋泥吐司，有機會再試其他啦。肉鬆芋泥吐司食落有d失望，無芋頭既香味，個芋泥有d乾身，口感都無芋泥有既綿。肉鬆就份量都幾多下，一路食一路跌出黎，而吐司口感都ok既。仙草芋圓3號（三色芋圓、小布丁、水晶）無諗過咁大碗，加上個底既味道調得幾好，唔會太甜，芋圓口感ok，但爭咁d芋頭味。小布丁應該係外面買返黎，唔係自製既，因為咁岩係出面舖見到有😂水晶口感都唔錯。三樣夾埋食都好夾，而且呢個價錢有呢個份量，好有性價比。冬瓜茶（熱）清清地，唔會太甜。

最近又返番嚟紅磡返工，又可以再次喺呢頭覓食。中午時份，我同同事行咗去必嘉街嗰邊，竟然俾我發現「你妳」嚟咗紅磡開分店📍。小店主打外賣生意🥡，即使係咁，但佢裝修一啲都唔馬虎，門口更有大大個隨意門打卡位！肉鬆芋泥吐司($42)，呢種芋泥吐司係近嚟大熱嘅新派台菜🍞，未食過之前會擔心格格不入，但食完後就會愛上。吐司麵包塗上牛油後拎去烘烤變得香脆；而中間夾住嘅芋泥超厚身，口感綿密，配合埋肉鬆一齊食，一鹹一甜，味道富有層次，食落好得意🤤。自選鐵路便當($55)，🍱便當可選飯或麵，乾拌麵嘅麵條感覺有啲似上海麵，口感偏淋，但撈埋肉燥食都OK。乾拌麵配以主食同小吃，夾夾埋埋其實超豐富呢。主食我要咗三層五花焢肉🐷，豬腩肉經微微燻香，幾惹味；而小吃就揀咗台式士林香腸同台南迷你蝦捲，兩樣都係台灣地道小食，唔係度度有。另外，糖心蛋亦整得好出色🥚。A套餐：一口鹽酥雞拼花枝丸(+$20)，呢款套餐好吸引，無論雞定花枝丸我都好鍾意食🦑，而家一個價錢可以食晒兩樣，正啊！不過我認為炸物偏乾身，可改善。B套餐：甜不辣拼地瓜薯條(+$20)，兩款小食造型好相似，同樣係條狀🍟。如果追求甜不辣煙韌嘅口感，同店員講三分脆即可，否則會

之前係荃灣食過一次已經覺得名過於實，吐司舊面包又乾又硬，已經係即場食，唔係外賣，但真係一d 都唔吸引，見佢今次係紅磡開，諗住試多次，點知仲差過荃灣果間，上次食d 芋泥係白色既，真係有芋頭味，今次係深色既，又甜又無芋頭味，似芋泥鮮奶入面果種，真心唔好食！！ 唔會再食！！！ 淨係得個樣，d 芋泥真係好難食！!!!!!!!!!!!!!!!!!!!!!!!!!!!!!!

今晚突然想試下呢間吐司，心動不如行動，咁就去買啦，去到又想試呢樣又想試嗰樣。。反正一份都唔夠食，就決定買一份咸，一份甜😬🍞芋泥白兔糖麻糬吐司$48見到張大白兔糖紙已經好有回憶，拿拿聲影低佢就食🤤芋泥香甜，白兔糖麻糬不是煙靭嗰種，都係腍既，好香奶味，夾埋食奶香芋泥又不會太甜，幾好味，多士有烘底，不過我外賣返到家已經唔脆了，吐司邊比較硬。🥪自選吐司$46呢個可選肉、配菜同醬汁，我選了鐵板牛肉、肉鬆，醬汁選原味美奶滋。牛肉好香不過唔多，配搭得幾好味，多謝自己😌生菜蕃茄新鮮，成份熱烘烘，即食應該更好味😋下次要去荃灣堂食試下。最後2份食清光，感覺有啲滯😮‍💨

黃埔新開左你妳you you新分店啊😍有我好仲意食既芋見紫薯吐司😋睇黎我會有一段時間日日都黎依度買早餐食，起身落街就有得買芋見紫薯吐司食，真係好幸福啊🥰依度仲有道粉紅色既隨意門俾人影相打卡添🥰為食餐單: 芋見紫薯吐司🍞 $45芋泥同紫薯既配搭永遠好match，好香滑既芋泥同甜甜又滑既紫薯夾係烤過既香脆吐司中間爆曬餡，食落滿滿餡料超滿足😋吐司仲好香甜呢😋成份吐司其實係夠兩個人食都夠曬飽，因為真係超大份，足曬料😋白桃烏龍茶🥤 (B套餐:台式飲品+$5)(加小芋圓🍡+$3)白桃烏龍茶有香甜桃味，我叫左少甜，飲到好清香既桃味，加烏龍茶香，好清幽既味道，另外仲加左小芋圓係飲品，一邊飲一邊咬下小芋圓，好飲又有口感😋鐵板雞扒×千島醬×洋蔥圈吐司🍞 $43又係好大份既吐司😋香脆厚厚既雞扒好多肉汁好有彈性，洋蔥圈炸得金黃香脆，加埋千島醬係新鮮既生菜同蕃茄一齊食，所有味道好夾好惹味😋抹茶奶綠珍珠🧋 (B套餐: 你妳手工特飲+$15)抹茶加牛奶又係我既至愛🥰加埋一粒粒大大珍珠咬下，好好飲既甜點😋仙草2號🍡 $38仙草2號有三色芋圓、小芋圓、水晶3種配料，加上糖水，好豐富既糖水，好有口感又甜絲絲😋

又到想念家鄉的時候，好想食台灣菜。放工即刻相約朋友係荃灣食台灣菜滿足自己心靈。🇼🇸✔️你妳芋泥吐司套餐🍞➡️紫薯泥肉鬆吐司 + 芝士玉米蛋餅 🥞餡料豐富的吐司，方面夾著厚厚的紫薯泥及肉鬆，賣相非常引人注目。紫薯綿密細滑，配上鬆化帶少許鹹味嘅肉鬆，配搭➡️芝士玉米蛋餅 🧀 蛋餅外層煎到脆脆地，中間夾著大量芝士，不但流心，可以拉絲，芝士控必點🤤✔️招牌飯麵套餐推介 (一款湯+一款飯/麵)➡️台灣牛肉麵🐂正宗台灣牛肉麵，湯底香濃，看得出用了不少牛骨慢慢淆製的湯底。而且牛肉炆得好淋，很易入口➡️花枝丸湯🦑湯底清清地，花枝丸超彈牙，鮮味十足。✔️夜市鹽酥拼盤🐔夜市拼盤包括了鹽酥雞，甜不辣，椒鹽四季豆以及台南鮮蝦卷。拼盤充滿台灣夜市風味，各款食品都炸得香脆可口。甜不辣煙煙韌韌，鮮蝦卷爽口彈牙。🤤叫套餐會附送一杯冬瓜茶，解膩解渴！

紅磡新開左呢間台式小店，雖然佢嘅主打係芋泥吐司，皆因我喺出邊食過，覺得一啲都唔好食，所以對佢有陰影唔會再叫😆所以今次叫咗一個芝士肉鬆蛋餅$38，同埋仙草3號$38。先講個蛋餅，覺得幾好食😋普遍出去食蛋餅，都係普通蛋漿。但我比較鍾意佢係用手抓餅做面，食落又鬆脆又好味😋不過略嫌入面隻雞蛋太過熟同埋無打匀。另外見好多人食仙草，我叫咗個仙草3號，雖然只係$38，但份量真係好多，一個人完全食唔晒。另外一提，就係嗰三粒布甸，超級甜，食咗一粒之後冇食。所以個人建議，可以叫仙草1號或者2號，唔使叫3號，因為3號只係呢幾粒布甸。而且仲要超甜。