來來重慶雞煲火鍋菜館

营业中

休息中

還記得一兩年前在這兒吃第一次雞煲，驚為天人，辣中帶麻味道多層次，於是寫下盛讚食評，更到處介紹好友幫趁捧場﹗今天的來來，師傅已轉，雞煲味道欠佳，人面雖依舊卻變得冷漠模糊，令我這等老死粉絲也心碎。這天在澳門遊樂回港，因知來來晚上極旺場，一行四人在碼頭飛的來到，到場時也只是六點，卻已高朋滿座，既然來到失望也等等位吧。負責派飛的那疑似老闆娘，對等位食客愛理不理，一副你鍾意等就等的模樣，自顧自喝著紅酒，多問兩句也嫌你麻煩似的﹔我想說，兩年前你那積極笑面迎人的情感已掉到那裡？等了一小時，有人離座，派位流程時鬆時緊，不順序，做大枱客我雖明白你無可口非，但數十人在門外排隊，苦了二至四人的，看著身邊周遭的食客由期待的眼神轉為忿怒，埋怨，就知民怨沸騰。好不容易捱過八十分鐘的等位時間，待應們做得晦氣，無禮貌，但食客更無辜，我們可是等了八十分鐘也支持的老顧客啊﹗一個「受氣的雞煲」，已叫中辣卻死鹹，雞件少，汁沒有那些年的濃稠，以前是用汁煮雞，現在變了湯浸雞，分別於此﹗飲食我倆的要求除了味道外，更重要是吃得開心。打出名堂的食店，除了留味道外，更重要是留顧客，今天所見個個來等的也在一小時以上，很明顯是吃過多次回味的

到台灣旅行了一個星期，回來之後問鬆弛想要吃什麼，他說想要吃辣，其實明明在高雄最後一晚就是吃了老四川麻辣鍋，不過在台灣吃到的辣和香港的確實有點不同，所以就照著他的意思，再到大圍吃雞煲。上個月在大圍已吃了兩間不同的雞煲，這家是最後一家，也是最有名氣的一家，因為分店已經開了好幾家。因為明天要上班的關係，想早點休息，所以我們近六點就到達，沒想到已剩下最後一張檯，如果遲一步的話，要等這一輪的人吃完才有，我想起碼要一個鐘頭以上。一坐下就立刻點了一個中辣半隻雞煲，所有雞煲都是即點即煮的，廚師在開放式廚房裡一個人處理七八個雞煲， 除了堂食外，還有附近的住客自攜煲仔外賣雞煲，所以每個雞煲也要等起碼二十五分鐘，所以肚餓者請留意。鬆弛偶然發現店內有個箱子寫著火鍋底料，還沒有開封的，不肯定是不是就是用作烹調這個雞煲。雞煲上檯的時候非常香，上面鋪了大量芫茜，雞件都已經煮好，所以可以立刻吃。中辣雞煲不太辣，而且幾乎不麻，味道還不錯，夠濃郁但又不會過鹹。點了半隻雞，不過雞件可吃的肉不多，有幾件超級肥，不知道是什麼部位，只有皮幾乎沒有肉，鬆弛更說雞的肉太實，質素只是一般。我也沒有吃太多雞，專心吃洋蔥，洋蔥的量很多，應

眼見來來生意極旺，所以幫襯一下...首先我由衷的認為雞煲十分出色，我已經食過多間，來來算是做得比較好的一間。雞煲有雞味，汁夠香，料夠多，價錢也ok，做得十分好，很滿足。但吃罷雞肉後，加湯打邊爐，火料來到時，問題出現了，因為品質是差的，雞煲做得這麼好，為何火料會這樣啊？其他料不詳細說，重點說說打邊爐必吃的牛肉吧，我叫了"手切牛"，有了解過的朋友都應該知道，是指新鮮牛肉，客人叫時再一片片切給客人。當牛肉來到時，來了一碟用手切的"不新鮮牛"我當堂O左，問侍應，佢話：「手切牛係咁，用手切到一片片咁。」我說：「如果食依D牛，我洗鬼特登比多D錢尼要你用手切？」佢答：「我地D牛肉會放雪櫃雪.....」(下刪一推廢話)佢up一論之後，我已經唔想再同佢講野，新鮮同有無放過落雪櫃究竟有甚麼關係，新鮮雞一放左落雪櫃就變成冰鮮雞嗎？同樣係不新鮮的牛肉但切法不同你收貴我成倍？這樣取巧的經營手法，浪費了一個出色的雞煲。( 以上內容絕無作假，想求證的話，可叫碟"手切牛"試試。)

自來來成名後, 可以用人頭湧湧來形容, 要是自知七時半後才有友人到達的話, 不等待九十分鐘是沒有可能有座位的這晚不到七時已到, 心想定可輕鬆地坐下享受孤獨啤酒, 慢慢等朋友齊集才開始用膳, 怎料也要等上半個小時才有空位, 現在的香港人都那麼早就能夠下班, 那麼幸福的嗎?!來這裡的重點當然是招牌辣雞煲, 點了一隻$168小辣的製作需時, 等了二十多分鐘, 熱騰騰的雞煲端上, 大量的莞茜洋蔥辣椒混著肥美的雞件, 濃烈的香氣已經直撲嗅覺的中樞我本身並不喜愛吃雞肉, 但來來的雞煲實在太香口惹味, 也忍不住跟友人搶奪起來品嚐雞煲過後可要求店員加入清湯作火鍋之用此處的火鍋料種類比較大路, 價錢平而份量少, 人少也能多點幾款質素嘛?! 也是大路沒有驚喜沒有投訴的

本身男友問想食咩, 我話不如鋸扒，佢話食左好多日牛, 想食雞。咁又係, 呢排係咁打邊爐同日本燒...我問佢:雞去邊度食雞我淨係諗起KFC佢話:我同你去食雞煲!於是兩個人由尖沙咀搭火車番大圍食雞煲!曾經路過幾次都見到好多人排隊，可能星期日O既關係, 所以都唔算太多人, 等左十五分鐘就有位。 坐低左，即刻叫個唔辣O既, 亦到問個阿姐係咪真係唔辣，因為本小姐同男友都唔食得辣!等等等等等左起碼七, 八個字!!男友由餓都等到唔餓!不過咁, 有位坐住等都好D, 咁O岩個位仲睇到電視。等到頸都長終於見到個煲!個賣相都OK, 聞落都好香!個雞都好入味,不過食食下覺得有D辣...同埋愈食愈咸...飲左兩罐半汽水!!!!仲叫左午餐肉,肥牛,蟹子丸份量叫得o岩o岩好,唔駛攬住個肚走~呢餐普普通通, 冇ENCORE衝動....

嗜辣的我慕名而來 ﹗雞亦係我最喜愛既肉類 ﹗第一次，我估都會係最後一次幫襯，我為辣雞煲而來，但味道同質數都比想像中差，有天堂與地獄既距離。而其他邊爐生料都麻麻地，帶著非常失望既心情離去 ﹗但不知為何，人龍長排長有，大熱天時依然一枱又一枱企係街邊等位 ~ 莫非依度既小菜還可以？剛到步 19:50，人山人海，仲有八九張枱先到我地。啲枱櫈放滿行人路，路人只好無奈地全部行跳車徑，咪又搞到人車爭路囉。20:30，依然人山人海，仲有三四張枱先到我，仲陸續有食客加入企住行列。舖位入面只係免強放到三張枱，而行人路就有十多張枱，密麻麻，其實唔係坐得咁舒服，最緊要好食就咩都無所謂，最敝出品麻麻呢。熱住企等位足足 70 分鐘，由頭濕到落腳，終於可以坐低喇，坐正街頭第一張一號枱，只靠街燈照明，所以食既野全部係橙色。主角重慶辣雞煲，因為得朋友跟我兩個人食，所以原先想叫細煲半隻雞，但經侍應阿姐推介，便叫個大煲一隻雞，價錢只係多十多蚊無所謂啦，先叫個中辣試試先。飲淡湯，咁甜既，甜帶微辣，完全感覺唔到麻喎，當然即刻要加辣啦，見侍應哥兒只係狂倒辣粉，都唔係加麻辣膽既？完全唔係嗰個味道。雞件切得細細件，心想一隻雞得咁少既

今日第一次黎試食"睇過之前d食評好似不過不失咁.."就一於親day off約埋35知已黎試下"8點半左右去到已經見到好多人"即刻去拎飛等位啦"拎個時已經問佢仲有幾多張台先到我地"個夥記答我仲有3張.."跟住我朋友就同我講去藍田接埋個fd先"我地1行3個人去接人啦.."番到黎都成9點半過d..個答案竟然係..仲係仲有三張台.."天呀"邊有等位等咁耐"我地再去買貢茶打陣機番黎先有位囉"個時已經10點半鐘過d"真係唔明點解要等咁耐"急不及待咁叫左1鍋1隻1鍋半隻雞"等左足足15分鐘時間先到!!! 等左咁耐終於有野食..諗住叫野飲同叫幾碗飯&麵啦"舉手+叫左勁耐都無人理我地囉..so sad"前面個幾張都有叫人但佢地有理囉"比人無視左咁"於是我地最後決定行過去問佢地拎"真係態度惡劣"終於開餐啦"d雞..入口感覺好淡..雞皮就有味既"真係不太好食"要讚既係..個湯底..撈飯or煮烏冬幾入味架"食到咁上下真係唔多想打邊爐.."真係十分我比得落3分咋"下次真係..有人請我都唔會黎囉"真係得個湯底抵讚咋!!!

成日都想試, 琴晚.....終於同男友仔, 仲有 3 個朋友仔去食啦 要左個全隻雞既大辣煲.....等左起碼半粒鐘, 個煲先到, 好肚餓 =.=個湯底好香帶少少甜味, 不過.....唔知係咪佢攪錯左, 我地要左大辣, 竟然.....一 D 都唔辣 (係完全無辣味) =.=!之後店員就比左一小碗辣我地自己加...都只係小辣 =.=仲要左小食: 魷魚併雞軟骨 (唔錯, 再脆 D 仲好)火煱料有: 雪花肥牛 (一般) / 大既手切牛肉 (唔錯, 肉質唔"鞋")豬腸 (好易淋同入味, 好) / 鵝腸 (無特別) / 魚皮餃 / 金菇鮮冬菇 / 西洋菜 / 唐"hold" / 白鱔片 / 薯粉 (麻麻) / 烏冬 / 炸魚皮 (唔錯)....etc碟頭好細, 價錢唔平, 試下無妨!!湯底真係要改改啦, 話左係辣味唔可以無辣嘛~埋單每人 $170 左右, 都幾貴...

昨晚收工,有位同事張x銘先生極加推介,全宇宙最好味雞煲,咁就去試一下.去到已經無位~真係好多人食,要等隔離鋪收鋪之後係街邊開枱, 有位坐底左即刻叫個雞煲啦~~~......(半個鐘後)雞煲到, 個煲幾香~(之前睇人地d食評話叫一隻雞得一個隻雞腳,一隻雞翼之類食評即刻睇睇是否屬實.幸好小弟煲野有兩隻雞腳, 一隻雞翼....)坐左係條街食左風咁耐~大家急不及代起筷.拿拿淋食番舊雞睇下有幾宇宙.一食d雞完全唔入味, 淡既~得雞肉面個層有味,要食一啖點一下d湯.><(不過d湯底真係幾好味既)到d打邊爐配料到啦~其服務態度勁差~十問九唔唔應~好似唔休做. 加湯唔應叫汽水唔應, 好在隔離後面有間士多,自己走去買野飲.,碟$22 8粒牛丸(街市$26一磅) 就咁飛落枱到, 重要飛到有兩粒碌左落張枱到,重自己汁番.以後都唔會再去

有朋友係大圍住, 介紹呢間來來雞煲, 話日日都好多人食, 好出名, 所以就去試下啦. 未去到就已經聞到d香味, 去到之後就見到d人坐到出晒街, 但都要等位喎. 最後足足等左35分鐘左右.叫左個雞煲, 個人覺得個汁味太甜, 似沙嗲味多過嘛辣味, 同埋又再要等成30分鐘. 真係比想像中無咁吸引. 反而我鍾意個炒河. 夠鑊氣. 整體來講都ok 既, 不過真係要花時間等位囉!(同埋大家埋單時要check check單, 因為唔知係咪昨日太多人, 太亂, 所以個total 數最後計錯了)

今次係第一次寫食評, 希望日後能介紹多d比大家. 好耐無出街食飯, 朋友知道我無雞不歡, 介紹嚟呢度食雞煲, 食雞煲另一選擇喺元朗, 下次有機會再試. 我本身鐘意食辣, 呢度辣度尚可接受, 再辣d就最好, 因我地只叫了半隻, 食到咁上下待應就話加湯可以打下邊爐, 咁我地叫左幾碟其他配料 很細碟, 有d得幾舊, 好似唔係好抵, 整體嚟講都唔錯, 唔知除左元朗仲有邊度食雞煲好呢, 如果發現到再通知大家. PS: 掛住食, 無影低, 大致同其他食家差唔多.

Okay, so here's how it works. Basically, you order their chicken pot (which actually tastes REALLY NICE, but also spicy), eat all the chicken, then they add soup to the pot and sauce, so you can order extra dishes to eat it like hot pot!The sauce tastes really nice, and its quite cool that you can use it for both the chicken and hot pot. The 水煮魚 only tastes so-and-so though, the spicy sauce was nice, but the fish didn't really taste fresh. Right after we checked our bill, I noticed a cockroach

我一直都好想去食元朗 "辣雞煲". 不過一直同啲朋友夾唔到時間. 知道大圍都有一間"辣雞煲". 所以就同個 friend 去食....我地叫咗 "半隻雞煲", 啲打邊邊野食一啲都唔平..而且重好細碟. 真係唔多掂呀...不過個辣雞煲嘅味道唔錯,. 幾入味...我叫了 "小辣". 因為朋友食唔到辣. 不過連個佢都話唔辣. 食咗啲雞肉之後, 加咗湯就冇晒味...同東莞樟木頭相差好遠好彩識得問佢地取了 "辣雞煲" 啲醬. 咁先好啲咋如果唔係叫了一碟 "咸魚雞粒炒飯 ". 否則一定唔夠飽..

呢晚同食家都早收工，七點幾就來到大圍試呢間來來重慶雞煲。串得起老闆成日同我提話呢間野好食，咁岩上forum又有網友寫食評話呢度食得過，一於來試下﹗大排檔格局，坐街為主，我地食到尾見佢地擺滿哂成條街咁濟，好好生意﹗雞煲當然是主角，另外呢度亦有個特色，就係個個食完雞煲都用番個汁來打邊爐﹗我地梗係唔會錯過啦﹗不過先點左個雞煲試下先﹗唔食雞都有其他選擇，佢都做埋小炒，價錢便宜，$40-$50蚊就有個餸﹗來大排檔食飯又豈可無酒呢﹗呢晚是燕京姐姐做promote，$14蚊支抵飲，o拿o拿淋叫三支要個冰筒雪起佢﹗雞煲即叫即做，師傅在食店一角露天炒到身水身汗，等十分鐘左右就有得食﹗一來到先打開個蓋，已可聞到濃濃既酒香撲鼻，好吸引﹗我八卦走出去睇下個師傅用0的咩來整，見到是大量既乾辣椒、花椒油、洋蔥、芫荽同埋一大羹既秘制醬汁。雞肉都幾多，半隻雞夠兩個人食，$98﹗有網友提到話小辣已經辣得緊要，我就一於二仔底死跟要個小辣﹗雞肉相當入味，神來之筆來自佢個醬汁，辣中帶甜好醒胃，那種辣的感覺不至於辣到你流淚，卻在口腔形成一種齒脥留香的味道，餘韻有陣甜香，過癮﹗吃過一件便追著吃，香辣惹味，濃而不鹹，確係好食﹗越食

勁鍾意食辣, 今次專登入大圍食雞煲.叫左個大辣雞煲, 再打邊爐. 大部分既枱係街邊, 天寒地凍加爐煙騰騰, 好有風味!雞煲d汁幾香濃, 大辣得黎有少少甜味, 唔係一味死辣, 辣到咩味都冇果種.d雞算幾滑, 不過隻雞細左d.d料普普通通, size 算幾細.特別推介薯粉, d薯粉比我食開既厚身, 淥一陣, d薯粉吸晒d湯, 好食到震服務過得去, 不過上菜真係幾慢, 個雞煲落單時話左要25分鐘, d配料都要等10幾分鐘, 有興趣去食既朋友記得早d叫定野食.2個人叫左10幾碟野, 食到捧住個肚走~