兩草 (已結業)

呢度既食物最貴唔過$50~份量相對就細d，岩晒人少少但又想食多d 野既我地~🍜胡椒肉骨湯米 $4️⃣5️⃣胡椒湯底好重味，無咩藥材味。細細碗竟然仲有兩大塊肉骨，肉質亦唔柴口，正～～🥢蛋炒豬腸粉 $2️⃣0️⃣睇個賣相就知佢煎得幾香口🤤仲要煎得咁乾身，呢個組合絕對無得輸。🥪㗎央多士 $2️⃣2️⃣㗎央好有焦糖椰子🥥既味道，童年既回憶即刻返晒嚟。夾著鬆脆既多士，甜而不漏，食完已經諗住回訪。佢地香煎脆邊蛋肉餅飯，下次想試埋😙

Overall好好食，又平又正。 我同朋友叫左加央多同肉餅飯。 佢個多士雖然要等一段時間，但係包焗得脆又唔燶。肉飯勁推！！我食左係超驚喜，又多肉汁又軟，仲要超大份，正

小籠包胡椒肉骨茶☕️($35)呢個菜為食妹都係第一次見, 淨係見到個名都已經流曬口水🤤 肉骨茶既湯夠曬胡椒味所以有少少辣, 但係感覺係健康既辣😌 小籠包本身都有好多湯汁再加埋個皮掛左肉骨茶既湯完全係完美, 呢個組合好成功🤩香煎脆邊蛋肉餅飯🍳($35)食物如其名, 煎蛋既邊真係好脆, 口感超好🤤 肉餅夠軟身而且半肥半瘦再配埋個醬汁好夾🤗 再整爛個蛋黃用蛋汁撈曬成個飯就簡直係一個完美既飯豬油渣溫泉蛋撈飯♨️🥚($30)呢個飯完全冇油膩感,而且豬油渣好鬆脆撈埋落個飯度幾有趣,呢個都算係特色菜因爲其他地方比較少見到💁🏾‍♀️另外仲叫左魚餅,超好食超彈牙超香脆, 必點呀😍 食物既份量都係偏細份,所以男士們未必食得飽, 但係我覺得絕對值得一試, 我覺得我會再次幫襯😃

上次路過見要排隊就試下佢食左個叉燒炒蛋飯個汁幾好食但係就係普通叉燒同蛋咁囉不過個咖央多士又幾好食既夠脆又唔會太甜不過男仔就未必夠食因為佢個碗都有啲細我男朋友食完一碗就唔多飽仲有叫左肉骨茶好重胡椒味 我個人覺得幾好食但因為未食過當地既肉骨茶所以係香港黎講都好食既不過又真係坐得好逼咁岩又遇到一枱百厭細佬食得都唔多舒服

去完銅鑼灣圖書館， 想搵d平平地既輕擎嘢食， 朋友提議行過隔籬大坑食肉餅飯，未食過就去試下。本來係openrice睇相見裝修好有特色， 點知去到原來搬咗鋪， 裝修一般但地方大咗少少， 估唔到都係要排一陣隊。入到去兩個人嗌幾樣嘢share咁食， 因為佢每碟o野都係一人份量。先講個 (肉骨)胡椒肉骨茶，胡椒味比較重，屬於重口味嘅一種， 入面有四件排骨， 每人兩件， 但我個人比較喜歡重藥材味嗰隻 ~香煎脆邊蛋肉餅飯呢個真心幾好食，有啲住家餸味，$35真係交足功課，個肉餅好香口， 蛋同肉餅加豉油飯一齊食，可能好啱我口味，直情唔想分畀個friend~香煎魚餅本來我唔食嘅，因為我本身唔食魚，但朋友話煎得好香口完全唔腥，所以最後都食咗一半~油菜晚飯點都要食啲菜，可能因為多人幫襯，連菜都好新鮮，清甜爽口，不是一般既頹菜~最後想講，以一間小店黎講，幾十蚊有咁嘅飯食，香港而家好難搵到，唔能夠要求到米芝蓮級數，但好有香港地道嘅味， 兩個人食三餸一湯飲埋支可樂，都係$115，仲想點!

今日識得嚟呢間小店試食，全靠open rice嘅指引，最近多咗食評講呢間小店。其實佢個名“兩草”都改得幾特别，最初以為係兩個男孩子經營。幫襯完先知原來大部份小食的價錢係廿蚊，即俗語“兩草”，有意思！雖然搬咗新舖，座位仍然好擠逼，唔會令人坐得舒適。屬於食完要即走的經營模式。店内所售的食物款式不多，小食及飲品一般的售價约廿蚊。今次我揀咗香煎魚餅$20、咖央多士$20及羅漢果水$20。本身我好鍾意食煎魚餅，貪佢香口得嚟又唔油膩。呢度將魚肉煎到金黃色，外脆内軟，又唔會過火，恰到好處。再加上翠綠的葱花，增添清新的口感，令食味提升。值得一試！咖央多士烤得夠薄脆，但相對無乜咬口，對喜歡厚多士的朋友可能覺得不是味兒。咖央醬的食味與其他食店有出入，只有濃烈的椰絲味，但又唔算太甜，整體唔算吸引。一試無妨！自家製的羅漢果水有驚喜，羅漢果味出眾，味道濃烈，真材實料，沒有溝水開稀的成份。非常適合宜家嘅天氣，清心解暑。值得一試！食咗咁多野，賣單正是兩草、兩草又兩草。今時今日經營成本上脹，工資丶舖租及食材價格都不斷上調，所以一眾愛吃和懂吃的老饕要好好支持這些小店經營呢！

有時要係香港搵價錢合理又令人回味無窮既小店真係吾容易。今次搵吓附近有咩好食嘅時候，上網見到好多人推介呢間位於天后附近嘅小店。由於睇相真係太吸引所以忍唔住黎試吓！果然冇令我失望！真係太難忘！由細到大都好鍾意食太陽蛋！仲要係脆邊架！一碗份量吾會好細又吾會好大！真係中左我心水！仲要係！30幾蚊一碗！另外，必須推薦係 呢到既秘製豉油！！真心正！肉骨茶小籠包-肉骨茶味道香濃！小籠包多汁皮薄！唯一係2樣野有小小吾夾。但分別到好高質。其實肉骨茶仲有配兩款食物，有蝦或肉骨架！下次一定會試下呢款係炒腸粉，看似普通一份腸粉，但係我男朋友最愛！因為配上自家豉油 真係無得頂！煎魚餅-不錯 但對比起其他食物會較為普通。總括黎講，呢到所有食物到係即叫即做！上黎到係熱辣辣香噴噴！香脆又好味！真心推薦！！因為呢類小店實在太難找到。價錢親民又用心制作！

去大坑搵食，一心係想去食其他野，點知行行下見到間望唔到招牌又有人排隊等食嘅食店，以唔執輸嘅精神，當然排埋一份。個menu款式唔算多，但係價錢幾經濟實惠。就叫左枱枱都叫嘅肉餅煎蛋飯，出餅確然係出色，有特色，煎蛋好香口，好想加多隻蛋。（以而個價錢絕對值得一試！）另外仲叫左肉骨茶小籠包，一般之作，如果肚仔唔夠位我覺得可以唔試。最後仲叫左煎腸粉，巧巧食，好入味，又香口，又野味，而個就真係2草($20)之作，好耐味試過食到咁好味嘅煎腸粉

與同事一起去吃午餐，今次不用排很久的隊，等了大約15分鐘，入去食咗一個肉餅蛋飯，雖然份量很少，但味道好好。我們其他同事還叫了肉骨茶小籠包、魚餅、咖央多士等等都好好味。唯獨覺得原味肉骨茶不太夠味，我地覺得呢味餸失色左少少。凍咖啡好甜麻麻哋，薏米水同事話幾好飲。

好好食 又脆又薄多士 。食過翻尋味 鋪頭準備關門，我好遲至到鋪頭 ， 老闆好好人都做埋我張單 。我叫咗咖也多士同黑咖啡 。多士又脆又切到好薄， 好似食緊薯片咁。 凍啡 ， 順喉 唔酸。。

大坑裏邊高級餐廳林立，突然間見到有一間小店，眼前一亮，試試佢先。肉骨茶有好大陣胡椒味，濃烈嘅湯，加上已經煮到非常之咁軟熟嘅豬骨，不錯不錯。斑蘭咖央 toast，平時見到通常都係綠色嘅，呢個望落成個奶醬多咁，冇咩特別好香嘅味道，得甜味。叉燒滑蛋飯即係黯然銷魂飯，豉油落得啱啱好，不太多也不太少，佢嘅叉燒係切成條狀，唔係一塊塊，都幾好咬，不失為一個出色嘅黯然銷魂飯。可惜嘅就係個份量太細啦，一個人食一碗飯係唔會飽㗎，所以我哋叫咗兩碗飯。乏善足陳嘅菜心香煎魚餅其實都應該係幾香口幾出色嘅，不過本人係唔鍾意食鯪魚的，好重味。總括來講，不錯。

呢間小店之前去過三四次 最鍾意食佢個脆邊太陽蛋肉餅飯 珈央多士 好食❤️ 不過服務就..早兩次去嘅時候我同男朋友啱啱食完 男友順手就將錢放咗喺枱面先 但係本身諗住坐多陣之後先埋單 但係店入面一名女子 唔知係店員定老細 好急咁一手就攞左啲錢幫我地埋單🤯其實嗰陣時又無人等位 佢都唔使咁心急啫 可能趕住收工啦🤯跟住上次去個陣 隔離枱有個男人食緊飯但係停左陣 㩒左陣電話 個女侍應/老細就即刻想收左佢個飯🤭佢男人即刻就話我未食完 所以佢就無收到🙈不過睇在啲食物幾好 平靚正 都值得去下🙆🏽‍♀️希望可以改善下個服務啦 雖然呢類小店都唔係話期望啲咩 不過咁心急比客人既感覺就真係差啲啦

之前上網見有人介紹過呢間，咁岩呢日又係附近，於是就來試下。排隊等左5分鐘左右就有位，室內裝修以懷舊為主，地方有d逼，座位不太多，以幾張大圓台為主，所以入面座位都係以搭台形式居多。野食方面就叫左佢地既香煎脆邊蛋肉餅飯。細細碗，望落好似吾多夠飽，但食落都幾多飯，女仔食就可能岩岩好夠飽。 隻蛋煎得幾靚，蛋黃係半熟金黃色的，再加上灑到成碗都係既蔥粒，視覺上已夠搶眼。肉餅的餅邊的確係有少少脆，口感上確實吾錯的，但味道吾算特別，而且有點淡，要另外落豉油。整體來講，係比普普通通之上，好食之下的平民價食店。

呢間真係又抵又好食！！香煎脆邊蛋肉餅飯 $30個蛋好吸引🤤 個肉餅堅好食！口感同味道都豐富，juicy！肉味濃，有新鮮豬肉既感覺👍🏻.滑蛋叉燒飯 $30呢個就不過不失，都吾錯，只係冇話特別好食🤣.斑蘭咖央多士 $20睇圖係平平無奇，又細件又吾夠邪惡😂但一食落就有驚喜！多士好脆身，個夾心好好味😍 好想encore !.蛋粉豬腸粉 $20呢個普通，就好似普通既鼓油炒腸粉咁。Btw果兩碗飯睇落好似吾大碗咁，但食完其實夠飽架🤣同埋好彩吾洗等位就入得✌🏻.

如果想為鬱悶情緒找一個小小出口，最簡單的美食往往是在心情低谷看到的一道光。脆邊太陽蛋、煎得香脆又充滿肉汁的肉餅、青蔥、甜豉油撈飯把蛋黃截破，所有煩躁都一傾而散。將蛋汁、甜豉油、白飯、青蔥拌勻送進口中，是最熟悉又懷念的味道。店家亦很細心，如想多下點甜豉油，每桌亦有提供讓客人自行加添。其實本身豉油份量亦足夠，我也不多添了。本來想試肉骨茶小籠包，可惜當晚早早已售完。但也想一試胡椒肉骨茶。胡椒味足而不嗆，肉骨茶的藥材味及肉甜味亦平衡。唯獨本人口味偏清淡，這裡的肉骨茶調味對我來說偏重，可以與白飯一同享用更佳。令人舒懷的味道，我一定會再回來的。