公車泰國餐廳

营业中

休息中

~ 三寶D($288)🙌今次黎見到多咗好多新嘢😯，見到而家仲做緊新推介優惠咁抵梗係要試吓🤑。我哋呢個三寶包咗：•冬陰醬燒骨🥓呢個係廚房即燒嘅🔥，所以會等耐少少🤏。但都值得嘅😌，果然新鮮出爐就係好食😚，上到嚟熱辣辣，食落好香😋，味道酸酸甜甜咁中和咗肉嘅滯口感🙂‍↕️。仲好細心提供咗手套同濕紙巾，可以盡情上手食🤪。•生菜包🥬係今餐唯一嘅菜😂，肉碎份量超多真係可以每一塊都包到滿晒😗。•泰式炒蜆粒粒都超大粒😮，鮮甜冇沙。泰式醬汁辣辣地好惹味😋。~ 泰式干炒牛河($78)🍝之前次次黎都係食金邊粉🫢，今次試吓個乾炒河🤓。呢碟冇金邊粉咁濃味，相對上會冇咁膩口🙂‍↕️。而且炒得幾有鑊氣，牛肉份量都唔少唔會韌😌。~ 泰式椰汁燕窩($88)🧁有凍同熱揀，但呢啲咁滋補嘅梗係熱先最正😎。因為我哋揀咗椰汁(另外有鮮奶揀)所以味道會偏甜😌，但連埋燕窩食啱啱好🤓。如果好想食甜品又食唔落芒果糯米飯嘅，呢個都係一個好嘅選擇🙂‍↕️。~ 椰青($42)🥥夠哂清甜，仲可以食埋啲椰肉添😎。~泰式奶茶($18) 🍹~ 泰式青檸茶 ($18)🍹食到咁想下，飲哂個椰青，順便叫杯青檸清新吓🤓。✨由第一次嚟食到而家都係會送椰汁糕💕

📍 公車泰國餐廳（元朗）炎熱嘅天氣真係好想飲番杯冰凍嘅飲品🥤經過元朗見到一間泰國嘢好似都開咗一段時間，突然之間又好想飲椰青所以lunch食好啲，就食自己最愛嘅泰國菜🇹🇭✨馬拉盞炒椰菜苗椰菜苗嫩綠爽甜，口感甚佳，配上馬拉盞的鹹香，非常滋味，美味在口中揮之不去。✨冬蔭醬燒骨豬肋骨高質，肉質軟冧入味，冬陰功味突出，配搭酸酸辣辣，非常惹味。✨泰式炒蜆蜆肉在泰式自製醬汁襯托下，更顯鮮甜🥢而且每一隻都好飽滿大隻！✨泰式乾炒牛河乾炒牛河係佢地另一個招牌，超大份量 兩個人食都夠，牛河有穫氣 乾身唔油，通透，牛肉份量多嫩滑、腍🐮✨泰式炒金邊粉正宗泰國金邊粉煙煙韌韌，配合好多芽菜、炒蛋、豆乾、硬蝦乾、雞肉，淋上青檸，非常惹味有層次。✨ 珍多冰馬蹄做成粒粒外層煙韌、咬落爽脆，配上香甜的椰漿，味道幾突出，唔會過甜過膩。✨ 新鮮椰青夏天飲用清涼解渴🥤

同屋企人食生日飯，叫左咁多碟餸，最伏係薄餅，油膩到吞唔落；馬拉盞通菜賣相唔靚，太咸；辣肉碎生菜包味道還好，但生菜又厚又有疤，唔夠嫩薄脆口乾淨；炸物普遍都好油，蝦餅炸衣太厚，口感成舊粉；豬手既咸酸菜味道好怪😥咖哩雞無乜味，串燒比較鞋口，醬汁全部太杰，整體食物質素較差。餐具同枱面都偏油笠，衛生欠佳。晚市生意淡靜，但服務員無主動落單，叫幾聲都係度飲緊野，唔知扮聽唔到定真係聽唔到😓呢個價錢唔會有下次，整體質素有待改善🫠

💖 公車泰國餐廳 (元朗)✨元朗西菁街2號興旺樓地下2-3號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️呢間餐廳原來我老公已經食過幾次㗎啦，不過我喺元朗住咗咁耐就未食過😂，而家就嚟搬嚟元朗先發現佢係一間幾唔錯嘅餐廳實在太可惜了😮‍💨-泰式炒蟶子🐚 $168我見佢餐牌入邊有一個特價Menu，本身諗住叫炒蜆，但係老公話想試吓炒蟶子😙。佢話因為炒蜆成日都有得食，蟶子就唔係度度都有🙌🏻。佢哋用咗特製嘅泰式醬汁去炒，微辣得黎好香口，蟶子肉好實好鮮😍。-泰國燒雞（半隻) 🐥$98兩個人食叫半隻就啱晒啦！呢個亦都係特價餐牌入邊有得選擇嘅😋，外皮燒得好脆，雞肉又唔會鞋口🤤啖啖肉🤫 -酸辣海鮮湯🍲 $98通常我哋食泰國嘢都會揀個湯，不過呢一間餐廳嘅湯品選擇有好多🤭，我老公本身話想飲冬陰功，我就怕太辣飲唔到所以就揀咗呢一個得一級辣嘅酸辣海鮮湯🦐。我覺得飲落口其實佢同冬陰功差唔多，只不過香葉味同埋辣味冇咁濃郁。-馬拉盞炒通菜🥬 $68我哋成日都係泰式餐廳叫馬拉盞通菜，不過就冇一間好似呢一間咁煮得咁好食‼️佢雖然係俾我哋一般般嘅炒通菜有份高少少🤏🏻，但炒得好夠鑊氣，仲食到通菜本身嘅味道😌。而佢嘅馬拉盞醬汁亦唔太鹹，食完

今日公司聚會嚟咗呢間泰國餐廳食午餐。餐廳環境好靚，裝修滿滿泰國風情，好有泰國feel。我哋6個人點咗好多唔同嘅菜式試吓，每一道菜都好有特色，味道非常正宗。.我哋叫咗三種唔同烹飪手法嘅蝦，分別係泰式辣椒膏大頭蝦、蒜爆鮮海蝦同埋泰式生蝦。我個人最推薦係蒜爆鮮海蝦，佢用咗大量蒜頭嚟爆炒，蒜頭d香味好勁，仲有啲微微嘅焦香。蝦肉吸收咗蒜香同鹽味，唔會過熟，保持住鮮嫩同水份。 .仲叫咗三樣燒物，泰式鹽燒烏頭魚、燒大魷魚同埋燒和牛串。燒和牛串比較似係小吃，和牛好新鮮亦都好嫩，配埋醬汁一齊食真係絕配。鹽燒烏頭魚一定要配飯食，魚裹住鹽嚟燒，所以會鹹d，但配飯食就啱啱好。可能係用燒嘅手法，魚嘅味道好香，外皮亦都好脆。大魷魚就燒到又Q又韌又有勁，必須要配辣椒醬一齊食。.都叫咗一道炒通菜，用馬拉盞嚟炒，蝦醬嘅味道好重好香，尤其係通菜吸收咗蝦醬嘅汁，撈飯一齊食真係好惹味，飯都忍唔住食多幾啖。除咗炒通菜，我哋仲叫咗一道泰式炒蟶子。蟶子鮮甜多汁，配埋泰式嘅香料同調味，食完真係有種唔同嘅感覺，好似帶你去到泰國咁。.最後仲叫咗兩樣唔同材料嘅沙律，木瓜沙律清新開胃，青木瓜絲配埋紅辣椒，加上特製嘅酸辣汁，味道酸酸甜甜；而酸

星期六六點幾搵地方撐枱腳元朗不嬲都好多好嘢食，行行吓見到依間泰國嘢，好似唔錯😎係冇失望嘅🤪✨泰式海南雞配油飯 💰78好靚嘅海南雞飯🫰🏻雞好滑，好食！✨馬拉盞炒椰菜苗 💰88✨ 泰式咖喱炒雞 💰98用嚟點薄餅，正😋啲雞都好滑～✨薄餅 💰42較脆，都好食嘅～（但我會較鍾意啲比較煙靭同實嘅薄餅🤣）另外點咗個✨泰式奶茶 💰18好甜，但我鍾意甜嘢，好味🫶🏻本身想嗌脆肉海南雞，但係售罄🥹

呢間係我期待已久嘅泰國菜餐廳，之前去泰國食泰國菜，已經係印象深刻，平時喺香港好少見得到咁地道，今次終於比我搵得到呢間餐廳啦!! 趁住今日放假，即刻去食晚餐!!!!💥泰式生蝦💥呢個泰式生蝦，用新鮮嘅生蝦，配上酸辣嘅泰式醬汁，蝦肉鮮甜，酸辣嘅味道非常開胃！每一啖食落真係好享受，好正呀！💥燒和牛串💥仲有燒和牛串，和牛肉質嫩滑，燒得啱啱好，外脆內嫩，再配上泰式嘅香料，味道一流！一串接一串，真係好食到停唔到口！💥燒大魷魚💥燒大魷魚，魷魚新鮮彈牙，燒得好香口，搭配上特製嘅泰式醬汁，味道濃郁，食完真係回味無窮！💥珍多冰💥呢個珍多冰，用椰奶同綠豆粉條做底，加上碎冰，甜而不膩，係炎熱天氣嘅最佳解暑甜品，真係好食食到透心涼！💥菠蘿冰💥仲有呢個菠蘿冰，用新鮮嘅菠蘿打成冰沙，酸甜可口，非常之清爽，飲完成個人即刻爽朗嗮！💥蒜爆鮮海蝦💥呢個蒜爆鮮海蝦，用新鮮海蝦爆炒，搭配上香蒜，味道好鮮美，蝦肉都好彈牙，每一啖都充滿幸福！「公車泰國餐廳」嘅泰國菜，值得你慢慢品味~ 唔論你係想搵一間好嘅泰國菜餐廳，定係只想試吓新嘅泰國菜，呢度都能夠俾你驚喜！一齊嚟試下啦！💖

今日同我朋友肥Wing出嚟聚會，近排肥Wing開始有去gym做下運動，減肥健身，啱啱今日係佢嘅cheat day，打算帶佢食一餐勁嘅。我同佢好耐冇食泰國菜，佢提議去一間之前佢前度好鍾意嘅泰國菜餐廳叫「公車泰國餐廳」，我都冇乜意見，就畀佢話事。到咗呢度真係好有泰味，招牌都有泰文，擺設好多泰國元素。叫咗【泰式菠蘿炒飯】兩个人食，炒飯味真係好香，炒得唔會太油，火候好夠，配住肉絲食每一啖都有肉絲嘅焦香。【泰式鹽燒烏頭魚】嘅外皮好脆，外酥裡嫩，又好彈牙，仲有【燒大魷魚】又係另一種風味，燒得好到位。然後肥Wing特登叫咗【燒和牛串】請我食，佢自己超鍾意食，和牛唔會太肥，也唔會太韌。仲有好送飯嘅【泰式咸魚炒芥】，芥蘭好脆口，然後鹹魚嘅香味蓋滿咗成盤菜。我哋食得好飽，肥Wing講下次再請我嚟食！我自己都好推薦畀大家！！

我同我老公都好鍾意食海鮮，同事介紹我哋去元朗嘅公車泰國餐廳食，同事話佢哋嘅海鮮好好食，仲好有泰國風味，鍾意食海鮮同泰國菜嘅我哋就決定今日下午去試吓。餐廳入面嘅裝潢好有泰國風格，好似自己身處泰國食午餐，餐廳入面香味四溢，激起咗我哋嘅食慾。我哋分別叫咗三種唔同嘅海鮮，每種海鮮都非常好食，推薦俾大家。🩷泰式生蝦蝦仲保持住冰凍嘅狀態，非常新鮮。配埋佢哋餐廳嘅特製醬料，非常開胃，味道口感都更上一層樓。酸辣嘅醬汁同鮮嫩嘅蝦肉，十分滿意。🩷泰式鹽燒烏頭魚成條烏頭魚香味撲鼻，外皮酥脆，魚肉鮮嫩多汁，仲有少少焦香味，配料令成條烏頭魚嘅味道更加豐富，酸甜可口仲帶有鹹味，非常好食。🩷蒜爆鮮海蝦好有泰國風味嘅一道菜，海蝦嘅口感非常嫩滑，好有嚼勁，食落去仲散發住濃郁嘅蒜味，辣味十足，但又唔會太辣，真係好好味。

今日星期日成家人一齊出街行街，行到傍晚大家都肚餓，就想搵啲適合家庭聚餐嘅餐廳。喺元朗見到呢間好特別嘅泰國餐廳「公車泰國餐廳」，睇餐單都系好正宗嘅泰國菜色。然後我哋就決定喺度食晚餐啦。呢度嘅好多菜色睇落好抵食，價錢平，而且分量又大，帶住屋企人嚟食好啱。主要系地方夠大，可以帶屋企人一齊嚟呢度食。我哋叫咗【泰式青咖喱雞】，佢嘅青咖喱味好泰式，同我之前喺泰國食嘅味道一樣，好清香仲有微微嘅辛辣，但系唔會好辣，大人細佬都好適合。然後【冬陰醬燒骨】，味道好香濃，冬陰醬嘅味道好刺激味蕾，好開胃。【泰式咸魚炒芥】又好下飯，有放鹹魚但系唔會太咸，配料比例調得好啱，食住好香。不得不提【燒大魷魚】真系好大，而且好有嚼勁，可以享受咀嚼嘅樂趣。【珍多冰】椰奶味好香濃，飲住好滑，會一直想飲。我哋屋企人喺度食晚餐食得好滿足，大家都話下次仲想再嚟，呢度推薦大家嚟試下！！

由於媽媽好鍾意食泰國餐，今日帶咗媽媽同我一齊去元朗嘅呢間公車泰國餐廳享用我哋嘅晚餐。一入到餐廳就感覺自己身處泰國，餐廳入面嘅座位好寬敞，光線充足，感覺好舒服。泰式菠蘿炒飯 🍍賣相十分吸引人！炒飯竟然係用菠蘿嘅外殼嚟擺盤，而且飯粒粒粒分明。炒飯嘅味道配埋酸酸嘅菠蘿，食欲直接up！上面仲鋪滿咗我最鍾意食嘅肉鬆，簡直就係perfect！泰式香葉辣椒肉碎燴飯🍚泰國經典食物之一，必點！肉碎鮮嫩多汁，搭配香葉同辣椒，食咗令人唇齒留香。海南雞 🍗點咗半隻嘅海南雞，真係食唔厭！雞肉又滑又嫩，軟糯彈嫩，口感無敵順滑，雞油香濃郁。食咗非常滿足。配埋特別嘅醬汁，食咗簡直升天。冬蔭醬燒骨排骨鮮嫩多汁，唔會太乾！冬蔭排骨嘅香味，酸辣配埋醃製嘅香茅排骨，真係絕咗！食咗令人回味無窮。整體味道、環境同服務方面都算幾唔錯。如果你有時間或者想嚟體驗嘅話，值得過嚟試一試。

尋日慶功宴同同事一齊聚餐。同事介紹咗呢間人氣火爆嘅公車泰國餐廳。一嚟到呢度，就好似自 己已經穿越去咗泰國用餐。滿滿嘅泰式風情，超級有氛圍感。打卡影相都係好靚嘅。泰式鹽燒烏頭魚 🐟烏頭魚好大條，好新鮮。因為係鹽焗，所以鹹味均勻，魚肉滑嫩，有一啲煙熏嘅感覺。用筷子一剝 開，魚皮一秒就剝落。魚肉冇所謂嘅魚腥味，反而非常鮮甜可口。燒大魷魚🦑絕對唔可以錯過嘅一道料理，配上泰式辣椒醬，簡直就係perfect! 魷魚多汁滑嫩，香氣撲鼻。新鮮 彈牙。泰式咸魚炒芥 炒得好有鑊氣，鹹香鹹香，簡直就係下飯菜。咸魚真係俾足，特別開胃。燒和牛串 🥩強烈大推!和牛肥瘦相間，肉質鮮嫩多汁，醬香甜口!食咗一串又一串，停唔落口。龍眼冰 🥤非常適合夏天飲用，龍眼果肉涼爽多汁，飲落去成個口腔充滿鮮甜嘅龍眼汁。簡直就係舒服!大家可以嚟試吓，餐廳環境優雅，菜品豐富，強烈推薦。

今日約咗姐妹出嚟行街睇戲食飯，玩咗一整日大家肚饿，想搵啲嘢食，啱啱阿冰话想食泰国菜，我哋好耐冇食泰国菜，就决定去搵一间泰国餐厅。阿冰之前听同事讲元朗呢度有一间唔错嘅泰国餐厅叫「公车泰国餐厅」，我哋就一齐去试下，睇下佢同事推介嘅餐厅点样。呢度嘅装潢摆设好多泰国元素，好有泰国菜嘅氛围，环境好干净好好。叫咗【泰式咖喱海鲜】，海鲜嘅分量好足，泰式咖喱同海鲜嘅搭配好完美，鲜美辛辣，好开胃。【泰式青咖喱鸡】都唔错，鸡肉嘅质地好好，青咖喱好香滑可口。【烧大鱿鱼】好大只，鱿鱼肉嘅弹性，配埋附带嘅酱汁，好好食！！我同阿冰都食得好满足，下次仲会再嚟呢度食。

同朋友聚會嚟幫襯朋友最鍾意食嘅泰國菜，三五知己一齊去食大餐叫餸最啱啦青木瓜沙律 $78最啱而家炎炎夏日食，爽脆嘅青木瓜絲撈勻酸酸辣辣嘅醬汁好開胃。青木瓜絲又切得夠幼夠爽口，生菜都好fresh，包住青木瓜絲食，又係另一種風味。泰式生蝦 $168最鍾意食刺身嘅我，嚟食泰國菜都唔會錯過生蝦嘅。特別鍾意泰式酸辣青汁，淡淡嘅香茅味同魚露，配埋生蝦真係好惹味，平時食日料都畀唔到嘅味道。食唔到辣最好唔好食上面嘅辣椒粒，朋友食完出晒汗。泰式鹽燒烏頭魚 $148魚身入面放咗幾種菜，外皮放咗粗鹽，再一齊燒，一上枱就聞到滿滿嘅香味。魚肉嫩滑，點埋秘製醬汁，真係好正！海南雞 $98我哋幾位都係小鳥胃，但又特別想食海南雞，啱啱好呢度有半份嘅量可以食！雞件好滑好香，份量都算幾多，外皮蒸得好足，有非常香嘅雞味燒和牛串 $28呢個係最後追加嘅，嚟咗冇嚟一支燒串，真係會後悔走出去。一入口牛肉肉質好鬆軟，燒烤得好夠味好啱啱好，有焦氣唔會太老，而且一支仲要唔貴！整體嚟講大家都好滿意呢間餐廳。侍應態度好好嘅，我哋成班人坐咗幾個鐘都冇畀一點面色，埋單嗰陣仲好有禮貌。我哋食完都好滿意，環境都好闊落舒服。餐廳另外仲有主打蝦醬炒飯，

今日嚟到公司附近嘅泰國餐廳簡單咁食晚餐，我地都唔想食飯，就叫咗幾樣單食都食得飽嘅。🟠冬陰公燒骨：其實呢個份量真係好大，我一個人食基本上都已經飽咗，仲有另一半喺度，一齊食可以食多啲。記憶好深刻嘅一點，外皮燒得好脆好香，油油脆脆咁，食完喺度吮手指。🟠鹽燒烏頭魚：外層包住粗鹽巴燒嘅，點住酸辣醬汁一齊食，唔使驚會鹹。條魚入面仲塞咗好多唔同嘅菜，魚鮮味啱啱好！魚肉燒咗之後仲係好滑好juicy 。🟠燒大魷魚：雖然睇落去簡簡單單，但真係好好食，次次嚟親都會點呢個。魷魚次次都燒得好夠味，最最最緊要係魷魚唔會韌！泰國醬料係全場最正嘅主角，基本上都係酸酸辣辣，好開胃，所以次次食完都好滿足，好過癮！😋最後我地頂不住誘惑，叫了飯，因為真系好下飯，太好食了！哈哈