凪豚骨拉麵 (已搬遷) 新店位置

今次就試咗間拉麵店嘅豚骨同埋黑骨拉麵，仲有加了3隻溏心蛋！豚骨湯頭真係香得嚟啦，麻麻地滑，麵條啖啖肉感，啱晒我呢啲愛麵之人。而叉燒呢？講真，咬落去感覺就好似喺口裡化咗，咁滑！🍜至於黑骨拉麵，湯底黑滋滋，一啖湯落去，得個字——正！墨魚汁豬肉碎混埋喺湯底，滋味滿分，真係惹味到不得了！濃郁嘅湯汁加埋硬啲嘅麵條，啱曬我嘅口味。😋最後個溏心蛋，跟足口感啫喱啫喱，溏心啲黃啲流嘅啫喱啫喱圍住，咬落去流心，真係夠哂feel！店舖環境搞得好有日式風味，職員又nice，即使有啲等位，但換來嘅美食絕對值得！👌🏻

我都未打，都未再去試埋其他佢已經頂唔住了... 可恨啊！襯唔出得去食野，快手追多幾篇🙈呢間野係大坑，個湯好好味! 佢地亦有好細心咁講解同話你知個辣道咁, 仲有仲有，佢個期間限定，聽落會覺得做乜野係拉麵站整個牛筋撈麵? 但你真係估佢唔到咁好食! 完全打破左我對牛筋撈既定義! 個麵好味，個汁仲好味，牛筋仲要好“林”，但“林”得黎又有咬口~我就揀左赤骨，佢都有話如果真係唔夠辣，可以再問佢，真心好禮貌同耐性到一個點，我都唔好意思再問XD (咁其實我又唔係要去到噴火，我比較鍾意既係平衡到香同辣，大辣又好小辣又好) 真係諗住會再去食埋佢其他，但... 要等佢再搵到舖位再去，放心page已like,會follow住睇佢重開再食!

又來到懲罰小店系列💛大坑不嬲都有好多特色嘅美食，今次就嚟介紹一間位於大坑嘅拉麵店！呢間拉麵嘅款式非常特別除咗有一般嘅豚骨、赤骨拉麵！🍜🍜如果想試特別嘅拉麵，店主推介食綠骨拉麵，綠骨係指由意大利青醬加入豚骨湯而成嘅拉麵～💚不過今次嚟到呢度我就比黑骨吸引左～推介菜式：綠骨 (店主推介$88) 、黑骨 (適合重口味愛好者$88)味道：🌟🌟🌟🌟環境：🌟🌟🌟🌟價錢：🌟🌟🌟🌟服務：🌟🌟🌟🌟首先先講環境方面，店內大約有10-15個座位，假日時間也會較多人排隊，所以都要預返大約30分鐘等候時間～🤣而今次我試咗黑骨拉麵，黑骨拉麵係由墨魚汁、加黑蒜油、及豚骨湯而成嘅拉麵，拉麵除咗有一般嘅叉燒之外，亦有一個肉碎球。雖然非常重口味😋但係食落一啲都唔油膩同埋會令你食完又想再食！店員亦都非常細心，由於係點左黑骨拉麵嘅關係，特別提供一塊即棄圍巾！咁就唔驚黑色嘅汁會沾染衣服🤩🤩🤩拉麵本身比較幼食，食落都幾可以掛到湯～豚肉方面中規中矩，唔肥唔瘦亦都唔算厚身😂不過最主要係湯底濃郁！非常推介大家嚟試吓

這間拉麵店不推薦大家 職員嘅態度極不理想及友善 佢地嘅態度令我聯想到黑警對市民所做嘅一切 尤其係穿紫色衫 身型較大嘅廚房師傅  他以不友善嘅目光望住我 感覺我好似與我有仇 其實我只係想問仲有幾耐可以入去貴店 我明白貴店生意好 客似雲來 但只係簡單嘅一句詢問 換來嘅係職員不禮貌嘅對待 這店拉麵就算幾好食都好 如此服務態度點讓人進店幫襯 都係第一次見服務態度差劣嘅黃店 希望貴店可以改善

喺東京食過幾次凪煮干拉麵，佢嚟咗香港開分店，幾年前食過一次，最近又食過一次。香港分店叫凪豚骨拉麵，連名字同日本都唔完全一樣😅。喺大坑店叫咗豚骨拉麵，再加隻糖心蛋。可以選擇咸度、濃厚度、蒜泥多少，我全部都揀咗最高級別😁，麵就選擇咗超硬。好快麵就嚟到，飲一啖湯，確係濃厚，幾好味。麵身夠硬，非常合我胃口。叉燒都幾好食，不過有些少硬。總體來講都係一碗有質素嘅拉麵，但又未至於食到舔舔脷，亦唔會飲晒啲湯。凪喺日本其實最出名係佢哋嘅煮干湯底拉麵niboshi ramen, 係用多種大細不同種類不同嘅魚乾煮成湯底，超級鮮味。佢哋碗麵裏邊仲會有類似雲吞皮，真係非常惹味。喺日本我會連湯都飲晒。唔知點解香港分店唔做🤔除咗大坑凪嘅照片，亦附上東京ラーメン凪嘅照片，以供參考。

💛平時咁少黎大坑，黎到梗係食好野😁 黎到雖然要排隊，但店員好細心先比左點單紙我地睇定食咩。🍜一共有5款拉麵比大家揀: 豚骨、黑骨、赤骨、綠骨(羅勒醬湯底)同限定款 (定期會轉)。入到呢間細細既小店，好有日本既感覺🎎，全部用木做主調，連坐嘅櫈都係用實木好特別🌳.店員好細心會記得邊碗拉麵係屬於邊位客人 💯 而我地今次就試左豚骨同黑骨。黑骨既湯底其實係有墨魚汁🦑、黑蒜油製成。中間球狀既就係墨魚汁豬肉碎，可以整散撈埋啲湯同拉麵一齊食。湯底超級濃郁，而拉麵我就揀左硬身，麵質岩岩好☺️ 傳統嘅豚骨湯底都好香好濃，不過就比較油膩啲。大家可以以自己嘅喜好選擇湯嘅喊度、濃度、辣度，麵既硬度，可選擇加蔥、椰菜同追加配料等👍🏻 推介！🔹黑骨$88🔹豚骨$82.📍 凪豚骨拉麵Ramen Nagi🎗️大坑京街3號地舖

今日同女朋友去左大坑搵野食，見到呢間拉麵店既店面同食物餐牌幾吸引，就決定試試佢。去到個陣前面已經排住隊，我地排左無耐之後，後面又有長長既人龍。為左節省一陣候餐既時間，店員會先比點單紙我地落餐，佢仲好細心，會分清拉麵係屬於邊位客人。餐廳一共提供5款拉麵，赤骨、綠骨、黑骨、豚骨，仲有一個限定款(會定期轉，喺IG到公佈)，而我地今次就叫左綠骨同豚骨。等左10分鐘到就有位，舖頭細細，裝傷幾精緻，用木做主調，連坐既櫈都係實木既。坐底一陣，兩碗拉麵就上左嚟喇。黑骨即係墨魚汁，湯底好濃，亦都有滿滿墨魚既味道。麵質都適中，易入口(參考: 叫左湯底「濃」、「咸」、麵質「硬」) 而第二碗綠骨即係羅勒醬(綠醬)，有意大利既風味，上面仲灑左啲芝士粉，鍾意食青醬意粉既你就啱哂，佢西式crossover日式，味道亦都好搭。(參考: 叫左湯底「濃」、「咸」、麵質「硬」)份量嚟講我女朋友就啱啱好，不過我就唔太夠食，再去天后食返個甜品就啱哂喇!

📍 凪豚骨拉麵 Ramen Nagi 🎗📍 大坑 •京街3號常常說「細心帶來驚喜」，大坑這家《凪豚骨拉麵》正正以細心為我們帶來重重驚喜💛步進地方小小的店，店內所有店員馬上用精神的聲線歡迎我們~坐下後，又向我們介紹每種口味的拉麵😋點餐後，建議我們可以喝喝水等待拉麵，又給我們紙巾保存口罩👍這樣的服務令我們覺得好舒服，也可能是因為這樣，覺得拉麵特別好吃😛他們的椅子是用樹幹木頭製成，雖然有點重，但好特別喔！🌳黑骨 Black ramen ($88)這湯底比墨汁還要黑⚫️所以店員貼心的給了我一張小小的圍裙，以免我弄髒衣服☺️這湯底用墨魚汁🦑、黑蒜油、秘製黑醬製作而成，味道濃郁、有層次；中間的球狀物體是墨魚汁豬肉球（上面有炸蒜），可以把它弄散，和爽滑的手工自製麵條一起吃🍜看下去好嚇人的拉麵，吃起來卻鮮味無窮🖤，飽足感很高。這「黑骨」吃的我「刻骨銘心」！豚骨 Ramen ($82)湯底選用精選豚骨配合長時間熬製，味道濃厚，但油膩感頗重。餐廳為顧客提供自主選擇權，可以自定湯頭的鹹度、濃厚度、辣度；麵條的硬度等等，可以確保有自己喜歡的口味！-Menu:

自從佐敦恆豐中心地庫嘅拉麵店結業之後, 一有時間就會發掘唔同拉麵小店, 希望可以搵到另一間取代其心目中嘅地位。今次就趁長假期嚟到大坑揾食! 先講環境, 兩個字, 狹窄...疫情下唔好期望會有一點五米距離, 但餐廳會安排客人望住唔同方向嘅牆用膳。由於拉麵店跟豚王屬同一始祖, 所以連拉麵湯底選擇都大致一樣。點選了豚骨湯, 麵條屬細麵, 即使叫普通硬度亦偏軟身, 唔太啱口味。湯底跟豚王味道相約, 質感夠滑。 整體來說, 是次惠顧沒有太大驚喜, 試過一次就好了, 未必再專程過海嚟食。

If you find yourself in Tai Hang (off Causeway Bay) and have a hankering for ramen, Ramen Nagi is quite good. Standard ramen menu with options re richness of broth and softness of noodles. Service friendly. English menus available. Cash only.

呢間拉麵店12月嘅時候幫襯架喇，不過拖到而家先post🙈佢都有幾多款湯底選擇：豚骨/黑骨/赤骨/青骨/限定🤩 全部都係啲比較濃厚嘅湯底🤪 呢到淨係有得食拉麵，冇沾麵架一坐低就有張紙比你tick你鍾意嘅湯底，鍾意個湯幾鹹幾濃都得，麵有得揀軟硬度，配料都有得追加😍 第一次去店員亦會逐一介紹每款湯底，好貼心🙈 今次我地食左黑骨同每月限定既黑胡椒味湯底😆 黑骨就係加咗墨魚汁同黑芝麻嘅豬骨湯底，賣相黑鼆鼆睇落真係幾重口味🖤 湯底好濃郁又幾有層次，食到墨魚味同蒜味，但有啲重口味(不過男朋友就接受到🤣)期間限定嘅黑胡椒湯底同樣地都係用豬骨湯作基底，有濃濃嘅黑胡椒同葱味，感覺好得意😋 呢款冇黑骨咁濃，反而慢慢慘出黎嘅黑胡椒味令到佢冇咁漏，幾重嘅層次都有驚喜😛 至於麵同配料嘅質素都唔差，麵條偏幼，叫硬麵都唔錯🍜 溏心蛋就要加錢喇，幾好食🤤 咁濃嘅湯底難免會食到頂胃同好滯，所以我地加左枝蘋果汁飲清一清個口，好甜好好飲🍎 每個月都mark實社交平台出啲咩期定款先😍▫黑骨 $88▪黑胡椒 (12月限定)

首先，我好鍾意食拉麵。有一日，我個朋友同我講，呢間嘢出限定好好食，但因為肺炎佢唔番嚟，無得食。我就即刻mark哂日子，等佢限定個日就去食。個日中午已經有人排隊。唔駛諗，限定一碗。赤蝦同甜蝦嘅鮮味配上豚骨湯，好嘢味。蝦味嘅濃郁遠勝於普遍嘅蝦味噌豚骨湯拉麵。鮮蝦淆製係唔同啲。再加上火炙甜蝦topping，少少嘅黑椒牛油嘅香味。麵屬於幼身，好帶湯，味道好濃郁，真係好正。結果我星期六食完，星期三又走去番食。

朋友話因為湯底係黑色，所以好想試下特別既拉麵。黑骨湯麵：湯底濃，又夠香，真係估你唔到既好味道，食朋友食完仲怕牙齒會變黑添😂原味豚骨拉麵我地揀咗兩碗，（一碗係椰菜絲係面，而另一碗係多蔥粒係面）：香濃豚骨湯底好入味，好香，麵條硬度適中，叉燒又滑又嫩，我仲飲咗半碗湯，朋友個碗就飲到見底。雖然三碗拉麵面頭都好多油，但十分美味，讚口不絕。湯底仲有得你選擇：咸度、濃厚度及蒜泥仲有不同辣度任你選擇，麵既軟硬度都有分唔款，追加配料有10樣比你選擇，已經包括汽水及梳打。我地追加配菜：加咗3隻溏心蛋，入哂味，好流心既溏心蛋。

今日準時收工, 開心星期五, 諗住快手食個晚餐, 仲有成晚嘅時間可以行下街睇場戲🤗 就過咗嚟大坑呢邊搵食, 男朋友提議食拉麵🤔 之前喺呢度附近食過另一間拉麵, 想試下呢一間比較下..拉麵舖多數入邊都唔係太多位, 有時遲咗嚟就要喺出邊等位, 好好彩地今日我哋都算早, 6:30喺門口, 即刻可以入去坐低唔使等位😬四款拉麵一款神秘限定, 穩穩陣陣嘅我第一次幫襯多數都會揀番啲最高人氣嘅, 今次當然係揀豚骨, 話明係最多人揀食嘅款式湯底都好入味, 個麵條硬度適中, 係好味嘅 雖然感情分嘅話我都係會鍾意食另外一間多啲以後嚟大坑食拉麵又多一個選擇

茹素3年，已很久沒吃過有水準的素拉麵。在朋友口中得知這家正宗日本拉麵店竟然推出素拉麵，當然要一嚐究竟。店外排了45分鐘，店員細心講解了拉麵選擇和落單流程，看到餐牌上的素拉麵照片還一度擔心其湯底會否沿用豬骨濃湯，只是配菜改為蔬菜。朋友見狀主動請問店員，方知素湯底是以香菇等食材獨立熬製，不含豬肉，但有牛奶成分，全素食家要留意。拉麵一上檯，不論賣相和香氣都不輸招牌豚骨湯拉麵，先嚐一口湯底，鹹香撲鼻、齒頰留香，有點像磨菇濃湯。凪拉麵的拉麵品質就不用多評價了，水準極高。配菜以炸薯餅取代豚肉，雖然不是主打菜式，但毫不馬虎，薯仔削成細條狀再壓成薯餅，口感豐富有層次。不過這款拉麵暫時仍未加入主餐牌，各位食家們可以先致電餐廳查詢以免白行一趟。亦希望店家能早日把素拉麵加入主餐牌，利益香港廣大的素食吃貨