利苑酒家 (創紀之城五期(apm))

营业中

休息中

小弟一直是利苑的忠實粉絲，縱然大家都覺得利苑的水準近年有所回落 (本人亦同意)，但我對這品牌仍然是愛不釋手，在我的心目中，利苑仍然是最優秀的街檔酒樓。要遷就在官塘上課的朋友，晚飯的地點揀在APM，我又不自覺地想起了利苑，遂建議大家來吃。先來每次到利苑必吃的冰燒三層肉，單先看其賣相已令我滿足。燒腩仔永遠是皮脆，肉質嫩滑而帶咸香，配上芥辣，是好吃的。這次如果瘦肉之中可以夾點肥，會更理想。同意這店的用料是不及IFC和灣仔的，但我已經收貨了。除了燒腩仔外，利苑的湯也總是出色，今晚就來一盅西洋菜生魚湯。上檯嗅到陣陣香氣，已知對辦。喝一口，清甜順喉，還有很濃郁的西洋菜香。再看服務生拿出來的湯料，很大堆頭的，難怪會咁正。再來素鵝，外皮炸得香脆，不會韌，餡料如香菇和蘿蔔絲等，也是香口。這個比早前我在夜上海吃過的出品，更加出色。千葉豆腐是利苑多年來的名物，片片薄薄的豆腐，恭整的砌好，是視覺上的享受。很喜歡豆腐的質感，挺滑的，不過豆香味差了些少。中間的配料有北菇粒、叉燒粒、青椒粒和白果等，用來提升餸菜的層次和味道。還有蝦球，是避風塘的做法，自然香口。只用上很小量的辣椒，是惹味但並不辣的，蝦球則是既脆又爽，

一家人到利苑吃晚飯，被安排坐在房內，環境舒適，有開揚景觀．意式脆皮大蝦扖值得一試，配上西式的香草汁，感覺很西化．另外，古法蒸海班球，師傅將魚起骨，啖啖肉，一條碎骨也沒有．．茶皇雞用茶葉燻香，味道像茶葉蛋．．甜品：棗皇榚及蛋白杏仁茶也味道一流．．不過價錢稍為昂貴，１１人差不多４千大元，普通朋友吃飯不需如此破費．．家人例外但服務真的不錯．

巳許久沒有飲茶吃點心了，來過APM利苑覺得不錯，點心即叫即蒸，就貪方便選了這裡。早上打去訂位，只可訂11:30及12:45，訂了後者，早10分鐘來到，全場巳是座無虛設。環境企理，不算太嘈吵，我們被安排坐在只有數張檯的獨立房，就更寧靜，而且全程由一位服務員專責照顧，服務更緊貼，阿姐態度也週到有禮。所以如果可以早一點訂位，不妨特別要求坐房。吃了：1) 罐裝忌簾 ($10) ：不夠凍2) 奶皇流沙包 ($22) ：朋友至愛，上次在正斗吃不到，整晚不時烏嘴烏面，所以甫坐下就快點了這個給朋友。點後朋友還非常緊張地追問、查看是不是流沙的。我說查都沒用啦，流不流要吃過才知，冷靜、冷靜。包摸上去很軟熟熱辣，有希望！揻開蛋黃汁立刻如溶岩漿一湧而出，而我朋友的口水亦旋即若瀑布般一瀉而下！餡汁香甜，包身仿似嬰兒的肌膚般輕香軟緻，連我也覺得好吃！3) 原隻鮮蝦餃 ($22) ：蝦餃、燒賣及牛肉是我的喫茶三寶，每次必叫。這個的式版一口餃，皮厚薄適中，煙韌，蝦肉鮮脆，我喜歡。4) 北菇滑燒賣 ($22) ：蝦肉跟豬肉比例剛好，鮮味有肉汁帶菇香，豬肉不肥，連吃兩顆也不覺漏滯。5) 陳皮牛肉球 ($19) ：質地不會

難得同女朋友一齊放假, 專登帶佢去最鍾意既利苑嘆茶。一入門口, 先有資客問你有冇訂枱, 再問你貴姓以便稱呼。 週日午茶時間人非常的多, 我冇預先訂枱. 可幸的是埋邊有二人枱, 女朋友先唔洗等。坐低後先開鐵觀音, 再點點心加炒粉麵:雪頂餐包: 女朋友至愛! 之前有好幾次佢黎到見冇扁哂咀, 今次一見到即點。 其實雪頂餐包外層類似墨西哥餐包, 內裡係奶皇餡, 帶有淡淡的杏仁味, 外脆內滑, 連我都覺得呢個配搭好。鮑汁野菌爽肉炒河: 本來想點XO醬龍鬚炒麵, 但一問之下, 龍鬚係炸魷魚鬚, 為免皮膚敏感, 所以改點左呢碟鮑汁野菌爽肉炒河。 鮑汁夠哂味, 但未至於會過濃; 野菌明顯有汆水, 一D草青味都冇, 爽肉即係豬頸肉, 足料有質素, 唔好粉麵既女朋友都掃左三碗, 我自己包尾都有少許意猶未盡。腸粉: 鍾意佢既腸粉係切粒上, 甜醬麻醬分開上, 唔會撈埋哂一齊, 鍾意食幾多點幾多。 乾清棗皇糕: 女朋友至愛二號! 每次去利苑都必點! 不得不承認佢呢款甜點既出色之處在於椰汁層同紅棗層梅花間竹, 每一口都層次十足, 紅棗味亦不會被椰汁味蓋過, 實乃出色之作! 利苑的食物有保證, 唯一美中不足係佢既點

朋友由Malaysia黎香港旅行幾日, 盡地主之誼招呼佢地, 問佢地想食乜, 佢地話想食燒味, 吓 ! 燒味!唔通去大家樂咩, 茶餐廳又嘈…過門都係客.. …最後去左食中菜既 利苑酒家 Lei Garden Restaurant去到門口, 都好快有位 Lei Garden 既環境都幾舒服, 員工都好有禮貌,一行4人, 是日點了如下幾款 : 片皮鴨(半隻) 老火湯 (半煲) 是日煲飯 (2位份量) 古法雙冬炆羊腩煲 老平媽干扁四季豆 片皮鴨 : 片皮鴨都食唔小, 呢家都幾好味, 好味係d鴨唔太肥膩, 食落有鴨既肥美, 有蔥同紅椒既清新, 不知不覺都食左幾塊tim~半隻片皮鴨片出黎既份量都唔少, 我地每人都食左幾塊,我地一

這裡已光顧了多次.. 只有今次隨身有相機再身!環境舒適.. 空間寬敞.. 可以靜靜地吃個晚飯..侍應生服務態度良好.. 亦細心地安排上菜及清理..食物可算是一般.. 但也不過不失.. 可能所叫的款式比較普通吧..所以有點兒覺得某些小廚鑊氣還好呢!

這酒家環境較座得舒適﹐亦沒有那麼嘈吵﹐被安排坐在向街的位置。 望在街道的行人每位都匆忙地步行著﹐身在這裡覺得心情較輕鬆。 是日點心點了如下好幾款大路款色。蝦餃 -皮薄﹐ 內裡蝦肉餡料爽口﹐ 是飲茶不可缺少。蠔汁叉燒包 - 內裡有很多汁﹐ 所以鹹了一點。班片粥 - 粥底煮得幾綿﹐ 班片亦不會煮得過淋。蘿蔔絲酥餅 - 火侯控制得不錯﹐ 外皮鬆脆﹐ 內裡蘿蔔絲餡料還很軟熟。叉燒腸粉 - 腸粉很滑﹐ 但叉燒餡料不多。荷葉飯 - 雖然不是很多料及沒有什大的荷葉香﹐但份量足夠。馬拉糕 - 不是傳統古法那種﹐ 所以質感咬落有點兒像蛋糕般。總括來說點心質素不錯﹐ 但味道較濃及鹹了一點。

呢間利苑, 最近兩個月都去左三, 四次! 第一次食既時候, 覺得呢度既點心真係精緻有料到, 所以去親觀塘飲茶, 利苑絕對係我不二之選!!!呢一日又返返去, 可能都1點鐘晏左少少, 所以都要等等先有位…終於都有位啦, 急不及待想要睇下有咩靚點心 (根本經驗, 佢既點心紙上既items間中會有改動), 由於今日早起身又冇食早餐, 比較肚餓, 所以都兩個人都嗌左幾多點心:棗皇糕: 呢個係我最愛, 次次黎親都必點, 一碟4件, 熱辣辣蒸出黎, 就咁聞都已經有紅棗味, 食落更加濃但又唔會太甜, 煙煙韌韌, 真係無得頂!!!小籠包: 皮算薄, 薄得黎用筷子夾個頂都唔會穿, 入面仲裝住相當份量既肉汁, 唔錯唔錯, 但略嫌細粒左d…金網鍋貼: 本人覺得呢個幾特別, 鍋貼上面加一塊香脆金網, 同煎到脆脆地既鍋貼一齊食, 口感幾得意~糯米雞: 一盅3件, 材料都足夠, 蝦米大大隻, 但係略嫌唔夠乾身, 稔身左, 食唔到糯米飯既煙韌咬感… 蜜汁叉燒腸: 呢度既腸粉都值得一讚! 叉燒, 絕非街外普遍酒樓既叉燒粒, 而係一片片薄身既新鮮半肥瘦叉燒 (出面個d食落好明顯係之前淨落既), 而且蜜汁甜味足夠, 又夠香

今天孩子有自己的節目,所以和老婆拍拖晚飯直落,她喜歡海鮮,於是帶她到利苑吃大閘蟹.今次也不是第一次到利苑,每次招呼都非常好,坐得舒服,但今晚可能有人包廳的關係,有點擠迫,而且坐在人家包廳的門口,人們出出入入,感覺不太舒服.另外,侍應多了很多生手,連擺餐具都擺錯,成日要個女部長過來改正,不過算啦,食物最重要.食陽澄湖大閘蟹的時候到啦,侍應幫我們開,說真的,我自己不太懂開.蟹蓋打開後,陣陣香氣飄來,急不及待到吃一啖膏,配合着醋,真是味覺的一大享受.蟹肉都幾鮮甜,不過要趁熱吃,涼後就不好吃了.我們還吃了燒腩仔,皮脆肉滑,比一般燒臘舖的好味不知多少倍另外還吃了過橋象拔蚌,湯是龍蝦湯,象拔蚌的鮮甜味加香濃龍蝦湯,正!再來一個富貴蝦,即賴尿蝦炒球,好好食,但少了椒鹽炒的鮮甜蝦味,感覺像在吃龍蝦,但肉就比龍蝦實甜品是棷汁黑糯米,OK啦,無特別

同女友, 伯母同埋姨甥仔一齊嚟食幾道餸的味道都很好, 印象之中, 個津白煮魚腐好好味, 佢係一個可以當湯飲的餸, 湯底好鮮甜, 魚腐好好味, 特別適合老人家同小朋友食, 味道溫和而魚腐本身又易消化士多啤梨骨都唔錯, 個汁甜味比酸味多, 而排骨的肉口感都好好, 一點都沒有靭的感覺食物的水準不錯, 但其實最想讚係佢地既服務, 因為姨甥仔係一個兩歲的小朋友, 之前可能玩得太癲, 食到一半居然把食物一次過嘔哂出嚟 嚇到女友手忙腳亂, 但呢度d阿姐好 nice, 連忙預備了好多濕毛巾幫我地清理現場, 仲為我地轉另一張枱坐, 仲好好態度, 安慰埋小朋友...我都覺得有點感動, 雖然價錢係貴少少, 但無論食物同服務都係好優質的

父親節其實主角都係父親大人,今年少有地由我發起攪父親節家庭聚餐其實大時大節真係好難就時間,而且酒樓一般會好BUSY食物同服務質數都好難保証,所以盡量約早,我約定5:45分係酒樓等食第一輪,廚房無咁繁忙既時候,應該有一定水準.另一方老人家習慣早訓,所以早D食完大餐,佢地會容易接受約莫六點鐘人整,亦係選擇左老父最相熟的一間酒樓,一來知到價錢,二來佢比較相熟,有小小面子,招呼都會好D我地訂了房－圍酒席＄3８８８都有好多野食,我掛住一路食一路睇電視最記得白灼蝦勁鮮甜我食左好多雞絲翅- 魚翅份量不少, 絕無偷工減料蒸石斑,大約一斤半重左右，不算大條但蒸出來肉質夠滑，火候剛剛好紅豆沙,都唔錯總括環境舒適,地方闊落,不擠迫.食物及服務都唔錯,不過價錢可以便宜點都較好難得既係員工忙成咁都仲好有禮貌,又會自動加水同問你飲唔飲多D野,十分抵讚

星期日八點幾到達，唔駛等位，環境OK，招呼也唔錯。我哋要醬油脆皮雞、米綱九黃鮮菰蝦仁和鑊仔煎牛柳。醬油脆皮雞半隻($110) - 這個很好味，雞皮炸得好脆，雞肉很滑，我平時係唔喜歡食雞胸肉嘅，但呢果雞胸肉好滑，咸咸香香，十分好味，米綱九黃鮮菰蝦仁($118) - 這個炒得唔錯，蝦仁幾爽口，有少少辣都幾惹味，但米綱就唔得嘞，完全唔脆。鑊仔煎牛柳 ($118)- 我諗住喺有少少甜酸果種，點知原來喺煎牛柳，一D sauce都冇，淋就夠淋，但冇牛肉味，麻麻哋。飯後甜品係蛋白杏仁茶($24)和楊枝甘露($24)，兩樣都好味。

一年都有３、４次去利苑食飯，呢間招呼算最差勁。好彩廚房功力搭夠。今日book下午1點9, 照例爆滿, 早30分鐘到都冇用, 門口企足30分才有位，好心明知自己旺場就加的座位俾人坐啦，得果兩位椅，客人企晒門口。其實等位時己聽到話冇湯飲，點知落單時真係物湯都冇，所以最終叫咗個魚趐餐。好似兩位６佰幾，一行４人叫兩個餐，仲開支紅洒添。1. 海蜇+义燒 - 呢碟好難評價，好似濫竽充數咁，同個餐都唔match嘅。仲有個义燒實在太差, 又鞋, 色水又暗啞。完全唔似利苑出品，敗筆之最。2. 炸龍蝦球薦炸米粉底 - 用粉包住龍蝦來炸，一上碟就心裏面覺得，唔會俾死龍蝦我卦，入口第1舊，梅。第2舊，實。第3舊，梅。第4舊，實。原來呢個係防止食客投訴嘅最佳方法。點解，你投訴時佢叫你食多舊試真啲咪得攞。3. 清炒油麥菜 - 可以啦，冇難度嘅。4. 蟹皇翅 - 料足，雖然水啲，但味道好，翅針中, 米粉咁粗,算水準作。但唔明點解咁水。5. 西施泡飯 - 個餐唔夠飽，係後加嘅。好飲嘅上湯加多料, 係你面前加入剛炸過米飯。吱吱聲，好得意。一句，好食，必食之選。6. 甜品：杏仁茶 - 甜咗啲，可以啦！食完又四點，女侍應生

我是利苑飲茶的常客, 以下是我的評論:頭盤: 燒肉 – 香﹑脆﹑新鮮做出來火焰基圍蝦 – 新鮮感. 侍應把一部份燈關了, 我們欣賞玫瑰露燒的火焰, 聞到蝦的香味, 吃起來也可口, 有朋友說不夠熟, 我認為七成熟的蝦可口.燉海中寶 – 很多料子: 雞﹑豬肉﹑雞腳﹑ 瑤柱﹑ 螺頭﹑ 紅棗﹑ 翅頭﹑ 杞子. 湯非常清, 說是燉了八小時京烤片皮鴨 – 非常好, 值得讚. 面餅薄﹑ 軟﹑ 片鴨的刀法夠薄特式過橋象拔蚌 – 湯夠熱, 魚湯一點都沒有腥氣. 象拔蚌被燙得過了火鑊仔煎牛柳 – 出不到廳堂. 只是普通薄牛肉, 又用了tenderizer, 弄得沒有牛肉味,用了很好的味料, 但沒有原味, 什麼都談不上.翠盞鴨崧伴素鵝 – 太咸. 勝在他的素鵝(點心類)很脆好吃.翡翠泡餃子生麵 – 不夠滑, 餃子破了, 味道減了分, 用的蝦餡還不錯.花好月圓 – 即擂沙湯丸, 我一直讚賞利苑的點心好.總結: 利苑用了很多心思創造心意, 要嘗試新花樣, 不能不到利苑吃晚飯, 但價錢實在貴, 只可以大時大節先去~

之前食過晚飯，雖然貴，但走高檔路線，啲食物水準都唔錯，所以嚟試吓佢啲點心，未食前都好有期望。我哋係十一點半入場既，當時只有幾枱客，但知客姐姐話要我哋十二點九交枱，不過都主動俾張靠窗枱我哋，都ＯＫ啦，但心諗有冇咁多人呀？望吓張點心紙同價錢，出乎意料既合理（因為諗住佢哋走高檔路線應該會貴好多）。因為只有兩個人，所以只係叫咗幾碟嘢，評語如下：生竹牛肉球（好一般：唔夠鬆，無肉味）蝦餃（還可以，但唔係好出色嗰種同埋都幾細粒吓）鯪魚球（同牛肉球個評語一樣）蘿蔔絲酥餅（比較有水準既一樣點心）紅油抄手（味淡，完全無辣味，都算唔好食）腸粉（算可以，都ＯＫ滑）杏仁茶（好唔錯，幾香同稠，都幾有水準）西米布甸（唔太甜，都可以）服務都可以，但啲伙計好似未＂訓＂醒咁，好似遊魂同行路好慢似夢遊。臨走時已經差唔多坐滿晒，都幾意外多人，可能佢哋係主攻商務客啦。仲有我諗佢哋人手唔夠。埋單二百蚊鬆啲，算係最驚喜既一部份，但講真以佢哋既市場定位（走高檔路線），佢哋啲點心水準算係唔合格喇，都幾失望，無下次。