割烹 櫓杏 (iSQUARE國際廣場)

营业中

休息中

見餐廳做緊第二客半價優惠，所以同友人就試左呢個set.其實每樣食物都味道唔錯但係以呢個價錢其實真係會有好多選擇，而且可能期望太高， 同日本真係冇得比，以優惠價平均一人$600其實就真係有少少貴囉。不過要提返餐廳對出係可以望到半島酒店，望到直升機飛來飛去其實都幾寫意，但因為近窗口位置,座位有限，下次如果再去一定要早少少講要window seat.值得一提係服務生都好主動幫我地加茶，服務生亦對各種食物/飲品熟悉,值得一讚

北海道海膽&葱吞拿魚丼🍣🍱有超多超鮮甜的海膽和滿滿吞拿魚肉吃完超滿足海膽的份量好充足 吃完又不會覺得漏因為真的好鮮甜 適合喜愛吃海膽的人士Lunch set還附有好滑的茶碗蒸 麵豉湯 和抹茶蕨餅好豐富的午餐 也是很傳統的日式午餐餐廳的窗邊位置還望到維港景色還可以安排生日甜品甜品都很好吃點了焦糖燉蛋和抹茶奶凍焦糖燉蛋內看到一粒粒雲厘拿籽有誠意的甜品最近還有優惠 可以用優惠價品嘗到高質素的日本菜還有維港景色值得一試！

前幾日過開嚟尖沙咀食嘢，見到呢間好似幾吸引所以想試吓，今日又要出嚟尖沙咀，特登過嚟試一試！入去之前都有望過個Menu，覺得午飯時間抵食啲，所以都係決定午飯時候過嚟幫襯！今次由於疫情關係，揀咗熟食！而係芸芸嘅熟食當中，揀咗樣每日得5份嘅吉列和牛定食黎試！就咁睇張相好似好豐富，所以好吸引！但係嚟到嘅時候，其實係有啲失望。可能我坐喺壽司枱嘅關係，張枱唔夠位放個盤，所以店員係要將啲食物一碟碟再放喺我枱面，食飯體驗已經好似冇咁好。要留意嘅係，杯嘢飲係要另外加$20先有。另外右下角嗰個係我另外加$38點嘅竹筒豆腐。吉列和牛揀咗五成熟，但係上到嚟其實冇張相咁靚，同埋感覺上都好肥下。不過呢個吉列和牛係幾好食嘅，可能都因為夠肥所以好林，而且好重牛肉味。另外想讚下佢個甜品，跟餐嘅甜品係意料之外嘅好食，但係因為估唔到所以冇特登影相。而麵豉湯同埋前菜就非常失望。蒸蛋亦都好普通甚至係屬於中下水平。不過就要讚下呢個竹筒豆腐，非常非常非常非常非常之重豆腐味，而且好滑，下次嚟會再叫。（甜品就係喺竹筒豆腐後面嗰細碟）個豆腐嘅口感有啲似奶凍。但係如果比我再揀，我都會選擇試其他餐廳先。有進步空間。

疫情下生意難做，連高級日式餐廳也推午市套餐第二份半價優惠（暫至25/8）。機會難逢，即試最貴的「雲雀」會席料理 （$698），由前菜、刺身、壽司、黑毛和牛到甜品，無不想念日本的味道！吉列熊本黑毛和牛「和王」西冷御膳（$298），和牛炸得剛好，保持肉汁，入口即溶，掂！

無意間廣告見到呢間餐廳有lunch set 第二件半價優惠，所以就同好友去咗試。首先講咗餐廳環境同服務態度，不得不讚呢度啲店員個個態度都真係好好，感覺就好似去咗啲好豪華嘅西餐廳咁。而餐廳環境就望住個海景，最衰嗰日有少少落雨，不過個景都已經贏晒。咁我哋兩個就分別嗌左一個三彩井同埋銀雪魚。三彩井啲魚生真係好新鮮尤其係吞拿魚嗰個，鰻魚同埋三文魚味道都非常之到位。條銀色魚好滑有少少入口即溶feel，不過條魚就細咗少少。配菜都好好味特別係個燉蛋同埋缺餅。Overall 個人認為呢個價錢浮食物來講算有少少貴，不過加埋個景同埋服務態度就可以接受，份量都飽肚。

和男友慶祝生日，所以提前幾個月在OpenRice搜尋一些又可以望到維港景，食物質素又好的餐廳。最後鎖定這間高級日式料理餐廳。甫踏進餐廳，店員面帶笑容地為顧客們探熱，提醒我們用酒精消毒液潔手。餐廳提供透明袋給顧客們裝口罩，非常貼心。完成這些程序後，店員帶領我們到靠窗的位置坐下，隨即奉上熱茶。男友和我望向窗外的維港景色，都感到非常開心！午餐餐牌的選擇頗多，每款食物的賣相都很精緻，好吸引！對美食難以抗拒的我，實在無法二選一，於是男友便直接點了這兩份定食，和我一起開心分享。一份是每日限量供應的熊本醬油漬吞拿魚丼，另一份是三彩丼，分別有鰻魚丼、角切魚生丼和吞拿魚蓉丼。我們邊等邊影相，所以感覺時間過得很快，不一會兩份精美的定食送到我們面前。首先食蒸蛋，嘩～真係好滑溜啊，裡面仲有雞肉冬菇同蝦，非常好味！之後夾起一塊醬油漬吞拿魚放進嘴裡，嘩～那感覺實在無與倫比，入口即溶！還有我最愛的溫泉蛋！另外，鰻魚、角切魚生和吞拿魚蓉都非常新鮮味美，令人一食難忘。男友和我都讚不絕口！最後點了芒果布甸甜品，可以事先請店員在碟上寫上Happy Birthday。男友非常開心！我們都享受了一頓豐富的午餐慶祝生日！感恩呢！

限聚令加禁晚市，慶祝只能在中午😑。今天來到割烹 櫓杏，要好好享受一下！ 安排了海景的卡位，藍天白雲，心情十分愉快，先來Suntory冰凍🍺抖抖。再上正餐🍣🍗。食物不錯，但不是驚喜那些😅. 都係食view啦！ 侍應們十分有善。讚！

今日放假，諗過過兩日開始無得堂食，所以搵下午餐，响openrice搵，見到呢間lunch 2點起7折，上網book位，重留埋窗邊位置，1350去到，職員話而家入座就8折，2點先入座就7折，無理由唔等....入到去環境好有日本感覺，窗外環境亦一流，點咗lunch set入面一個12貫壽司嘅set大約10分鐘後嚟到，茶碗蒸及沙律正常味道，不多作介紹，再食個茄子，味道一流，而且茄子本身亦好新鮮👍🏻到主菜壽司....新鮮，但味道唔算有驚喜，反而12件壽司裡面，一件有條小魚骨，一件有魚鱗，這點錯，連鎖壽司都唔可以有吧🙈，雖然今次只係食lunch，但都希望會留意一點。最後點咗一客焦糖布甸同一客煎茶奶凍，是整餐飯最值得有正評嘅食物， 細滑加上甜度適中，一流👍🏻👍🏻👍🏻

我朋友是哈日族，每年去4、5次日本旅行，每年生日飯，都會安排吃日本料理，今年受疫情影響，去不了日本，更要找家好的日本料理。認真看了大部份食評，選了這間，提前預訂，註明是慶祝生日，請準備甜品，寫上″Happy Birthday to Polly″提前２天收到電話確認，也有″Happy Birthday to Polly″準時到達，安排了靠窗的卡位，剛好看到日落，點了以下的：#新鮮石蠔，每人一隻，細細隻，但很鮮！不錯！#燒岩蠔，亦是每人一隻，size大石蠔一倍，蠔味濃郁，好吃！#南關炸腐皮牛蒡沙律，這個味道一般！#吉列和牛，548元(+10%)，份量比較少，味道還可以！#燒天草大王雞翼，108元/隻(+10%)，每人一隻，柴！失望！！#廚師發辦壽司，點了８件的，每件賣相都吸引！我吃的４件都好味！#法式燉蛋，本來預訂的甜品，沒有準備，即場點了法式燉蛋，只有″Happy Birthday″總體低於我的預期！來一次絕對夠了！！

好耐冇對住個海景食日本嘢啦呢間餐廳我都幾期待下，因為係我pre bday dinner因為一早book左坐窗邊可以望到海景嘅位，去到就可即刻入座， 坐窗邊位私隱度比較高侍應十分之有禮貌，服務態度非常好，亦會細心講解餐廳嘅嘢，以及點菜嘅嘢又問我哋要唔要專門準備好嘅膠袋裝口罩好貼心呀～！！！因為當日落大雨所以有啲掃興，雖然我有啲唔開心，不過真係坐喺餐廳度，望住窗外嘅靚海景， 嘆住冷氣好舒服由天光望到天黑，停雨及日落都望得一清二楚真係幾浪漫下㗎，一邊食一邊望住如此美景即刻食慾大增， 好適合情侶嚟食飯！可能因為落雨天，所以我見餐廳嘅人客數量唔算多， 不過都幾好，我好鍾意呢種清淨嘅感覺。我哋諗咗好耐先決定食乜好，同時間侍應亦都非常之有耐性地在旁講解，以及推介一啲菜式俾我哋我哋最後決定， 唔食刺身食壽司叫咗八件壽司，麵食以及炒飯。雖然唔知道呢8件壽司入面，有幾件係啲咩魚生黎，講唔出個名但食得出真係幾新鮮吓嘅， 雖然又未話真係頂級好食嘅地步，不過都頗有水準下嘅， 食果陣可以感受到廚師喺握壽司時候嘅用心然後個和王蒜香炒飯，我哋覺得係三樣菜式入面最好食嘅一樣！佢個炒飯真係好香囉，熱辣辣咬一口飯真係好正，

提早一日訂咗兩位，餐廳安排了對窗🌃四人枱所以都坐得好舒適，我們先點了毛豆同魔鬼魚乾做小食，魚乾較硬同味道不太出，之後再點了一瓶大吟釀🍶 岩蠔🦪肥美鮮甜，細刺身拼盤刺身味道一般，燒魚 🐟燒得啱啱好肉質嫩滑😋而主角是~和牛蒸鍋，服務員會先問我們想要幾熟之後會响我地枱前面幫我地煮埋牛肉汁會留落蔬菜🥬令蔬菜都有淡淡肉汁，而牛肉味道都幾香濃埋單$37XX 另送了三張$500 coupon 可以六月尾前用!

心血來潮想食Sukiyaki，所以book左櫓杏。有幸被安排入座卡位，面對住海景歎lunch，實在是心廣神怡。我同朋友分別點左熊本黑毛和牛和王壽喜燒同極鮨御膳sushi set。先講下壽喜燒，熊本和牛入口即溶，加上壽喜燒湯底，滋味滿分，但份量偏少極鮨御膳有12件，每件都好新鮮，個人較喜歡拖羅同海膽。Set lunch除主食外，有齊前菜、茶碗蒸、麵豉湯、漬物、甜品，很豐富。

同男朋友慶祝週年紀念日，於是物色一間有靚景既餐廳慶祝一下，可以食到好味道東西之餘，仲可以影返幾張靚既合照紀念一下。我訂位個時已經表示希望坐靠窗既座位，餐廳於是安排左一個靠玻璃窗既4人卡位比我同男朋友。除左可以欣賞到景色之餘，座位仲夠晒寬敞。野食方面，我地叫左個燒魚乾，煎蛋卷，刺身拼盤，壽司拼盤同炭燒雞肉。刺身同壽司都好新鮮好味道！而個炭燒雞肉就好嫩滑，調味唔係特別多，主要食佢既原味同鮮嫩。除左刺身壽司出色，佢既甜品都好不錯，我地叫左個焦糖燉蛋，男朋友讚口不絕，性價比超高，呢個甜品為我地呢一餐劃上一個完美既句號。特別值得一提既細心位係，服務員係我地食主菜既時候提供既茶同上甜品時既茶係不一樣，大家可以留意下；）

第一次光顧、唔錯！第一個感覺、很開陽、好舒服、家下控制疫情管制下都坐無虛席、有點嘈、但可接受、食物選擇種類多、食物ok、加$20跟餐飲！服務很好、特別是日藉服務員會再次光顧

野食好味，環境靚，維港境，服務仲好好，就咁睇menu, 可能會覺得價錢貴左少少，不過抵過好多酒店所謂星級餐廳同自助餐重點推介吉列和牛要俾10 個贊Sushi 8 個贊，每件都好鮮甜，舊飯大返少少會好d