割烹 櫓杏 (iSQUARE國際廣場)

营业中

休息中

朋友介紹下去了櫓杏食lunch，去前查過佢地出名係食物材料來自日本，而且係空運，所以係特別新鮮，雖然有少少貴，但係係值！進店後被安排坐在窗邊、位置可以邊望維港景色，邊慢慢品嚐午餐。食物方面，我點了我最喜歡的雞料理-炭燒熊本地雞御膳。佢同我係九州食過嘅炭燒雞味道係一樣，可能更勝一籌！雞又不會太油，而且上菜時連同鐵板可以自己控制生熟程度，食材用料真係嚟自日本！老土啲講句，佢啲雞真係好有雞味，同係香港食嘅雞嘅味道唔一樣，而且好有炭燒嘅味道，呢種炭燒味同平時出去BBQ時食嘅味道係完全唔同。

【飲食台】平時好少係尖沙咀午餐，難得早兩天係呢區開會，就同同事一起午餐，經同事介紹才發現i square呢間日本餐廳不錯👍🏻一入門口右手邊有個陶瓷專區，有唔同陶藝作品比大家欣賞同購買，最特別係見到有個雪櫃擺住食材😂 連食材都有得買我地坐左係窗邊，望住維港景色，同其他坐位都有距離，私隱度唔錯！我叫左個特選「火之本豚」自家製蒜香味噌豚定食（$188），定食連埋湯、前菜、沙律、水果，好豐富，擺盤都好靚😍豚肉的蒜味同味噌味配搭特岩岩好，唔會話有一個味搶左出黎，份量好多，女仔有機會食唔哂😂 味噌湯唔會太咸，因為我好怕飲味噌，次次都咸到要飲水，但呢到無呢個問題，令我驚艷😍水果係西瓜，夏日熱辣辣最岩食，清涼解熱，用佢呢結尾正哂！

假日最好就係自然醒，食個靚午餐，靜靜咁比自己休息一下。今次第一次去位於i square既割煮 櫓杏享用午餐，侍應安排我坐係窗邊，包覽維港海景，同隔離枱仲有布簾相隔，私隱度甚高👍🏻👍🏻叫左個熊本天草直送鮮魚海鮮丼一set有齊丼飯、茶碗蒸、前菜、麵豉湯同水果，相當豐富！有拖羅、鱸魚、鯛魚、紅魚、青魚、生蝦、炸蝦頭、玉子等配料，刺身好新鮮，完全唔腥，拖羅仲要入口即溶！而炸蝦頭脆到可以成隻食，對平時唔係好食蝦頭既我倍感特別！生蝦刺身超大隻，肉質豐盈彈牙茶碗蒸有菇、蝦做配料，口感豐富；西果用黎最後清清口腔，清甜超fresh！呢到門口仲有一個區擺左啲陶瓷制品比客人買，亦有新鮮食材揀，真係唔止食lunch咁簡單！

I square 樓上的日式料理環境舒服 窗外維港景色更是一流店員說所用的所有食材都是從日本熊本每日直送今天晚上品嚐他們 《會席料理 桐》=莫札特蔬菜究極水沙律=菜是聽著莫札特成長的水耕蔬菜 口感清新脆嫰 爽口而且帶點鮮甜沙律的水也是熊本獲選名水百選的白川水加入了調味料 更顯菜的鮮甜=刺身 三種盛合=店員介紹說剌身都經過熟成處理令刺身更有彈性 能帶出甜味章紅魚 - 口感細嫩而且鮮味吞拿魚 赤身 - 較少油脂比較有口感鲷魚 - 笛吹鯛 帶點甜味 帶有少筋 令更有口感 夾著旁的紫蘇花瓣一起吃 特別的配=三文魚籽茶碗蒸=蛋滑不留口 上面加了少量柚子皮柚子淡淡的香味 在口中徘徊感覺很清新=天草大王雞肉炭火燒=雞肉非常有口感 炭燒味很香除了加檸檬汁的食法還可以配柚子楜椒 帶點酸帶點辣炭燒味更濃=吉列免治熊本黑毛和牛=外層炸得鬆脆可口 肉汁都繄緊鎖在內免治牛肉加入了洋蔥另其更香特製醬汁甜甜的帶一點酸味感覺可口而又不會膩=火之本豚肉涮涮鍋=湯底是醬油湯 有金菇翠肉瓜等配料主角是豚肉片 嫰滑得很剩下的湯有兩個別的食法一）將柚子胡椒入湯 - 清新柚子味之中有點辛口的刺激感 馬上愛上了這個味道二）湯伴飯=

六月第四個星期五晚上，天氣炎熱。跟好友好久不見，得知她很快就換新工作，就訂家好餐廳為她慶祝一下。餐廳主要吃熊本直送食材，連餐具比如清酒杯，茶具等也是使用熊本天草市知名的瓷器，裡面也有售賣。我們被安排的桌子遠眺海港，落地大玻璃就是一個無敵景觀位，拍完照後就選定要吃的東西。選了$800 的桐宴席料理，還有一瓶劍門美少年純米吟釀清酒，這是熊本縣的清酒，精米步合達60%，制作工藝講究，所以入口感受到大米豐滿的香甜蔓延，酸甜度平衡得很好，一瓶挺華麗的清酒。前菜是莫扎特蔬菜究極水沙律，水是熊本縣有名的白川水，白川水源被評為名水百選之一，混合白醋果然甘醇，最特別的是蔬菜為聽著莫扎特音樂生長的溫室菜，非常爽脆新鮮，就像每一口都是咬著音符一般。三款刺身盛合，左起為鱆紅魚，肉質爽口彈牙，自帶油份較少，魚味較淡；最右邊的是笛吹鯛魚，為一款盛產於春夏的高級白身魚，沖繩三大魚種之一，熟成處理過，故魚味相對外面吃到的濃，加點紫蘇葉花，增加芳香味道。中間的是赤身吞拿魚，為魚背不含油脂的部位，魚肉呈紅色因為吞拿魚肌肉有大量肌紅蛋白，入口滑嫩，魚味最濃郁，而且回甘。蓋物為三文魚子茶碗蒸，蒸蛋嫩滑，三文魚子鹹香更帶出蛋味

因為要和朋友慶祝生日，所以就決定吃豪一點，來到位於iSQAURE 28樓的「割烹 櫓杏」。這餐廳的特別之處在於以日本九州的熊本縣為主題，除了食材來自熊本外，就連裝潢都是以地標的熊本城為概念。幾個朋友被安排坐在窗邊的座位，維港夜景一覽無遺，8時左右還可以欣賞到「幻彩詠香江」的表演。如果在特別日子前往，應該還可以看到煙花呢！餐牌內的菜式選擇實在太多，導致選擇困難症發作，所以同行的朋友和我齊齊點了「會席料理　桐」($800)，甚麼都有不用想哈哈。前菜　莫札特蔬菜究極水沙律這款沙律菜來頭不少，據說是聽着莫札特的音樂而成長的！因為沙律浸在帶點鹹味的水中，跟平日吃的感覺很不同，味道鮮甜之餘，口感爽脆。莫札特很厲害！（笑）刺身　三種盛合熊本的水產其實都非常有名，三款刺身固然新鮮彈牙，最喜歡當中的吞拿魚。蓋物　柚子茶碗蒸餐牌上雖然寫着「松露茶碗蒸」，但侍應姐姐指，餐廳會因應時令季節而轉換食材，所以就由松露變成柚子了～口感軟滑的蛋中，散發着柚子的清新香氣，很有媽媽牌溫暖煮家菜感覺。燒物　天草大王雞肉炭火燒炭燒味香，加入檸檬汁及少辣的鹽更美味。揚物　吉列免治熊本黑毛和牛大推！肉餅的外層炸得又薄又脆，一切開

同同事慶祝last day，當然要食好dlee度環境比較舒服，所以黎傾計就一流。大食geh我叫左個三都丼，角切魚生、碎吞拿魚、鰻魚，我全都要魚生系新鮮ge，角切魚生同鰻魚都比較好同同事傾計食日本嘢，去lunch又多個選擇

昨晚和朋友去了這間以熊本縣為主題的餐廳吃晚飯。一進入餐廳，侍應就帶我們去了個室。現場氣氛非常寧靜，加上個室有簾布的關係，形成一個獨立空間，可以在不受其他人打擾下，一邊看着維港夜景一邊吃晚飯。食物方面，無論肉、刺身等菜式的食材，都是來自熊本。單憑這一點，已經值得來嘗試一下😁。首先上菜的是「天草直送　新鮮刺身盛合」。由於餐廳的器皿都是用陶瓷做的關係（門口還有售賣各式各樣的陶瓷器皿），加上有心思的擺盤，如在食材旁邊放一顆石頭做襯托等，令整道菜式的賣相有如藝術品一樣。刺身共有四款，每款都很新鮮，特別是帶子和厚厚的拖羅！建議同時加點檸檬汁，可令刺身的味道變得更鮮甜突出。這裡亦有不少用到黑毛和牛的菜式，我點了當中的「熊本黑毛和牛蒜香炒飯」。雖然看起來份量不算多，但其實用料十足。每一口都吃到鬆口的牛肉粒，加上脆卜卜的蒜，令炒飯味道更香口，跟牛肉非常夾😋！另外令我印象深刻的菜式還有「吉列免治熊本黑毛和牛」，肉餅的外層脆口，切開裏面會有好多肉汁流出來，而且醬汁濃郁，和這個肉餅味道很配合。即使吃完肉餅，還想吃光碟上的醬汁。不過要注意的是，這個菜式是會席料理的菜式之一，因為在場有朋友點了讓我試試，我才吃到。

好多日本餐廳都會採用日本唔同地方嘅食材，但呢間割烹 橹杏就只係使用熊本直送嘅食材，務求令大家可以食到熊本嘅原汁原味。呢日就特地同朋友上嚟食午餐，餐廳可以眺望維港，環境好靚呢！點咗特製熊本黑毛和牛『和王』及特選『火之本豚』漢堡扒定食($198)，定食非常豐富，主食之外，仲有麵豉湯、沙律、小砵等。『和王』及『火之本豚』漢堡扒本身已經熟，店員再細心地放喺火爐上，令到漢堡扒保持溫度。之前都有係其他地方食過『和王』，牛肉需要雪花紋理BMS值達到六級或以上的肉質，先有資格稱為『和王』！熊本縣因為水源豐富，所以飼養出來嘅『和王』都帶有獨特嘅溫和肉香，混合熊本『火之本豚』豚肉做出來嘅漢堡扒，肉質軟腍鮮嫩，味美多汁。店員亦建議我們淋少少秘製醬汁，果然令到肉味更加突出。沙律菜睇落平凡，原來呢D蔬菜全部都係聽住莫札特長大，非常矜貴！麵豉湯調味剛好，茶碗蒸熱嫩滑有蛋香，甚有水準。食到最後仲有兩片香甜多汁嘅哈蜜瓜作結，實在太滿足啦！

今年3月跟家人到過熊本旅遊後便對熊本念念不忘。當地因地理環境造就了農產業蓬勃。得知香港有一間熊本縣的專門餐廳,一於同老公去回味一下。割烹 櫓杏位於Isquare 28樓, 一入到去就知跟一般餐廳有分別。被安排到靠窗位置,一路望住維港一邊品嚐美食熊本縣最出名就是農作物,一定要叫個沙津食吓先沙津只沾上日式沙津醬汁,沒有經特別調味已經覺得好好味再配埋天草產的紫菜,連肉食的我都秒速K.O!!再黎廚司發板8件壽司唔好以為熊本縣只係得農作物,他們的海產全部都係來自一個叫天草的地方。呢個應該係燒左口魚裙邊,輕輕炙過魚油滲出再來係必食推介的熊本黑毛和牛壽司店員會係客人面前燒至半生熟,每一片和牛都大大片入口即溶,超幸福!!龍膽豬肩肉西京燒, 西京即是日本的味噌。比期待中較為淡味,可以重手小小XD 炸天草大王配蘿蔔蓉酸汁雞肉幼嫩酸汁開胃~正再黎熊本野菜粉團湯,呢個係熊本試過後一試難忘。果然呢度無另人失望。用上天草大王煮成的雞湯想濃,再加上牛蒡等其餘蔬菜令到雞湯變得香甜最後放上粉團,聽說以前熊本人就是這樣當主食。 粉團湯香甜暖胃,推介推介!!最後其實我同老公已經無晒戰鬥力,唔知係咪咁難得的熊本黑毛和牛香蒜炒

又有一段時間冇同媽咪撐枱腳食餐好，呢日中午就去咗iSquare 28樓嘅割烹 櫓杏食午餐。iSquare高層嘅餐廳都有『絕景』，割烹-櫓杏都唔例外，餐廳有開揚嘅維港景色，而且欣賞餐廳私隱度極高，分成一個個小包廂，好適合傾計！割烹 櫓杏嘅食材，包括：肉類、鮮魚、蔬菜、水果及酒類，都係來自熊本縣。門口位置仲有一個迷你百貨，售賣熊本縣嘅果汁、醬料、蔬菜等等呢！有興趣嘅朋友可以睇下！我點咗熊本天草直送鮮魚刺身御膳($298)，五款刺身都係天草直送，非常新鮮。帶子口感柔軟，味道鮮甜；油甘魚魚味香濃，口感細緻；吞拿魚雖然唔係拖羅部位，但入口無筋，魚味較重；牡丹蝦爽滑鮮甜；立魚魚肉細膩甘甜。茶碗蒸亦水準不錯，除咗做到基本嘅蛋要夠滑之外，茶碗蒸亦用上鮮甜嘅高湯去蒸，所以味道非常鮮！至於沙律菜原來非平庸之物！所用嘅蔬菜唔淨只係來自熊本咁簡單，原來係聽著莫札特音樂成長嘅蔬菜！非常搞笑！除咗漬物之外，仲有飯後水果。哈蜜瓜香甜怡人，確實係一餐飯最好嘅作結。

呢排天氣翳焗心情不免煩燥，想食餐好啲坐得舒適啲來對自己好啲~上網搜尋一下，見到呢間櫓杏割烹環境好像好舒適，menu又多選擇，就立即致電book枱！我予約了午餐時間，上到來看見門口裝潢的確很具日本風！入到去後，室內環境簡直令我有置身在日本的感覺，我被安排坐到一個大玻璃窗的位置，能俯瞰整個維港景色，頓時悶氣消了一半打開menu, 見到一個名櫓杏特製熊本牛蒡麵及天婦羅御膳相當給引我，就決定要這個餐~食物來到！配上景色，當然瘋狂影了一輪相再慢慢品嚐！等待午餐來時呷一口茶望著這個景色已經夠寫意~御膳來到後心情更舒暢起來，影了很多相再慢慢品嚐~燉蛋好香滑，還有冬菇和肉的鮮味~冷麵跟平時食的不同，每條麵有些一點點應該是牛蒡的東西混在其中~麵質軟靱適中，伴著葱花來吃，牛蒡有清熱作用，混進了冷麵內確是暑氣全消！牛肋也非常好吃，裡面每一件什至蘿蔔也很入味！天婦羅不油膩，很香脆，每件都能食到本身鮮味！直的很有驚喜！南瓜和蕃薯又很甜蜜瓜是來自熊本縣很香甜啊🤤這餐眼福肚福都滿足，煩熱也一掃而空了~

返工同同事趁星期五黎尖沙嘴食team lunch揀左isquare既呢間日本餐廳食d lunch set價位由$200-$400不等我就叫左呢個有壽司 天婦羅 烏冬 同茶碗蒸既set重點始終係壽司度 每一件都好新鮮 魚類肥美 蝦類就好鮮甜 對得住佢既價錢除左食野 當然要欣賞埋佢既維港靚景啦有得嘆住食lunch先至係happy friday!

望住維港，享用美食係最好享受！朋友介紹下來到這間位於isquare28樓的日本餐廳試試，一入到來已經比無敵海景吸引~視覺享受了一下才開始睇餐牌Lunch有幾十款set, 款款都令我流晒口水！經staff介紹食材都從熊本新鮮運到，最後我選了個熊本黑毛和牛「和王」西冷丼！這個set有蛋、牛肋骨、麵豉湯、蜜瓜燉蛋好香，有冬菇、雞肉還吃到好似蟹肉，實在太正大啖大啖就吃晒了。而這個牛肋骨真不得了，又稔又入味，個汁好味到想要飲埋去前菜已經咁正，主角就不用講，和牛入口溶化，配上特製醬油好味到不得了，中間有隻溏心蛋，蛋黃是凝結不是一篤就穿，可以一啖一啖地咬，蛋香味濃，還有些漬物，整碗配合起來真的很好味！最後吃埋2片鮮甜蜜瓜，真係很滿足！還有這杯茶也很好喝，一問下原來也是熊本縣的產品，一路喝著這杯茶一路望著面前的景色，很好的一天！朋友真無介紹錯👍🏼

前幾天朋友介紹下，到這裡和朋友享受左好滿意的一餐！👍首先一坐低，店內環境唔錯，一早訂位的我們被安排坐在窗邊位，望住維港景色非常寫意！午餐選擇竟然有31款，而且食材都由熊本直送，全部睇落去都好吸引，最後揀選了平時在香港少吃的吞拿魚醬油漬飯！午餐set共有前菜，蒸蛋，主食及甜品。好鐘意食蒸蛋的我事不宜遲先試一口，蒸蛋口感順滑，除了濃濃的蛋香，亦有不少配料在內，令蒸蛋有更豐富的味道。到重點呑拿魚醬油漬飯，用醬油醃過的呑拿魚無有因醬油此蓋過食材的鮮味，相反讓味道更富有層次感，而且食落去「齒頰留香」，充滿醬油和呑拿魚的魚香 😋😋😋最後有小驚喜的是甜品，菠蘿🍍比平時食開的更香更甜，清爽的口感為午餐帶來完美的句號😍😍😍下次要再來試其他午餐，好期待天婦羅！