劉一手重慶火鍋 (又一城)

营业中

休息中

同朋友好鍾意打邊爐，收工過左又一城有一間新開的重慶劉一手火鍋。地方好舒適，可能因為新開張，非常乾淨，第一點高級的味道。唔好以為重慶火鍋一定只有辣味，當中有好多唔辣嘅火鍋湯底可以選擇。我哋揀咗花膠響螺雞湯及控油麻辣火鍋，點了BB辣味道容易入口 。花膠雞湯嘅雞件最好一開始就食，如果唔係會越煲越老手切牛肉拼盤有五款牛肉的拼盤，是幾款中價錢相對合宜的。如果不喜歡太油膩的可以揀呢一個。拼盤有牛白肉、牛頸脊、肉眼邊、封門柳及牛小排，每款牛肉味都好香濃，我最喜歡牛白肉的油香！重慶小麵難得食重慶麻辣火鍋，又點可以唔要呢一款咁特別嘅麵食呢？烏冬和出前一丁暫時放埋一邊先！小麵吸收哂湯汁，辣得好過癮，麵質唔算爽口，但同湯底好夾。丸丸拼盤大推手打牛筋丸，前所未見咁彈牙，可以單點一碟都可！另外沙律醬龍蝦丸都好特別，魚蛋都好彈牙，墨汁花枝丸咬到粒粒花枝，口感不錯。毛肚毛肚絕對係劉一手重慶火鍋嘅必食，毛肚好爽口。皇帝菜特別喜歡皇帝菜的味道，無論配花膠雞湯還是麻辣湯底都非常合襯。醬油豬肉這一個相對比較鹹，淥完之後可以唔使加醬料。最後加多一杯鹹檸梳打，原來飲品加入左冰粉，更加透心涼。

位於又一城的劉一手重慶火鍋，再次在香港出現啦! 品牌在2017年曾經登陸香港，不過在2020年相繼結業，如今由Gaia集團管理，再度登場，晚晚都人頭湧湧，非常受歡迎呀~ 餐廳裝潢超級搶眼，用上中國人最愛的大紅色為主調，配上面具和淺木點綴，氣派十足。未踏入餐廳，已傳來陣陣重慶麻辣的味道，猶如置身於當地一樣。除了招牌主打的麻辣火鍋，香港分店更獨家推出一人火鍋、一人鍋麵、刺身丼飯等等，選擇多元化，適合獨自享用呢~ 新店提供多款湯底，滿足不吃辣的食客需求。我們點選 養生滋補花膠螺頭燉雞湯 $128 和 皮蛋芫茜湯 $78，湯底味道濃郁，湯料不用沾醬也絕對夠味。 A4鹿兒島三角腩 $368 油花分佈超漂亮的A4鹿兒島三角腩，值得品嚐呀! A4和牛，肉質相當軟腍，肉味濃香，一吃愛上! 一手醬油醃製豬肉片 $98 店員推介的豬肉片，鹹香惹味。豬肉片非常幼軟，不過肥膏甚多，吃幾片後好有罪惡感呀。 丸丸拼盤 $98 拼盤有爽口魚蛋、龍蝦沙律丸、手打牛筋丸、正宗香菇貢丸和墨汁花枝丸，色彩繽紛，令人食慾大增。當中我比較喜歡會爆醬的龍蝦丸、牛香味濃的牛筋丸，和墨汁味超重的花枝丸。 田園蔬菜拼盤 $128 黑糖

咦！又一城新開左間餐廳，重本裝修，劉一手，我今日就留一口，馬上試吓🤩環境舒適光猛又企理，一開門已經有唔少人入座，証明一定係好野，睇吓中午食晏有咩選擇先😅有選擇困難症嘅我，好快就決定試吓呢個午餐，有刺身丼又有火鍋，都係二百零蚊👍🏻配菜加刺身丼飯上枱非常豐富，睇到都開心🥳，而且刺身好新鮮，水準好過好多日本餐廳添，以我嘅食量都覺得好足夠🥰美國🇺🇸小牛排🥩，筋肉分明，入口肉味香濃，零舍唔同，上品👍🏻A4鹿兒島和牛三角腩更加不得了，雖然係加錢，不過真係物有所值，入口即化，牛之極品，啱晒有要求嘅牛魔王🥰仲可以配米線、烏冬或者薯粉之類，真係棒住個肚，爽，而且特別介唔佢哋抽風系統非常掂，火鍋旁邊抽走火鍋嘅氣體，食完啲衣服唔會一陣味，見微知著👍🏻絕對值得一試再試，難怪一開已經咁旺場😋😋😋

明明冇人喺出面等，周圍亦仲有幾張吉枱，但店員多次催促我哋1.5小時內要還枱🙃啱啱食咗一個鐘左右，啲嘢食仲有三份一未清，距離佢要求嘅交枱時間仲有半個鐘，已經催埋單，仲企定定等你😅成個過程就係不斷俾人催，好唔放鬆，明明我哋已經冇傾計默默食…最弊係，食物真係麻麻，尤其係個招排牛肉拼盤，冇塊係好食，比起出面平成倍嘅火鍋店仲差好多，第一次打邊爐係要逼自己清埋碟牛。咁嘅質素，最後要千幾蚊(二人)，但只係叫咗牛肉拼盤，豬肉(非黑毛豬)，墨魚滑，鴨血，豆腐，一碟菜，同個芒果冰。價錢唔係問題，但係人均600幾嘅餐廳啲嘢食唔好食，又係咁催客走，真係唔想再有下次😅

講到麻辣火鍋，重慶「劉一手」絕對係老饕津津樂道嘅好選擇！最近小編發現劉一手喺又一城正式開店！據說今次同過往不同，新店屬直營店，無論食物質素或質量都更有保證！食材用上和牛、龍蝦、魴鮄、刺身……等矜貴材料，仲有破格新增一系列丼飯、壽司及涼菜，似乎有意洗去舊形象，實行全面升級！😋​✦ 奔馳鍋​ HK$304（以單味湯底嘅半價計算）一行幾個朋友，個個口味唔同，所以揀咗有三個湯底隔嘅奔馳鍋，我就當然揀招牌一手辣方麻辣紅油湯底！至於不愛辣嘅朋友就揀養生滋寶花膠螺頭燉雞湯及皮蛋芫茜湯。​值得一讚係，店內嘅招牌重慶麻辣湯底，麻辣膽都係由重慶本店直送，以4種乾濕辣椒、花椒、紅油炒成，再加辣椒乾、花椒和骨湯做湯底，分4個等級辣度，啱晒唔同程度嘅麻辣控！​當湯底滾起，牛油香及花椒麻香直湧鼻子，食上口，辣勁與麻痺感散布整個口腔，好正！​​✦ 劉一手招牌三拼 HK$638​火鍋點少得肉？原來劉一手嘅類類拼盤都係好似獎牌咁送上！第一次見咁嘅presentation，真係好特別！打卡100分，不過放得耐會有血水，影完相還是平放較好！😂 ​呢款三拼分別有三角腩、牛小排及黑豚肉，肉質無礙係用足靚料，肉類鮮味彈牙，無咩可

劉一手重慶火鍋是一間很有人氣及高質的，之前在旺角同銅鑼灣都有跟朋友食過，現在品牌level up昇華後剛於九龍塘又一城登陸，我同朋友梗係第一時間來回味一下啦。午市吃火鍋比較少，今次難得朋友放假， 嘗試他們的特惠刺身丼火鍋午市套餐，每位$198起， 有湯底、前菜、精選主菜、配菜及飯麵選擇。 套裝還包括自選一杯佢哋嘅自家特製飲品，亦可以追加配料。必定要點「招牌一手辣方麻油辣紅油湯底」， 另外「山珍菇菌鍋」清清地都可以一試，所以我們決定鴛鴦鍋兩款湯底都可以同時間試到。麻辣紅油湯底香濃撲鼻， 面層的紅紅辣油，真是不可以講笑，麻辣感十足， 餐廳會提供一罐油， 給客人倒在湯底裡以免麻辣傷胃， 這樣非常貼心， 加上油後湯底更香滑。前菜有迷你刺身丼，這個魚生飯很鮮美， 而特色涼菜帶麻辣感，時令沙律也很新鮮。主食我就加錢點了A4鹿兒島和牛三角腩及精選海鮮，每款加錢的火鍋配料都很高質。「A4鹿兒島和牛三角腩」肉的表面全是雪花， 放在火鍋裡輕灼後，入口即溶，油脂分佈於口腔內， 超甘香又夠牛肉，超美味。「 精選海鮮」 有海蝦、蠔、蜆、 魷魚及桂花蚌，款款海鮮都很新鮮。麵食方面「稻庭烏冬」及「重慶小麵」，麵質幼