加東 (已結業)

假期訓到晏一晏至同女友行街，行街前決定食少少野先。諗緊食咩時, 醒起之前響希慎搭扶手電梯時見到間食南亞菜嘅餐廳LED招牌。所以決定試下。今次點咗：海南雞拼喇沙套餐 @ $108鮮蝦炒貴刁套餐 @ $88另以特價加兩款小食素菜春卷 @ $26香草炸蝦球 @ $38結論 :整體食物質素不錯，套餐價錢唔算太貴。但加錢點嘅炸蝦球就貴左少少, 唔係好抵。 海南雞拼喇沙套餐：喇沙湯底椰漿微辣， 配料有豆卜， 蝦， 蛋同芽菜。配料足，但略嫌椰漿味唔夠，食落唔夠惹味。海南雞外皮薄嫩，而且肉質滑溜，肉質鮮甜無雪味，肉嫩兼帶雞鮮。另有三款醬料，包括黑醬油、薑蓉同辣醬。油飯中的雞油，份量是適中，唔會太膩。以雙拼套餐計，份量足，抵食！ 鮮蝦炒貴刁套餐：顏色看起來頗深香氣夠，配料有大蝦、臘腸、芽菜等等有鑊氣，味道夠。但食落感覺太似乾炒牛河。 薏米水：跟餐飲品，味道偏淡，唔太甜，薏米份量幾多，淡淡而解渴。 素菜春卷：餡料充足，調味適中唔太濃。春卷炸得香脆 香草炸蝦球：蝦球炸得香脆，蝦夠大隻，充滿香草味。應該是店家製作出品，但價值略為貴了點服務：上菜算快，一般服務，唔差，但亦不算好好招呼。環境：裝修簡約，牆身

朋友突然興起想食東南亞風味既野食，我就突然醒起係澳門逸園中心既加東。一上到去雖然地方唔算好大，不過都算寬敞同舒適，而且環境唔錯，服務員態度亦都好好。我今次試左個海南鷄飯同新加坡辣沙，睇睇下menu先發現原來佢有個雙拼套餐 （$108)係海南鷄飯拼辣沙，分量比較少，所以最後都係叫左一大碟海南鷄！所有午市套餐都包一杯薏米水，我非常中意佢足料得黎唔會太甜，非常養生，而且可以食得出薏米經過長時間烹煮，完全煮淋但咬落去忍讓保持少少口感，好正 呢款海南鷄飯非常好味，首先鷄肉分量好多，而且肉質嫩滑，每一塊都果滿醬汁，連旁邊既青瓜都非常新鮮爽口。而個飯亦係用左正宗海南鷄飯形式去住，雖然係油飯，不過乾濕度適中，食落去唔會太油膩。比較新穎既係附送既青瓜清湯，味道同普遍跟海南鷄飯餐既較清淡同少油，唔錯 另外呢款新加坡辣沙以米綫做底，配菜有豆卜、鮮蝦、鷄蛋、魚片條同芽菜。湯底非常濃鬱但并不太辣，椰汁味好重而非常香，不過我認爲配料方面略有失色，鮮蝦肉質遍韌同淋，食落去并沒有新鮮爽口既感覺，不過魚片條同芽菜呢個配搭令到米綫食落口既口感變得豐富，都算唔錯。食物質素同價錢都屬於合理，我覺得海南鷄飯比較出色同分量比

本身想食主題餐廳果間，但唔知點解都甘多人，所以決定睇下有無其他野食...見到隔離有棟叫澳門逸園中心都幾多野食，就睇下試邊間....我地就入lift見到得一間係有顏色既牌，原來食新加坡菜...就試下啦，差不多層層都要等....20分鐘後有位啦，間店不算大，但都頗有風味，不錯!~見到menu都好多野食，試左個海南雞、喇沙、沙嗲、馬拉盞炒通菜同一個肉骨茶~海南雞，好好味，肉質有少許凍，但顯得肉質鮮嫩配青瓜同三個醬汁，好有新加坡feel，推介!喇沙，我就較鐘意椰味多既，呢個都偏少辣，我算食到既，足料，湯底亦正!沙嗲算不過不失，都OK，不算特別....~馬拉盞炒通菜都OK~~肉骨茶，好重藥材味，真的很不錯，睇得出好足料，有個火烘住，我覺得好好，食曬其他都唔怕凍左!特別推介總之我就好滿足呢一餐!~

見新加玻菜，見一面倒好評，一於去試。訂檯話有蟹，哦，留一隻。去到，就黑胡椒蟹啦。$498，嘩，隻蟹一啲都唔飽滿，你邊度返貨？呢隻蟹俾三舊都嫌多！鮮味呢？零！究竟你啲蟹返貨幾耐？我眼見無人叫，就知中伏。(Openrice編輯, 請問你睇唔睇到零鮮味? 你仲想我食乜? 一隻蟹蟹肉唔飽滿, 一啲蟹味都無, 仲唔夠??? ok, 咁加句有黑椒味, 夠唔夠?)炒蘿蔔糕，嘩，粉嚟架？用你啲醬炒嚟想蓋過啲僅餘嘅蘿蔔味？博人食唔出？大佬呀！俾少少良心，俾返幾成蘿蔔出嚟啦！冬天呀！蘿蔔最當做都可以一啲味都無，食落一口粉，$78，衰過街邊檔！(我已經寫到明完全唔係蘿蔔糕嘅味道, 仲未夠??? 食落一口粉喎? 你想我點描述???)肉骨茶，叫煲大嘅，呢個比較起嚟算正常，加上我無食過新加玻肉骨茶，正宗與否俾唔到意見。(有胡椒味, 夠辣, 藥材味唔重, 應該係新加玻口味, ok???)其實大家俾好評，可唔可以嚴謹少少呀？

今日同男友去左港島搵食，係唔知食咩下就終於都係食我地好鍾意既星馬菜 行行下就入左呢間餐廳開飯去 坐底後，我地都點左好多食物，而第一道菜就係肉骨茶，一黎到已經香味四溢，飲落湯底濃郁，仲好有豬骨味，肉質更好鬆軟。油炸鬼浸入肉骨茶仲可以吸收到湯汁精華，將所有肉味收在油炸鬼中，一口吃下去確是十分美味 雞牛串燒，配上沙嗲醬，很野味開胃，食下食下好快就食清光 喇沙海鮮炒麵，就好似中式肉絲炒麵咁，麵炸得香脆而乾身，配上帶有青口及海蝦等等在內的喇沙汁下食用，口感極具層次，而且更可食出海鮮很爽口彈牙，滋味得令男朋友不斷夾來食食食 小食拼盤有魚餅、蝦球及春卷，份量充足，味道香濃且不會過咸，用以伴著啤酒下食用，更是倍添滋味~印尼炒飯就是最惹味最吸引我的菜式，辣味適中之餘，飯質也很軟熟，當中更有我愛的炸蝦片，加上更有煎得邊皮微焦的煎蛋下，完全就能滿足晒我所有的欲望 整體而言，呢間餐廳的水準很不俗，有機會都會再次幫襯

呢個價錢的份量可以多少少 午市有折更抵食招牌新加坡喇沙 ($88*)一呈上桌已經傳來陣陣香噴噴的椰汁與海鮮香湯底質感濃厚有稠感 配料也大方的給上不少海南雞喇沙 ($88*) 配料放得有少少隨便不過橙紅色澤仍然很吸引麵底竟是米線幸好麵質熟度剛好可惜不太掛湯滿溢的椰汁自然濃郁惹味 湯被配料索得很快份量少但湯底熬得惹味不辣 飲完就漲著個肚< 藥材香的滋補美味 >肉骨茶配白飯 (小$88 大$128)它是藥材版非胡椒肉骨茶 我也較喜歡這款甘香感大鍋以小火一直保持滾熱 然後蓋火就能保持温暖湯汁稀身不稠杰 色澤深褐而透切 沒過分油分泛面層次由甘香到呷出肉質的鮮味 清而不淡 拌飯一流排骨有三件份量中等 肉質燉得軟腍但不夠肥美小塊的油炸鬼也吸湯力強不過略嫌腍左不夠脆愛蒜的我發現肉骨茶中還有兩粒極軟綿的蒜頭呢沙嗲串燒 ($78)豬 牛 雞各二的串燒拼盤 每串三粒左右的肉不太多豬的味道香濃帶點脂肪香 雞肉幼嫩多汁 牛香不過熟沙嗲汁不太杰身傾向流質 配上串燒加強風味也不錯肉質本身調味足夠 而且三款都保持嫩滑不乾可惜一點係份量的確偏少所以三兩口便吃完清碟了椰青多汁清甜

我幾喜歡吃星馬菜，惹味又有特式，一到加東，就回想起之前馬來西亞之旅。餐廳格調與大公雞餐具，蠻有地道風情。來到加東， 點了幾款地道菜。肉骨茶$88，材料蠻多， 藥材味與辣味適中， 蒜頭味較突出， 若藥材味再濃一點會更地道。正是開始轉涼天喝， 味道在口腔裡徘徊著， 喝得暖身。炸蝦球$78， 蝦肉加入香草，炸得金黃鬆脆，味鮮彈牙又大件， 以為只有蝦尾， 原來還有半隻蝦身， 加分!招牌海南雞$98， 幾乎沒有脂肪， 雞皮爽彈肉嫩滑， 雞味又不會太over, 伴有三款醬汁， 每吃一件都有不同口味!新加坡喇沙$88， 辣味與椰漿並存，麵條夾起時好腍， 但原來口感超爽彈，又吸滿湯汁， 喇沙放入螄蚶， 帶出星馬風味。朋友不吃辣， 就點個參峇炒通菜$68，參峇醬甜中帶點微辣的，正合朋友口味，若翠綠通菜再嫩一點，口感會更好。

自從去過馬來西亞及新加坡，我幾肯定自己愛上星馬菜，每個月都總會想起喇沙及肉骨茶，早前就和朋友去了加東，一次過吃盡我倆喜歡的菜式，超級愉快～海南雞例牌 98已經足二人份量，雞皮和雞肉夠滑，雞味不算濃，不過沾上醬油吃，味道也不錯. 若只能在薑蓉、辣醬、 黑醬油之間作為選擇，我會選黑醬油，少少甜. 雞肉與骨的切位很好，不會奇形怪狀致食之無味，棄之可惜.大家應該知道喇沙有好多種，亞參喇沙那股濃烈的酸味，讓我吃得辛苦，所以不是我杯茶；反而我偏愛咖喱喇沙，湯底加入椰汁，很香濃. 辣度適中，只是兩粒螄蚶有點腥，蝦則彈牙爽口.米線是帶點韌度的，但還好，沒有被浸軟，麵和湯大啖大啖的吃，好滋味！在猶疑要小或大之際，看到鄰座的肉骨茶 （小）我們就確定來個大煲. 才$40的差別，但大煲的份量足夠4人用. 我倆極喜歡肉骨茶，但加東的蒜味不夠，若果再濃味些就好了一餐之中不能缺少的蔬菜，選擇頗多，無論是飛天炒/蒜蓉炒、通菜/芥蘭，由於有喇沙和肉骨茶屬味濃的菜式，所以選蒜蓉炒通菜. 份量很大，以$68來說是很值！味道剛剛好，通菜炒很不老，讚！豬牛雞沙爹各兩串，相比起其他菜式，這款定價顯然有點貴，而且肉較鞋，唯豬沙爹串

之前朋友來這邊吃過後大讚跟推薦，據說這裡的肉骨茶相當不錯那我們當然找一天去試試看！餐廳座位間頗寬闊的可能這晚早去，人流不算太多餐牌蠻多選擇的，價格不太貴新加坡肉骨茶 (細) 天氣冷就忍不住想要來碗熱呼呼的湯肉骨茶材料除了豬肉骨外，還有冬菇跟豆卜湯頭喝起來其有一點點像台灣的藥燉排骨湯頭濃醇、爽口又不油膩！豬肉骨肉裡有淺淺的胡椒粉的香味很嫩很好吃還有這個重要的配角，老油條加入酥香的油條，吸滿了湯汁的油條特別美味沙嗲半打 (牛，雞，豬各兩串)肉醃得很夠味入 口 熱 辣 辣沙嗲汁來得 香 甜 ， 濃 稠 惹 味 我個人最愛牛肉，愈嚼愈香！馬拉盞炒通菜味道一流，通菜也來得很脆綠好吃

Katong is located in the Macau Yat Yuen Center, a building that is more popularly known for Japanese restaurants and drinking bars. However, they don't serve Japanese here. They serve Singporean/Malaysian cuisine.Boyfriend and I came here for dinner one evening as a change of pace as we realized we rarely eat this type of food. We had noticed the signage on the building while riding the escalators of Hysan Place across the street and wondered what it was about.It's a colorful restaurant. Menu is

女生飯局~今晚聚的地點在銅鑼灣，而且是吃新加坡菜呢 (๑´ㅂ'๑)不是朋友帶路也不知有家這樣的餐廳一來少留意，二來這大廈倒是經過多，不細心觀察也不知這裡有數間的餐廳門面裝修很簡約，有一邊的牆是雜誌報導的剪報被安排在餐廳角落的位置，是說這裡的冷氣稍微有點大呢 (´･_･')主餐牌外，也有一些預設的套餐。最後我們選了一個3-4人餐因為朋友說想試的蘿蔔糕和魔鬼魚也包括在內，感覺上也覺得比散點來得化算點好餐後先給我們三個碗~滿有特色的喔 (≧▽≦)不過還有一些新加坡美食在套餐是沒有的朋友說一定要點的是 - 新加坡肉骨菜 ($128/Large)這樣一窩~3個人大約分到每人兩碗豆腐卜、蒜頭、肉排～藥材味滿濃的，但卻容易入口~而且帶點甘味另附上油條可加落去 (・ ω・) 而且能一直熱著來吃實在太好。說來這是我第一次飲肉骨菜呢Special Dinner Set in town ($308/for 3-4 persons)素菜春卷 - 素菜的餡料滿滿，調味不會很濃喜歡的話可以沾那個甜甜酸酸的醬喔! 另外春卷皮很脆~大概是即點即炸的關係吧招牌黑醬油炒蘿蔔糕在雜誌剪報看到就覺得很吸引！切成方型的蘿蔔糕可

每次經過星馬菜餐廳，翻餐牌時份外留意黑胡椒炒蟹及其價位。對於不太擅長於拆殼，只懂吃懶肉的我，固然不是第一選擇。這次會來Katong慶生，實是因為我媽在雜誌上看到Katong的廣告。而上面，不用多想，就是刊出了大大隻黑胡椒炒蟹，她當時一看到就已經心花怒放。問我去這家好不好，好是好，但價錢……也夠省鏡。　　這次來的Katong，是在圓方Elements那邊搬來的。以前在圓方看到這家的時候總想試試，但也深知身在圓方，應該都不會有平靚正的食物。就算不便宜，都至少是抵食之列，不過圓方有一些伏點，未食已經有點擔心。好在當我媽問我的同時，在Facebook朋友的專頁上看到介紹了Katong。朋友對其評價似乎不錯，雖說午晚餐有點分別，但差異應該不大吧。　　當晚入座後發現，原來只要Like Katong的Facebook專頁，即送大蝦片。香脆帶甜又不油膩，份量固然比單點$38的少，但過過口癮也算不俗。黑胡椒炒蟹　$498　　以本日焦點打響頭炮，這就是我媽跟她的友人們總心心念念的黑胡椒炒蟹。已經忘了我有沒有吃過這道菜，因為價位問題，我們通常望之而卻步。Katong的出品標榜以黑胡椒及多種新加坡香料炒製，賣

一連吃了幾餐西餐，今次決定改吃其他東南亞菜式，上網看到朋友推介銅鑼灣加東 Katong，位置就在Sogo附近，非常方便就決定一試。餐廳菜式以新加坡菜為主，我最想吃的海南雞及肉骨茶都有齊!肉骨茶(細)。一走入廳餐已經能聞到中藥的淡淡清香味，是我最愛的肉骨茶。這裡的肉骨茶會用小火爐確保湯的熱度，好細心!湯內有有3塊排骨，肉質燉得嫩滑入味，咀嚼的口感剛剛好，而湯頭喝來非常香濃，還帶點胡椒的辛味，搭配油條一起吃非常美味。招牌海南雞(例牌)。無骨雞肉香滑又軟嫩，在雞皮與肉之間有一層很薄的膠質，肉質鮮甜無雪味，配搭醬油及薑蓉醬更顯鮮味。沙爹(豬/牛/雞)半打。沙爹我選了牛及雞肉，沙爹醬汁充滿花生香味，好濃郁，串燒調味也做得不錯，但烤得乾身了一點，讓咀嚼時有點吃力。馬拉盞通菜煲。通菜份量超多，熱辣辣上枱香氣撲鼻，馬拉盞通鹹香味十足，不會只有死鹹，而通菜炒得好夠軟身，有鑊氣又惹味。新加坡炒貴刁。顏色看起來頗深香氣也夠，滿滿的配料有大蝦、臘腸、芽菜及雞蛋等等，貴刁本身好彈牙，入口乾身不會很有油膩感，每吃一口都好豐富。

近來晚飯除了西餐外，間中加插了火鍋與東南亞菜，如泰國菜和越南菜。不過最近又想去吃星馬菜作為晚飯，於是揀選了位於銅鑼灣的加東。加東雖然為樓上舖，但是隔鄰是日式百貨公司，地點可謂優越。當一出升降機門，就給那重重的磚造包圍著，並有圓拱的木門窗，以及多幅的相框。踏入門口，便有一個舊有的櫃子，擺滿了食物和舊有的鐵罐，內內的環境，也是舊有的裝潢，滿是以木扇窗，有種懷舊的感覺。餐牌並不多，只有兩張，其中一張是兩面的，於是在餐牌中細心鑽研。內裡介紹了各款星加坡的菜式，包括了喇沙，各具口味的炒蟹，海南雞，小菜以至麵飯，都是以新加坡菜為主。在選好菜式後，就上加東在 Facebook 的專頁中加 Like，便會有一碗蝦片贈送。雖然是送的，但又不欺場，份量充足又足夠，最重要的是入口還是很脆，每一口都有咯咯之聲，而且吃過第一口後，卻又停不住口呢。在新加坡餐廳，豈不能不吃海南雞（九十八個大洋）？於是點來一客例牌，再加銀兩多一碗雞油飯（十八個大洋），就這樣成了一個海南雞飯。雞皮呈鮮黃色，色澤鮮明，雞肉也頗為嫰滑，加上三色醬料，增添了不少食欲和食味，而當中中間的醬料較為辛辣。而雞油飯中的雞油，份量是適中的不會太膩。在

前MT同儕現在於銅鑼灣附近工作，發現公司附近有一間心水的新加坡餐廳，說是相當喜人。環境不錯，坐得好舒服，靜靜的非常適合與知己食飯談天。海南雞例牌($98)海南雞肉質相當鮮嫩，而且醬汁調味得宜。做雞的餐有很多，但做其法者卻無幾個，這餐廳的海南雞絕對是我食過的三甲之選，為必必必食推介！再配上一碗雞油飯，完美配搭帶來完美滿足。參苔醬燒魔鬼魚($118)因為我同朋友也無食過魔鬼魚，看到有新食品我們這種人貪新鮮的人，當然第一時點了再算。來到發覺與一般平時吃的魚賣相差別也頗大。但驚喜的是味道相當不錯，魚同醬汁很夾！一間好的新加坡餐廳往往贏在醬汁上！肉骨茶($88)來到當然要試下這個肉骨茶吧，omg還有火在下面燒著，就算慢慢飲也唔會冷掉，這個安排實在貼心。有時一餐飯吃那麼耐，肉骨茶未飲完放在一邊就好快變冷，登登登整個火在下面就無呢個問題勒。肉骨茶非常香濃，散發出濃郁的中藥香，而且胡椒味道較為豐富顯著，味道相東有層次。炒貴刁 ($88)伴以原隻大蝦同其他配料快炒，味道和口感也好有層次，與普通茶餐廳的出品差天共地。雪梨蘋果蜜($28)甜而不膩，中和吃了這麼多食物的飽滯感，一流！