北京樓 (太古城中心)

营业中

休息中

星期日約咗一大班朋友食飯，當然要揀個好地方。太古城假日好難搵食， 好在有預早訂位， 好好彩佢哋安排咗，一個半開放式嘅房畀我哋， 可以靜靜地舒舒服服咁食番餐。不過佢哋嘅職員唔太夠， 淨係點菜同埋加餸都等咗好耐先有人理。好彩我哋唔趕時間，佢亦都冇限時， 所以都冇乜所謂。北京樓當然會叫佢哋嘅招牌菜：北京片皮鴨水煮魚賽螃蟹糖醋桂魚清炒萵筍陳醋海蜇灌湯小籠包茶樹菇炒貴妃苗豆沙鍋餅片皮鴨雖然好食，但係份量好似越嚟越少同樣係叫一隻鴨，但係好似比以前細碟好多。 所以都有少少失望。 但整體嚟講都算ok嘅，

今天晚上和家人在太古城北京樓晚膳，此店口碑一向不錯，所以一早已訂了4人枱，我們早了抵達，但店內已坐滿客人，等了半小時才安排入座，我們點了招牌菜北京片皮鴨、翡翠帶子、賽螃蟹和茶樹菇翡翠苗，北京片皮鴨烤得皮脆肉香，色澤紅潤，鴨身脹卜卜，皮下脂肪完全融化，鴨皮鬆脆，每片皮肉比例3:7，油香豐富，又不覺肥膩，不愧為鎮店之寳，價錢$380，較金鐘太古廣埸的北京樓，平了$120，西蘭花帶子賣相不錯，帶子新鮮肉厚，炒得不過火，恰到好處，賽螃蟹味道可口，蛋白炒得非常嫩滑，茶樹菇翡翠苗的配搭勝在食材新鮮，不單夠清淡，味道亦不俗，甜品高力豆沙香蕉球，上枱時脹卜卜，炸至金黄色，味道鬆軟可口，由於有七五折信用咭優惠，人均消費$200，享受了一頓豐富可口的晚餐。

2019年1月1日，迎接新的一年屋企人到咗北京樓飲茶。本身打算去隔離西苑，人太多了所以去咗北京樓。未開門以有親戚已經去攞定飛。11點半準時入，中間有一些小風波就係我老母跌咗張排隊嘅飛唔知去咗邊。我哋記得輪候號碼最終都比我地入。小籠包非常好食，我哋呢一台六個大人兩個小孩竟然食咗三龍小籠包。蝦餃同燒賣就普通一點蘿蔔糕就煎得唔係太脆呢一個炸豆腐都係普通嗰啲腸粉嘅味道就唔錯不過稍微油多咗少少。質素就普遍唔及隔離嘅西苑。

同朋友餐聚去左北京樓，book枱既時間可選6點或8點，我地簡左6點時段，一行4人點左個晚市4人餐，北京樓係美心集團其中一間中菜，出名係北京填鴨，觀其店內幾乎每枱都會叫，店內既佈置檯與檯之間既距離唔算太寬敞，不過亦未至太唔舒適，前菜先到，胡麻醬雞絲拉皮，味道唔錯，前菜黎講分量唔算少，醬汁味道亦唔會過咸過膩，北京醬前蹄，會跟左有一個醬點黎食，我就一般，但同行朋友就喜愛，因為味道比較濃。北京宮爆蝦球，本身以為會幾辣，因為見佢有唔少乾辣椒，但食落又唔係，唔算太辣，蝦球大隻爽口，味道微辣中帶少少甜，係當晚其中一味喜愛既菜式。蟹肉南瓜乾貝羹，材料算豐富，但可能係因為係南瓜底，令個湯羹既食唔到南瓜味之餘，亦食唔到海鮮味，味道就係一個淡味而足料既羹，食完都唔係好知自己食過d咩，唔特別，亦唔難食。無錫灌湯小籠包，味道正常。茶樹菇鮮魚方，幾好食，魚方滑再加上茶樹菇同肉碎，口感唔錯，但個汁偏鹹，淡少少會更好。烤北京填鴨（1隻），終於到主角出場，礙於位置關係，雖然店員無係我地位置附近去片鴨肉，但鴨肉上枱時都聞到味道好香，青瓜，京蔥，醬料呢d就必備，烤鴨味道唔錯，皮夠脆香口，鴨肉嫩而肥美，加上醬汁，青瓜京蔥，薄

臨近聖誕節，特別多飯局。今日小秘書約埋一班同事嚟到太古城嘅北京樓，嚟個中式飯聚。因為當中有老外嘅關係，點菜嘅時候都特別小心，費事叫到樣樣嘢佢哋都唔啱食就無謂啦！不過酒樓個阿姐似仲緊張過我，猛話「散叫」唔抵，極力推薦我哋要個十人套餐，佢話唔夠食先再加😏 見佢誠意拳拳，一於聽吓佢話，不過我都加咗兩籠小籠包+鍋貼，想大家都食飽啲🥴 因為餸菜上得太快，我又要照顧boss，無時間逐樣逐樣菜式影抵👉🏻👈🏻 真可惜！海蜇頭、醉雞拌茄子🍆 不過不失宮爆蝦球🦐 無咩辣味，反而覺得甜咗啲燕窩雞茸羹🐔 唔講唔覺有燕窩😅 仲以為食緊冬蓉羹填鴨🦆 差唔多最後先上枱，時間有啲失預算。味道一般，肉身老咗啲茶樹菇魚塊🐟 味道幾野味蟹肉扒津白🦀🥬 夠熱又鮮味韮黃肉線炒拉麵🍝 完全唔覺有配料，似一大盆豉油王炒粗麵桂花酒釀丸子🥣 味道幾清甜、湯丸有芝麻餡，有驚喜呢餐除開每人都係$200左右，我覺得算係抵食！

要跟長輩飲茶, 為了方便他們出入, 便選擇了太古城。 但在週末太多人去覓食, 那唯有早點去取票等位。 去到北京樓取票, 算是不多人等候的食肆了，最終也等了四十分鐘才有位子。因為是以京淮菜為主, 故廣東點心相對較少選擇。可能等位等得久了點, 前菜放下後, 我未及拍照, 已被家人取去了半碟 花生脆丶青瓜爽丶還有豆腐乾, 加上不辣/油, 其實這前菜也很好吃。如果上海生煎包可以煎得再香一點更好。無錫灌湯小籠包做得不錯。 小籠包內有湯汁在內, 皮薄之餘, 但又不會容易破開, 這就是師傅的功夫了椒鹽九肚魚炸得外皮鬆脆, 但魚肉仍然滑溜,是我最喜愛的食物。 .鮮茄蝦仁鍋巴的蝦仁雖然不是大大的, 但配以酸酸的蕃茄醬汁加在脆口的鍋巴一起吃, 整個配搭很好吃呢。 整體來説, 食物質素也不錯。

今天是中秋節翌日，假期去飲茶要等位就梗㗎啦！去到太古城果間北京樓，又唔係好多人等位喎，約十張枱就到嘞，唔使二十分鐘！入座後侍應招呼幾好，呢度裝修好企理，燈光悠和，坐得好舒服！食具精緻，欣賞一下都覺得舒服點咗紅油抄手，茶樹菇XO醬煎腸粉、同埋一碗京淮嫩鷄燴麵！喜歡吃辣嘢，紅油抄手啱哂，肉味鮮甜，畧帶有麻辣味道，好好食呀！茶樹菇XO醬煎腸粉軟滑，配以XO醬炒得入味，茶樹菇原來配腸粉一齊都好爽囗喎！鷄煨麵最正係個湯，濃味鷄湯，不似味精製作！麵條細滑而且入味，這碗麵水準非常高！

始終都係大集團，食身會有一定保證， 而且環境雅致，請外國返嚟嘅親戚食就體體面面咁！可以坐到貴賓房， 用左好多書做擺設，其實唔係好差知同京菜主題有咩關係先黎一碟醉雞， 相信都係好多人啲點之選！ 皮肉分離情況唔算嚴重， 雞皮雞肉嫩滑度都係正常嘅， 但係各位親友都話過醉雞汁有啲問題，唔似平時食開嘅味道 ，隻酒好似太搶同埋太嗆鼻，影響咗成隻雞嘅味道😑😑😑！之後到小食拼盤:上層叉燒，中層腐皮，下層燻魚!睇落賣相好靚， 叉燒食食下又走未知係唔係夾完最醉雞再夾叉燒引致？!中間腐皮好厚，但係食落都好有層，次甜甜地，幾開胃燻魚味道都係正常水平，但係魚骨好似太粗，家姐唔小心食左一條卡住喉嚨🙄🙄🙄我發覺呢間餐廳嘅菜式一家人蔬菜效果就唔係太理想， 例如上面蔬菜魚肉羹，其實成個羹都冇咩味道可言素菜蒸餃都一樣， 雖然咬開入面滿滿蔬菜， 但係外皮稍淋，無咬口，餡料亦無咩味小籠包就冇一夾就爛，湯汁流曬出嚟嘅情況咕嚕肉係全枱人都讚嘅菜式， 調味恰當，外皮依然保持脆口 唯獨係各位都覺得個菠蘿有啲怪怪哋，味道咬落一定係菠蘿，但係賣相唔知似乜 他配菜例如青椒紅椒都好入味，但係佢嘅紅椒真係辣，所以食嘅時候小心啲輪到主角北京填鴨

好耐冇食填鴨，特登去幫襯某銀行嘅六折晚飯套餐，幾乎全部菜式喺5分鐘之內就上晒，有D仲要係唔熱唔凍嘅。主角填鴨完全無味，溫溫吞吞，皮完全唔脆。份量超級多，四人餐可能夠六個人食不過質素就見仁見智啦。咁樣嘅陣容當然冇影相⋯⋯唔好意思⋯⋯ 咁樣我寧願去幫襯啲貴少少嘅，始終啲肥膩野食得多都無益，食到咁勉強就唔好啦⋯⋯

話說之前朝頭早排隊飲早茶，去到我哋，冇唒2人枱，晏晝試過去攞位，侍應同我哋講full左，平日夜晚去食晚飯，侍應話你留電話啦!有枱我哋就會通知你，到最後我哋去左第二間餐廳，佢都冇打過電話你。今次係早咗幾個禮拜book，咁就有位囉！ 千祈唔好抱住walk-in嘅心態去呀，你一定會好失望。前菜有青瓜豆腐花生，全部都係我最喜歡食嘅， 個味道都調得幾好。 七里莊酒糟醉雞花雕酒味好濃，醉雞都冇乜雪味。 老醋涼拌芹菜雲耳 雲耳酸酸地幾開胃。 京爆小瓜蝦球蝦球好彈牙， 翠玉瓜爽脆，醬汁甜甜地。 蟹肉瑤柱冬茸羹呢個魚肚羹都足料。 無錫灌湯小籠包小籠包個皮就厚咗啲啦!不過入面好有肉汁。烤北京填鴨 一隻片皮鴨都算大碟，同埋啲肉又唔會太鞋，啲鴨皮都幾脆。 松子脆米魚方脆米係脆嘅，個魚柳都幾新鮮嫩滑。 奶湯百葉小棠菜個百頁同個菜都吸曬啲湯味。美心迷你冰皮月餅估唔到個甜品咁流喎!係芒果冰皮月餅， 不過味道都算ok啦! 如果係拔絲會吸引啲囉!

朋友想食北京樓，但要排好耐隊，所以朋友十點半就起身去排隊拎飛之後十二點半再返黎😂好癲我地叫左幾樣嘢，一隻北京填鴨、鳳爪、椒鹽九肚魚等鳳爪整到幾入味，個人覺得幾好味，個汁用黎送飯既話都係正😂椒鹽九肚魚炸得好味，但食唔出係九肚魚😂覺得係有精心處理過過既！係好味既！主角北京填鴨就令人有少少失望啦，首先個皮唔夠多油脂既感覺同埋個皮唔係好夠脆☹️個醬都係麻麻地，配菜個d好少同埋青瓜切得太大啦，包住食個個麵皮太厚啦，有d失望😞

之前已經聽朋友講過話北京樓嘅片皮鴨幾好食，鴨烤得好脆嫩，包烤鴨的皮蒸的好薄，終於同朋友們夾岩時間黎朝聖一下。我地5個人，叫左一個北京烤鴨，再另加幾款菜式。北京烤鴨份量好多，每個人都分到5-6塊，每一塊皮和肉都切得幾厚，用嚟包填鴨的皮真係整得好薄！剩下的烤鴨肉可以選擇做成其他菜式！

細妹見到匯豐做緊優惠，所以book 左枱，叫左個四人餐食，我地六個人，以防萬一，我食左個tea先泥。個餐包左一碟醉雞、一碟雲耳、一碟青瓜、一碟蝦球、一隻片皮鴨、六碗湯、四隻小籠包、六條菜芯、兩個冰皮月餅。雖然係四人餐，佢見我地六個人都比左六碗湯同六條菜我地真係唔話得。整體泥講，同其他中菜差唔多，但片皮鴨就的確好食，皮脆肉香又唔肥，走個陣仲可以拎埋片剩的番屋企，全家都食得飽，環境亦企理，最緊要係嘈得唔洗顧儀態，抵哂！最後埋單仲有三百蚊coupon比你，咪話唔正。

如題，北京菜的一夜這夜到太古城提早一日慶祝父親節，本著比散叫抵既心態揀左佢既十二人份量父親節套餐星期六個場都幾爆好彩有book位前菜 個碟上菜前可唔可以唔好有水漬北京宮爆蝦球原本以為成浸紅油浸住又咁多紅椒。會好辣好彩都唔辣甚至唔可以形容有辣味，反而甜甜地，粒粒蝦都好大粒又彈南瓜海皇燕窩羹個南瓜羹有啲稀，不過匙羹撈起都有一pat pat的燕窩烤北京填鴨隻鴨片皮前有原隻比我地望望先。個簿餅皮上既時候仲係熱辣辣又唔會一拎起好易穿個鴨肥瘦均勻唔會太油膩，配上甜醬好正。唯一配料青瓜同京蔥略嫌少。清蒸雙老虎班細魚夠滑唔鞋花膠扒津白菜膽花膠食完個咀癡立立之後上果啲都好普通，無乜特色此12人套餐不包括飲品，叫左紅白house wine各一杯加藍妹一枝 total $46xx。9個人食都係剛剛好，12個食應該唔夠飽

很久沒有來北京樓。今次一去，超級失望。我星期五去。 訂位時限咗只可以訂6點同8點， 一點也不方便。叫人加水，叫幾次都加唔到。人手極度唔足夠。我滿懷期待咁叫咗隻片皮鴨。個侍應愁眉苦臉咁切隻鴨， 我睇見就冇曬胃口。隻鴨好多肉，但啲皮一啲都唔脆，仲有啲韌， 真係非常之失望。。。最後個甜品仲要我等成半個鐘先上。好明顯廚房同樓面都唔夠人手。 我明白星期五會多啲人。 但作為美心集團其中一間比較high-end的酒樓，佢哋應該要有所準備。侍應之間仲要呼呼喝喝， 一啲都唔專業。。。