十里潮香 (已結業)

說到在銅鑼灣覓食，金百利便是其中一個常去的地方，這天便和朋友到了這間十里潮香。看餐廳名稱已猜到是吃潮州菜吧？餐具的設計簡約美觀，餐廳整體格局亦讓人感覺舒服。桃花島黃皮蜜 $19第一次嚐黃皮蜜，原來是味道酸酸甜甜的，還有點像鹹檸蜜的感覺。紫菜三寶湯 $78三寶當然就是有三款丸，三款口都紮實彈牙，紫菜的份量不少，而且不會太碎，入口很重紫菜香，湯亦不會太鹹。菜脯水晶餃 $8/件，2件起價錢很便宜但原來極大件，皮真的薄但略嫌易穿，內裡的餡料很多，菜脯味道帶甜且口感爽脆，不會太濃味。煎韭菜粿 $8/件，2件起和菜甫水晶餃同樣大大件，但感覺有點油膩，皮一樣的薄，不過可能因為用煎的，沒那麼易穿，韭菜的份量很多，入口滿滿韭菜香。滷水雙拼 $108我們點了滷水鵝肉 拼 滷水腩肉，鵝肉夠入味且鵝味十足，肉質又軟稔；腩肉肥瘦剛好，入口油潤軟滑。普寧炸豆腐 $58和我平常吃到的有點不同，這裡用的是硬口腐，鬆脆的外層內是口感實淨，像有點脫水的質感。香煎蠔仔洛 $78又一大份量的菜式，炸到金黃酥脆，亦不算太油，蠔仔算大隻且味道鮮甜，點上魚露鮮味更突出。蒜茸炒通菜 $60一樣份量不少，通菜亦夠新鮮爽脆。最後竟然有奉

餐廳提供多款潮式菜, 價錢幾實惠, 燉湯都只係68元, 一於飲番一碗先花膠響螺群翅燉湯, 以雞腳, 花膠和螺頭提鮮，品嚐食材的原汁原味，湯味道鮮甜又滋補, 正呀!首食個沙茶醬芥蘭炒牛肉, 這到菜加了濃味的沙茶醬, 炒出來的菜, 用上沙苶醬, 牛肉不會肉淡.菜不黃, , 芥蘭炒牛肉葷素搭配，相得益彰，非常好吃, 牛肉吃起来口感更嫩, 芥藍菜的清脆潮式炒魚麵，魚麵炒得好香, 除了味道鮮美以外，口感也很好，吃起來相當有彈性。入口順滑，外有韌勁內裡“纏綿, 魚麵配上蝦仁, 蛋絲, 仲有芽菜, 另口感層次更加丰富哦

朋友介紹銅鑼灣新開潮州菜。抵食&好味，當然一試～餐廳坐位唔多，如果假日可能要Book 位～食物方面：滷水鵝片～厚薄適中，而家非常入味，肥瘦岩岩好，又唔會韌，好好味！！方魚炒芥蘭，方魚超香脆，芥蘭很新鮮爽口，口感不會太油，好適合送飯！香煎黃花魚，煎得外脆內軟，鬆脆魚皮，軟滑鮮味既魚肉，令人欲罷不能！花膠螺頭燉豬展湯，每日限量發售，用料實在，有花膠、螺頭、雞腳、豬展，湯頭濃郁，很滋補！味道不錯👍🏻飲品也很有特色，試了一個杯凍黃皮蜜，甜度適中，黃皮香甜，值得推薦！馬蹄綠豆爽，很飲湯羹既糖水，味道還好～福果芋泥，非常美味，雖然較甜，但入口非常非常濃厚既芋泥，爽口既白果，非常對味！超愛～～～～💕總括而言，價格唔貴，真係間用心經營品質好高既潮州菜💕

香港，是我想留住的幸運。為什麼？作為入門小吃貨，在香港能輕易吃到各國美食，義大利菜和和四川菜可以是一舖之隔，地方小也有小的好處，凡事兩面看就對了！餐廳裝潢簡樸，地上舖了地磚，木製桌椅，有居家的感覺。翻開餐牌，有各種套餐，少不了潮州特色滷水、小炒和甜品。⭐️滷水三寶$138分別是鵝腸、鵝片和粉肝，的確是三寶，滷味吸滿了醬汁，整體很惹味。⭐️鹹菜胡椒豬肚湯$88豬肚很爽口，胡椒味很突出。⭐️豆醬炒通菜$60通菜爽脆夾雜豆醬的鹹香，很棒喔！⭐️反沙芋頭$48芋頭沾滿了糖漿，幸好味道不太甜，入口鬆化。▪️雖然味道不及在潮州吃來得正宗，但也是有水準的潮州菜。

三生三世十里潮香忙左成日好肚餓然後行到金百利見到好多人派傳單 見到個姐姐好落力咁推十里潮香 十里潮香 被姐姐打動 就立馬上去食 上到去又無乜人等位 一入去就坐底叫左咸菜胡椒豬肚湯 一大碗既湯 兩個人飲 每人都可以飲到兩至三小碗 又多料 酸菜夠入味 豬肚絲爽口 胡椒味夠濃 辣辣地然後滷水四拼 有滷蛋紅腸掌翼鵝肉 無左豬手有小失望 有滷豆腐墊底 豆腐入晒味 要加碗白米飯🍚滷水墨魚 同樣地都有滷豆腐墊底 好重口味既一餐飯😂一餐飯唔少得食菜 叫多個濃湯大芥菜煲 第一次見識芥菜 好大片 似瓜多過菜

金百利一向都好多餐廳, 但是平時我同肥膏都好少去。今天來全因為知道這裡開了一間潮州打冷餐廳。肥膏是個打冷迷, 知道他上班地方附近有打冷, 當然要我來陪他試一試。平日晚上八時半, 去到都沒有甚麼客人, 可是一坐下就又來了幾桌新食客。店員都是超級有禮貌, 超好服務的, 很有熱誠, 值得一讚。店內裝潢也挺舒服的, 燈光柔和, 又乾乾淨淨的。最主要也是坐得舒服。看了看餐牌, 食物種類也算是多了, 有很多選擇。最後, 在花多眼亂底下, 就揀了以下的食物:韭菜豬紅 HKD 48.00意想不到, 份量很多, 很大碗。豬紅底下的韭菜也是很多。韭菜新鮮, 豬紅也不錯, 味道偏重了一點, 配個白飯就剛剛好了! 鹵水什錦拼盤 HKD 188.00潮式食物又點少得鹵水野? 所以我們點了一大個拼盤, 裡面甚麼都有。個人覺得最好吃是腩肉, 不是入口即化的那種, 但是不膩 味道又剛剛好! 鵝肉也不錯, 雖然份量是少了點, 而鵝味也少了點, 但是鹵得不錯的。紅腸大路貨, 好味。不過個人不建議點這個, 因為份量有點多, 我們兩個人都吃不完呢。香煎蠔仔烙 HKD 78.00這個絕對要大推! 聽名字可能會以為蠔仔好細隻,

今天星期日同老公去銅鑼灣維園散步，之後再去祟光買野，到了晚飯時間，正在想緊食乜？老公說有同事在金百利廣場的十里潮香食過潮州菜，味道不錯，今晚就去試試吧！位於5樓的食店地方不大，但座位舒適，地方整潔。除了潮州菜還有粵菜。滷水鵝片：滷水鵝滷得夠味又入味，鵝片啖啖肉好鮮嫩，底部還有滑豆腐。自選滷水雙拼(鵝掌翼和滷水鵝件)：老公要來配啤酒食，他說入味有咬口。荔蓉香酥鴨：上層荔蓉炸過後好酥脆，芋蓉香滑，底部鴨件是薄切，不用點醬汁也好夠味！韮菜煮豬紅：食潮州菜必食的，滑滑的豬紅入味，配嫩韮菜好美味。潮州糖醋麵：見到隔離枱食，老公說我們也試試，全碟麵都經過廚師用心煎炸成金黃色，食時自己加入沙糖和醋，口感卜卜脆，味道酸酸甜甜的。潮式炒河粉，夠穫氣，河粉又滑又夠味，配豬肉和蝦仁，令人食不停口。馬蹄綠豆爽：飯後甜品，馬蹄爽口，味道不太甜。朝日啤酒：佳餚美食，少不了啤酒啤一啤！

星期四的一晚，又再來到銅鑼灣。諗唔到食咩，就來到金百利廣場。原本想食返之前有食開嘅越南野，上到5樓一出門口見到有間好似新開嘅，就打算試一試。潮州野食，仲要係樓上鋪，其實係香港唔算多。晚市幫襯嘅人並唔多，一入門口，侍應已有禮拜帶入座。一番思量之後，決定叫左3樣野食。蠔仔肉碎淮山麵，淮山麵質感好特別，蠔仔算係大隻，不過個湯底就一般冇乜特別，甚至係有點淡。胡椒猪肚湯河粉，老實說有點兒失望。首先鹹菜味道唔算入味，而猪肚唔新鮮，最重要係個湯，可惜只有胡椒帶出來嘅辣味，而河粉其實算硬左少少，整體一般。反沙芋，算係亮點。上枱已經一段時間，不過熱度保持。至於味道，唔算好甜，剛剛好，值得一試。

同男朋友睇戲前搵食，金百利上面有好多野食，上次我哋食左韓國嘢，今次試吓潮州嘢先！環境唔算好大，但座位都幾多！如果同朋友聚會10人內都可以選擇呢度，因為環境比較靜同舒適！食物種類都幾多！對於平時比較少食潮州打冷嘅我，今次可以試返夠本！鹵水墨魚片 - 餐牌上面無嘅~ 餐廳有個黑板寫住今日特別推介同海鮮時令價，男朋友鍾意食就叫了！入口爽口彈牙，點一點白醋增加鮮味，食到停唔到口！方魚肉碎蠔仔粥 - 潮州菜必食嘅其中一樣！湯底好濃味，蠔仔都幾多幾鮮味，加胡椒粉更可以將味道提升！食完唔覺得口渴感覺！青欖燉豬𦟌湯 - 啖湯好甜好濃味，有清潤感覺！滷水三寶 - 男友至愛必食，極力推介粉肝，好淋身又入味，入口真係有即溶感覺，口感一流！鵝片同鵝腸都好入味，腸比較爽口彈牙！真係好想叫多碟，但怕太過飽，哈哈！鹽香凍烏頭 - 係用元朗黃油烏頭做，肉質滑之餘唔太咸！荔蓉香酥鴨 - 我地都係芋頭迷，見到已經想叫嚟食！上枱時剛剛炸起好熱好脆，芋泥入口好粉好好味，配以酸梅汁入口感覺有少少似甜品！我哋話同朋友或屋企人又多個地方食飯喇！下次一定要叫凍蟹試下！

今日同媽咪去銅鑼灣shopping, 行到金百利門口, 收到張傳單得知樓上有間潮州菜, 咁岩到晚飯時段, 又行到累, 所以就去食埋飯先返屋企。餐廳面積不大, 裝修樸素整潔, 呢度有2-4人套餐, 亦可以散叫, 一般基本既潮州菜款式都有。【鹹菜胡椒豬肚湯】HK$38/位胡椒味很突出, 豬肚口感爽口彈牙, 雖然只係一人份量, 但材料好足!【鹵水鵝片】HK$118鵝片不會有太厚肥油層, 肉質軟燸而沒有揸, 幾入味, 有幾件鹵水豆腐墊底, 索左d鹵水汁精華, 正!【鹵水鵝腸】HK$118鵝腸雖然有肥膏連帶, 但自行去除肥膏後入口, 確實係好爽口~【韭菜煮豬紅】HK$48豬紅唔會過鹹, 份量幾多, 夾集韭菜一齊食, 簡直絕配!【豆醬炒通菜】HK$60通菜翠綠, 炒得幾有穫氣, 加上豆醬既鹹香帶出味道, 又唔會過份偏鹹,  正!【潮州金吉蜜】HK$19原來潮州金吉蜜既色同平時飲開既港式好唔同, 整杯為鴨屎綠色, 微鹹帶少少甜, 味道近乎華梅, 底部有少少渣 但對於唔好華梅既我, 不太討好【福果芋泥】HK$28細細碗, 係一碗熱食甜品, 質感很杰, 傳出淡淡既芋頭味, 好似食緊蓮蓉包既蓮蓉咁~ 甜度

今早睇到雜誌介紹呢間潮州嘢。。。係銅鑼灣。。。交通極方便。。。所以就嚟試下。。。結果。。。失望而回食咗雜誌介紹的滷水三寶。。。見價錢係抵。。。平時一個鵝肝都要$200。。。呢度有埋鵝肉同鵝腸先$138。。。鵝肝唔滑。。。同$200果啲粉肝簡直無得比。。。鵝腸夠爽。。。正。。。鵝肉雖少但都唔錯。。。但打底果啲豆腐。。。又唔滑。。。仲有陣怪味(應該唔係變壞果隻)。。。沙茶牛河。。。散叫完見到午餐都有。。。店員無提我地。。。貴咗廿蚊仲蝕咗杯嘢飲。。。份量極少。。。雜錦拼盤。。。一次試均幾款粿。。。的確唔錯。。。出面無地方食到咁多款福果芋泥。。。好食。。。但賣相似係一大鍋一碗出嚟咁。。。

我懷疑有好多打手給好評這間餐廳，完全中伏，炒魚麵d魚麵幾條痴埋一齊，又硬。鹽水豆腐吾好食，鹵水鵝，鵝肉冇味，肉質麻麻。當天是我和朋友慶祝生日，完全破壞當天的心情。冇下次！

呢幢大廈食店臨立, 其中呢間係食潮州嘢, 潮州嘢都係我喜歡食嘅菜式之一, 當然要試下啦!店內面積唔算好大, 牆上除有有食物相片, 仲有功夫招式,  莫非店主係練武之人?!打開餐牌睇下有咩食先..........食物選擇都多樣化 餐牌當中被呢個燉湯系列吸引住, 出得食飯難得有個燉湯飲, 價錢合埋, 梗係又叫番盎慢慢嘆見到花膠螺頭燉鷄腳 ($68)呢個牌頭, 就知係滋陰養顏, 二話不說叫個比自己飲!  非常足料, 有埋魚肚及元貝, 成啖湯鮮濃到不得了, 仲食埋少少湯渣!青㰖燉豬展湯 ($48), 青㰖有止咳作用, 原盎上見到湯料豐富, 飲落帶少少青㰖酸味, 味道都唔錯!黎得食潮州嘢, 又點少得呢碗方魚肉碎蠔仔粥 ($58), 差唔多每枱都有碗!  份量有3-4碗, 相當足料!始終有蠔仔一齊煮, 如果唔夠熱驚會腥, 但呢個粥夠晒熱, 加D胡椒粉調味就仲正!  湯底夠甜, 方魚夠脆, 蠔仔夠蠔味, 正呀!先黎個滷水三寶 ($138), 三寶即係鵝片, 鵝肝及鵝腸, 份量都幾對眼, 有埋滷水豆腐係底!鵝片起得幾靚, 工整一片, 無咩肥膏, 夠健康, 但就食起上黎會嚡口D鵝肝口感非常嫩滑, 好似食

很久沒吃潮州打冷，但身在銅鑼灣真的沒有idea那裡會有潮州菜，剛巧有人派仲餐廳傳單於是隨手拿了一張看看，介紹的正是吃潮州菜的「十里潮香」，緣份到，就試試吧。《鹹菜胡椒豬肚湯 $38/位》胡椒味香濃，不會過辣，豬肚好腍，洗得好干凈沒有沙，飲完整個人都溫暖起來。《菜脯水晶餃、玉米水晶餃 $16》打開小蒸籠，两隻餃好飽滿，餡料好多，一隻是菜脯連花生和肉的餡；另一款是玉米肉餡，玉米香濃，味道豐富。《鹽香凍烏頭 $128》魚尾上面有元朗烏頭的出產標籤，原來元朗出產的烏頭優質，魚夠大條肉多份量足，肉質嫩滑，蘸上味道香濃的普寧豆醬，更有風味。《韭菜煮豬紅 $48》豬紅味道香濃，有質感實在，不會一夾就爛，韭菜全部在底下吸汁，夠味道但韭菜老些比較韌。

今日整個下午都留在銅鑼灣剪髮、逛街和修甲，不消一會就天黑了，肚子咕咕叫，看看手錶原來已經到了晚飯時間，心血來潮想吃潮州菜。不想用腦的話就最好走到銅鑼灣甘百利，樓上餐廳眾多，總有一間岩你心水。湯品限定有兩款我選了一盎《花膠螺頭燉翅群 $68》湯夠熱，當中有雞腳、螺頭、翅、瘦肉和瑤柱絲，翅軟腍彈牙，但可能是燉湯的關係，味道雖然香濃不油膩，但小咸。《煎韭菜粿 $8/2件起》新鮮蒸熟，熱度足又漲卜卜，裏面韭菜十分豐富，拌有蒜蓉味道更加香濃，皮簿煙韌，不會易爛，口感味道不錯。《潮州炒魚麵 $78》有蛋花、芽菜、肉絲、蝦、西芹、椒絲、韭黃和魚麵。對此感失望，魚麵已經雪得乾硬，難以入口，沒誠意之作。《方魚炒芥蘭 $65》芥蘭新鮮翠綠，口感爽脆，所以菜皮都撕掉處理得很好沒有半點渣，方魚份量不算多。《馬蹄綠豆爽 $22》馬蹄爽口，但生粉湯質感杰身無味，綠豆亦少，很難想像這是一碗潮州糖水。服務：職員有主動性，會自動幫忙添茶。