升哥點心 (已結業)

聽d friend講元朗新開左間點心店幾正，今日要入元朗做野，於是早d出發，試下去呢間野食個早餐先。果然有驚喜呀！個蒸飯唔止份量比酒樓果d大份，仲好好味，食到有少少荷葉香味，鳳爪排骨飯有陣蒜香味。果小籠包都好正，望落以為皮厚，原來又唔係喎，咬落去仲有湯流出黎👍🏻👍🏻。再叫左蝦蛟、蝦腸，都好味喎，好食過出面d大酒樓多多聲。食食下見隔離枱叫左個椰皇燉奶，好似好正咁，我地都叫左2個凍既試試，一流！呢間絕對推介！一定會再去食！下次要試埋其他點心同甜品（甜品方面我見個名有幾款好似好吸引咁)

1️⃣籠仔鳳爪排骨飯HKD$37佢係荷葉飯黎 荷葉味都幾重 飯唔硬但好有口感 幾好咬排骨好好味 唔係骨排 啖啖肉都幾新鮮 無有雪藏味鳳爪好入味 .2️⃣紫薯流心球HKD$28糯米紫薯卷 流心奶皇 煙煙韌韌 放到最後都仲係流心既！.3️⃣升哥蝦餃皇HKD$37蝦餃 蝦好多 好新鮮 好彈牙 味道適中 蝦餃皮唔太厚都唔太薄 岩岩好.4️⃣原隻蝦燒賣HKD$28蝦都係好彈牙 都係好咬口 都幾甜.5️⃣鐵板叉燒包HKD$25睇相已經好吸引脆皮叉燒包 叉燒餡唔係太多”軒” 真係有幾粒叉燒係入面底有洋蔥唔會燒窿包底又唔會太油.6️⃣別有洞天脆皮腸HKD$35有小小似炸兩入面有粟米 蟹子 蝦 粉皮好滑唔油 咬落口好脆 雖然入面有芫荽 但係會好想不停食既.7️⃣西洋菜南北杏燉豬肺HKD$30足料 但因為西洋菜唔係當季 所以轉左菜乾無西洋菜咁好 但都唔錯.8️⃣香滑布拉腸粉HKD$18好滑.—————————————

元朗雞地附近近年的店成行成巿，而其中一間我和媽媽食過番尋味的就是升哥點心。店裡的座椅不算多，但每張桌子的空間感都挺大，而且座位舒適，反而人少少環境不錯，因為通常在中式點心店都太～過～熱～鬧。必叫之選1［原隻椰皇薑汁燉奶 $38］因為店員極力推介，而且剛剛新鮮出爐，非常吸引！薑汁味不算太重，但很香椰子味，而且燉奶真的滑到不行！不會太甜，但一吃下去就覺得很滋潤，媽媽和我爭著吃！！必叫之選2［燒汁墨魚釀茄子 $22］超喜歡放在菜式上面超大堆頭的鰹魚乾，墨魚釀茄子真的是第一次吃到，沒想到又挺匹配的，燒汁味稍濃，但剛好能中和較清淡的墨魚及茄子。［原隻鮮蝦腸粉 $28］首先腸粉真的拉得很嫩滑，加上切開的每截裡面都有一隻超大的鮮蝦，肉質非常彈牙，值得一試！［XO醬菜苗餃 $28］其實我一向不吃餃子，但媽媽則很喜歡，見她點了這款有XO醬和菜苗的餃子，我姑且試一試。菜苗本身就帶有很獨特的香味，我自己則非常喜歡，再配合帶微辣的XO醬，真的讓我對餃子改觀，下次絕對可以再戰！［白灼西生菜 $18］媽媽喜歡較為清淡的菜式，一坐下便點了白灼西生菜～西生菜非常新鮮，咬下去超脆口，完全不老！！

星期日想飲茶，又唔想晨早流流起身，浪費咗個假日嘅朝早補眠，但查實除咗茶樓，都可以選擇喺點心店度飲吓茶一盅兩件嘅，又唔使同老友記搶位普洱感覺好老人家，大胃都係揀香片，醒神啲脆皮腸冇改錯名，真係好脆，仲有好香芫荽味流心球外面嘅砂糖粒令到口感好有趣食流心球要小心啲，因為啲流沙真係好流心㗎卅幾蚊一大籠飯真係好抵，初初仲以為排骨飯一定係一盅盅𠻹作為招牌嘅蝦餃，皮薄餡靚，必叫夏日推介嘅蟹鉗，季節限定點都要嗌㗎啦咬落啖啖肉，外皮都係由蟹肉造成㗎芝士鮮竹卷出面少有，感覺幾夾咪睇小糯米雞佢真係唔惹小結果茶係飲咗，但唔只一盅兩件囉，呢個真係下午茶嚟嘅咩？

這間位於元朗的升哥點心，鄰近YOHO，地點方便，主要以即叫即蒸點心為主，所以食物全部都新鮮熱辣。這裏茶位每位$4，價錢合理，點心都是十幾至三十元，價錢比較大眾化。XO醬菜苗餃菜苗餃表面舖上XO醬，清新的蔬菜苗配上惹味的XO醬，別有一番風味。別有洞天脆皮腸果然是別有洞天，腸粉皮包著大大隻又爽口蝦肉，還帶點香脆。升哥蝦餃皇蝦餃皮薄餡多，蝦肉新鮮爽口。原隻蝦燒賣燒賣豬肉不會太多膏，肉鮮不腥，還有大大隻蝦肉。小鮮肉小籠包小籠包皮薄但一夾就穿，雖然裏面有很多湯汁，味道鮮甜有肉香，但大部份都漏走了。法式芝士鮮竹卷腐皮炸至香脆，再淋上芝士汁，味道特別又新穎。家鄉咸水角炸得外脆裏面軟糯，煙煙韌韌。

和朋友去元朗找吃的，今晚特地來試試升哥點心，是全日都有點心吃的地方，不用待放假飲早茶了。晚上想吃點心，不外乎想吃清淡一些，但又多款式的點心，滿足貪吃的願望。先來個籠仔馬蹄章魚肉餅蒸飯$37, 原來份量也不少，最初覺得37元比較貴，上桌就知道是比其他酒樓的盅頭飯大很多。味道很不錯，加了甜豉油，拌飯一流，章魚肉餅吃下有馬蹄的爽口和清甜味道，肉餅新鮮，章魚夠香，蒸飯軟綿綿的，非常好吃。招牌流沙包22元，上桌見到好有驚喜，好開心，因為有三個笑臉看著你，這個價錢吃多了一份歡欣。流沙包裏面熱騰騰的，奶黃不停流下，鹹蛋黃香味極濃，輕微甜味，和麵包的軟綿綿口感，真的不錯。升哥蝦餃王30元，一籠有四隻，份量與一般酒樓差不多，裏面並不是原隻大蝦，是切碎了的蝦仁混和蝦滑，口感比較軟綿綿，但蝦的香味還可以的。來到懷舊點心系列， 椰香黃金糕18元一籠有三片，賣相非常漂亮，見到黃金糕金黃發亮的外表，已經想一口吞下。味道是充滿椰香的，因為加了椰汁煮成， 用糯米做成，口感十分煙韌，香甜味道很吃得很開心。春蛋燒賣24元，一籠3粒，覺得火喉蒸過頭了，令燒賣皮比較軟淋淋。味道方面，豬肉新鮮，吃下還很有肉汁很鮮甜。鵪鶉蛋在燒

元朗升哥點心，係近年元朗比較突出既點心鋪，無論係傳統中式點心，定係注入新派意念既fusion菜都好出色，我同朋友係附近做完gym就會心郁郁想去食😂招牌流沙包$22勁可愛有emoji😍😏係包面，蛋黃流沙好正，呢個價真心超值，熱辣辣咁出爐大家食時小心，睇熱🤤別有洞天脆皮腸$35極好食，口感太豐富，同時間又脆又軟又有粟米既甘香，再配上脆口網油，不得了😋和風千島醬薄餅$36有少少似日式大板燒，千島醬同蔬菜真係永遠既絕配，中式點心餐廳度可以食到係幾新奇～XO醬菜苗餃$28透明既菜苗餃入面仲有蝦肉，配上惹味xo醬🤤西洋菜南北杏燉豬肺$30料好足，而且豬肺係比較難打理既食材，一點腥味都無👍🏻利賓納蘆薈水晶果凍$18靚到唔捨得破壞，我地逐層花瓣食，有蘆薈感覺更清新，亦唔會太甜👍🏻

而家愈來愈多呢d専買點心既專門店，比起酒樓細好多，但又方便好多，因為呢度鋪頭開到零晨1點，所以由朝到晚想飲茶嘆點心來呢度就可以牆身仲有個"夏日推介"俾大家選擇見到點心紙竟然有燉湯，叫左呢個蟲草花淮山杞子燉雞腳湯飲下先，好足料，仲熱辣辣另外點左蜜汁叉燒腸粉，小鮮肉小籠包，潮州蒸粉果，家鄉蒸蘿蔔糕，山竹牛肉球，翡翠墨魚滑燒賣，升哥蝦餃皇呢度各款既皮都做得幾岀色，好夠薄，唔會好厚，蝦餃非常彈牙，燒賣用左墨魚滑又岀奇甘夾，蘿蔔糕真係有一條條粗條蘿蔔條係入面，唔係剩係得粉！感覺上各款點心都偏好！員工又有禮貌，下次會再來幫襯

有時情侶兩個出外想食點心，去茶樓比較尷尬，每次都被迫打消念頭，經過今次食昇哥點心， 我地兩個下次想飲茶就有新路數。今日同男友探朋友前經過呢間主打點心既餐廳，入面坐滿客人， 咁岩想飲茶， 就入去食埋個晏。兩點幾一入門口， 店內人頭湧湧， 坐滿九成，但老闆娘都馬上為我地安排好位置， 姐姐都好快問我地咩茶底， 我地揀左香片，轉個頭就送到。餐牌菜式價錢相宜， 甚至比酒樓平少少。比較特別嘅係，餐廳除咗傳統中式點心，仲有啲新派fusion小食， 力求創新既我哋揀咗叉燒腸，蝦餃王，蔗糖馬拉糕，籠仔馬蹄章魚肉餅飯，翡翠墨魚釀燒賣， 燒汁墨魚釀茄子。一黎係籠仔馬蹄章魚肉餅飯，用荷葉包住， 本身以為珍珠雞嘅份量咁大，點知原來係大左成倍， $40都唔使。肉餅成吋厚， 肉餅既厚實配上馬蹄既爽口， 加上章魚既香味， 兩個都食得津津有味。比起肉餅，我更加鍾意佢嘅飯，絲苗米先做到粒粒分明，仲有少少硬性， 唔會煮得太淋， 配埋蒸飯鼓油， 呢樣先係蒸飯既精髓。然後就到叉燒腸粉，腸粉夠滑夠薄，叉燒餡夠料， 冇幾秒就食哂。蝦餃都ok.再黎燒汁墨魚滑配茄子， 呢道菜比較和風， 燒汁既甜味， 更加能提升茄子鮮味， 木魚絲同燒汁

元朗最近新開了一家點心店-升哥點心。早幾天晚餐的時候，就找了媽媽和我一同前來嘗鮮。 餐廳店面不大，只有數張餐桌，所以人多的時候難免需要等位。幸好當天下大雨，所以不算多人，我們不用等位便可以内進。點心款式也挺多，除了傳統的港式點心外，還有一些比較少見且創新的點心。我們一口氣點了好幾款點心試試看。升哥蝦餃皇。蝦餃應該算是我在所有點心當中最喜歡的一款了。這裏的蝦餃也很有水準。蝦餃皮不會太厚，而裏面的餡料很足，彈牙的蝦膠，鮮味十足。沙爹金錢肚。沙爹味道濃，金錢肚很彈牙，調味也不會太鹹，十分惹味。別有洞天脆皮腸。看到這款創意腸粉覺得十分特別，便點了一試，果然有驚喜！腸粉包裹著各種材料，包括炸過的脆脆、蝦膠、粟米、蟹子等等，十分豐富。特別喜歡脆脆的口感，和滑溜的腸粉產生對比。西紅柿春捲。春捲吃得多，但裏面包裹著番茄的卻十分少見。這個配搭新穎得來又很夾，酸甜的番茄又可減低春捲的油膩感。天鵝鳳梨酥。造型很吸睛的鳳梨酥，天鵝造型讓人有點捨不得吃呢。鳳梨酥炸得酥脆，裏面的餡料真的有點像平時臺灣鳳梨酥的餡料，不過如果可以酸一點會更好。

好耐冇食過點心，今晚心血來潮同朋友2個人去左元朗幾出名既升哥點心，試一試佢！ 間店好細間，大概坐20人左右就好滿，咁岩去到有2個位，唔洗等位就有得食啦。我地點左每位香港人都必點既蝦餃燒賣，同流沙包，仲有黃金糕等等。我個人非常推薦流沙包，個包有表情勁可愛，一打開啲奶黃係爆出黎，熱辣辣超好味。另外，我地仲試左二款特色點心，別有洞天脆皮腸，佢個樣完全打破左我對腸粉既印象，入面包左肉，同一層脆皮，咬落去口感好豐富。最後就係和風千島醬薄餅，其實係有啲似日本嘅大阪燒，入面有粟米蟹柳，面頭滿滿既千島醬好邪惡啊！

之前在Facebook的食在元朗有谷友話呢間好好食，尋晚和閨蜜就入去食食食~~~燉湯感覺係幾好飲，始終我個人鍾意飲湯~~流沙紫薯煎堆，味道係好食，但中間水汪汪，要食真係要小心，因為真係熱辣辣~~~馬拉糕係唔錯，喜歡食野唔太甜的就剛好~~~棉花雞中規中矩，d雞肉幾好食~~~牛栢葉口感彈牙又入味~~~新出的魚肉燒賣外表幾得意，食落去又幾好食~~~整體感覺係唔錯~~~不過當晚發生咗件怪事，有個大叔行咗入去開埋茶位，講講吓電話就走咗出去就冇返來，感覺個阿叔係玩野多d~~~

想飲茶吃點心不一定要去茶樓～這天我們發掘到一間穩世點心店，食物/服務水準都是有驚喜的......這間位於元朗的「升哥點心」，(應該是新開的餐廳)位置近元朗YOHO，十分方便。在門外看到餐廳要排隊，因為是新店關係，店內位置也不大，但坐落都是舒服的。入面環境都不錯，冷氣都夠，而且有廁所，想坐多久就多久，不會有人吹你走。除非有很多人排隊～食物就只有你們看到的這麼多而已(笑)還有些夏日推介的特別點心!雖然選擇不多，但食物質素樣樣高水準！沒有誇張，簡直都超乎我們的想像了~你們看到後面就知道了~我們點得都算多，總共吃了$185,五個點心，一籠飯(現在回想，這兩個人到底有多餓•_•v)一坐下我們點了兩款特別茶---「蕎麥茶」「菊花茶」（另加$10）這是通常飲茶都不會點的茶，有點外國風味，幾特別，試下無妨～不過當然會有普洱，鐵觀音等等的傳統茶。這兩種茶，我比較喜歡蕎麥茶，因為很多的點心都是多油的，蕎麥茶可解油膩，而菊花茶就滋潤一點的感覺。食物方面，我們覺得點心水準都高。1.燒賣★★★★★燒賣雖然沒有特別大粒，是正常吃到的size，有原隻鮮蝦，裡面豬肉實心，不會鬆散，肉汁鮮嫩（咬下去真的有肉汁)，皮薄餡

有時收工真係攰到無力煮飯 就會上網搵附近美食或者新餐廳今晚搵到鳳琴街可以飲夜茶就同老公食下點心全部即叫即蒸 上檯時新鮮滾熱辣茶芥每位$8 我地總共叫咗七碟 其中有啲係創意點心西紅柚春卷($24) 外層炸至金黃色 內藏蝦肉 沙律菜及主角西紅柚 西紅柚酸酸甜甜 引得人胃口大開 整體香而不油紫薯流心球($28) 三粒紫色波波非常可愛 香脆結實由紫薯糯米製成 咬開係蜂湧而出流心奶黃 別有洞天脆皮腸($35) 腸粉晶瑩通透 翠綠中帶點紅 鮮橙蟹籽作點綴 夾雜香茜散發獨有香氣 入口外軟內脆XO醬菜苗餃($28) 爽口豆苗加上彈牙鮮蝦配以XO醬豐富味道 呢款係我最愛升哥蝦餃皇($30) 皮薄餡靚 煙韌粉皮給合大大隻爽脆鮮蝦點埋辣椒油更突顯蝦肉嘅鮮甜 家鄉蒸蘿蔔糕($18) 真材實料 有齊臘腸粒及蘿蔔條軟腍香滑 雖然份量多 但食晒都唔會覺得滯 籠仔馬蹄章魚肉餅飯($37) 兩個人食真係啱啱好以荷葉墊底蒸 飯粒帶有荷花香 章魚肉餅有嚼勁落埋甜豉油 隨時食晒成籠都無問題 呢間點心比我感覺好食得黎又好有誠意 以後想食點心又多一個好選擇

別有洞天脆皮腸， 腸粉非常滑溜，裏面包住綠色嘅係炸得香脆嘅網卷，加埋面頭卜卜嘅蟹籽，口感良好。西紅柚春卷，升哥嘅春卷竟然用上咗蕃茄入饌，味道確實令人耳目一新，春卷炸得香脆而唔多油，內餡除咗蕃茄之外仲有椰菜同埋鮮蝦，初時仲以為椰菜個感覺會好下欄，但係食落鮮蝦嘅爽口彈牙同埋椰菜嘅爽脆口感又好夾喎。小鮮肉小籠包，鮮肉小籠包未食已經透過薄薄嘅外皮見到裏面豐富嘅湯汁，咬開一小口，裏面嘅湯汁真係超多，要啜四五啖先至啜得哂，我會選呢個小籠包為今晚之最。北海道芥末蟹鉗，炸蟹鉗去飲就食得多，有芥末味道嘅蟹鉗就真係第一次試，蟹鉗真材實料，輕輕有少少芥末味道，好有fusion嘅意味。鐵板叉燒包，嗌呢個叉燒包係因為俾隔離枱嗰個吸引住所以我哋先嗌嘅，叉燒包一上枱，鐵板上嘅香氣叫人食指大動，包皮散發著微微嘅焦香，同傳統嘅叉燒包又唔同食法。蟲草花棉花雞，今日我專係瞄住啲非傳統嘅點心嚟， 呢一個棉花雞都可算話係最傳統㗎喇，魚肚索盡雞汁嘅精華，喺傳統嘅棉花雞上面仲有為數不少嘅蟲草花，盡見傳統中嘅不平凡。法式芝士鮮竹卷，平時茶樓食到嘅鮮竹卷都係炸完再再沐浴喺湯入面，呢度嘅法式芝士鮮竹卷新鮮炸起之後就直接喺面頭淋上芝士汁，