古早味休閒台灣 (已結業)

早前朋友們想食台灣小菜，又想坐低傾下計，就試咗呢間位於旺角樓上鋪嘅台式小店。  酥炸鹽酥雞 鹽酥雞唔算太大粒，酥軟但鹹香不足，雞肉質感唔夠嫩滑。 宜蘭蔥餡餅頗有台灣風味，餡料份量適中。蔥香味足，略嫌油膩。滷肉飯滷肉唔會過肥，整體入味。 古早味牛肉麵牛肉稔軟度及湯底有改善空間，麵條韌度彈性不俗。蚵仔煎 蚵仔粒粒分明，融合煎餅底更添蛋香。伴上蕃茄醬，酸甜開胃。 台式滷水拼盤一共有3款：雞翼 豬肚 豬耳，滷水稍嫌太鹹，豬肚入口軟韌。手工綜合芋圓芋圓煙韌，但餘香不足。刨冰消暑一流，配上涼粉及紅豆，甜潤清涼。 

angel星期日經過旺角，本來想食通記牛丸，誰知關了門，真係好可惜，不過塞翁失馬焉知非福，正因如此我發現旁邊有間台灣風格的餐廳。又係時候angel 出動試下🏃🏻‍♀️🏃🏻‍♀️🏃🏻‍♀️我們點了古早味牛肉麵、黑糖薑母雞翼、隻色台灣香腸、鳳梨薄荷梳打小冰。真幸運👍🏻我們點每一樣餸味道都不錯👍🏻，比較出色的事古早味牛肉麵，麵條滑，囗感適中，不會太硬，黑糖薑母雞翼都特別，外邊比較少見小小甜有少少薑的香，也不會太辣，不錯👍🏻

係OpenRice 見到咁多人like，自己都幾鐘意食台式野，有小小期望，就叫左朋友陪我試下。晚上七點鐘左右都不算太多人，一去到就有位。睇一睇menu，啲餸都偏貴，七八十蚊。但香港地，咩都貴架喇，都算可以接受。但啲餸黎到之後我就覺得好唔值，味道唔好，又細碟，唔明白點解咁多正評？呢個海鮮粉絲煲，首先得一隻男性手掌咁大既煲，份量好小，繼而得兩隻蝦同兩粒魷魚，啲粉絲唔彈牙，完全係失敗之作。無諗過呢個菜竟然係最好食，但係都係無蒜香味，又炒得唔夠林，佢好味只係因為菜本身夠好食，並唔係煮得好食。花雕雞都可算係經典，完全無花雕味。雞有十令舊，但好細舊，又係勁細碟，最神奇既地方係啲雞完全無味架！明明啲汁咁濃，但啲雞一啲都唔入味，雞又無雞味，大為失望。呢個仲得一驚，副圖同碟野完全唔同樣既？我真心以為黎錯，突登問多次侍應呢碟咩黎？又係得兩粒細魷魚同兩隻蝦，啲蝦仲要係苺架！救命，呢一碟真係好驚嚇最後我懷疑我地唔識叫，人地都係叫麵食多，都有人叫餸既，但都係叫鹽酥個啲。唯有怨自己無做足功課。

餐廳就腳，裝修別緻，有好多顏色鮮豔的壁畫，像台灣的景店，環境上很用心，坐位有塊大玻璃，可以看看旺角的街景，幾舒服。這家台式餐廳經常去幫襯，因為它的宜蘭蔥餡餅實在太好吃，皮薄又煎到很脆，餡料的汁咬開時會流出來，超美味，但要留意不要一上桌立即吃，不然會燙到嘴。椒鹽炸豆腐製作需要點時間，是值的的，豆腐很軟很滑，每顆都好大粒，炸皮很脆而且不會太厚粉，椒鹽味香口，會讓人忍不住一值吃。雜錦炒麵是辣的，麵條沒有糊掉，口感不錯。

剛剛去完台北幾日，又已經想念台灣菜❤︎試一試呢間台式樓上舖，正正位於旺角鬧區，好方便〜同行友人不太餓，我地兩個人點咗3個菜share。前菜涼拌黃瓜，落咗少少胡椒粉，但味道偏淡，普通咗啲；古早味牛肉麵，麵條超大好彈牙，牛肉激厚又煮得軟腍，而且量超多，十分足料，$65一碗仲點咗個小炒，九層塔炒螺肉，份量比想像中細咗啲，但味道好香、好夠鑊氣，螺肉新鮮彈牙，送飯一流當然少不了珍珠奶茶，呢到啲珍珠偏軟偏小，但味道正常水準。最後仲要咗個綜合芋圓，可惜忘記拍照，紅綠豆仙草珍珠樣樣都有，味道非常出色

台灣的本土文化和風族都有其特式, 香港人總愛配合潮流, 今次跟朋友去旺角 古早味休閒台灣, 嚐試台灣傳統風味午餐.  餐廳離地鐵站不遠,  食堂在一樓.   踏上梯級, 先被那牆身手繪畫吸引.飲杯茶, 逛逛西門紅樓,故事開始得好休閒.....................餐廳地方大, 佔據了整個一樓, 由於大廈位置是街角, 從窗外可以看見亞皆老街及通菜街街景, 絕不侷促. 有大型水吧,梳化座位.每餐桌上放有一瓶白開水, 抽櫃內餐具齊備.  方便整齊.午餐, 我們點了 精選麵類,  每人一款, 大家 share.套餐可以用半價追加小食,  大家慢慢點,  必選追加優惠 !! 午餐 精選麵類, 包飲品 ($18- 以下計),我喜歡 桂花烏龍茶 (凍) . 朋友 選  茉莉綠茶(凍)  今日天氣熱, 飲品夠凍, 解渴消暑.  花茶帶點花香解膩. 第一個追加小食送到, 宜蘭蔥餡餅 , 一碟四個, 熱辣辣的 !!  內餡滿滿....有韭菜和碎豬肉,  煎得香口,  中心肉汁比較燙,  小心慢慢食.第二個追加小食又到,  鹽酥豆腐 , 這是店員推介.  豆腐外皮炸得脆口惹味, 內裡偏滑. 真滿意

星期六係旺角做facial 前去食個lunch, 一落車禁岩有姐姐派lunch menu 傳單。就二話不說食衣間係女人街頭接到傳單行幾步就到留下有凍飲櫃外賣沿路上一樓壁畫勁靚Lunch都幾多人，但都唔需要搭枱滷肉便當$58 附送有魚蛋既魚蛋湯，細細粒，都幾彈牙便當份量只適合一人前，酸瓜，豆腐乾，酸菜，青瓜，娃娃菜，雲耳，半隻蛋，加滷肉飯勁多配菜，每啖飯都可以配唔同款式既配菜滷肉同汁足夠撈暈整個飯滷肉整到好淋，好入味鳯梨薄菏流打+$8薄菏係用薄菏葉，鳯梨汁有小小甜但勝左夠凍，解渴同消暑

經過旺角突然之間好想食正宗紅燒牛肉麵！ 見佢好似做到好正宗咁，就同老婆想去試一試！坐低叫咗兩個紅燒牛肉麵，唔係我講錯咗間嘢懶係正宗咁個名叫做「古早味牛肉麵」，然後再叫咗兩個小食一個係雞翼一個係鹽酥雞！ 個雞翼勁難食！ 似係六熟咗嘅雞翼上邊加啲醬！ 鹽酥雞都係一樣好難食，唯一叫做「正宗」嘅就係有炸過。然後主角上枱！ 是不是啖湯先，湯底淡而無味！ 咁就同自己講可能我食得濃味姐，咁就唯有試吓舊牛肉！ 又乾又硬又冇味！ 我只可以講！讚好嘅可能都從來未食過正宗台灣野！ 甚至乎未食過好嘢食！ 你請我都肯定唔會行上去

今晚同男朋友出嚟睇復聯4，睇之前緊係要食個晚餐補充下戰力先可以陪住啲英雄三粒鐘啦。之前行過女人街見到佢二樓嘅廣告都已經好想試，加埋見佢有咁多讚，好奇心驅使下好想知到底有幾好食。嚟到附近，有姐姐係咁派傳單同招人入去食。我就諗可能地方太隔涉，老闆驚人搵唔到所以俾錢請多個姐姐招人姐。入到餐廳，客人唔多，地方都昏昏暗暗咁，職員對客人又愛理不理，冇乜精神咁。男朋友就話「好似伏伏地喎，真係好食點會晚餐時段都咁靜局呀？宜家先7點咋喎。」既然上到嚟，就試下啦！打開餐牌，啲嘢食唔平個喎，啲飯平均都60-70蚊，唔包飲品，乜都冇。咁見佢有個飯幾特別，叫農家蓋飯，乜都有啲，緊係嗌嚟試下啦。肉燥係幾好食嘅，唔單係瘦肉，仲有用到連皮五花腩。滷水蛋冇乜味，蛋黃唔夠香。鹽蘇雞唔知翻炸左幾多次，好un咬唔開。隻蝦都算新鮮，雖然冇話新鮮到有鮮甜味，但起碼啲肉冇霉，不過係白烚嘅冇乜味。而男朋友就最保險地嗌左個雞扒肉燥飯。啲雞都係炸得太老，有啲乾，但炸粉唔算好厚，還可以。最後都嗌左款小食，成日見試網有食譜教整醉雞卷，今日終有機會試。可能台式同粵式或試海菜館醉雞整法同落嘅酒唔同，我唔太識欣賞。我覺得唔夠咸同只食到啲酒嘅苦味，

我係5.2夜晚去食既。［唔係最忙既時間，係空閑時間］我去之前我有兩位朋友上去先。啲服務員就因為我兩位朋友講普通話冷笑佢地［黑人問好？？？］特別係幾個女既服務員聚埋一堆冷笑，其中一位朋友想叫人轉台，嗰幾個服務員全部企係度傾計無視客人。仲因為我朋友話等埋我上黎先落單你地就畀佢地面色睇，喂大佬，你地又唔係繁忙時間，阻住你地做生意？？我上去嗰陣，成間餐廳都冇超過三台客🤷🏻‍♀️，你地反咩白眼？？？你間餐廳派人係樓下攬客，難得有生意就咁既態度，唔怪之得冇客啦！食物更加唔洗講，味道極其難食，呢一間絕對係我食過最難食既台灣菜同埋你地啲服務員質素真係低

同朋友喺旺角，發現原來旺角都有一間古早味，之前喺銅鑼灣嗰間食過之後有啲念念不忘，既然附近就有梗係去多次食返上次冇食既野啦我地好早去到，六點幾左右，啲人仲未放晒工，所以仲有啲位。好彩我哋去得早，大約七點半左右已經坐滿晒人。呢間鋪頭地方幾大下，都算坐得舒服。開頭梗係食啲開胃小菜先，首先係青瓜，你會見到有一點點黑色，嗰啲係胡椒或者黑椒。我覺得呢個青瓜幾麻辣，如果唔係太食得辣嘅朋友仔唔好叫呢個。食得辣嘅人會覺得幾香幾好食幾入味。我哋咩都想試，所以叫咗個滷水拼盤，有滷水蛋，雞翼同埋豬肚。個滷水好香，雞翼唔會啲肉鞋晒，好驚d煮左好耐既雞翼，豬肚軟林林啱啱好呢個花枝蝦餅上一次我都有叫到，太好食所以今次再叫多次。同上次一樣熱辣辣外層趣卜卜入邊好彈口，你會見到一粒粒花枝/蝦仁響度，證明好足料。必食！！宜蘭蔥餅，呢個餅唔算太油，入邊啲蔥林晒好香，唔會有蔥嘅草青味，仲有少少肉碎柯仔煎，食台灣野梗係要食呢個，呢份柯仔煎有好多柯仔，基本上食每一啖都有一粒，唔會太油，餅有咬口因爲木薯粉，最重要係嗰醬甜甜地好好食。醬食咗咁多小食梗係要一個主食，我哋叫咗雞絲飯，一上枱嘩雞絲鋪晒面咁，好似好豐富，睇吓到底入邊係咩樣先雞

今天和朋友到旺角逛街，經過女人街就給這一間台灣餐廳吸引了，因為我的牛肉麵癮起😆座位要上一層樓梯，被安排坐在梳化位，枱與枱之間空間十足，不會很迫餐牌內食物的選擇都算多，我和朋友點了一個牛三寶麵和三個小食古早味牛三寶麵 - 牛三寶即是牛展，牛肚和牛筋。只看賣相就知道湯底很濃，牛三寶都炆得非常入味也很焾，十分高質宜蘭蔥餡餅 - 熱辣辣的小餡餅，內有韭菜和豬肉碎，十分香口蚵仔煎 - 台灣菜必點的食物，新鮮的蚵仔沒有沙，配上薯粉炒蛋十分煙韌炸地瓜丸 - 炸得十分香脆，內裡如糯米糍一樣煙韌，真是外脆內軟這間台式餐廳食物質素非常好，而且價錢合理，下次可以再光顧！

今次去尖沙咀，見到個名……古早味，諗下係咪可以食到傳統台灣風味呢，於是就呢間啦。地方算大 ，好似個小迷宮，但枱與枱之間有点迫。奇怪。我点了滷肉飯、嘉義雞絲飯， 分別都跟3個小食、1個湯、1杯$18以下嘅飲品。3個小食同餐牌張相，分別非常大，很失望，比手指尾還細的半棵西蘭花，幾片冇味青瓜，一粒不知什麼餡的炸丸子。只有西洋菜湯正常。滷肉飯有半隻鹵水蛋，2片黃瓜，台灣滷肉飯畀我嘅感覺係惹味，肉汁令我好想撈飯食，但係古早味嘅滷肉飯就冇咁嘅感覺😥滷肉味道正常，但分量少，不足以撈飯， 食到一半好似食白飯😥完來朋友嘅嘉義雞絲飯重差，小食係一樣嘅，冇味雞絲配上有点硬嘅飯，最後都放棄食唔晒。好彩還有杯珍珠奶茶，一般水準，但珍珠多少少就好啦。雖然小食有点失望，主菜一般，但每人平均$65，有飯、湯、飲品，價錢也可接受。但尖沙咀可以有很多其他選擇。

是晚拍拖去麥花臣睇周國賢演唱會，所以收工之後就快快脆係附近食個晚飯，男朋友就揀左食台灣野，search openrice睇呢間古早味都幾多好評喎，一於去try try啦。古早味牛肉牛筋麵牛肉牛筋份量都算幾多，燘得好淋好入味，寬條麵口感似手打烏龍麵咁，有咬口！古早味湯底係甜版的紅燒牛肉麵湯底，個人就覺得味道一般般。涼拌蘆筍嫩蘆筍配上芝麻醬，簡簡單單，開胃小菜。五味雞睇menu見到有個菜叫五味雞，好奇之下叫左泥食，點知中哂伏！初頭諗五味雞ge味道係點ge呢？原來係一碟冇味ge雞，配5種醬料，其中中間ge wasabi味真係好難食，完全唔match，諗起都想嘔！養生雞湯2人份量大大碗的養生雞湯，用料十足，不過唔知係米個湯落得太多蒜頭和人參，入口偏苦，唔係個個都岩飲，我就覺得可以接受，感覺真係好養生，但男朋友就表示太苦，飲左幾啖就放棄。呢到係要收加一服務費，但就感覺員工服務態度比較懶散，有待改善啦。

曾經有幾年時間生活係台灣所以有時候都會係香港搵台灣餐廳回味下呢間晚市都唔少人排隊等左一陣就可以上樓食飯啦樓梯間牆壁都有台灣色彩既插畫，幾靚1. 嘉義雞肉飯 $50雞肉絲算多，有少少鞋，多汁2. 古早味牛肉麵 $60麵條粗身但偏硬，並非爽口彈牙肉質一般，唔係食落去香甜嫩滑不過配料有紅蘿蔔、蕃茄、菜，加分兩者份量其實都唔算好大份可能要再加點其他野食先夠飽總括黎講同台灣古早味的味道完全不一樣感覺只係填充一下溫飽既一餐飯