古月

营业中

休息中

一個人在北角漫無目的行下，看到一間名字叫古月的食店，看門口介紹是新加坡菜，就行入去試一試。我5點9入座，時間尚早一個客人都沒有。店內環境舒適，屬於小店，四十幾個位左右，牆上貼有明星食客相片，店內牆身壁畫設計特別。我坐低先知道是米芝連推介。看看餐牌，我就點了椰漿飯和三色奶茶。美中不足是餐牌比較舊，是殘舊還是懷舊？在這麼美的環境，有一點點影響觀感。椰漿飯有兩隻雞鎚一隻雞翼，一堆花生，一堆魚仔乾（偏咸），耶漿飯果然好有耶香味米飯乾濕度適中，炸雞入味。另外叫的＄30的三色奶茶，一入口充滿耶糖香味，味偏甜但幾好飲。店鋪貼上聘請聽障人士工作，支持聽障人士就業，我非常欣賞，真心想店鋪進步，想分享一段少少插曲。我問侍應枱面上的那＂貌似豆豉的醬＂𥚃面是什麼？用什麼製成的？他支吾以對，最後沒有答案，他靜靜走開。服務員認知不夠全面，如果是祕方不能説，下次直接告訴我就行了，告訴我辣還是不辣都好吧，看上去真的係像豆鼓，心想豆鼓不是要蒸的嗎？自己諗完都笑出來。得不到答案，就試吃了一點，原來那是辣椒醬，辣味很重，口味獨特。整體環境優美，食物好吃，會再支持。

想起新加坡菜式，除時肉骨茶、蝦面、叻沙外，便會想起雞飯。今天午飯時間來到北角這間以新加坡菜式為主的餐廳。先點了一客古月雞飯和一杯三色奶茶。三色奶茶賣相有噱頭，把奶和茶拌勻後，整體味道偏甜但茶味還算有。古月雞飯的雞十分嫩滑，咬下更有肉汁流出來，醬汁的味道合適，調味之餘更不會遮蓋了雞肉的味道。香飯上的乾蔥頭更令飯的口感提升。午飯時段人流較多，等候時間大約為15-20分鐘。如想避開人流，或許要早一點到店外排隊等候。

I was here for a quick dinner and ordered the recommended chicken rice (古滑雞飯).The chicken was really delicious and has a reasonable price as well. The sauce is special and fresh, which increases people’s appetite.In overall, I had a great experience having dinner here (though it was just a quick one) and I’ll definitely come here again with friends!

日日係北角返工基本上覺得LUNCH要食既鋪頭都食晒唔食個啲都應該唔會去所以已經要重覆返之前食過既鋪頭啦今次重返古月再食多次呢到既LUNCH古月係米芝連推介但同事話覺得唔好食而我就覺得一般般啦餐牌都設計得幾靚圖片精美餐單上既設計都靚既睇得舒服古滑雞飯點咗個古滑雞飯$48 一個碟頭飯價錢都算合理既個雞其實我都覺得幾好汁就麻麻地可能岩我口味啦份量都幾大碟既可能因為個飯比較多整體感覺OK環境其實唔算迫 但都唔算坐得舒服叫做不過不失所以都好耐先再食第二次其實

常來這兒吃，古滑雞飯、椰漿飯、蝦麵等都吃過，水準不俗。今日吃午餐，點了辣椒板麵和冰梅橄欖汁，美味。辣椒板麵味道層次豐富，肉碎滋味，辣椒醬混合魚乾配麵，口感一流。吃了個碗底朝天。附送的魚蛋好吃彈牙，有魚香，但湯如白開水，我也沒加進麵裡去拌。過往來吃都遇不上午飯時間，飲品頗貴，所以沒點。今次有午飯套餐，就試了一直想喝的橄欖汁。非常好喝。我很喜歡這種微微酸香的滋味。滷麵是上次吃的，也拍了下來。很香，足料，麵是油麵，與辣椒板麵的白色麵條不一樣。咖喱麵似乎也很受歡迎，但我還沒試過。服務很好，午飯時段很擠，但還算舒適。

自從年頭從新加坡工幹回來，都一直懷念馬拉菜色，特別係椰漿飯，真係想再食。 如此，又係openrice既時候喇喇喇~ 今次揀左間喺北角書局街最入果條食街既餐廳，望到門面都幾靚，典型小店，而且價錢5算離地，所以廢話不多說，即入去試下。先講裝修，佢店內座位不多，但每張枱都有足夠空間，5會覺逼，幾好; 重有一d擺設仔丫、壁畫及古老風既燈飾，燈光柔和，配以木系主題，都幾舒適。食物方面，由於係星期六，所以佢無左set lunch，如果5係加2蚊就有杯新加坡奶茶喇!!!!!! 窮人既我最後單叫左個椰漿飯，配清水xd。 等左一陣，野食黎到，講真賣相好好，好豐富，有花生魚乾、香炸雞翼三隻、半隻蛋、青瓜片、椰漿飯同特色辣醬(同我喺新加坡食既一樣味，xdxd），只看份量都好夠。 味道方面，個飯真係一流，真係好有椰漿香味，真材實料，讚! 其他配菜味道5錯，整體有新加坡風味，很喜歡(特別係辣醬同飯）。整體黎講，我好鍾意呢間餐廳既食物同環境，下次有機會閒日試下個set，飲埋佢杯奶茶先，聽講好正。

走到北角的小巷，這裡林立了幾間餐館。這次被這間米芝蓮推介的星馬餐廳吸引了。餐廳的環境裝潢有獨特風格，牆身畫上了幾個塗鴉，而鋪面不算太大，幸好這天六點左右來到，不用等位。這次試了他們家幾款推介的食品。👉🏿招牌辣椒板麵 ($48)伴麵的賣相很好，配料整齊地鋪滿了，有溫泉蛋﹑蔥﹑乾蒜粒﹑肉碎﹑小魚乾蝦乾﹑菜甫等材料，將所有材料拌勻便可以開動。起初未嘗過這樣的伴麵，還以為只有伴麵沒有其他主菜可能會很單調，但試了一口，發現魚乾蝦乾咸香味濃，加上少少的秘製辣椒醬已經超級惹味，麵條的軟硬度亦適中。由於單吃魚乾的味道稍為偏咸，所以吃完麵後還有很多剩下。👉🏿椰香雞🐔 ($58)香茅椰汁配上香酥脆皮雞，椰汁伴飯吃一流，配合青瓜絲，感覺清新。雖然脆皮雞浸在椰汁中，也能保留脆脆的口感。👉🏿班蘭拉茶 Teh Tarik ($20)拉茶上面加了班蘭粉，表面有薄薄的焦糖脆感，拉茶味道不錯，但班蘭味欠奉。👉🏿三色奶茶 ($30)用上了椰糖漿﹑花奶及紅茶，形成了三層顔色，賣相相當不錯，打卡之選✌🏿茶味挺香的，但起初味道偏甜，待冰稍為溶化後，飲用更佳～🌟起初是路過抱著可以一試的心態，發現餐廳食物有特色有創意，很有驚喜，是

又到食星馬菜o既季節,有一日睇到介紹覺得唔錯就黎試一試。有創意的設計牆上的公仔好簡單帶出星馬關係,好有個人特色。用吊扇好有馬拉feel。有好多明星相,莫非係星食店?這杯雪梨乾柑桔蜜,雪梨乾和柑桔味道係分開,起初我飲唔到有雪梨味,當我用spoon"筆"下個底,我見到有1片1片雪梨,試左一塊覺得好好食,因雪梨係曬成乾片,然後加水沖。可惜雪梨乾溝柑桔,俾柑桔蓋唒味。肉骨茶既非藥材湯,也非胡椒湯。胡椒味唔重,但入口後喉嚨會有少少辣,但食後唔會覺得唔舒服。肉炆得好軟滑,但只有兩小片油炸鬼唔夠,而且油炸鬼唔脆唔新鮮,過左氣。蝦麵有好多料,魚片、豆卜、魚丸、蝦、叉燒,可選蝦麵、米粉、(轉滲滲 +$2)。我當然選滲滲,湯底好濃,除左叉燒,其他材料新鮮,特別係蝦,味好出配合辣醬好香。可惜份量真係太.......少.......心裹有個迷?點解叫古月?個名同星馬一D關係都冇......

服務幾好，細心。牆壁上有十幾張明星照片，多攝於2014年。Order左招牌古滑雞，如不沾醬汁的話，肉是無味的。豬耳幾爽，最好食青瓜。飯也不香，這碟填肚可以，米之肚就⋯古滑雞55分平價之選，不能要求。

心思思想飲佢嘅奶茶，所以今次又再黎幫襯🤪 上次食過招牌蝦麵覺得唔錯，懶試新嘢嘅我當然係encore!蝦麵材料豐富，有海蝦、叉燒、魚丸、肉丸、魚片同豆卜，啱晒貪心之餘又有選擇困難症嘅我。重點梗係三色奶茶，賣相有噱頭，搞勻之後味道偏甜但茶味足。

我們每逢星期日會到北角聚會，但此店星期日休息，只能望門輕嘆。今日需到北角辦一些事，立即想到去此店一試。  老闆應是很有主見的人，從店裹裝飾、餐單設計以至菜式煮法都滲出他的喜好，很高興在香港有這樣非傳統的餐館，還得到米芝蓮的認同，連續三年為美食推介餐廳。我們叫了招牌辣椒板麵、蝴蝶腩骨湯汁粉、韭菜及冰梅橄欖汁。 皮麵很濃味和辣，而相反湯很清淡，我想是老闆刻意作出一些平衝。蝴蝶腩骨肉腍入味，韭菜份量有很少，秘製醬油沒感覺很特別，若然份量多少少會更好。整體來說，這是一個很好的午餐體驗。您若去五星級酒店西餐廳體驗，或連鎖式餐館，體驗大多大冋小異，但此店別樹一格，讓您對香港還有創新的動力。

古月嘅大名其實聽過好耐，一直唔知餐廳嘅實際位置晚餐時間跟地圖行過來先知道北角呢條屈頭巷開咗咁多間餐廳遲下可以慢慢逐間逐間試勻佢6點幾就來到餐廳，時間尚早，所以完全唔使排隊就有枱餐廳嘅裝修都幾得意，一幅牆畫晒卡通畫，都幾可愛至於嗌啲乜，選擇困難症都唔使發作啦，一場來到朝聖，就試最出名嘅招牌菜式古滑雞飯同埋招牌辣椒板麵，再加多杯三色奶茶添～因為得我哋一枱客，兩個餐好快就到啦我食招牌辣椒板麵，男朋友食古滑雞飯招牌辣椒板麵會跟個魚丸湯賣相唔錯，配料多款，identify到嘅有菜脯、蔥、魚乾、蛋，其他都睇唔出係咩食材啦將配料撈埋個板麵一齊食味道淡口，整體上唔知咩味，配料嘅質地唔夾，有啲特別硬，食落好似食緊舊骨咁魚丸湯都係淡口，無乜魚丸味，唔鹹唔淡，非常失望問下男朋友個雞飯如何古滑雞飯賣相都幾好都好多件雞下雞皮唔太肥膩，雞肉嫩滑個汁鹹度適中，比起個板麵出色好多！值得推薦另外仲點咗個三色奶茶甜到爆炸！飲咗兩啖就放棄咗整體而言，我諗個米芝蓮係俾個雞飯嘅，其他野都麻麻地

當日因事到北角,故順道來米芝蓮推介食店。當日下午五點左右,大量座位。可以選擇下午茶套餐,選了藥膳肉骨茶、李先生咖喱及加15元轉青檸特飲。肉骨茶湯的藥味甚濃,排骨入味,隨湯附有整粒蒜頭,但質感太軟。辣椒豉油味道香濃,辣味十足。李先生咖喱值得推介,咖喱最初入口偏甜,但香料味道隨後而來;味道豐富。雞翼及薯仔均入味。青檸特飲,誠意之作。味道不太甜,有橙、青檸、熱情果汁及梳打水混合,即使冰塊漸溶,但味道沒有冲淡。

今日享北角進修，放飯差唔多1230約左朋友享附近食lunch。見錦屏街有幾間食肆，就入左呢間星馬餐廳試下。舖頭唔算好大但裝潢都幾有風格，連張餐墊都幾得意。先泥兩杯野飲。一杯係班蘭拉茶，另外一杯係咖啡。兩杯飲品都好香，但拉茶略為甜。友人揀左咖哩麵。整體冇咩特別，反而咖哩味好淡，加左辣椒醬都係唔夠入味。至於材料豆卜，魷魚丶蝦同鴨絲都係正常啦。我食蝦面。湯底飲唔出咩味但偏甜味同削，麵質感ok但有幾「注」痴埋一舊🤔。材料蝦丶魚片丶魚蛋丶豆卜都正常嘅。至於標誌米芝蓮推介又係米名過於實就真係見人見智。

🦐🍜蝦麵湯頭鮮甜濃郁，唔會太咸，加埋啲辣醬，微辣🌶，我幾乎飲晒個湯咁制。麵身有啲似沾麵，頗爽口彈牙。-🍵班蘭馬來拉茶包裝幾得意，用盒仔裝住杯拉茶。入口香滑，茶味都幾濃，但唔喺好覺有班蘭味。