古月

营业中

休息中

近來先發現北角有好多好嘢食，除左近期心頭好villa villa，仲有潮樂園。今次要避開呢兩間的誘惑來到呢度，都經過幾番爭扎，講緊嘅係villa villa隔離「古月」，主打新加坡菜，仲攞左米芝連推介。鋪頭同villa villa差不多大小，都係走小店路線，不過裝潢比較特別，有好大個牛奶盒，又有魚尾獅壁畫，幾有玩味。點餐後未上菜先上飲品三色奶茶（$30），三層分別係紅茶、花奶、椰糖，拌勻之後飲，茶味足，都幾香，雖然又有花奶又有椰糖，但唔算好甜，不過又唔稱得上好突出，只係賣相較特別而已。呢度招牌菜係辣椒板麵、肉骨茶等，不過見蝦麵（$78）係限量供應，就一於試下。材料係幾豐富嘅，有魚片、叉燒、豆卜、蝦、魚丸、肉丸。先飲啖湯，的確有點蝦的鮮味，不過放涼之後，就開始有少少類似腥味，又好似麵的鹼水味，想辟味的話，加點佢附送的辣醬拌勻會好d。麵類似油麵，冇咩特別，口感偏腍，唔鍾意的話可轉米粉。古滑雞飯（$48）個名融合左店名同「滑」的特質，都幾有心思，其實即係海南雞飯。選用無骨雞脾，啖啖肉，但又冇菜名講到咁滑，質感同味道只屬一般，還好墊底的汁甜甜地，增添食味。油飯偏乾，但又未至於冇味，注重健康的人

不嬲都超鍾意食肉骨茶，今日就黎試下依間都幾出名既肉骨茶。鋪面唔係好大，晚餐都好多人幫襯，黎得依度梗係食肉骨茶配白飯超鍾意重胡椒味，每碗都有一大舊蒜頭，骨頭好入味夠焾身，有新加坡食既水準另外我地叫左個招牌辣醬板麵配魚丸湯上面有蛋同炸過既魚乾仔，不過食落都幾辣，飲番啖魚丸湯解下辣，當然唔少得碟菜今次比較特別，叫左碟韮菜花，配特製醬油，好嫩食落唔會有渣，值得一試。其實佢有好多特別飲品，不過今次唔想飲凍野所以無叫，下次黎再試下其他

甚少去港島區覓食嘅我竟然發現到呢間高質嘅新加坡菜呢間名為古月嘅餐廳 裝修簡單食嘅野都係十分簡單不花巧我點左古滑雞飯 名夠特別 食落係？無骨上脾配油飯 雞肉十分嫩滑最驚喜係墊底的大腸 超入味勁好食！而男朋友點左李先生咖哩佢都食到讚不絕口🤗_________________________裝修環境：✨✨✨✨服務態度：✨✨✨✨食物質素：✨✨✨✨✨(5個✨為滿分)價錢：$48+58________________________唔信我嘅可以自己去試試😂地址：北角錦屏街後街29號A舖地下

呢一日我出街工作，去左北角。本來想食古月附近個間麵店的，但去到已經３點幾（休息中）；所以就入左古月食。老實講，我對個Ｄ幾多星幾多星的餐廳係完全唔信。佢拎左Ｄ咩野獎項我都唔識！我只係一個搵食的人，我不會有什麼大道理一埋話你知；我食左有咩感覺！我只會好直接的說出＂好食＂同＂唔好食＂兩個方向！今次呢間古月的食的咖哩雞飯好唔食？睇相啦！最後好辛苦的打左應該ＯＶＥＲ　８０個字了..............最後一句：有下次！

返工lunch time都要去搵下好野食。今日去試《米芝蓮》美食推介餐廳!古月店面面積細細，主打平民星加坡菜。鷄飯，肉骨茶呢啲係星加坡食得多，所以今次試下個Lunch set食個招牌辣椒板麵（$48）板麵賣相幾靚，麵條上整齊地舖有溫泉蛋﹑蔥粒﹑炸蒜粒同魚乾等等材料，不用加湯，撈勻食得！各樣配料出奇地配撘，令整個麵咸鮮味濃香辣，極之惹味。可能太過好味，顯得個麵份量少，我等大男人唔係好夠食。隨麵另附魚蛋湯解鹹解辣。米芝連推介餐廳果然唔錯，價錢親民，值得一試。

米芝連餐廳都食過唔少，沒想到竟然有米芝連是社企，我覺得值得大家學習地方，古月會聘請聽障人士，真是十分難得。係現在社會，我們很需要這種僱主，而且今晚我所見到的是十分感觸，所以寫人生第一次OpenRice !我不是什麼食家，只是覺得這裡有人情味，當然我覺得食物的味道也很不錯。古滑雞飯、鹵麵、三色奶茶、青檸特飲是我和朋友點了的食物，我們都是食不辣的人，飯的名字讓我感到很有趣，完來是配料的不同，讓客人有驚喜，今天的配料是鴨舌，雞批肉十分嫩滑配上油飯。鹵麵的五花腩，肉質鮮嫩，湯有小小甜，都十分容易入口，但我和朋友都不食鴨掌的。三色奶茶，茶十分濃，晚上不易多飲。我看見有兩位員工都有配帶名牌寫上「手語溝通」和「支持聽障就業」，而從落單過程中，你會感受到他們是給予支持聽障的同事，所以我很欣賞他們。

李先生咖哩，真材實料，辣度適中，加上青檸特飲，喜出望外，極力推薦古月，售價於同區相對較便宜，室內設計得非常特別，我最愛古月的裝修設計，其中一樣很吸引我會再去的原因是支持聽障人士工作，很欣賞。

平日午餐時間專誠到來用膳，就是為了看看車胎人的實力！內裏裝維一般，而且地面似乎黏黏的，差點絆倒沒打緊，味道好吃就滿足。因為看了menu上的縮圖，點了lunch set的蝦麵（$78），配搭加2元小小的一杯冰糖羅漢果冬瓜龍眼水。蝦麵十分失望，湯底的蝦味還好，淡淡的有少許辣味。配料都算豐富，蝦肉是霉的，豬肉丸魚片正常，豆卜是吸湯的首選，但可惜湯底本身已欠缺吸引力麵底是油麵條，口感還好，但份量太少，超級細食女子應該夠飽的。要讚的反而是冰糖羅漢果冬瓜龍眼水，甜度適中，夠哂透心涼 請告訴我那款好吃

北角果然係搵食好地方，有好多唔係連鎖式，而係地點唔近地鐵站嘅隱世小店，今次就同大家介紹一下呢間食星馬菜嘅餐廳-古月。點解會識呢間餐廳，係因應某天睇雜誌，郭少雲介紹呢間餐廳，而且有米芝蓮推介，咁吸引，於是決心試試。店鋪小小，無得訂座，勸大家早d黎，因為我平日去，六點九左右，先坐到最後一張四人枱，如果星期六日，應該要排隊。大家唔想等咁耐，就要早d去。餐牌嘅款式唔算多，見d人多數都係食個幾款，我當然都跟跟風啦，於是我地四人分別點左古月肉骨茶飯，古滑雞飯，喇沙，串燒，仲有三色奶茶。肉骨茶拍得住新加坡個d, 湯好香胡椒味，味濃帶點辣，而且肉淋，肉同骨一咬就分開，好好味，無哂湯仲可免費添加。古滑雞飯都唔錯，肉嫩，略嫌d雞唔多入味，可能忘記點佢另上嘅醬料。而且飯有太多汁，耐令d飯過濕，如果乾身d會好d。喇沙個麵唔係用米線,而係類似車仔麵嘅油麵，所以無咁易過軟身，呢個係我喜歡。料都幾足，有魷魚，豆卜，蝦，唔係得一兩粒個d。我覺得個湯唔會太椰奶味，所以唔會搶過湯本身鮮味，唯一一樣要彈係太辣，對於我黎講，可能我地成匙辣醬都mix左，如果唔太食得辣嘅朋友，請逐步加。串燒忘記影相，佢唔可以一半豬一半雞，一定要

除了店名特別，店舖牆身畫了特別的大頭公仔，使店舖望落更有趣。雖然餐牌上的食物種類不多，但反而令每一道菜的炮製心思更多，味道更佳。推介：辣椒伴麵。魚乾蝦乾咸香味濃，不用加太多醬料，麵條味道已經好好，略嫌少面，所以吃完面，還有三大湯匙的魚乾剩下。再加少少面，用剩低的魚乾撈面吃，就應該夠飽了。另有一個蝦面，不喜歡藥材味的朋友就不要選了。味道一般，不過不失。

第一次來到古月，一直都有聽聞是米芝連推介餐廳，今天有機會來到一試。決定食辣椒板麵，好像只有他們有的。對於這個麵我都有點好奇，有個湯是倒在一起食？我本身想倒湯落麵時，有個小姐叫停了我，她介紹你是可以分開食，因為個湯是用以解辣，我心想會很辣嗎？我聽她說先分開食，把麵攪勻，但可能碗在實在太小有點困難，要花時間攪勻！叫辣椒板麵，我覺得個辣椒係全碗麵靈魂，超極惹味，而且有一個好濃味炸魚仔，單食有點咸，但如果把麵和蔥夾在一起食，我覺得個麵值9分，而且越食越惹味，是停唔到手，可能因為從未食過如此配答的撈麵，最後我叫了熱咖啡，但如果怕甜應該要轉飲其他飲品，因為是偏甜的。最後飲埋個湯，清清淡淡，所以食完碗咁惹味麵，有這個湯解解都不錯。

以前在荃灣好像有一間分店，一直想試，可惜後來變了日式食店，無意中在openrice看到北角亦有一間,終有機會試試。最愛食椰漿飯（雖然推介的是無骨雞飯，辣椒面，咖喱飯，肉骨茶）,毫不猶豫就落order, 另外想飲奶茶（teh terik), 怎料沒有原味，只有班蘭/肉桂味，怪怪的。只好試班蘭。班蘭奶茶 - 奶茶上面加班蘭粉，阿茂整餅。星馬奶茶好飲的不多，整色整水，應該心裏有數。椰漿飯 - 靈魂是那伴碟上的參巴醬，可惜此店的醬只有鹹味，加些洋蔥同煮增加甜味相信會好得多。 配料之一炸雞翼有些南乳味不錯，不過全碟飯味道配合嫌單調。下次單獨叫雞翼食就好了。推介菜式有機會再試。

我經常性都需要到北角, 所以知道錦屏街是有些特色/小店在內, 一直都很想去試 "古月" , 剛好遷就到時間便與友人一併去試! 當天去的時候是下雨天, 店內地方不算很大, 所以也挺擠迫的, 而當時店裡已擠滿了客人, 好彩我們不用等, 到達一刻剛好有一個空枱給我們!店裡提供的食物選擇也不算很多, 我倆便選了店所推介的食物來試! 這碟古滑雞飯（$58）賣相有點像海南雞飯, 但有點不同的是, 雞肉下面是放有鹵水豬耳的, 味道不錯, 對我來說挺特別的! 雞的肉質鬆軟嫩滑, 油飯味道不太濃, 也不會感太油膩, 味道不會太鹹, 整體味道不錯的! 而另一款是招牌辣椒板麵 ($48) 賣相也可以, 裡面有溫泉蛋﹑蔥﹑乾蒜粒﹑肉碎﹑小魚乾﹑菜甫等材料, 將所有材料拌勻便可以吃! 不過這款板麵蠻辣的, 所以不太吃辣的朋友, 真的要想清楚才點, 唯份量偏少, 麵質略為偏軟身而不彈性, 感覺一般! 這款麵是跟有一碗湯的, 內有兩粒福州丸之類魚丸, 所以肉質不算彈牙是正常的, 而湯的味道有點像滾水湯般, 沒什麼味道, 所以整碗湯只喝了兩口便沒有喝了! 飲品點了三色奶茶 ($30) 賣相比一般所喝的奶茶是蠻吸

聽說北角横街充滿美食今日咁岩有機會去 explore 在北角地鐵站附近（即係書局街）看見古月 看起來不錯 就gogogo邊等位邊睇到門口貼左好多報章雜誌既報導先知古月原來都幾岀名更加唔知佢係2016米芝蓮推介入坐後二話不說 已經揀好左要古滑雞飯 加凍檸茶（細）等左無耐 午餐就到油飯很香口而且不太油 雞真係好滑 加上無骨 啖啖肉 真係岩哂我呢d懶人醬汁亦非常開胃 送飯一流加兩蚊有細飲品 但估唔到真係細到咁唔正常又無提供工具督檸檬 呢度真係差d d 喎

再次來到錦屏後街搵食，但今次只得一個人。其實上兩次來到這裏食飯原本有既定目標，第一次碰巧是星期天，目標餐廳全日休息；第二次則是晚飯高峰時間，很多人等位。今日因為公事來到北角，12點半前已經忙完，剛好趕上了午飯時段開始前來到這裏，終於可以達到目的，一試 2017年版《米芝蓮》車胎人美食推介餐廳之一「古月」。與同一條街的其他餐廳一樣，「古月」面積細小，但又想儘量增加座位；所以枱櫈都是迷你版，空間也非常狹窄，坐得一啲都唔舒服。小店基本上沒有什麼裝修風格可言，唯一特色之處就是牆壁上的卡通化人物圖畫：全部或多或少帶有星馬特色，彰顯餐廳主打星馬菜。壁畫包括化身魚尾獅、遠一點就是吉隆坡的雙子塔，最遠處寫着「古月 Teh Tarik（拉茶）」的儲物櫃外型竟然化身香港常見的紙盒裝鮮奶！藝人曾經光顧的即影即有合照，   都是2014年餐廳剛剛開業時候的留念照片。雖然餐廳標榜星加坡菜，但卻不是辣椒蟹、胡椒蝦的貴價海鮮，而是地道星加坡街頭平民小吃如鷄飯、蝦麵、肉骨茶等，既徹合小店形象、對三個半途出家（搞餐廳）大膽創業的年青人來説也更加實際。墊枱的餐紙相信也是店主們自家製作，當然不會錯過宣傳機會，提醒一眾客人小