古月

营业中

休息中

話說成日心思思想食新加坡椰漿飯，終於發掘到間食星馬菜既餐廳，唔使飛去新加坡都有得食啦!環境方面餐廳位於巷仔，不算難找，至於裝修亦很特別，牆上畫了不同圖案，非常可愛。面積方面，餐廳的座位不算多，大概可容納三十多人。而枱之間的空間比較窄，所以空間感不高。牆上的塗鴉，蠻搞笑。服務方面和普通的餐廳一樣，服務不過不失。食物方面首先讚一下是這裡的餐牌做得蠻精美，食物的味道亦。椰漿飯是這次的主打，另外我們點了古滑雞飯和小食-辣椒撈雙丸。古滑雞飯 $58 - 初時以為會是類似海南雞的，但完全不一樣，這個是比較多汁，味道帶點甜，至於雞肉份量亦夠，肉質彈牙，好味！而飯底是邪惡的油飯，停唔到口呀~椰漿飯 $58 - 椰漿飯的精髓就是辣椒醬，魚仔同花生，將它們混合送飯真心一流。這家店的辣椒醬味道ok!唯獨魚仔略鹹。辣椒撈雙丸 - 雙丸是指魚蛋和豬肉丸，個人比較喜歡魚旦，非常彈牙，讚。而辣椒醬非常惹味，加上炸蒜，真的很開胃！嗜辣的朋友仔可以一試這個!飲品方面，我們分別點了三色奶茶及TEH TARIK。三色奶茶是由朱古力，煉奶及奶茶組成。奶茶味道蠻好的，香濃茶味，不過整體有點甜，但我覺得是好喝的。價錢方面這裡的價

米芝蓮推薦了招牌辣椒板麵，所以午餐時去試試。吃起來好像口腔裡在打仗！五味俱全！非常享受！Sensational! 簡直就是交響樂！該脆的脆，該軟的軟，吃得眼睛都閉起來。是一個不可多得的經驗。唯獨覺得魚乾多了點。下次一定會再嘗試另外的。

古月粉，即胡椒粉的傳統正確名字。一間餐廳膽敢以「古月」而命名，必須對自家的胡椒粉有相當的自信。聽聞北角有一間主打星馬菜菜色的餐人餐廳獲米芝蓮推介，決定一試龍與鳳。 室內的環境設計幾有趣，亦見不少娛樂名人曾光顧及留影。傳統肉骨茶有兩種，新加坡主打白色肉骨茶，白胡椒味為主。馬來西亞主打黑色肉骨茶，藥材味較濃。而古月的肉骨茶就係白肉骨茶。入口時白胡椒味好濃，咸味剛剛好，白蒜的味道幾香，但係稍微覺得湯熱度不夠。湯的份量不算多，肉排就有三塊，肉質尚算嫩滑，但係肉本身調味不是太多。油條只有兩小片，而且好硬。白飯比較冷了一點。友人點了蝴蝶腩米粉，醬汁主要吃得出為花椒丶八角丶醬油，蝴蝶腩都幾入味，但係每塊切得好細，口感有所影響。米粉的湯味道較淡，需要靠濃味的醬汁去掩蓋，有點浪費。如果湯的味道可以用心一點，會較滿意。蝦面材料包括鮮蝦丶豆卜丶魚旦丶叉燒丶魚片，等於一個海鮮大雜燴。湯底唔錯，加上店家提供的辣醬都幾惹味。面採用了油面，雖然都好易沾上湯汁，但油面味道太重，同湯底味道唔相容，反而建議用米粉或者米線更佳。三色奶茶，同港式奶茶無咩分別，用上了煉奶，同茶走冇乜分別。冰又多，唔值得30蚊一杯咖央味道唔足夠

傍晚約咗朋友響北角新都城交收手信，佢話冇人陪食晚飯。本來家中巳預備咗我份晚餐，見佢咁弧單，唯有將家裏晚餐留返明早帶返公司，陪佢響北角搵食。企響新都城內上網搵下北角有乜好食，見到一間食東南亞食物既小店，即管去試下。點了一份唐排肉骨茶，好重胡椒味，辣辣地好惹味，唐排質地幾軟滑，配上米粉都好夾，連整粒蒜頭都一併吞下。朋友點了個椰漿飯，有炸透既雞翼，小店裝修新穎，老闆還會支持聾啞人仕就業，值得幫襯。

之前都有提過北角呢條巷仔有好多唔同嘅食店，有新開嘅，都有開咗好耐，不過越嚟越開得多，所以呢條街就越來越旺，上次試完青藏牛肉麵，今次就試吓呢一間古月。其實今日去食嘢嗰陣時候個肚仔有啲唔係好舒服，都唔知食啲乜野好，就想食啲青青地嘅粉面，見到佢有一個招牌嘅肉骨茶可以配米粉，所以就揀咗呢一個。肉骨茶同埋米粉係分開上嘅，呢種肉骨茶係屬於清淡嘅類型，而唔係好濃味嗰隻，一碗大概有4舊肉，有半肥瘦亦都有骨嘅部位。另外佢嘅特點就係有一舊好大嘅蒜頭，初頭諗唔到點食，估唔到咬落去啲蒜頭肉就燒左出嚟，好得意，食落去一啖蒜頭一啖米粉咁樣，個感覺都幾好。再講一講個湯嘅味道啦，個湯嘅味道有肉味，同埋濃胡椒味，飲落去有少少辣辣地，但係嗰種辣唔係刺激嘅感覺，而係有啲暖胃感，整個感覺都好舒服。另外佢個餐仲可以加兩蚊配一杯熱飲，我就選左個馬來西亞拉茶，呢個拉茶好有馬來西亞嘅風味，而且呢度仲可以揀斑斕味道。雖然飲落去就唔太覺得有斑斕味，斑斕應該就係粉狀，加左喺奶茶上面，所以一入口就有少少甜甜地嘅感覺。呢度嘅嘢食幾好，款又多，而且係特別。另外仲見到有一啲馬來西亞嘅辣拌麵，雞飯，可惜我今日就試唔到，下次一定要再過嚟試吓先。

放假約左北角翻工舊同事Lunch, 方便她所以去北角食 當然由佢帶路試下星加坡菜 位置都幾唔覺眼似後街 等位時發現係米芝蓮推介 見到好多一盒盒飲品 好得意 即刻order黎試下 原來係奶茶 我地分享 喇沙 材料多 份量一般 最重要係正宗 兩種面底 不過我覺得唔夠椰香 可能馬來西雅同星加坡嘅分別再黎古滑的雞 我被它的名吸引 相信古法做法嘅海南滑雞 不過略嫌汁太多 飯有雞湯煮

男朋友好鐘意食肉骨茶，上開飯搵到古月就即刻bookmark 左，唸住帶佢去食啦～星期六lunch time去食，只係等左一陣，但張枱較細，個位迫迫地不過間店裝修得都幾有特色，充滿藝術氣息又帶點星加波色彩食物方面都唔錯星加波奶茶：值得一試海南雞飯：啲飯有點凍了，所以硬硬的，要改善一下啲雞好滑，味道偏淡肉骨茶：好重好重的胡椒味，可以無限添加，（注意係一啲藥材味都冇的）

整體來說，最好吃的是咖喱面。味道濃厚，除了面以外，配飯也值得期待的料理。用料充足。肉骨茶米粉感覺性價比真的不咋樣。米粉湯底我只能說是味精⋯⋯勝在肉還是比較好吃。起碼能嚼爛～～味道可以說沒什麼特別。這盒子裝的就是上面杯玉桂馬萊拉茶⋯⋯很明顯大小就值得吐槽，加錢感覺飲料沒加多少。玉桂粉和奶茶沒融合在一起。感覺就是在吃粉。一點也不值得喝。我喝起來就覺得難喝。反而同行的友人斑斕馬萊拉茶還是不錯。起碼普普通通不是伏。姜茶也不錯。這麵條是鹼水的。我個人挺喜歡的。不過吃起來真的不咋樣。配著之前吃的咖喱面湯料吃吃玩。單純吃起來就一般般吧。最後這個飯還好。椰漿味道濃厚。給我感覺像是甜品⋯⋯讓我想起芒果紫糯米甜品了。不過整體來說這飯還是挺特別。可以一試。

同行三人入左間多人排隊食既星馬餐廳叫左古滑雞飯，招牌肉骨茶，唐排骨雞飯：不滑，一般 6/10分 $48肉骨茶：湯超咸 似胡椒湯 唔失望，肉骨還食，5/10 $78唐排骨：如上 5/10好奇害死貓

新工附近做野，同事早兩日帶我去食，中午12點3左右到，當時坐左5張臺。 點知過多2個拎字，全院滿座 下次都係早到好。哈！叫左古滑雞飯，招牌肉骨茶，棷欖汁同薑茶。先講雞飯， 超正呀！！ d雞汁加埋d佢地整果個辣椒醋汁。 超好味。辣辣甜甜，仲有豬耳配料 跟住試左同事個肉骨茶，胡椒味超香，肉又入味又林，湯濃而不咸。原來係singaporean style, 唔係黑色，鐘意胡椒湯既我，覺唔錯唔錯。因為果日好熱，叫左個特飲棷欖汁，清涼唔會太甜，都好鐘意 下次試另外個三色奶茶， 見到人地叫，好靚。P.s. 見到佢地超忙，但哥哥侍應好有禮貌好friendly, 要讚

肉骨茶只有胡椒及咸味，係超級市場買嘅肉骨茶湯包好味過佢多多聲... 排骨份量唔多又完全唔入味，應該係咩味都無（連佢個湯嘅胡椒同咸味都無... 極有可能係分開煮完再放埋一齊），肉質又唔夠冧又多碎骨（自己煲湯嘅湯渣都好食過佢）...完全唔值$78囉！！！

蝦面啦沙湯底？其實唔熟東南亞食物，味道唔錯，微辣，蝦幾新鮮，上菜是生的，我怕有菌，浸左陣熱湯先食。面既軟硬度唔錯，其餘配料煮得算上乘，火喉控制得幾好。咖哩面唔埋佢叫咩名啦，我女友話係啦沙面。呢碗比蝦面辣，火喉一樣控制得好好，面軟硬適中，整體好融和，好味道。Teh tarik(班蘭口味)奶茶上邊有班蘭粉。班蘭算新加玻名產吧，飲完呢杯真係覺得班蘭作為名產唔係無理由，好味。

較早前路過此星馬小店，已經被店外的黑板菜單吸引，終於有機會可以在此進餐。店面雖小但尚算整潔，黑板菜單所推介的蝦麵當然不能錯過。由於是日適逢大暑之日，首先先點了杯冰梅檻㰖水消暑一下。淺嚐第一口時，已經飲到話梅的甜酸味，繼而淡淡的檻㰖味透心涼。椰漿飯隨之而上，但椰漿味沾上飯不算太濃郁，幸好有炸雞及小魚亁搭夠。炸雞帶有淡淡的南乳味，而小魚乾入口亦非常爽脆惹味。重頭戲蝦麵登場，首先第一眼見到材料相當豐富，有蝦三、四隻、豆卜、魚蛋、魚片，湯頭亦頗濃郁飲下去也不太咸，麵身有點似沾麵，頗爽口彈牙。總括來說算不錯，但如果以星馬菜的標準來說，大部分的菜偏淡，稍欠濃味。唯一挑剔的是一用完餐，店員即急不及待地收拾枱面，連想坐多一會都不可以！

*突然想食喇沙,香港究竟有無好好味喇沙食? 同女朋友睇完日落就搵左呢間星馬菜,唔知頭唔知路,就入左去試.*裝修就一般啦,但幅壁畫係一大特色. 地方都坐得舒服. 嘩!原來車呔人介紹喎~ 星期四晚去,無乜人,唔洗等位.*好!唔好講咁多,唔該一碗喇沙. ER....我地無喇沙.....*點 解 星 馬 菜 會 無 喇 沙 ! ! !咁佢就紹左一個同喇沙差唔多食品(下面介紹)*呢間餐廳都值得一試, 有自己特色, 唔錯. 俾個LAMLAM 脷佢.佢就係喇沙! 佢用麵黎代替. 夠香夠滑, 少少辣,好野味. 但我會鐘意椰味重D.個汁黑媽媽但食唔到有藥材味. 蝴蝶腩佢有片膜,好爽口, 個瑞士汁又甜甜地,好味.可以唔洗試, 我連果粒星都想收返. 去茶記食油JAM多啦.

今日到北角探探我剛回港的朋友，基於長年待在外國的友人想來一頓東南亞風味的午餐來解解饞，我就帶他來到附近的古月（不要誤會餐廳的名字是古月並不是胡喔~） 古月的裝飾及設計頗有趣的。店旁有一個大型牛奶瓶裝飾，非常特別。墻上插畫也非常有趣，有不同人物扮演馬來西亞及新加坡的特色景點。有好幾款午時套餐可供選擇馬來西亞及新加坡名菜怎能少得海南鷄飯，古月的古滑雞飯分量非常多，而且鷄肉非常嫩滑，秘製醬汁不會太多濃而蓋過鷄肉的鮮味，值得一提的是油飯並不會太油膩，恰到好處，不錯。另外我們點了一份蝦麵，有馬來西亞海蝦、叉燒、魚丸、肉丸、魚片和豆卜。雖然配料算多，但麵底分量偏少，男生未必足夠。不過湯底濃郁，而且魚丸及肉丸都算彈牙。餐飲點了小杯Teh Tarik 肉桂馬來拉茶，Teh Tarik 其實是馬來奶茶，味道比香港茶餐廳的沒有那麽濃的茶味，但淡淡的肉桂令到整杯拉茶生色不少，喜歡奶茶的朋友可以一試~