古月

营业中

休息中

古月，連續七年獲米芝蓮推介嘅星馬菜小店，一啲都唔簡單。第一次嚟，樣樣都想試，最後都係決定叫個我未食過嘅招牌辣椒板麵。呢個麵嘅配料好多，包括秘製乾辣椒，江魚仔，溫泉蛋，肉碎，炸蒜粒，蔥粒同埋最邪惡嘅豬油渣粒，將所有配料撈勻麵條食，味道既辣且豐富👍，份量亦多，唯一美中不足嘅，係成碗麵冇肉到肚，對我呢啲食肉獸嚟講，就硬係爭啲啲啦。隨麵附送嘅湯胡椒味較重，入面兩粒魚蛋幾爽滑，不過味道稍為偏甜咗少少。如果覺得個麵太辣，飲呢碗湯都幾可以解辣嘅。加錢叫多杯冰梅橄欖汁，酸酸甜甜，幾解渴，不過味道就有少少怪，好難形容，如果你本身鍾意食橄欖嘅話，可能都會鍾意呢個，我呢，就麻麻啦😂。

今日嚟到北角有美食巷之稱嘅錦屏街，試吓呢度出名食馬來西亞菜嘅古月，之前都同大家嚟食過，今日叫咗佢嘅另一招牌菜：古滑雞飯滑雞：雞如其名咁好滑，又入味，鮮味濃郁，好食😋油飯：油飯粒粒分明，油香味足，食到舔舔脷🤩🤩，但又唔會太膩👍🏻👍🏻👍🏻白咖啡：另外嚟到呢度不容錯過嘅就係佢嘅白咖啡，白咖啡啡味濃郁，好飲，重點唔係用即溶，必飲👍🏻👍🏻👍🏻整體來講好有驚喜，好似置身於星馬咁👍🏻👍🏻

味道😋😋環境😋😋😋服務😋😋😋衛生😋😋😋抵食😋😋話說今日4人一齊去左北角一間米芝蓮推介嘅星馬餐廳，好多時米芝蓮推介嘅餐廳我通常都唔會想試，因為都伏味多，不過朋友話想食肉骨茶，所以就試一試！叫左2個新加玻肉骨菜、咖吔多士同咖吔roti、青檸薏米水同2杯班蘭拉茶。新加玻肉骨茶份量唔算大碗，不過可以無限添湯同跟飯或米粉，一黎到已聞到好重胡椒味，但飲落冇咩味，直頭同例水一樣，好唔ok，冇諗過會係咁我以為新加玻嘅肉骨茶就係咁，但我朋友話佢之前係到食過唔係咁，佢係差左，都聽到有客人同鋪頭講個湯淡左好多，依到扣晒分！不過佢舊骨係幾有味道嘅。咖吔多黎到見到係黃色，我好疑惑，不過佢食落係咖吔味，但係覺得好普通，比較失敗。咖吔roti個味都係普通，可能因為我食個時凍左，所以個roti咬落好痴牙，又唔夠鬆脆青檸薏米水d薏米好硬下，係就咁煮過下就算咁，搞到冇咩意慾食，同埋杯野都好飲冇咩薏米味。班蘭拉茶味道一般，唔算特別。總括黎講，我應該唔會再試☹☹食完好唔開心

#古月 #sorriso_東區-呢間黃店都想食好耐，佢好近北角地鐵站，而且拎過好多年嘅米芝蓮🍛【古滑雞飯】 $53 (8/10)無骨雞上脾、古惑配料，個雞食落食甜甜地嘅雞柳，點埋個酸酸地嘅雞汁會愈食愈開胃，油雞乾爽好食🍝【招牌辣椒板麵】 $62 (7.8/10)佢有配個胡椒湯，麵係米線嚟、偏乾，我覺得有少少辣，不過冇想像中咁好食🍺【TEH TARIK凍馬來拉茶班蘭味】 (配餐+$8) (8.5/10)呢個好飲，好香班蘭味，同時保留返馬拉茶嘅味道，我鍾意呢個多過三色奶茶🥃【三色奶茶】 少甜 (配餐+$15) (8/10)係偏甜嘅馬拉茶，奶味同茶味都覺得唔係好夠#sorriso_北角 #sorriso_港島-📍古月 @ancientmoon_hk 北角錦屏街後街29號A舖地下🕑Mon to Sat 12:00~21:30- #foodie #foodiehk #hkeats #黃店 #黃色經濟圈 #黃店推介 #不專業食評 #黃店地圖 #食好西 #食評 #852foodie #吃貨 #yellowshop #foodstagram #foodphotography #港島黃店 #北角黃店

［北角美食推介🍽 ] 古月🌛古月依間餐廳以經連續6年拎到米之蓮啦，而佢既價錢都唔貴，平均都係$100以下就食到啦。另外，我地覺得枱上既手繪畫餐墊好得意，餐墊上已經印有好Q板既店內招牌菜同埋野飲，即刻可以見字飲奶茶 😍#冬甩仔女_北角區#冬甩仔女_星馬菜🍩冬甩仔👦🏻🍩食評👅👦🏻🍜招牌辣椒板面 (7.5/10) $62冬甩仔係吉隆坡曾經食過辣椒板面，唔知係咪因為太耐冇食，我食完依間甚至覺得依間仲好過馬來西亞當時食既辣椒板面。依個麵有好多配料，例如有袐製既乾辣椒整、魚乾仔、香蔥、炸蒜、溫泉蛋、肉碎、豬油渣。食落爽口，辣辣地，撈勻佢食幾惹味。另外，會有魚蛋碗湯仔送，味道不過不失。🍩冬甩女👧🏻🍩食評👅👧🏻古月招牌肉骨茶配飯 (6/10) $85我地叫左個招牌肉骨茶配飯，呢個係既新加坡肉骨菜，味道同藥膳味不同，如果食慣藥膳味既會唔慣，但我個人覺得個湯鮮甜，微微辣，仲飲到胡椒味，配飯一流。而個肉好嫩滑，咬開粉紅色，肉完全唔硬🥰吾癡牙👍🏼肉仲帶有少甜味，總體而言都算好食。👧🏻👦🏻三色奶茶(大) (7/10) +$15奶茶好滑，完全唔鞋，甜到岩岩好，淨係飲台式奶茶嘅我都鍾意飲佢哋嘅奶茶，茶香勁正加埋淡奶

—————————————————————📍 古月 咁啱🐷今日去開北角，就睇下附有乜好食，見到有星馬菜都好似不俗就去試試佢！如果唔熟路位置小小難搵，不過跟google map 行都可以，附近好多餐廳，食街，lunch hour黎講算係最多人嘅一間🤣好鐘意佢嘅裝修，好溫馨嘅小店，同埋一睇就知係💛店！一坐低就覺得佢張餐紙好靚，原來係好多年米芝連黎，行開可以一試嘅~—————————————————————❣️ 蝦麵米粉 $85蝦湯帶微辣，不過湯份量小左啲，個湯應該冇落味精，因為好淡，不過好貼心比辣醬係匙勺🥹配料有越南虎蝦細細隻，但都好彈牙冇雪味)、叉燒（唔會乾身）、魚蛋魚片（好食！彈牙！比多一粒開心啲）、肉丸（正常發揮）、和豆卜。滲滲要+$2，不過🐷唔太喜歡油麵，所以就嗌米粉，不過太少湯影完兩張相就索曬.❣ 椰香雞飯 $65餸同飯分開上，幾貼心，雞係炸過，脆皮都好滑身！汁椰香幾重，🐷覺得有啲似白咖喱，飯量都好多，男仔都食得飽.❣️ 斑蘭拉茶（凍）餐+$2普通但唔難飲，個面有層斑蘭味既糖，但飲落去係奶茶，0斑蘭味，不過加2蚊差唔多啦.❣️冰梅桔仔梳打 $20🐷淨係飲咗一啖，特別嘅，幾開胃，梳打一杯

又到左北角巷仔打卡嘅時間啦，今次呢間係馬來西亞新加坡嘅餐廳，’古月‘，呢度嘅面積唔算好大，一眼望晒，不過佢啲牆比我吸引到，左邊貼滿小學嗰啲填色比賽，右邊有幅油畫，同埋佢個餐墊都特別，係畫出嚟既靚😍我地嗌左個必食既藥膳黑肉骨茶同埋鴨鹵米粉，肉骨茶好食之處係佢個湯底一定要夠濃，又唔可以太咸，肉都唔可以老先至得，佢呢間好多都做晒，唯獨有少少美中不足就係個湯唔夠濃，色澤係好睇，但其實唔濃，不骨啲肉真係唔錯至於個鴨鹵米粉，其實姐係鴨胸，鴨腳，鹵豆腐同埋鹵水蛋咁既意思，佢個鴨肉都唔錯，都係唔韌，肥瘦均勻，個鹵水湯底都可以，唔會好鹹之後嗌左個沙嗲串，個串好普通，同出面果啲差不多，連啲醬都係出面食開果啲，不過佢冇燒燶，最後嗌左杯三色奶茶同斑蘭奶茶，兩杯都好普通，最搞笑係斑蘭奶茶佢個面有層斑蘭味既焦糖，但飲落去得奶茶味😒，成杯都係綠色，得面頭果少少係有斑蘭🙄

係北角有間黃色星馬菜叫做古月地址話係北角錦屏街但其實要過格離書局街先入到第一次去就行到錯晒係全港唯一必比登推介既星馬菜由本地80後老闆開舖已經開業七年由16年開始連續六年既必比登推介餐廳而家都未有一間可以摘到星平日十二點頭去到已經見到門口好多人咁岩有單人位可以直入餐廳座位就麻麻地而牆上面畫左好多公仔餐紙係手畫既食物圖大概都係餐廳招標lunch餐牌由最平53蚊到最貴都係88蚊都真係平民價位細既凍檸茶又真係幾細杯平時我諗唔到食咩多數都係揀最貴果幾樣因為唔係幾好肉骨茶所以就揀左蝦麵賣相好似唔錯滲滲要再加兩蚊即係唔知係咪食過好湯好麵個海龍皇好似對拉麵以外既湯全部都免疫晒咁成個湯好似無乜味好淡好淡料只係話係一般般虎蝦都係細細隻個快麵上得快料唔多又快清成個lunch就食左半個鐘都無無加一埋單89蚊可能真係揀錯野無叫到佢地招牌蝦麵感覺只係一般般唔值呢個價感覺係食番平廿蚊既板麵會更好而侍應感覺好似樣樣都好趕好快咁就唔係太舒服整體我都係覺得一般般不過都可以比機會再試下佢地既招牌既亦都有見佢地開左間叫做t2p第二人生既拉麵店望落去就唔係正宗果類但反而又會有少少興趣想試而且都有沾麵供應下次經過開港島東會去左

連續拎左幾年既米芝蓮小店，本身想試招牌辣椒板麵，但可惜晏就黎到已經賣哂，唯有試下其他款。。🔺食物👉🏻頸青豬飯$68「豬面青」= 豬頸肉，易咬開一啲都冇痴牙 配埋咖喱汁 勁惹味生洋蔥 連埋 青檸汁 感覺好fresh✨👉🏻咖喱米粉$65濃濃咖喱香氣 充滿哂成個角落 坐既位🥰加左椰奶味 湯底勁濃郁但配料唔算多 兩舊豆腐卜、芽菜，少量雞肉絲、蔥、蝦仁、魷魚 以為會有埋叉燒🤣點知冇 then就係大量既米粉👉🏻咖央ROTI $38平時食ROTI都係配開咖喱醬 咸味底今次試咖央 味道好新奇 甜甜地 唔錯👍ROTI好煙韌 咬落仲熱辣辣🥳自私評分：🟡🟡🟡🟡🟡自私評論：「古月」位於北角既轉角小巷，平時都唔算多人，有興趣既快啲去try try佢🙃 支持下啦👍

去到北角，網友介紹我試下呢間古月嘅肉骨茶😆佢啲肉骨茶同我哋平時馬拉嘅肉骨茶唔同， 佢係新加坡特色嘅肉骨茶~ 香港比較少見，對上一次食呢種新加坡口味肉骨茶就係三亞旅行果陣🤔🤔我好多年都冇食過呢種味道啦~講下呢碗肉骨茶嘅味道，我叫咗個古月唐排肉骨茶！！碗肉骨茶胡椒味偏重，少少辛辣感覺，入面有原粒蒜頭，肉排大概有三舊左右， 其實都唔係好夠食，而且肉排都冇咩味道😆個人覺得麻麻地啦， 我自己偏向鍾意馬來西亞嗰種食完暖笠笠嘅感覺， 佢呢間新加玻肉骨茶食完係冇咩感覺！加咗2蚊要佢杯桔仔飲品，溝水溝得好嚴重！個人認為冇必要加~唔係特別好飲， 飲返肉骨茶個湯就ok啦😑

新加坡及馬來西亞菜2021米芝蓮店 但個位真係有d難搵每月都大排長龍 等幾個字先有得食辣椒板麵係呢間店既特色食得出配料好多 真材實料整出黎可惜就係淨係食麵有d dry 如果可以加埋其他配菜會更加完美青咖哩豬頸肉飯咖哩偏甜 有少少辣 似日式咖哩 食落係勁惹味 配落飯度真係岩岩好撈飯食真係食多碗飯都可以豬頸肉片切得好好 唔會太薄 仲有口感 咬落都爽爽地

再食古月嘅馬來西亞菜。今次叫咗李先生咖喱，配返個脆嘅厚多士。咖哩雞入面有兩個小雞腿同兩隻雞中翼出面，咖哩味雖然唔錯可惜明顯食得出D雞冇乜醃過所以就純粹得出面嗰浸咖哩味。咖哩嘅味道我就覺得中等未算食得出太多香料味同複雜，而且香辣鹹甜嘅平衡都唔係話非常之好；不過個厚多士就整得夠曬脆，點落啲咖哩汁度非常惹味，而且啲咖哩汁仲有少量嘅蔬菜粒，加埋麵包食非常好食。飲品就叫咗細嘅凍拉茶，水準仍然keep到，而且只係加兩蚊非常之抵。

朋友介紹之下黎到連續獲多屆米芝蓮推介嘅新加坡菜「古月」🤤 地點係書局街轉入嘅後巷，位置有啲隱蔽，不過平日嘅𝘭𝘶𝘯𝘤𝘩 𝘩𝘰𝘶𝘳都最少等番3-4個字先有位🙈 人氣旺盛！《 古滑雞飯 》 $60 4.5 / 5 米芝蓮效應下價錢仍然親民👍🏻 用上比手掌大嘅雞髀肉，滑嫩又多汁😋 自家秘製雞汁濃郁惹味，油飯香同飯粒分明🤤 飯好大碗好滿足😋《 蝴蝶腩骨湯米粉 》 $58 3.5 / 5罕有嘅蝴蝶腩，連筋帶肉好爽口👍🏻 係筋膜位要多少少牙力😂 煮得入味，只係份量頗細🤏 米粉有顆大蒜頭令湯底增添微辣，賣相特別🧄《 李先生咖喱雞厚多士 》 $65 有白飯同厚多士選擇，多士烘到焦脆，用黎點咖喱食絕配😋👍🏻 整體性價比幾高，款式多價錢合理，不過可能係米芝蓮所以期望更高😕 同埋真心多人食，環境坐位有些少逼😮‍💨———————————————🏠環境舒適度：💛💛💛👅舔脷回頭度：💛💛💛📸打卡able度：💛💛💛———————————————

今次同朋友嚟一次過試咗佢嘅招牌菜辣椒板麵，同埋個青咖哩豬頸肉飯。咖哩係偏甜同埋辛辣而且仲撈咗非常多香料，好惹味，而且覺得係好適合香港人嘅口味，撈飯非常好食，可惜啲飯煮耐左痴得太實；豬頸肉就啱啱好但係佢切得太薄了，雖然有幾塊但份量偏少。辣椒板麵有好多配料例如啲魚乾仔等等，好惹味。可惜佢冇另外有其他肉類嘅配菜令到我呢啲食肉獸覺得唔夠喉。班蘭拉茶同之前試嘅玉桂奶茶茶底應該一樣，甜度剛剛好非常適合香港人口味，而加咗班蘭就令佢更加香；但係三式奶茶我就覺得唔係好值得加咁多錢了，因為啲嘢撈埋嘅味道同普通奶茶一樣而且佢個三色都唔係做得特別明顯。

為了米芝蓮的名字，所以來一試😄.招牌辣椒板麵：辣味頗重，有雞蛋、鹵肉、魚乾、和一些我都說不出的食材，但撈埋一齊食，就是別有風味😆..古滑雞飯：有點失望的雞飯，味道一般，不過真的如菜式名，是雞肉滑嘟嘟的...班蘭奶茶：好喜歡呢杯奶茶，杯面一層厚厚的班蘭泡泡cover ，班蘭味甜甜的香香的，再用火槍燒焦成一層薄薄的糖霜，口感+味道完滿🥳