古月

营业中

休息中

今次要介紹既係位於北角既一間新加坡菜😋間餐廳唔算大間 坐到入去深深比佢張墊枱紙吸引左😍😍😍係用手繪既方式介紹佢地既招牌菜🤣超得意😍💕古滑雞飯有驚喜😍最正既啲雞🐔好大舊啖啖肉😋好滑🤤仲有啲雞腎墊底🤩真係估佢唔到🤭啲雞掛住左個自家製醬汁都幾好食🤤另外仲跟左碟辣椒豉油比你點黎食💕整體黎講都唔錯👍🏻份量都好足夠架😎💕招牌辣椒板麵 留意返呢個只可以堂食同埋有少少🤏辣🌶呢個都係佢哋嘅招牌菜😍呢個麵會跟埋個魚蛋湯比你🤩湯就中規中矩啦😌個板麵面頭放滿曬啲配料同流心蛋🤤撈匀一齊食真係好夾😋辣辣地好過癮🤣💕三色奶茶 超鍾意呢個三色奶茶😍好有驚喜😚好特別嘅一杯飲品☺️三層分別係椰糖 花奶同埋茶😍飲落去啱啱好 唔會話好甜 推薦大家都試下！💕冰糖冬瓜羅漢果龍眼水 我發現唔係好鍾意呢種野飲🤣不過我朋友就話唔錯🤤整體黎講其實都唔錯🤤🤤💕價錢都唔算話好貴🤭如果咁岩係北角可以去試下😌💕

有日經過北角，記得有推薦過呢間餐廳，咁就入去試一試啦，門面牆身壁畫很有特色，可惜其他地方混亂，枱旁雜物堆積不太衛生。食物種類唔算多，叫咗一個驚青豬飯，一上枱嚇你一驚，頹個茶餐廳！！！未食已經覺得唔好食，最重要係醬汁之下嘅飯係完全吾熱！！！咁嘅質素完全係過分。仲嗌左一份Roti烤餅，落單時候講明配咖喱，侍應覆單時亦再確定多一次，偏偏上枱就變成了咖央醬，亦因為啲飯已經冇水準唔想再逗留，唯有照食烤餅真係浪費了quota⋯飲品算正常，不過都係麻麻，叫咗一個羅漢果龍眼冰，其實似整杯羅漢水！斑蘭奶茶，得個賣相，冇班蘭味道，普通奶茶味。最重要係成餐飯去到最尾先上飲品，只因佢哋發覺忘記咗，嗱嗱臨沖返，其實當日食客不多佢哋喺旁邊嘻嘻哈哈玩樂，完全冇服務態度，不值一試。

-今次又去北角食古月😋上次食過招牌肉骨茶，今次就試其他菜式👏🏻-頸青豬飯 ($68)娘惹咖哩｜豬面青｜酸辣洋蔥花生｜聞到好香，好吸引！可加少許青檸汁提味🤩仲有青瓜絲，更Fresh😚咖喱唔會太辣，係開胃又惹味，而豬頸肉好好食(*´꒳`*)肉質嫩滑(〃ω〃)配埋咖哩汁係好夾🌝送飯一流👍🏻-蝦麵🍜($80)  越南虎蝦｜叉燒｜魚丸｜肉丸｜魚片｜豆卜可配油麵｜｜米粉｜滲滲味道幾香，辣醬係分開放係匙勺上，可按個人喜好加落湯(*'ω'*)加左辣醬令湯底更惹味👻今次揀左油麵，麵條軟硬岩岩好😎有2隻蝦，入味的豆卜，魚片、魚丸和肉丸都正常😚無咩特別，都算彈牙😆而叉燒肉質都不會好乾，不錯（╹◡╹）♡-Name🏠:：古月 Ancient MoonLocation📌: 北角錦屏街後街29號A舖地下（港鐵北角站 B4 出口, 步行約2分鐘; 七姊妹道,書局街轉入後街）價錢💰: 蝦麵 ($80)  ，頸青豬飯 ($68)

聽講依間係米芝蓮推介既新加坡菜，夜晚8點鐘黎到居然唔使等位，直接就有位食。我本身都幾鍾新加坡偏胡椒既肉骨茶，所以都有D期待。我地2個人叫左3個野食，分別係招牌辣椒板麵 / 古滑雞飯 / 唐排肉骨茶。辣椒板麵食落都幾惹味，有少少辣，但唔會太辣接受唔到，但本身個麵冇咩汁，所以冇配料一齊食既時候就會有D啖同乾。不過佢跟麵會比左個魚蛋湯，可能就係預你會食到乾黎飲。古滑雞飯賣相都幾吸引，食落個雞都真係幾滑，個飯係有特登整過，有D味同比較淋身。不過我個人本身對淋身既飯就麻麻地，可能其他人會鍾意依種煮法。招排肉骨茶，係我最期待既一道菜。但坦白講，飲完真係有少少失望，飲落只係好似胡椒湯，冇肉骨茶既肉味，而且再加湯既時候，個湯又唔熱，係要扣D分。而入面既肉都未算好淋，所以同我之前係新加坡食到既肉骨茶都係有一段距離整體而言，我覺得未去到米芝蓮推介級數，但普通平平地食餐飯，都可以值得去試一試。

北角有條神秘嘅巷仔，裏面藏着好多隱世餐廳與高手，而身處於其中之一嘅古月，憑著米芝蓮必比登推介，與眾不同🤩。 所謂「米芝蓮必比登」，即是可以喺$ 400內品嚐到三道高質餐點，而古月就連續5年獲得此殊榮，可見實力非同凡響！ 古月老闆自小鐘意煮野食，係澳洲留學期間曾經到餐廳做partime，因唔少同事都係新加坡人，因而學識煮星馬菜。 回港後決定開設餐廳，到訪星馬嘗遍當地各種美食，最後成功將當地食譜帶到返黎香港，其間又遇到當年嘅同事，一同創業。 米芝連餐廳比人嘅感覺一係好貴🤑，一係會令你一試難忘，一係會覺得有D唔可信。 對我而言，米芝蓮餐廳唔一定全部都係好食，但應該都有佢嘅原因先可以被推介，所以我覺得要親身去試過先好批評人地嘅嘅野食，齋睇根本冇用，就好似今日呢道菜咁。 李先生咖哩雞+厚多士$ 65咖哩配方源自馬拉廚師李師傅嘅家傳秘方。 撒開米芝蓮，價錢都算OK嘅，唔算貴，有兩個雞腿同雞翼，性價比就見仁見智啦🤔。 先講咖哩，用上星馬運黎嘅香料，咖哩粉同辣椒粉。 入口都幾辣吓，果然有餐牌上「兩粒辣椒」嘅辣度。 除咗辣之除仲有薑黃，檸檬葉，咖哩葉同蒜頭嘅香料味，亦有椰奶嘅creamy中和辣度😛。 同

今天去北角staycation，check in前在附近找了一間餐廳食lunch，古月曾經在2016年得到米芝蓮，以前在星加坡食過的肉骨茶令我難忘，不能不試古月 。古月招牌肉骨茶飯肉骨茶湯底不錯是星加坡風味，胡椒味夠可惜裏面的肉不似在星加坡食那麼軟綿綿，比較有咬口，肉是黏著骨的，要點牙力，豬蘇味比較濃我就一般般，結果是喝完湯但沒有食骨。李先生咖喱厚多士個人認為咖哩比肉骨茶更加出色，厚多士沾上咖喱，食完非常回味雞肉用上了小雞槌和雞翼 非常入味，還有2件大大件薯仔 ，食完飽足感滿分冰梅桔仔梳打炎炎夏日飲完非常透心涼，淡淡梅味令整杯飲品更清新 。坐位擠迫，亦很多人吃，可惜不是我杯茶。

慕名而來，然而味道著實讓我有些許失望，暫且不說是否它讓我驚艷，我甚至覺得一般的店舖的食物也會更好吃一些。我的味蕾真的辨別不出來到底是哪裡好吃⋯⋯也許讓這家店獲得米芝蓮的，不是招牌辣椒板麵吧～如果再給我一次機會，我不會再選這個辣椒板麵來嘗試～如果是為了找好吃的食物，這個我不推薦。如果只是為了滿足好奇心，就請自便了。

============== 𝐹𝑜𝑜𝒹 𝐿𝒾𝓈𝓉·• 蝦麵 $85·• 古月招牌肉骨茶 $85·• 辣椒撈雙丸 $30·• 秘製魚露翼 (4 隻) $38💸 人均$110❁⃘𖤣𖥧ﾟ.❁⃘𖤣𖥧ﾟ.❁⃘𖤣𖥧ﾟ.❁⃘𖤣𖥧ﾟ.❁⃘𖤣𖥧ﾟ.❁⃘𖤣𖥧ﾟ.❁⃘𖤣𖥧*ﾟ.北角真係好多野食! 錦屏街後街嘅古月, 值得一試嘅星馬菜, 價錢少少偏貴嘅～ 同埋佢唔係全部野都好食，要考下運氣👻-·• 蝦麵 $85 ✰✰✰可選擇油麵﹑米粉或摻摻～ 蝦湯好鮮, 冇食到味精味🦐 可惜係除左麵同湯, 啲配焊非常普通, 蝦好細隻唔係好新鮮, 魚蛋魚片同肉都唔出色.-·• 古月招牌肉骨茶 $85 ✰✰朋友們喜歡佢個肉骨茶, 但唔係好啱我口味🥲 完全冇藥饍味, 只有胡椒味. 碗湯只有一大粒蒜同兩舊肉. 湯嘅顏色好淺, 除左胡椒味咩都食唔到😞-·• 辣椒撈雙丸 $30 ✰0辣味, 好似淥完啲丸加啲炸蒜上去咁😖-·• 秘製魚露翼 (4 隻) $38 ✰✰✰✰雞翼好食! 皮脆內嫩. 個魚露味好特別, 少少鹹香～

小店位處於北角內街，鋪面唔大，裝修都幾有現代感，店內仲有好有趣嘅壁畫。星期一至五都有午市套餐，比起原裝餐牌價錢優惠，第一次嚟就點咗佢招牌古滑雞飯，另外+$15餐飲轉三色奶茶，仲點咗另一王牌辣椒板麵，餐飲+$2冰糖龍眼肉冬瓜茶牆上除咗有可愛壁畫，仲有米芝蓮推介認可，睇啲貼紙由2016年起佢哋每年都保持認可，以米芝蓮美食嚟講呢個午市價錢相當親民。點餐後店員上咗一小碟醃菜同辣椒加豉油，表示係跟雞飯。好快雞飯上菜，雞肉真係好滑，醬汁偏甜，出奇地雞下面用咗豬耳墊底，點辣椒豉油味道就會蓋過醬汁，算另一口味食法。飯上面有啲炸乾蔥，仍然係好脆，雞飯除咗帶雞汁味，仲有好重嘅蒜頭味，但飯邊完全食唔到蒜頭。三式奶茶配以環保飲管上枱先飲一口，椰糖非常香，同奶茶撈勻之後，椰糖味就冇咁出。枱面除咗有酒精搓手液，仲盒黑色一粒粒，完全睇唔出係咩？但當辣椒板麵嚟到之後見到上面其中一種配料就同檯面上嘅一樣，試食咗發現應該係一啲辣椒乾蔥魚乾蝦米產物。辣椒板麵配一碗魚丸菜湯，除咗胡椒味之外仲帶有魚味，令我諗起港式撈麵嘅上湯。如果辣椒板麵撈勻之後覺得唔夠辣，可以隨時再加呢種配料，同市面一般星馬菜唔同，菜式辣度比市面餐廳高，而且

米芝蓮認可既馬拉菜小店 終於有機會一試~位於香港島北角小巷的小店，提供新加坡及馬來西亞菜店主曾特地前往吉隆坡取經，再烹煮出富有本地特色的辣椒板麵其他菜式亦小巧精緻，值得一試。店內有趣的壁畫為拍照熱點招牌辣椒板麵辣拌麵，配料有炸蒜、魚乾、肉碎、溫泉蛋,拌勻所有食材麵條食落香濃帶辣勁 味道好豐富有口感 拌麵味道豐富，辣椒唔算太辣但好惹味另外配有一碗胡椒味既魚蛋湯消費$70北角錦屏街後街29號A舖地下

古月在北角已經開業多年，隱身在小小的錦屏街裡，依然很受歡迎。lunch time 繁忙時間為了避開人流，都是買外賣吃方便一點。Set lunch +$2 就可配班蘭奶茶。之前堂食飲過班蘭奶茶，其實就是拉茶再灑上脆脆班蘭糖，口感不錯又不會過甜。不過外賣的話，班蘭糖都痴晒在杯蓋上，要刮返出來才飲到另外好喜歡這裡的椰漿飯，充滿椰香，吃上去又不會像其他店般膩。sambal醬很有風味，配上炸魚仔和花生更加惹味。另外，配飯的炸雞炸得香脆，裡面的肉很juicy，真的吃得超滿足

星期六lunch 同朋友嚟試食，人頭湧湧，佈置滿有特色😊我們兩位都點了肉骨茶，一個跟飯，另一位跟米粉。 從未試過食似胡椒豬肚湯味嘅肉骨茶，完全食唔到任何藥材味，每碗有兩大舊冇乜肉嘅豬骨+1個完整大蒜頭，跟兩件仔油炸鬼，that’s all 沒有其他料，每碗盛惠$80多，勁失望😫😫，得嗰少少肉，我們兩位女士都唔夠😒何況係男士😕可能肉骨茶唔係佢賣點之一。另外每人點左杯拉茶，一杯係玉桂拉茶，另一杯係斑蘭拉茶，反而奶茶唔錯，夠地道🤩

今日中午同友人去食晏晝，我地叫咗招牌肉骨茶，我食白飯，朋友食湯米粉，一碗湯加一碗白飯（忘記影相）另外叫咗一杯熱班蘭奶茶，一杯熱玉桂味奶茶。嗰碗肉骨茶湯味道根本完全係潮州嘅胡椒豬肚湯嘅湯底，就即係黑白胡椒湯嚟，完全冇肉骨茶嘅味道囉，佢嗰舊肉就軟林林嘅，但係一碗湯只得一大舊豬骨連少許肉，完全唔值呢個價錢，而且根本唔應該叫肉骨茶，講真唔難食但係完全唔係嗰樣嘢嚟，都好失望，反而佢果杯班蘭味嘅奶茶都算幾好飲$20杯，總括而言有過吹捧嘅感覺，仲有提一提佢既座位極度唔舒服，不會有下次。

係北角返工梗係要捐窿捐罅搵嘢食😋 梗係唔少得去到錦屏街食飯☺️ 呢間夜晚經過成日都見到好多人排隊，之前有一次收工想去食點知原來禮拜日係唔開😂 ♥古滑雞飯 （$53）- 無骨雞上髀真係好滑😋 雞皮又唔算好肥，個醬汁好特別 似豉油但又唔係 要黎撈飯食濕濕地好好味😋本身冇包嘢飲，要+$2 先有野飲揀咗一杯熱雪梨乾柑桔蜜，唔算好甜好開胃♡ 以上價錢係lunch time 12:00 - 17:00好掋食，野食都好味❤️ 會再去幫襯。

去北角行吓行吓走咗入條好多餐廳既細街仔🏘就見到呢一間攞咗五年米芝蓮推介既星馬餐廳🇸🇽🇸🇬突然好想食肉骨茶就沖左入去食個lunch 😋餐廳既牆畫左好多好得意好有風格既畫🎨連張墊枱紙都得意過人🥰如果想當自己去咗轉星馬旅行🧳就嚟試吓呢間價錢親民這星馬餐廳頂住癮先啦😂..................⁣⁣ 📍古月Ancient Moon🇭🇰北角North Point🌍Hong Kong....................⁣⁣👅 藥膳黑肉骨茶 (配白飯) 🍗🍚💰 $88💬 呢款係馬來西亞款既肉骨茶, 藥材味比新加坡既重好多😗同冇咁大胡椒味🧂對於我呢啲比較鐘意藥材味既朋友仔就覺得呢款好好味呀😋佢一碗裏面有3-4塊排骨🍖+2塊五花肉🥩+金菇+豆卜+原個大蒜頭🧄勁足料🤗啲肉同蒜頭煮到好淋仲吸晒個湯味😚攞黎送飯真係好正🍚唯一個排骨食到有小小骨碎🤨但整體好好食👍🏼推介‼️❗️🌕🌕🌕🌕🌗...................⁣⁣⁣👅 頸青豬飯🍛💰 $68💬 其實就係青咖喱豬頸肉飯🍚咖喱係星馬口味 一啲都唔辣有花生香🥜味道偏甜😚撈埋炸蒜洋蔥同豬頸肉送飯一流🤗份量都幾大碟,食落有少少膩😅唔食得辣嘅朋友仔都可以