吉豚屋吉列豬扒專門店 (已結業)

一行四人，晚上八點黎到，等位等左15分鐘。等位時見到有bar枱，好似幾好feel。坐低決定食吉列豬扒定食、吉列豬柳定食、滑蛋吉豬同埋咖喱吉豬。其實肉只係分豬扒同豬柳，不過豬扒可以揀份量，豐儉由人。豬扒有不同的口味揀。我主力食咖喱吉豬，似一般日式咖喱，但係入面少咗薯仔同紅蘿蔔，味道一般。友人甲食左滑蛋吉豬，我偷吃了一口，一個字「掂」。蛋味濃，飯汁好。友人乙食左吉列豬扒定食，肉味、肉質可以。不過發現加枱上的芝麻醬好得。友人丙食左吉列豬柳定食，豬味較濃，肉質較鬆。不過唔係我杯茶。臨走前問waitress拎多一杯水，點知俾佢望住3秒，佢問係唔係要加水。我講多次要杯水，佢先至走去拎。再過30秒，Bang一聲喺我同友人丙中間放低 ，有點被她嚇到。結論係，性價比高，不過唔好同世貿、尖咀嗰啲吉豬名店比質素同份量。

日本美食之所以能馳名/風魔各地，其中一個主因就是夠專注：做拉麵的只做拉麵，做壽司的也只做壽司，串燒店、鐵板燒店，全部如此。而CA-AU-YA 吉豚屋，日本國內著名的連鎖式吉列豬扒專門店，全國分店超過200間，最近也在香港開張了! 香港首間分店選址平民化的九龍灣淘大商場，定價同樣平易近人，但環境同裝修都很認真，充滿和式風情，令人眼前一亮。吉豚屋只做吉列，而且只做優質的吉列豬扒，比其他的吉列專門店更專注；而店內特別採用熟成5週的「熟成豚」，特點是脂肪較多而肉味鮮口嫩滑，麵包糠及醬汁更由日本空連抵港，令人充滿期待! 　開餐了，首先試食是吉列豬扒定食($65)，約110g的豬扒配以白飯及野菜豚肉湯上檯，只售$65真的很抵食! 雖然價位相宜，但質素一點不比高級名店遜色：極度香脆鬆化的外層下，中間的豬扒肉質豐腴，脂香迷人肉汁併發，好好吃啊! 如果自認是吉豬迷，一份下來不夠滿足，還可以挑戰雙層吉列豬扒定食($89)，共有兩件80g豬扒，保證飽足! 第2款是野菜豚肉湯定食($59)，共有兩件吉列豬柳、白飯及大大碗野菜豚肉湯，整個組合也做到多菜少肉的健康效果。特別一提那湯，與一般日式餐廳的「例湯」

九龍灣陶大 餐廳數目多 但高水準的不多。 上海婆婆 和民 等屬正路之選.吉豚屋吉列豬扒專門店 Ca-Tu-Ya 這家新店 看看Openrice 反應頗正面， 一試無妨。要了最簡單的吉烈豬扒定食，配上豚肉湯。前者炸得香脆，炒亦不厚，有水準 份量亦足。後者 足料，但飲到尾有點油。另外豬扒汁帶酸，挺開胃， 麻醬亦可口醒胃。吉豚屋吉列豬扒專門店 實為該位置另一開飯選擇。唯一不滿是 服務不算十分好下， 食客要自行去結帳，卻要收加一

在油塘試食了一系列的甜品及雪糕後，杯咖啡也未飲完，便要收拾行裝，趕往九龍灣淘大商場，因為那裡有另一場的試食局等著我們。這場試食，是以吉列豬扒為主打的吉豚屋，店子在日本有二百多家分店，絕對唔係野少，如今強勢進註香港，本來已打算找天專誠來拜訪，是次有幸得到邀請，就更加好了。食物已由公關朋友們安排好，坐定定等吃便可以。當然，這餐就是全豬宴，所有都是吉豬定食，但就配以不同的醬汁和演繹方式，會是幾有趣的。這樣吃同一食材的飯局，令我想起當日擔任美食之最大賞評判時，共吃了46份桂魚卷和江南百花雞的景況。先來野菜豚肉湯定食，用上的是豬柳部份，兩大件的吉列豬柳，不很厚身，但尚且香脆，味道不錯。更讚的是跟餐的那碗湯，內含大量肉片、蘿蔔及菜蔬，感覺健康。隨之而來的吉列豬扒定食，豬扒已切開一條條，入口同樣香脆，而且比剛才的豬柳更為鬆化，沾上芝麻醬，我更為喜歡。如果怕太膩的話，旁邊的椰菜絲就大派用場，夾著同吃，依然合適。接著是滑蛋吉列豬扒飯，吃得多吉豬，這碗就再加入雞蛋成份，其實也是十分普遍的，感覺無咁寡之外，豬扒同是香軟又鬆脆，整體又較為濕潤，更好送飯。之後的吉列豬扒是跟上和風醬汁，所以除了吃到豬扒的鬆脆口感

十二月二日(星期日)好炸豬排的朋友，相信也一定聽過台灣杏子的大名還記得上年的台灣之旅，我們也有幸拜訪杏子，其質素之高，遠勝香港各過江龍也因此，就從那時起，再沒有在香港幫襯過吉列豬扒店了九龍灣淘大最近換了兩家新食店，其中一家正是在日本街知巷聞的吉豚屋相信到過日本的朋友，也會對此店或多或少有點印象說穿了，吉豚屋在日本設有二百多間分店，在當地頗具名氣，也因此，吸引了我們專程來到九龍灣一試新張期間，指定款式只是五十元，十二時來到，輪籌的食客也多的是等了約半小時，有位了店內間格挺寬敞的，坐得舒暢員工態度有禮，也很誠懇，明顯開店前經過訓練套餐包括麵豉湯，十分清香不太咸，味道不錯就點了最簡單的炸豬扒飯正當以為食材全由日本輸入，原來店方選用的不是來自日本，而是來自美國的熟成豚，豚肉也由美國直接運送到港豚肉一直存放於恒温下，令豬肉更加嫩，肉汁也就更豐富只見豬扒皮脆肉厚，肥膏位不多要挑剔一點(與杏子相比)，就是肉還可以軟腍一點，那便完美了與香港各吉列豬扒名店相比，絕不失禮，性價比，更是勝一籌

老實說在香港吃日式吉列食物真的有點畏懼了. 之前領教過''近又''巳教人失望透, 連比較有名的銀座梅林跟長期大排長龍的丼吉, 水準亦是時好時壞. 最近吃過質素比較OK的是豚組, 奈何價格不算便宜, 兩個人去吃分分鐘都要三百多元落樓, 計起來其實都不太化算.最近聽到日本的著名吉列連鎖店吉豚屋終於選了來香港開其第一家海外分店, 還要在宅女家附近的九龍灣淘大開業! 這麼近我, 不前去試試看也不成道理吧.這裡前身是家吃米線的麻酸樂跟一家港式日本料理. 現在新店把2家都打通了, 地方就比較大. 然而開業只有數天, 但巳出現人潮. 宅女雖選在平日晚上來, 平時一人位都會很快, 但這裡也要等了差不多半個小時才有位, 店內其實都幾寬敞, 可能初開業的關係, 各樣都算是頗整潔的. 餐廳多是四座位, 有部份是兩座位, 近門口也有bar枱方便單獨來的食客.有點驚訝這裡的厨房設在對正門口, 而且也是十分開揚, 師傅在內的一舉一動全部都一目了然.作為連鎖店, 食物供求當然比小店大, 所以店方棄用人手炸, 改用一部機器來炸, 眼看店內只需一位嬸嬸店員把沾有麵包糠的炸漿豬排, 一件件的放進機內, 不出三分鐘便有塊色

吃完餃子，回到這裡看看入座情況，很幸運地我們多等十分鐘就有位了。店內的裝潢和一般的日式吉列店差不多，都是以淺木色為主，再配上柔和的燈光。店內的環境很寛敞，檯與檯之間有足夠的空間。是日有開店紀念激安大優惠，4款食物全部一律$50，其他的食物要明天開始才有供應。4款特價美食分別有吉列豬扒定食、滑蛋吉列豬扒飯、和風汁吉列豬扒飯和吉列咖喱豬扒飯。我們因為之前已吃了點餃子，所以為了不想浪費，特意叫店員少飯。咖喱吉列豬扒定食。雖然點了少飯，但咖喱飯本身的份量都幾大，從豬扒的橫切面來看，這樣瘦的豬扒應該會是又乾又嚡的，但咬一口之後又發覺沒想象中般差，當然不能如肥瘦均勻的高級靚豬扒相比，但至少都稱得上鬆化，炸漿也做得不錯，不太油膩，以$50這個價錢吃到的確是物有所值，就算正價$76也不過份。相反那個咖喱汁就很普通，像是日式咖喱磚開水煮成的，沒有蔬果的甜味，但也難怪，始終這裡不是專注做咖喱，可是如果加點紅蘿蔔或者薯仔去煮就更好了。至於那些日本米，鬆弛就不太夠圓和飽滿。吉列豬扒定食。吉列豬扒的質素與咖喱那塊差不多，本來有椰菜絲應該很高興才是，可是椰菜絲出水，切得不夠幼，吃起上來也未夠爽口，伴著的和風芝麻沙

以往曾經在九龍灣居住沒想過幾年沒來 這裡已被不同的食店登陸活像一個美食天地眾多食店當中 這家吉列專門店連獲好幾個好評一於就試試看來到的時侯是下午兩點正沒想到過了午飯時間還有大約二十多人在店外等位可能因為今天是試業優惠的最後一天吧還好輪侯的時間不算太久 30個籌號大約等30分鐘就可以入座了(而且附近有不同的店鋪 等侯的時侯可以四周逛逛)入座後便點餐了我跟男友選了試業優惠中的吉列豬扒定食 及 咖哩吉列豬扒飯大約十分鐘後便有得吃了咖哩吉列豬扒飯很多咖哩汁正合我這個愛用汁來撈飯吃的人咖哩不太辣 不過有點過咸 最後多拌一點飯而豬扒外層的麵包糠非常鬆脆也不會太油膩不過豬扒的肉質略為有點乾可能炸得久了一點而男友的吉列豬扒定食除吉列豬扒和飯外還附有椰菜絲及一碗味噌湯味噌湯出乎意料的足料坊間大部分味噌湯都只有紫菜 及 豆腐而這裡的有很多蘿蔔 還有肉片口感很豐富!椰菜絲普普通通 沒有天然的清甜不過加入芝麻醬 也是很開胃的前菜(問過店員 因為這裡的定食價錢較相宜所以椰菜絲是不設任食的)定食的豬扒比我的那一塊較多肉汁比較起來沒那麼乾也較好吃不知道是定食和咖哩吉列豬扒飯所用的豬扒部位有關還是只是偶爾失手的問題呢

日本食店一直响香港都有一定的市場，有各式各樣的專門店可以食到不同的日本美食。但係專食吉列豬扒的，真係好少見。今次响九龍灣淘大花園，見到一間新開的吉列豬扒專門店，一定試一試美食先。因為11月26日至12月2日新張期間，店舖仲要試業型式，但係就有新張試食優惠，限定四款定食中，全部都係一律50元，仲要免收加一，真係好抵。其實個餐牌都仲有好多野食選擇，當然係清一色係吉列豬扒系列。點左兩個餐，吉列豬扒定食和滑蛋豬扒飯。等唔夠一陣，好快已經有得食，比想像中快好多。先試下個滑蛋雞扒飯，雞蛋好滑，而且個豬扒炸得好脆，仲要係好熱，好明顯係即叫即炸。而且份量亦都足夠再試下個吉列豬扒定食，定食中仲有一碗豚肉湯，碗湯味道好濃，而且仲有幾片豚肉，味道很新鮮。比起一般日本食店飲味噌湯，都算特呀跟住試下個吉列食扒定食，豬扒和飯分開上，配埋芝麻汁點豬扒食。豬扒一定炸得很脆很新鮮，而且塊扒唔係好油，師父應該炸完上菜時，用吹油紙去左一轉油，所以豬扒食落唔覺得肥膩，而且口感不錯，果然做吉列豬扒的專門店整體來講，如果以原價價錢，能有呢個水準都不錯呀。但係只係豬扒跟飯，好似欠少少。如果吉列豬扒可以跟住有烏冬或者拉麵食，可能仲好

最近從網上得知有一間日本吉列豬扒店進駐了香港愛好炸物的我又豈能錯過來到門口 , 見到招牌封了紅紙原來還未正式開業呢睇過餐牌後 我倆點左吉列豬扒定食&吉列咖哩豬扒飯吉列咖哩豬扒飯 - 鬆脆美味 炸物炸得好鬆化 , 唔係話脆咁簡單炸漿的鬆化反影到師父對於麵粉、生粉油溫的控制出色 , 才有這個效果咖哩色水深 , 味道是一貫日式咖哩的甜濃厚得來 , 香滑惹味 ... ''正''吉列豬扒定食 - 肉質鬆化有肉汁 , 入口唔會成口油 ... ''正''跟白飯一碗 , 米粒來得大、彈性和粘性十足，好味椰菜絲新鮮, 爽口, 但略嫌唔夠清甜定食包一碗野菜豚肉湯 , 料多清甜 , 唔錯唔錯$50(試業價)一份定食 , 實在是物有所值見佢試業後價錢都只係七十幾蚊如此水準 , 我只能說....非常抵食如果係好炸物既人, 呢度絕對係你既選擇食完吹多陣水 , 又唔會趕我地仲幫我地主動加水 , 我一定會再黎食

知道這間餐廳會開張已有一段時間，上星期五經過，咦好似有人係入面食緊喇喎到左星期日，落哂雨本來都不想出外吃午餐，但覺得閉關在家會生菇，就去這餐廳試試明明餐廳入面見到有人, 侍應企哂係門口好似唔俾人入，做咩事呢?我就同個侍應講幾位，佢就細細聲同我講，其實我地未裝修好，今日都係俾客人做免費試食做員工培訓...問我如果裝修有瑕疵介唔介意，我地最好係佢地FACEBOOK PAGE LIKE一LIKE就得喇咁荀?我本來都打算係度食，免費當然更加開心啦，咁就入左去坐喇店入面都幾大 (佢以前係很有名的小強餐廳><)，裝修有D似都係有個吉字的日式快餐店不過出奇的是佢播住輕音樂，可能當時又唔係好多人，所以令我覺得環境好Relax呢見到餐牌，有4個寫住$50試食的飯，有咖哩吉列豬扒飯、燒汁吉列豬扒飯、吉列豬扒+生菜+湯同滑蛋吉列豬扒飯咦?係出面唔係話免費嗎?心諗可能真係"培訓中"講錯啦，又不好意思問我叫左咖哩吉列豬扒飯(原價$76)同吉列豬扒飯定食(原價$72)，汽水($9) 個樣幾好，夠熱，上菜好快(因為佢地會寫低由落單到食物到齊所需的時間)主角吉列豬扒不算很厚，但炸粉跟豬扒肉緊緊相扣，不