吔咩嗲 吔嘢事無所

营业中

休息中

2款熱菜+1款冷菜定食配面豉湯 $89- 面豉湯正正常常。熱菜：1. 秘製Masala雞，是用意大利茄蓉醬整，茄蓉入口酸酸地幾開胃，有點輕微辣。如果可以整得再辣點，就會更加惹味。2. 鹿兒島吉列黑豚肉肉餅，外脆內軟，而且啖啖肉，喺最有驚喜！冷菜：1. 金平牛蒡，牛蒡紅蘿蔔絲切絲涼拌，爽口開胃，低卡健康之選。日式三文治套餐 $70中華孜然炸雞及滑蛋三文治配沙律薯條大馬士革纖茶（凍）- 大大份炸雞滑蛋三文治，熱辣辣脆卜卜嘅薯條，全部都好好食！- 本身想揀凍無糖白桃烏龍，點單時才說沒有貨，只有凍大馬士革纖茶，只好叫依個。味道喺健康的味道。

喜歡日式家庭料理有湯及多款冷菜 熱菜選擇每款菜式以一小碟組合整盤呈上感覺很滿足又很精緻1款冷菜+2款熱菜/ 2款冷菜+1款熱菜 $89是日湯：忌廉蘑菇湯與西餐的蘑菇湯不同 蘑菇味是有但湯比較稀身 味道可以只是不知道是剛巧或是什麼 其中一碗湯內有大量黑胡椒 入口非常辣 但另一碗則沒有😅😋🥗南瓜沙律配堅果南瓜打成蓉 很綿滑 混入堅果 營養滿分 😋🥚自家製溫泉蛋花椒鰹魚汁溫泉蛋熟度控制得剛好 配上的花椒鰹魚汁令整體變得特別 甜甜的鰹魚汁滲出微微的花椒麻辣味 非常點到即止 不會太搶焦點 😋🍘鹿兒島吉列黑豚肉餅金黃色外表非常酥脆 餡料混著濃郁的洋蔥味道 不膩口🍘大阪燒風豆腐餅用豆腐為基底的大阪燒 還有甘荀杏鮑菇適合素食者 豆腐很有豆味 夾起不算太鬆散 😋🍘和風黑松露墨魚堡個人很喜歡 因為自身很喜歡吃墨魚 入口非常彈牙 黑松露及粟米混入其中作點綴 令味道及口感提升🌮安格斯牛櫛瓜卷配自製洋蔥蘋果醬 (+$20)安格斯卷著牛櫛瓜 安格斯有牛味 蘋果醬果香豐富原本還想一嚐他們的炸多士有不同味道 內裡包裹著滿滿的cream但奈何吃了定食真的太飽了惟有下一次再品嚐

朋友介紹呢間餐廳的一汁多菜定食不單止好食，而且性價比高，於是今晚就同老公黎食。一睇menu先係俾個新登場的甜品，油治及輕忌廉伴芭菲及雪糕套餐吸引左我眼球😍😍又怕叫兩個定食加甜品會食唔曬，所以就只叫左一個定食，定食有好多combinations 可以自行選擇，我哋就叫左個$99 三款熱菜加一款冷菜。冷菜揀左左口魚秋葵伴柚子醋櫻花蝦(另加$20)呢個大推，味道少少酸，夏天食好開胃，左口魚仲要好新鮮😍😍安格斯牛櫛瓜卷配自製洋蔥蘋果醬(另加$20）估唔到可以揀幾多成熟，牛味幾濃，入面包左櫛瓜片令到入口好有口感同清夾，唔會油膩👍👍秘製Masala雞少少辣，個雞肉幾嫩，最重要係冇雪藏味。鹿兒島吉列黑豚肉餅熱辣辣，炸到個外皮好鬆化，入面啲肉仲保留到好juicy😋😋個定食仲包左一碗白飯，一碗湯，個湯好足料，好好飲😋😋加左$26要左杯檸檬士多啤梨特飲，杯邊塗左啲鹽，飲入口幾夾，有啲士多啤梨肉係入面，飲入口好夾。油治及輕忌廉伴芭菲及雪糕套餐$99炸多士揀左柚子開心果味，配港式奶茶雪糕，一上枱賣相好吸引，雪糕奶茶味濃，炸多士炸到好鬆化，入面全部都係柚子忌廉，仲有粒粒嘅柚子肉，外面仲有粒粒開心果粒，食完一啲都

今日嚟到荃灣呢一邊搵好嘢食，就嚟咗呢一間食日式小菜嘅餐廳，佢係自家製嘅日式小菜，而且每一日新鮮即做，睇嚟非常有心思，咁我就同朋友決定試吓，喺網上見到啲評分都唔差，我哋就決定去食晚餐，順便喺附近行吓街💡海老明太子西蘭花，餐廳喺條配醬汁上嘅味道特別，令到大蝦同埋西蘭花嘅味道更加夾，每一隻蝦都非常大隻，爽口彈牙，西蘭花亦好食，鍾意呢一個小菜，因為本身個人嚟講好鍾意食蝦，覺得佢係成個配搭上做得幾好！💡即製大阪燒，熱辣辣嚟到，睇得出真係即叫即做，而且加咗豆腐，甘筍同埋杏鮑菇，令到成個大阪燒嘅口感更加提升，細細份非常好，可以試多幾種唔同嘅嘢食，因為餐廳嘅小菜真係做得唔錯！💡安格斯節瓜卷配自製洋蔥蘋果醬，呢個簡直食到fusion菜味道，非常推介，佢嘅自製洋蔥蘋果醬汁非常特別，令到成件節瓜卷味道提升！！！送飯一流，而且節瓜唔會掩蓋到成個牛肉嘅味道，成個口感非常balance, 呢一個非常出色，值得大家可以叫！甜品都非常出色，如果鍾意食甜品嘅朋友都可以試吓呢一間餐廳嘅甜品，我哋就叫做一個set，佢喺擺盆上非常有心思，個人嚟講幾鍾意食佢嘅奶茶雪糕，非常香濃嘅味道，而且好少喺出邊可以食到奶茶味道嘅雪糕，佢嘅

呢間餐廳主打一汁多菜料理同各種日本爆紅嘅甜品🍮，由鋪名到店鋪裝飾嘅設計都好用心同有創意，唔怪得佢一直都排曬長龍🥹🥹主食可以揀唔同嘅熱菜冷菜搭配，再加上佢地出名嘅甜品，又忌廉又炸多士真係好邪惡🙏🏻🙏🏻————————————————⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣▪️3款熱菜+1款冷菜 $99 安格斯牛櫛瓜卷 + $20我地揀左大阪燒風豆腐餅、安格斯牛櫛瓜卷、黑豚肉餅同溫泉蛋🥚豆腐餅係由豆腐、甘筍和杏鮑菇製成🍄‍🟫食落好特別，而且豆腐唔會淋到夾唔起，加上大阪燒風味嘅醬料都好入味🤤而安格斯牛櫛瓜卷都好冧而且有肉香味，加上櫛瓜蓉，咬落去好Juice😋黑豚肉餅即叫即炸又香又熱又脆，加上撈飯一流嘅溫泉蛋同例湯，成個套餐都好飽滿好好食！☺️▪️由治及輕忌廉套餐 加麻糬 $99+7我地揀左士多啤梨味🍓超邪惡嘅炸多士係日本都大熱，熱到拎唔起個隻，咬落好脆再加上輕忌廉口感好好，忌廉比得好足好好食🧴而且仲要有好多嘅麻糬。而套餐仲有埋芭菲同雪糕~雪糕幾好食但芭菲比較普通，個人推薦食忌廉炸多士！————————————————⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣

呢間係主打日式一汁多菜🥣料理，亦都有提供三文治🥪，千層調色盤🎨同牛角包窩夫嘅甜品😛 一汁多菜餐有冷盤同熱菜選擇，總共揀3樣價錢就係$88，4樣就$98😉 仲包埋湯、飯同野飲🥰 全部菜式都好有日式家庭料理feel，唔會好heavy☺️ 熱菜推介安格斯牛櫛瓜卷，牛方面幾冧而且有肉香味，加埋櫛瓜蓉幾特別同健康😙 大阪燒都唔錯細細舊但幾有心思☺️ 黑豚肉餅同蔬菜餅兩款炸物都幾好味🥳冷盤就推介南瓜沙律不過南瓜味可以再濃啲，溫泉蛋撈飯都好正😍日式三文治都好有驚喜😋 麪包🍞好軟熟，孜然炸雞同蛋($68)都好嫩滑😙下次會想試埋甜品😋📍吔咩嗲 吔嘢事無所荃灣鱟地坊42號𧙗強樓地舖🍽️ 7.9/10#janfoodiary_日本菜 #janfoodiary_荃灣 #janfoodiary_💛

社交平台彈左呢間野嘅短片出黎，之後上開飯睇下食評，全好評😳😳😳😳，就諗住試試啦，點知伏左，呢舊野，如果好食嘅甜品價錢黎講唔算貴，可惜⋯⋯⋯⋯無錯成舊野除左塊包同包裝紙外，全部都係綠色，但食晒成舊都食唔倒一陣特濃嘅綠茶味，就連淡淡嘅綠茶味都唔覺有，食完個口只有炸包味，呢個價錢買支綠茶飲，啲味應該勁過塊包😅😅唯獨可讚係塊包雖然係炸，但食落個口唔會油淋淋果種👍👍總結$38，一定不會再幫襯，因唔好食得來價錢貴以上只是個人口味，不喜勿插

嚟到荃灣呢間日式家庭式嘅Cafe一入到去個裝修好親切仲有好多書喺度俾大家睇除咗有便當套餐之外，佢仲有三文治嘅套餐同埋呢一個調色版嘅甜品見到旁邊嘅人都有叫，但想食嘅嘢真係太多呢啲真係要留返下次先😢我哋叫咗3款熱菜+1款冷菜嘅一汁多菜定食熱菜有和風黑松露烏賊堡（墨魚漢堡）-黑松露嘅味道幾濃郁，配搭埋墨魚嘅鮮味，幾好食得來又幾彈牙安格斯牛櫛瓜卷配自製洋蔥蘋果醬 五成熟 -冇諗過定食都可以選擇肉類嘅熟度，入邊仲食到一片片嘅翠玉瓜同埋秘製Masala雞-醬汁嘅味道好濃郁，非常開胃冷菜就叫咗左口魚秋葵伴柚子醋櫻花蝦-左口魚嘅油脂好濃郁，配搭埋秋葵都非常之解膩白飯我哋仲追加咗櫻花蝦+醬油，有咗櫻花蝦嘅加持，成碗白飯即刻變得勁鮮甜飲品方面就叫咗接骨木花蜜配青檸（熱），就非常之潤喉食完正餐當然唔少得要試吓佢嘅邪惡甜品油治及輕忌廉，係呢排日本東京興起嘅甜品將兩塊多士油炸之後再放上輕忌廉，之後再加上唔同嘅配料同埋麻糬柚子開心果多士加麻糬-開心果碎好澎湃，輕忌廉層次做得唔錯，加埋麻糬嘅口感食落去好滿足另外我哋仲叫咗個藍莓多士加麻糬，今次有埋生果同埋藍莓醬嘅加持，令到整份多士有多少少清新嘅感覺，麻糬嘅份量都好多

係openrice留意左呢間餐廳一段時間終於有機會約埋朋友一齊出去試下鋪頭細細 座位唔多好彩我地係一開鋪就到所以唔使等位😊佢呢度係日式兩餸飯咁 俾你自己揀2款熱菜+1款冷菜 $883款熱菜+1款冷菜 $98即製大阪燒好香口 但又唔會漏係用椰菜紅蘿蔔同豆腐整 感覺好健康秘製Masala雞雞件外脆內嫩 個汁好惹味海老明太子伴西蘭花蝦好彈牙 明太子同西蘭花好夾鹿兒島吉列黑豚肉餅炸得又香又脆 入面軟淋淋有肉味清酒味醂煮蠔 加$20用左新鮮蠔仔黎煮 唔腥 而且唔會好重酒味整體黎講好豐富 仲有湯同飲品份量足夠 一定食得飽😋

其實我🦁太太好鍾意日式既小菜，之前去呀婆食既時候覺得佢既價錢都應該比哂租，所以野食份量偏細，之後🐷先生look IG既時候見到e間餐廳，佢話一定要帶我黎試下🫶🏻餐牌都係視乎想食幾多個小菜而選擇，今次我地簡左2凍2熱套餐😌套餐本身有個湯跟，今日係雜菜湯，可以飲到蔬菜既甜☺️🔸2款熱菜+2款冷菜+ 安格斯牛櫛瓜卷配自製洋蔥蘋果安格斯牛片肉味濃郁加上櫛瓜片增加左口感，啖啖蘋果香非常和諧+ 海老明太子伴西蘭花海老每隻都細心咁煎煮過，爽口彈牙，明太子沙律醬又唔會太過搶味+ 左口魚秋葵伴柚子醋櫻花經過輕炙嘅左口魚散發着魚油嘅香味，配上柚子醋增加清爽感+ 南瓜沙律配蘋果青瓜堅果入口綿密，南瓜既甜味答配住蘋果青瓜爽脆口感+正常飯量加 牛油+蔥花+醬油牛油+醬油撈番係無敵，每啖飯都有牛油既香氣+ 百香果蝶豆花梳打（凍）顏色分層好出，打卡好靚，百香果偏甜，撈勻佢飲就岩岩好喇🥰甜品除左有調色板之外，Omg佢仲有油治，唔可以放過佢😎🔸藍莓油治點解個奶油可以咁好食既？好順滑而且唔重奶味，藍莓新鮮，油治炸得好脆身，唔會油膩🔸柚子開心果油治+麻糬一收到，見到滿滿既開心果碎已經好開心，之後再試下佢地個麻糬，可以拉絲架，

呢間喺荃灣嘅小店我想試好耐架喇! 喺社交平台碌到佢哋新出左一款係日本福岡好Hit嘅忌廉炸厚多士甜品，一於去試吓~-一汁多菜午餐定食揀咗3款熱菜+1款冷菜. 升級白飯配牛油蔥花醬油.1）鹿兒島吉列黑豚肉餅：有驚喜！咬落超有肉味，配埋炸得香脆嘅表皮，啖啖都好enjoy呢. 配菜有沙律，唔驚會膩😌2）日式味噌醬燒茄子：個人覺得係最好食嘅熱菜！燒得岩岩好，啲茄子非常之入味又唔油，表面仲係脆脆地，個口感好正😋3）安格斯牛櫛瓜卷配自製洋蔥蘋果醬：fusion得嚟又好食健康喎😙4）南瓜沙律配堅果：唔怪之得係店主最愛😏 真材實料又fresh，係將個南瓜磨爛成南瓜蓉，甜甜地好開胃！**蔥花&牛油粉絲記得升級個米飯喇～-跟餐 熱黑豆麥茶淡淡既黑豆味，無落糖，健康之選我喜歡!-油治及輕忌廉甜品嚟啦! 一嚟到就有澎湃嘅視覺衝擊，啲鮮忌廉係塞滿晒嚿多士haha 1）柚子開心果：cream係柚子味，再灑上非常多嘅開心果粒，配埋烘過既牛油厚多士，nice~2）特濃抹茶：中間夾咗嚿抹茶味長崎蛋糕，再灑上咗濃濃既抹茶粉，cream都係抹茶味架~🍵

吔咩嗲Thursday, 18 April 2024 短暫黃雨夏升春末。未食五月糭已經開始冇乜胃口。荃灣區冇乜日式輕食小店，今日特登嚟呢度開吓胃。鋪面細細頗花心思嘅擺設，淡淡滲出一種 混合咗 日台 文青味。最簡單，就係叫佢哋嘅「一汁多菜定食」2熱2冷餐。- 秘製 Masala 雞。10小辣已經係極限嘅我都唔覺得佢辣，Masala辛香剛剛好。- 鹿兒島吉列黑豚肉餅。表面炸得鬆脆，內裏肉汁滿滿好香口追住食。- 明太子伴海佬西蘭花。香煎中size 鮮蝦，成個配搭都幾好，清新爽口。- 金平牛蒡。好醒胃、爽口。重頭戲就係 「油治及輕」+芭菲 + 豆腐雪糕，特濃抹茶忌廉炸多士、麻糬、朱古力脆脆。真係大堆頭食得睇得又打得。

碌ig見到有人推介炸厚多士，即刻去試，好好食，料好多！柚子開心果即叫即整即炸，一嚟到就熱辣辣，見到成個面都係開心果，真係勁開心。一咬係首先有柚子味，之後就食到開心果味，柚香帶咗啲開心果味出嚟，兩者一齊食好夾。多士入面就係滿滿嘅cream。多士仲炸過，好脆，但又唔會食到成口油，好爽脆！特濃抹茶勁香抹茶味，抹茶蛋糕作為點綴，然後係滿滿抹茶粉，最重點！！係佢啲cream都係溝抹茶！！！全個多士都係超多抹茶味！！定食 (2熱盤1冷盤)有幾款可以選擇，今次揀咗masala雞+海老明太子伴西蘭花+百香果柚子檸檬汁沙律+櫻花蝦白飯。Masala雞好香口，餸飯一流！海老好爽，明太子醬好正好香，西蘭花索晒啲明太子汁，食落口好滿足！百香果柚子好潤喉，食落好舒服櫻花蝦微微烘過，好脆身，啲香味出晒嚟，成碗飯都係櫻花香嘅香味！

係社交平台成日見到人去呢間荃灣小店，已經好有興趣，難得今日經開呢邊，專程去試試。呢到係比較日式溫馨小店感覺，主食叫左2款熱菜配1款冷菜。一上台已經覺得好吸引，好有食慾!惹味大阪燒 係用左豆腐 , 甘筍同埋 杏飽菇，感覺比較健康，食素人士都岩，係一個輕盈版既大阪燒。食落都幾夾，可能配埋燒汁，味道同平時既大阪燒真係差唔多!鹿兒島吉列黑豚肉餅外皮酥脆，中間食落有D似平時食到忌廉薯餅既口感! 冷菜 - 左口魚秋葵伴柚子醋櫻花蝦呢款好有驚喜，好好食，而且柚子醋食落酸酸甜甜，好開胃。定食set仲有跟飯同埋羅宋湯，好飽肚。百香果碟豆花梳打睇得又好飲，鐘意佢唔會太甜! 油治及輕忌廉本身以為日本先有呢款甜品，估唔到香港都食到! 叫左2隻口味，分別係士多啤梨同埋柚子開心果。 外皮好脆，好似蝦多士既口感，配甜食都好夾。士多啤梨好甜再加埋D醬，每啖都好好食!! 仲要係爆cream咁足料。柚子開心果口味就係充滿開心果碎，都好夾!

左口魚秋葵伴柚子醋櫻花蝦：左口魚的肉質鮮嫩，超級甜，而且由油感爆發！搭配秋葵的清脆口感，帶來了豐富的層次感。柚子醋提供了微妙的酸爽風味！蕃茄奶油雜菜湯食得出蔬菜原汁嘅甜味！飲落好順喉！北海道牛肉薯餅：薯味好突出而且成個牛肉薯餅好鬆化唔會炸到死實實！安格斯牛櫛瓜卷配自製洋蔥蘋果醬：這道菜結合了安格斯牛肉和鮮嫩的櫛瓜，搭配自製的洋蔥蘋果醬，味道豐富多層次。簡直係心機菜。鹿兒島吉列黑豚肉餅：吉列黑豚肉具有細膩的肉質和豐富的油脂，使得這道肉餅口感豐富！呢間餐廳都幾多捧場客，始終喺荃灣都好少呢啲精緻日式家庭菜！同埋甜品都幾多選擇，專登嚟食甜品都唔錯㗎！油治及輕⋯•忌廉伴芭菲及雪糕套餐真係超有創意，果然係打不死香港人精神！唔單止個名夠搞笑，仲好好食添！口味揀咗柚子開心果！真係第一次食呢款甜品！其他餐廳都冇得食！餐廳廚師細心地將柚子開心果碎讓入去厚多士，炸過之後多士皮好薄脆卜卜，裏面加忌廉真係脆脆到不得了非常好食 ！綠茶味雪糕都好濃郁綠茶味！朱古力脆脆&鮮果&麻糬&輕忌廉 芭菲都有啲驚喜，唔算好甜，呢款組合甜品同朋友share就最啱啦！Twinings 仕女伯爵茶是一種經典的英式茶，它的口感溫和！