和暢金廚 (南盛街)

营业中

休息中

好少入黎大埔，得閒要黎多啲發掘野食先😋大大力支持小店❗☆是日海鮮-豉椒炒蟶子☆🐚呢個係隱藏菜單menu完全見唔到，但見隔離2張枱分別有花甲同蟶子，到落單問職員原來真係有，於是就叫左炒蟶子。蟶子炒得剛剛好，保留到啲肉汁，上枱未會太熟或收乾水而變'un' 👏👏☆客家鹹雞☆🐔真係夠哂鹽醃味，再加埋薑蓉係上面，送白飯一流☆客家釀豆腐☆🧈細細粒，屬於小食類，咬落皮脆，豆腐亦好滑溜多汁。☆紅棗糕☆🍰枱枱人食完都點，我地又叫左黎試下，真係好味喎，紅棗味係滲透係成件糕度。✍呢度既餐牌好似樣樣菜式都係熱門菜式🤩職員又有人情味，私人送左碗好清甜既湯，好似有金針既😅除左職員熱情，亦都感受到佢地既好客，同廚師對食物既堅持💪。一定會再幫襯試埋其他菜式💁🏻‍♀️

以呢個價位食物質素有80分以上，食左兩個午餐，兩個小食，清湯腩連湯都忍唔住飲曬，非常淋身，蘿蔔又甜無根，同外邊專登去食既名店都絕對有得比，餐湯又好好飲，真係唔係味精水，兩個姐姐更加100分，細心有存性，見到老人家又會特別照顧，同大集團做法完全唔同，地道香港人情味，以後一定多D黎，非常值得介紹

行完山黎到出名多美食既大埔，花左20分鐘search 下有咩野值得一試，最後搵到和𣈱金廚支竹蝴蝶腩唔係好燶醬汁嗰種炆腩肉，個汁清清地但係好入味， 蝴蝶腩炆得夠琳客家煎釀豆腐，炸得超香脆，唔肯定中間釀既係豬肉定係魚肉，但係足滿鹹香味，幾蚊一件價錢好相宜，但係比較細件，每人一件唔係好夠喉素鵝腐皮有豆香味，好香口一啲都唔漏，餡料滿滿，又唔會話脆到𠝹口原本想食滷水生腸，但係已經賣晒，店員介紹滷水墨魚片，果然冇介紹錯，滷水入味，墨魚爽口唔會過靭，上面有少少麻油，非常惹味碗仔翅非一般貨色，見個樣比較淺色，又冇冬菇木耳，以為好削，點知一啖落口已經食到有海味香味，入面仲有魚唇，大愛客家苦瓜釀魚肉魚肉比例十足，好香口，配埋個煮過既汁（並非一般豉汁/ 豉油），送飯首選見人人都推介紅棗糕，果然同市面上一般煙靭驚紅棗糕唔同，介乎棗泥與西式蛋糕之間嘅口感，突破咗我對紅棗糕嘅認知，食完忍唔住買咗一盒8件帶走比屋企人試總括而言，今餐非常滿足，碟頭比較細，可以試多幾款菜，晚上8:00 已經有好多嘢售罄，店員10分有禮，充滿人情味💛 有機會一定會再黎2人點了共9樣菜：四臣湯兩碗（細）枝竹炆蝴蝶腩客家煎釀豆腐兩件滷水墨魚

同父母，10月尾嘅星期日，人係大埔而唔知食乜好嘅情況下，去咗試吓呢間小店，當日滿座，我哋三人等咗15分鐘左右就有枱，間鋪其實好細，枱之間冇乜距離，主要係細枱，而且多1，2人客用餐，見多枱客都有叫蒸魚，應該有水準。呢度優點係每款菜式细細分，價錢也相對調低，2，3個人已經可以試多款食物，我哋叫咗碗仔翅，好足料，蜆介鯪魚球，蝦子豬皮蘿蔔，蝦子鹹香味好足，清湯牛腩，真係細細份每人有一舊左右，係炆得好淋嘅，調味適中冇過鹹唔錯。鹵水拼盤有豆腐，雞蛋，豬蹄同埋鴨片，仲叫咗個清湯時菜。呢度食物有住家feel，可以常常來😛。

假日約了友人到大埔食lunch，大埔之友推介和暢金廚，主打客家菜，據聞紅棗糕及蝴蝶腩好出名，下午時段去到要等位，果然受歡迎!等緊果陣睇下簡介，原來店子來頭唔細，老闆係人稱大埔霍元甲的名廚吳永皓師傅的徒弟，有師父教路冇得輸，而且仲要係一間良心小店，必食!餐廳座位唔多，但唔算好迫，坐得都舒服，牆上掛有畫作及字畫。餐牌，假日時段都有超值套餐，$50，主菜配白飯及例湯，小食都幾平，抵食。是日例湯，四臣湯，材料有蓮子、淮山、茯苓及茨實，好足料。客家鹹雞套餐，$50。雞肉夠滑，少少鹹香，好味。支竹蝴蝶腩套餐，$50，名物之一，好奇一試。蝴蝶腩，即係豬肺裙，賣相有筋有肉，筋膜爽口，肉質鬆化又香口，食落有點似牛腩，枝竹入味，個南乳麵豉汁送飯一流。蜆介綾魚球(5粒)，$22，口感外酥脆內彈牙有鮮味，不俗。家鄉蠔缽，$50，蠔味比較淡，芫茜味較重。紅棗糕，$7一件，又係名物之一，口感柔韌細膩，少少濕潤，紅棗味清香，甜而不膩，果然好味呢!陳年金桔蜜，$20，香甜潤喉。熱情果，$20，友人的。食物有水準好味，仲要好抵食，服務態度親切，仲要不收加一，原來可電話訂座，下次可以BOOK定位先，仲有好多菜式想試，下次

醉雞首先肉唔鞋唔靱係基本，扎實又滑而且咸味剛好，配埋個汁易入口就勁快清晒成碟。如果你係重視醉雞個汁咁可能會覺得麻麻～因為佢好食唔係來自個汁而係隻雞本身 ！紅棗糕$7/件叫2件個樣好似面包咁，但係唔洗湊近都聞到勁香紅棗味。個口感係幾新奇得意，平時淨係食開酒樓糕點果種texture，原來佢軟糯又實實地咁仲好味～仲有得外賣一盒$50拎番屋企蒸/叮黎食炸豆腐呢個好味！！！！會想再黎吃多次！！！！！！！！蠔缽睇openrice啲相以為好大😂其實係好滴飾，不過$50！呢個價！cp高。個人覺得還好。我鐘意多啲茜。素鴨幾好～～但印象唔深CP值很高

已經尼左好多次，員工好親和，有禮貌，好好服務。星期日多數都好忙，最好打個電話尼book左枱先。 坐底兩碗例湯足料🫶今日叫左麻辣茄子滑雞味道好夠，送飯一流鹹魚蒸肉餅豬肉好滑好香，鹹魚好冧，送飯都係好夾滷水豆腐炸到表面金黃脆口，內裡軟綿綿，加埋滷水汁，正滷水蛋亦都好入味佢個紅棗糕都係一流，平時出面比較難食到，仲可以買一底反屋企自己蒸，幾方便。同埋我都講佢啲價錢真係好貼紙親民，仲要係交到好貨，好食勁正一定經常過尼幫襯。👍

第一次幫襯呢間食肆 就係慶祝自己生日呢間食肆其實之前已經久仰大名 係大埔出名嘅私房菜 當然其實都係做街客嘅 但係如果晚市嘅話呢有啲菜式係要訂先至會有 係一個出名大廚開嘅 所以朋友選擇喺大埔食飯 我就選擇咗去呢一間食店 因為朋友之前都幫襯過 所以佢都話呢一間其實都幾好㗎 不過呢就比較多生意 所以可能之前要訂定位好抱歉 其實當日我哋都遲到 因為我係放工時間坐巴士 所以時間上面都係差一點 餐廳本來留咗個大枱俾我哋 但最後都要搭枱 當然啦你走咗之後就成張枱都係我哋 因為我哋今日嘅餸菜係比較大份 所以如果唔訂個大枱嘅話 其實都幾論盡講返食物 ：我哋一開始嘅時候職員已經送上兩碗例湯 話係送俾我哋飲嘅 其實我就飲唔出係啲乜嘢味道 只係知道佢有好多料 味道就普通 我哋訂咗兩樣嘢 第一就係胡椒豬肚雞湯 因為每日子會提供兩個 如果唔及早定嘅話分分鐘有機會會冇 但係我哋只係得兩個人所以其實我哋係食唔晒嘅 首先佢會俾你睇成煲湯 之後就會喺客人面前剪爛佢 會證明俾你睇佢哋係用豬肚包住隻雞 唔係用來貨 佢哋會解釋點樣可以放咗隻雞入裏邊 睇落去真係治癒 飲落去好重胡椒味 最後我哋都真係要打包 不過都係值得一試這個花

呢間小店吳係成日開我又吳係 成日去開大埔咁岩打電話問又有無咁當然要試下啦😉客家蠔缽好有心咁另外俾 修身鐡匙俾你切得方便D切左就覺得好足料無咩鬆位味道上蠔味不太出夾雜住菜，所以有D草青味味就不太算我杯茶但發覺得 ➕豉油，胡椒粉有昇華到😯古法釀涼瓜係髮菜鯪魚肉釀涼瓜個涼瓜好琳(因刮走苦果層囊)鯪魚肉就正常彈牙度個湯汁就酸甜如果平時吳喜歡/抗拒 涼瓜既人可以試下支竹蝴蝶腩賣相就普通D蝴蝶腩除左有肉重有連膜肉做到琳少少入味，膜就有咬口支竹就爽脆所以建議，一口食蝴蝶腩➕支竹➕汁琳肉➕咬口QQ既膜➕爽既支竹➕南乳夾豆板醬 鹹鹹地🤨不過個味同質感到而家重令回味客家鹹雞睇落無咩特別至多係 飽滿既感覺食入口feel到厚雞皮連一層雞脂都沾到鹹味肉就彈牙，有雞味👍🏻面頭附上 薑蓉少少有甜甜地😯就咁食鹹雞已經 好味➕少少甜既薑蓉 又有一個化學作用結: 十分推薦 👍🏻支竹蝴蝶腩，客家鹹雞因為都係 水準之上，有驚喜🤩menu上款不算多但都外面少有既款值得試不同款feel到餐廳主要做回頭客有同客人解釋/傾講菜款做到細致價錢$又大眾化一個例牌既鹹雞$35➕$10都係$45🤨#客家鹹雞#支竹蝴蝶腩#古法釀涼瓜#客家蠔缽

大埔又點止一間好食嘅黃店😩今次同大家介紹可能係全香港最好食嘅紅棗糕，未喺大埔實習之前已經試過呢間黃店好正😍雖然大埔就有啲遠🥺但去到一定會去食😆鋪頭真係好多心機，以為例湯通常都係個幾味，但佢哋竟然會詳細介紹湯嘅材料同功用😚我哋個日飲嘅係繁花湯，有去濕消炎防蚊驅風作用🦟我哋嗌咗一個飯餐同幾個小食share🥰清湯牛腩飯 $50⭐️⭐️極度推薦 ⭐️⭐️牛腩份量多，而且燉到好腍😍蘿蔔清甜無喳入味🥕湯牛味濃郁，飲得出零味精！通常都將碗飯倒入去，當湯飯食🤣紅棗糕 $7/一件 $50/一盒⭐️⭐️極度推薦 ⭐️⭐️睇網上訪問師傅係參考咗清朝滿清鑲紅旗嘅傳統紅棗糕做法，仲話有大集團想用200萬買佢嘅食譜😨紅棗糕質地有少少似cheese cake，口感線密，好香紅棗味，唔會好甜。堂食都唔夠，一定要外賣多一底返屋企😤鋪頭嘅員工唔多，但佢哋都好有禮貌。見隔離枱一揮手落單，姐姐已經問佢今日係咪又食支竹蝴蝶腩，就知道有好多熟客仔，充滿人情味💛講個笑話係臨埋單對眼不停標眼水，以為係實習太攰，但發現男朋友都喊曬口，原來鋪頭係到切緊洋蔥🫠和暢金廚大埔南盛街17號南盛樓地舖

幾年前食都可以今日叫個外賣豬手有幾多毛完全無食肉同真係好唔得！！！！啲毛勁加 成碗見到既掉左可惜 味道道差左勁勁多！其他炸豆腐都麻麻 仲有酸臭味！成肚火！距個價有其他選擇！

今日去依間位於大埔墟大南街 係十字路口間金行向前直行 過左7-11便利店條街 右手邊就係啦店員好有禮貌好快就安排左我地入坐餐牌好簡單 得前 同後 但店員見到我地有啲苦惱 同我哋講有隱藏餐牌係一款前菜凍食既 可以食住諗冰鎮芥腩 $30/1份但店員提示一份唔夠4個人食 所以我哋叫左2份 仲有芥末可以蘸嚟食 口感的確唔錯又爽脆又唔苦 蘸埋芥末仲好開胃tim客家鹹雞 $108/半隻只可以話唔係死鹹 係浸鹹香味 每舊雞肉都好嫩支竹蝴蝶腩 $50選用既肉質係豬肉 份量都幾多 全部都好入味啲汁配白飯食一流客家釀豆腐 (炸）$6/1件,2件起上到檯 咬落去豆腐係熱辣辣 中間釀左魚肉法門素鵝$45外層皮炸得好脆 咬落去好似食緊紙咁 啲碎跌哂落碗度 裏面既餡係冬菇粒同蘿蔔絲 唔油膩手壓棗茸紅棗糕 $7/1件貴店既紅棗糕係每日由人手親自手壓紅棗變成茸 再加上變左放糯米粉 所以有別於坊間酒樓晶凝通透嘅棗紅色 賣相係唔同 食落去質感似豆蓉糕但食到紅棗既甜糯芳香 食份心機都抵返哂另外仲可以成盒買走 $50/1盒 有8件💛 吳師傅每道菜式都係心機 加上店員有禮貌嘅招呼 真係不得了回頭率100%

呢間隱世小店, 經大埔友介紹, 已經第三次幫襯, 真係平靚正, 同埋心機客家菜黎，大家真係要多多支持小店。座位唔多, 都係得10令個位, 所以peak hour 預左要等位既。例牌- 花雕醉雞我自己中意食雞胸, 貪佢啖啖肉, 唔洗食骨, 可以要求餐廳幫你轉雞胸，例牌夠一個食, 都夠大份。酒味濃, 食之前記將D 雞肉浸暈晒d酒, 咁就夠晒入味啦支竹蝴蝶腩又係勁大份, D 支竹夠淋, D 腩肉好有咬口, 又唔太肥, 男人食一流客家釀豆腐豆腐皮煎得好香脆，個餡係包左魚肉, 中意食炸野既可以一試家鄉蠔缽好有傳統風味的presentation, 入面有好多蠔仔, 溝埋D 芫茜同蛋素鵝睇相就知佢有好多層, 外皮又係做到勁香脆, 入面有好多素餡, 有好多件, 呢間餐廳做炸物既外皮做得好出色咸金桔蜜另外一提，佢地員工唔多, 但個個都服務態度好好, 好有家的感覺, 好有人情味, 見好多都係熟客黎食/外賣, 一間咁唔顯眼既小店, 可以做到咁耐, 證明真係靠口碑同實力。

平時比較少入大埔，今次入到去就想食啲特色嘢😎無意間搵到呢間特色小廚，見到座無虛席，即刻大大提高信心！食物選擇非常之多，價錢亦係貼地街坊價👍🏻今次試咗爽滑魚皮，蜆介鯪魚球，客家雞，素鵝等等。。。雖然唔係一些十分高價嘅食物，但係睇得出廚師好俾心機去做，味道真係非常之有住家嘅感覺。小店坐滿街坊，感覺十分溫馨，員工服務態度亦十分良好，很有禮貌！ 整體感覺非常之唔錯，新界區朋友仔可以抽空來試吓，回味無窮！

本身想帶同事食逸東餃子但我路痴行錯路🤣但又唔想再行 就決定試下呢間我哋叫咗🔸腐皮蝴蝶腩🔸客家咸雞午市套餐$50包埋湯同飯都幾抵食！同事個蝴蝶腩cm不過不失腩得3-4舊，另外果啲係牛內臟（好彩我冇叫 因為我唔食內臟🙉）所以如果一樣唔食內臟嘅要注意我試咗舊腐樣 味道都係唔錯嘅～咸雞就出色得多我同事都後悔冇叫到雞嘅份量好多 仲有一大pat薑蓉本身我就好鐘意薑蓉撈飯雞唔會話超級咸送飯好正～（如果有埋嘢飲就perfect！）