和牛燒肉‧純 (已搬遷) 新店位置

ғᴏᴏᴅɪᴇ ᴛɪᴍᴇ 今次食咗和牛燒肉·純已經係第二次嚟食，牛肉嘅質素都係好高( •̀∀︎•́ )✧︎套餐會跟埋前菜、白飯同麵豉湯，前菜嘅沙律同牛舌都幾好味😋豪華燒肉二人餐($420)特選和牛牛排肉，和牛上牛排肉，和牛壺漬牛排，日本產雞腿肉，大蝦，魷魚，帶子和牛上牛排肉油脂都好豐富，仲好有牛味🤤和牛壺漬牛排係好大排，仲有成兩大塊🥳雞肉都好滑！帶子同其他海鮮幾新鮮🤩特選五色和牛定食($350) 特選三角牛排肉，特選牛排肉、肩眼肉、上牛排肉、牛排肉無論油脂感比較重定係肉味比較重嘅都有，款款都好好味😚油脂感重個啲入口即融，其他嗰啲都唔會韌🤓如果係兩個人嚟食都建議食豪華燒肉二人餐，肉既質素唔會好差🥳而且仲試到好多款嘢食👅另外，如果可以標示埋邊款肉係啲咩就更加好！

睇食評寫到呢間有讚無彈咁 所以診生日上去試下8點到上到去 book左位唔使等 其實都少客 都唔使等 去到門口有個短頭髮阿姐問係咪book左 我地咪話係 之後例牌叫嘟傷心出行app 冇DL 我地話要寫紙 但門口又冇放係到 個阿姐又冇理我地 呆企左成分鐘 先叫我地坐低先寫 咁咪坐低先囉一坐低就知瀨嘢 一D冷氣都冇 開左幾把風機 風扇 係焗 D煙又散唔到 咁是但啦都入左黎 叫野食 叫左個$980盛盒 一個辣牛腩湯飯 同D小食咁 D肉黎左 咁燒啦 個爐開極都冇火 放左兩片牛落去 都冇乜進展 咪叫人過嚟睇下 佢話可能係D風吹熄左個火 知唔知自己講乜？一滴風都冇如何吹熄 搞左三個字 又黎又開熄咁 先話轉枱俾我地 其實成盤我剩係掉左兩塊落去燒 但食都冇食過 我話D肉放到出曬血 調完枱佢話換過第二盤俾我 調左枱之後 卡位好D 有D風 其實佢地D抽風真係差到不得了 算 講番盤換過既肉 上番上黎一模一樣 連我先前夾左冇左兩塊個兜都一模一樣 咪問 其實有冇換過？咁張卡位同佢所謂師傅出肉既地方好近 個所謂葉姓師傅話全部換曬 之後有個男侍應咪問個師傅有款肉少左兩片 之後果個葉姓話 ：「咁俾多兩塊佢」真係即刻著左

太掛住日本了，所以今天就去了吃燒肉，這間是貴的燒肉鋪頭，食完雖然都有啲肉赤，但又真係好好食喎，大家睇吓啲圖就明白點解我咁講了。佢嘅脂肪分布非常之靚，但識落唔會太油膩，仲好香牛肉味添。一個燒肉拼盤其實都差唔多$1000 ，除咗生日同埋特別日子慶祝之外，我都唔係咁捨得了。佢嘅服務雖然唔算的話超級好，但第一次黎依家食嘅我，店員都有好好咁樣推介邊一個拼盤抵食啲。都叫做俾咗有用嘅意見我嘅。所以大家如果太掛住日本嘅燒肉，又有少少budget嘅話，都可以喺依間啊

私心推薦，最愛嘅日式和牛燒肉❣️和牛源自JA全農，擁有全日本最靚嘅和牛，每個部位都咁好食🥺點咗特選日本產和牛肉眼拼盤 ($780)、燒野菜拼盤($85)、海鮮煎餅 ($120)、菠蘿雪葩🍍($65)、桃雪葩🍑($45)。特選日本產和牛肉眼拼盤唔係最貴/ 頂級嘅set，但比嘅肉一啲都唔馬虎，全部都用A4日本和牛。拼盤包括特選日本產和牛肉眼、日本產和牛上牛排肉、日本產和牛牛排肉、牛舌。雖然睇落份量唔係好多，但係食落其實一定夠兩個人食，小心眼闊肚窄😝牛舌輕輕燒兩下，外面剛剛熟就好，咬落去好爽脆。牛排肉油得來但好鮮甜，上牛排肉肉質更柔軟，肉味好濃郁，油花比例好平衡，如果配飯食可以食晒成碗飯🥺肉眼都係燒兩三下就食得，鎖住肉汁。食完肉眼，牛香、油香一直停留係口腔，好幸福嘅感覺❤️可以叫下啲蔬菜，沖淡油膩感。個人最鍾意食南瓜同埋番薯😝佢哋嘅海鮮煎餅超好食！海鮮好足料，然後煎餅好彈牙、好chewy😋最後叫埋菠蘿雪葩🍍同桃雪葩🍑用返水果本身承載着個雪葩，淨係外表都誠意十足！桃味比較清淡啲，菠蘿就甜味比較重，食完燒肉之後食返雪葩可以清新返口腔，幾唔錯嘅選擇。

近排好忙，星期日都要開工，但喺工作之前先食個靚午餐提提神。我同朋友訂咗枱食「和牛燒肉‧純」，晚餐實在太貴，唔捨得食🙈，試下晏晝質素如何先。午市套餐有唔少選擇。其實價錢有平有貴，有部份燒肉餐更係一百蚊都唔駛👍！不過要食靚和牛，價錢就有返咁上下。定食奉送沙律🥗，沙律用上柚子醋，開胃得來唔會太酸。前菜類似係泡菜牛肉絲，微微辣🌶，同樣令人食指大動。特選五式和牛定食($350)，定食有五款肉，包括特選三角牛排肉、特選牛排肉、肩眼肉、上牛排肉、以及牛排肉，每款各兩片🥩，我哋可以一人一片。五款肉入面，放上細碟嗰三款比較好食😋(唔記得啲名)，無論視覺見到嘅脂肪分佈定入口即化嘅感覺都更勝一籌！和牛肉身嘅油脂不得了，食落明顯同普通牛肉有好大分別。另外兩款肉其實都OK，只不過略嫌醬汁調味重手咗啲，搶咗和牛本身嘅味道。和牛嘅厚度大小啱啱好🐮，餐廳提供嘅醬油碟旁正正夠放一塊肉。個人認為唔使點汁都已經好好食。隨拼盤亦附有少量瓜菜🌽，記得唔好嘥，燒埋嚟食。和牛涮涮鍋定食($200)，涮涮鍋造型靚靚😍，好吸引。鍋物一大兜，另加一碟牛肉。定食附送兩個醬汁，分別係醋汁同芝麻醬，店員有介紹傳統正宗食法，不過近代都無太嚴格要

和牛燒肉純來自東京，大力推廣日本優質和牛，除銅鑼灣店外，仲有一間係尖沙咀，地理位置方便店內裝修盡顯日式風格，設有長枱或梳化座，景觀幾開揚，坐得舒適，另外店員服務態度非常好，會介紹不同和牛，客人有需要時好快就幫忙，貼心既服務－－－－－－1. 特選五色和牛定食 $350套餐有沙律、前菜、日本米白飯同湯而肉類就有特選三角牛排肉、特選牛排肉、肩眼肉、上牛排肉、牛排肉，每款肉各兩片紅肉與白色油花分布均勻，雪花細密，而且每片都幾厚身，冇太多調味，唔會蓋過和牛本身既味道，肉質柔軟嫩滑，油脂豐潤，真係入口即化，非常令人回味2. 和牛壽喜燒定食 $200套餐有沙律、前菜、日本米白飯、一碟薄切和牛同雞蛋鍋內就有各款蔬菜，例如：娃娃菜、豆腐、冬菇、金菇，日本粉絲、紅蘿蔔等牛肉淥一陣就食得，紋路好靚，好滑好軟嫩，入口不用多咀嚼即化，吸埋壽喜燒的湯汁，真係超好送飯，日本珍珠米有口感，粒粒晶瑩，煙韌好味道

難得可以出去食慶生飯揀咗間朋友幾推嘅和牛燒肉店🥰印象中呢類型嘅高級燒肉店只食過一兩次而專食和牛嘅好似仲係第一次！所以未去之前已經好期待～準時入座 店員安排我地坐好後問我地係咪第一次食 然後就開始介紹食物 服務十分周到特別係枱上本身冇放圍裙但店員聽到我地交談間講起就即刻拎畀我地好貼心～～野菜醋物前菜沙律好快來了係日式胡麻醬沙律 加埋紫菜食別有一番風味柚子蜂蜜 $40Suntory生啤酒 $58之後出現嘅飲品 生啤夠晒凍 泡沫口感好正飲兩吙就開始上埋生肉 上餐速度同timing都剛好特選日本產和牛西冷 $550特選日本產和牛肩眼 $225成日都話西冷肉味重，肉眼油香勁但我食完覺得兩款都好！重！肉！味！和牛不愧係和牛西冷肉質更有咬口 配飯食一流好好送飯haha而肉眼就完全可以感受到個種入口即化油花係口中蔓延嘅快感每食一塊都係唔捨得吞 點解可以咁好味！！呢個就咁食最正可以慢慢感受下嫩滑嘅肉質日本產豚肉眼 $98仲有份相對價錢平好多嘅國產豚肉但味道一樣掂薄切片微微燒至焦邊就得肉味重得黎油脂帶甘香 又係送飯佳品餐牌有幾款套餐可以揀，我地得2個人，咁樣散嗌份量唔會太多，又可以exactly食到想試嘅

好像很久沒有帶家人食好的，是夜滿足一下他們的肚腹。餐廳主要用A5牛，供應的純種和牛都需要經過日本政府認可，所以更加有質素保證。是晚試了四款不同部位的牛肉和兩款豬肉。牛肉分別有西冷($550)、牛排肉($120)、肉眼($550)、上牛排肉($205)豬肉有豬頸肉和黑豚肉每款肉紋路都好清晰可見，油脂分布好平均，個人最喜歡肉眼同牛排肉，肉質好軟腍，肉味突出，當然也不要燒得過火。另外點了梅酒($65)、桃梳打和荔枝酒($58)，不飲酒可以轉梳打，味道都不錯，配燒肉幾爽。另外配沙律和飯。服務頗細心，會向你介紹肉；你也可以選擇已經預設好的套餐，喜歡食燒肉的朋友可以來一試。

今日過嚟食生日飯😍好耐無食日式燒肉啦！！今日book咗夜晚七點食！估唔到餐廳安排咗包廂比我哋坐，有趟門，私隱度高。不過我哋無關趟門，事關燒緊肉嗰陣，店員會貼心提醒啲肉幾時食得，服務一流！佢哋今輪係推鳥取和牛，不過價錢偏貴，所以都無叫到！❤️特選日本產和牛肉眼拼盤 $780呢個set有肉眼，上牛排肉，牛排肉同牛舌。 有檸檬同燒肉醬比你吊下味。一開始我哋煎咗牛舌先，牛舌唔係厚切，幾好食。牛排肉本身醃咗，唔點醬都夠味，好有牛味。上牛排肉有好多油花，入口即溶，一咬成口都充滿油香，但食多舊覺得有啲膩。肉眼係四款肉之中最好，油花唔算多，脂肪分佈平均，肉質柔軟，食落唔太油又好有牛味。好食度：⭐️⭐️⭐️✨(3.5/5)✅份量多，適合2人share食❤️日本產豚肉眼 (鹽) $99一份有四片，薄切，肉質幾滑唔鞋。無想像中油膩，亦無豬騷味。切忌燒太乾，會變硬。好食度：⭐️⭐️⭐️(3/5)❤️雜菌拼盤 $85煎完牛再煎菇，啲菇索哂牛嘅油香，幾惹味。佢哋仲將鴻喜菇放落錫紙兜，再加一片牛油，不過味道就麻麻啦。好食度：⭐️⭐️✨(2.5/5)❤️乳酸酒&啤酒 $58 / $58乳酸酒係乳酸加燒酒，我個人覺得酒味比較淡。啤酒杯有事先雪

真係好掛住日本呀！所以同朋友決定搵間高質燒肉店一解美食癮！做咗好多research，見到大家都好推介呢間「和牛燒肉‧純」，而且Lunch定食勁抵，就決定訂座試下！餐廳開12點，但星期六12點幾去到已經坐滿晒，所以安排坐到吧枱！環境非常有日本燒肉店感覺，牆上更有各式各樣和牛介紹，邊食可以邊長知識。牆上更發現餐廳是日本政府指定農業協會「JA全農」首家日本海外直屬經營的分店，所以品種更多、質素更佳的正宗日本佳餚。午市定食由$98-$380不等，附送沙律、前菜、日本米白飯、湯、咖啡或紅茶。太想食燒肉的我們分別點了兩個燒肉Set - 1) 特選五色和牛定食 （$350) 和 2)三色和牛定食 （$250)五色和牛定食分別有上牛排肉、肩眼肉、牛排肉、特選三角牛排肉、特選牛排肉，份量非常充足，兩個人食完呢10塊肉已經超飽肚。師傅指和牛都是源於佐賀，所以肉質柔軟鬆化、油花剛好，食落有層次感，難怪「佐賀牛」被稱為全日本最頂級的牛肉。三色和牛定食則包括上牛排肉、肩眼肉、牛排肉，三者由左至右吃起，油脂越吃越重，入口慢慢溶化嘅感覺，肉味濃郁，肉質柔軟鬆化，很有層次感。飲品朋友要了普通檸茶，而我則加錢要了蘋果汁

話說朋友之前黎食過午餐覺得不錯，於是今次就帶我黎食晚餐😊 呢間有JA全農認證嘅和牛店，唔同時間會有唔同產地嘅和牛供應，仲會有和牛比較稀少嘅部位，所以中意食和牛朋友岩晒😍“特選日本產和牛肉眼” (A4佐賀和牛) 和牛肉眼油脂分佈好平均，淨係睇個賣相已經好得，點知食落仲得，不單止牛味香濃仲有滿滿嘅油香，口感非常軟腍嫩滑，真係不得了 (軟腍到燒個時都好難夾得起)😋“牛舌” 揀左薄切呢款，只需要輕輕燒一燒就食得，但估唔到薄得黎都好彈牙爽口，下次要試埋厚切先得😋“日本產豚腩肉” (熊本) 本身睇個樣以為會好肥膩，但點知食落完全無呢個感覺，反而帶微脆同油香，肉味香濃😋整體黎講食物質素同服務都好好，下次要再黎試下其他和牛先得😌

是日和太太一起放假，之前答應了兒女一起吃和牛，幾經選擇，終於選擇了這一間店鋪！午市的價錢比晚市便宜，所以今天下午我們便一起到了這裡！今天，我們選擇了各兩份$350及$380的午市定食。和牛肉質不錯，入口即溶！追加的厚切牛舌也很好，質感爽脆且沒有渣！四位$1800＋。性價比總算不錯！店舖方面，地方整潔；職員服務不錯，態度友善，解釋也清楚！總括來講，這是一間不錯的店舖，各人都感到滿意。下次仍會再嚟幫襯！

今年51黃金週，連續4日假期，因疫情關係，大家都不能外遊，只好乖乖哋留係香港；今天是第2天假期，又係勞動節假期，一於出去食餐好，去勞動一下自己嗰胃之前朋友介紹過銅鑼灣恩平道有一間唔錯嘅餐廳食日本牛，叫「和牛燒肉 · 純」，就去試吓；朋友話這間餐廳嘅晚餐都幾貴，相比起食午餐，Lunch Set 較抵食為咗唔想同其他人逼，我哋太約 12:10 就去到餐廳，我揀咗「三色和牛定食 $250」，包括 上牛排肉、肩眼肉、牛排肉；套餐還有沙律、前菜、日本米白飯、湯；整體來講，日本牛嘅油脂比較多，入口有慢慢溶化嘅感覺，令人回味價格💰：$275 ($250 + 服務費$25)味道😋： OK

銅鑼灣高質和牛燒肉☺️ •.豪華燒肉二人餐($420)呢個set又有海鮮又有和牛同雞食好正😛和牛入口即溶🤤海鮮亦都好fresh! 佢仲有其他淨和牛set都好抵食👍🏻👍🏻 •.呢間屬於高價既和牛燒肉，所以lunchtime去食比較抵！環境亦都好光猛舒服！.

住係港島，當然禮拜放假都係留番係港島食lunch ! 😈😈👿一路都好鍾意食開燒肉既我就走左去哩間老牌店食晏晝飯🤗🤗🤗🤗自己一個好悠閒咁走左入去食飯，可能星期六既關係，所以人流不多，只有三，四枱客人。一坐低姨姨已經幫我安排左杯暖暖既熱茶。三色和牛定食 $250再加一一上菜，哩個定食既肉量比我想像中多，而中間個碗既和牛面積仲大過我手掌。 🥰🥰🥰燒熟之后，係我品嚐第一啖之後，和牛係我口中溶化既個種口感，係我畢生難忘，特別係係$300樓下就可以食到如此高質和牛，性價比特別高，相比如果係和牛純哩度食晚飯，可能食材會更加高質，但人均消費晚飯可能要大慨$1000 一個人，本人就寧願平平地食個$275 而又高質既和牛！🤪🤪總括來講，此午餐簡直值回票價，而本人覺得特別係哩個set係高質得黎又食到係日本高質肉既感受🥰