品川日本料理 (已結業)

睇Ｄ食評，好似好多野食…又有海景咁，選擇左中午時間去試一試，去到門口就有一陣海鮮味同看到開放式廚房，環境十分開揚，有獨立套房同一班朋友食但就沒有海景，還有戶外坐位。我選擇坐窗邊睇海景食放題，餐廳落單方法係用wechat落單，但可選擇食物沒有其他放題咁多，真的好少選擇。可能因為新餐廳…需要客人用手機落單但無提供wi-fi，中午時間人流不算多，落完單之後經理通知系統死機，需要寫紙仔入單，搞一搞都用左大半個鐘先上菜，三文魚刺生啞色一Ｄ都唔新鮮，海膽就還可以食用，但每一件都得尾指指甲咁多份量…真的太少，肥牛煲就全肥無肉食，炸物就粉漿超厚，雞翼都係來貨，雪糕就用本地一間很少人知道的品牌，飲品都係正常選擇…我都唔算要求特別高的人，需然係放題餐廳，但還未值到這個價格，但這一間勝在有無敵海景做噱頭，食物就一般啦！！有待改進

無意中發現海之戀商場有間放題有海景睇所以來試下（為睇海景唔係為食物🤣）咁新開張環境都算唔錯，當時午市但唔多客人出面有露台，對住個海人都心情好啲！飲品方面係自助形式，亦都有水果冷盤小食。食物用電話落單，之前睇過其他評論話上菜慢又唔覺得，點菜後一陣有嘢食。壽司刺身都一般，係油甘魚差少少。海膽都唔算好靚。熟食一口牛唔錯，但清酒煮蜆有沙和味道淡，熟食方面真係要改善下選擇唔多味道偏淡如果真係評分環境:10（無敵海景）食物:6（好一般）服務:6（都無點漏單）價錢:5（價錢算合理）最後結帳248$以呢個價錢出去食好多好過呢度，但都算坐得舒服地方夠大不過不失咁啦！

放題空間寬闊，座位唔會太細，唔使坐得太迫！比較特色嘅係，放題有無敵海景同埋放咗唔少熟食，有螺肉、海帶、白雲鳳爪、蒸蛋水果等等可以係落單嗰陣可以食住野喺度等！嘢食推介：刺身比較鮮甜嘅有帶子、馬刀貝同北寄貝👍🏻炸物方面，炸榴槤同香芋丸必叫炸天婦羅蝦、蟹柳同炸番薯仔，食材新鮮，味道幾好燒物方面，燒蝦燒雞軟骨、燒帆立貝好味！燒菠蘿一流，嗌左兩轉！瑤柱鮮蝦粥，可以清下腸胃，粥煮得綿綿，蝦肉新鮮彈牙最後，食埋Häagen-Dazs雪糕做甜品👍🏻

今日去咗個海之戀新商場行下。噉見到有間日本嘢，噉裏邊有放題食，於是就入去食下入到去裏邊畀我感覺，就係空間感十足，枱與枱之間好寬敞，另外有個大海景，我坐左窗口位，個景色好靚啊噉我係午市嚟，有陽光直射落個海度，如果夜晚嚟應該又有另外一番嘅感受。三文魚刺身，幾新鮮。另外仲食左芝麻豆腐沙律，串燒蝦，雞軟骨，日式滑蛋牛肉鍋.……甜品方面佢嗰啲西瓜同哈密瓜，係比出邊嗰啲放題甜啲嘅雪糕有四隻味，我揀咗菠蘿椰子，同埋玄米茶味，個菠蘿椰子味雪糕唔錯，幾有新鮮感價錢240蚊左右。

內地日本料理，首先帶位阿姐唔認得人，問3次幾多位，又俾啱啱到嘅客入先(因為佢唔認得人)，而嘢食竟然可以所有熟食`刺身`壽司嘅味道差都可以差到咁，點咗刺身`壽司每次都要成半個鐘頭後先肯上，台台都催，刺身又唔新鮮，壽司d 飯好似糊仔咁，紫菜濕晒又靭，選擇少，一定唔會再嚟。

之前上網見到荃灣海之戀有間新放題，特登book位試食下。首先就從環境講起，呢間放題以呢個海景做賣點，由於我自己座位唔係靠窗，見唔到好多海景，但我見到一d靠窗既座位海景就應該唔差，而裡面既環境真係好靚好闊落，張檯唔似d其他放題咁細，而通道亦都好闊落，完全唔覺得有壓迫感，當時入座率都8-9成，環境完全拎滿分。但係食物方面就好參差，味道欠佳+選擇唔多。由刺身講起，頭round刺身唔新鮮，即使新鮮既亦都無味，而第2-3round既刺身就好少少，雖然新鮮但味道好淡。手卷方面，無諗過咁大份，而味道方面普普通通，紫菜同其他放題一樣，唔脆口。火炙壽司就係全部食物中算比較出色，全部送到檯面都暖既，味道亦都好好。而天婦羅&炸物都唔差，送到檯面就仲熱，天婦羅就普遍炸粉都算少，食落去唔會成口粉。但炸物中既芝麻雞翼就炸得好乾，縮曬水，炸蠔就不過不失。軍艦就普普通通，試左海膽、飛魚子&三文魚籽，全部都過得去。其他野例如頭盤果d選擇亦都唔多，都係果d中華沙律，蒜味螺肉等等，連芝麻八抓魚都無。而雪糕就隻海鹽味，呢個亦都係加分位，因為其他放題好少有。服務&衛生方面都唔講咁多，唔算好唔算差。最後價錢方面真係有d貴，兩個人

今日同媽媽去左荃灣西鐵站上面新開既商場食放題0630pm-0900pm 入座兩小時計每人$278另加一，要預先book定位呀後尾全場full晒～佢係掃qr code自助落單，超級方便環保！一黎到上左勁大盤刺身，擺得靚靚，刺身好新鮮厚薄適中咁就易入口叫多幾盤，最中意係三文魚好鮮甜～酒任飲！自由飲！抵翻晒啦！佢都有一排自助區可以夾野食，有生果前菜甜品其他熟食好似春卷炒蜆等等，唯一嘅小建議係可以喺個盤前面加番啲名咁就唔使等客人要打開嗰個盤先至係食咩帶咗個蔬菜肥牛都估唔到佢咁大個入邊有好多娃娃菜小小粉絲好多肥牛個湯底幾好味呢個我幾推介而且啲牛都唔硬媽媽因為病所以帶咗個瑤柱蝦粥估唔到日本野都有粥食，入邊好足料啊足足有五隻蝦每啖都有啲粟米，媽咪即刻覺得個胃舒服晒！不過又係超大碗只甜品佢就細細夠一口就可以試晒個芝士蛋糕幾好味反而個Tiramisu入邊全部都係cream有啲可惜佢仲有天婦羅炸物壽司手卷我試咗佢個海膽壽司都幾鮮甜㗎，炸物當年都有好多串燒可以揀，我最鍾意就係鹽燒牛舌！牛舌一啲都唔銀大家可以嚟呢一間試吓啊

因為去朝聖激安，發現有一間同日本同名品川料理。宣傳單很吸引，海景坐位全被訂了，但地方很大，好多坐位。用QR code手機落單，好奇怪建議要用微信開始點餐，發現手機內食物款式不多，但心裡抱著品質取勝。首先選刺身賣相不錯，刺身都新鮮，但件數同我點的不同有漏單情況， 本來都不信，第2次再點也是不同廚房喜歡俾什麼就什麼?第2樣酒酒煮蜆，真的完全沒有酒香，娃娃菜煮蜆，食之無味，棄之可惜感覺。做人都係太難，2人勉強吃。餐廳內有個位置自取，取了白灼蝦，泰式鳳爪，芥辣尤魚，中華沙律，炸多春魚……茶碗蒸。茶碗蒸真的非常敗筆咸到我除了想到味之素，什麽都想不出……無鮮甜味道。火灸壽司正常，炸雞軟骨串正常。但我們2人真心感到水準品質很一般，而且沒有什麼特出食物，另外除了可以看海景，一無事處……可能我們期望過高失望越大

先不說食物質素，漏單嚴重，等了30分鐘，居然可以半張叫食物的單沒上，三催四催才有少少野食上，唯一可取某位員工幫我地跟足，海膽放題質素，壽司可以，食物款式比較少，甜品都可以，雖然可以望到海景，環境漂亮整潔，但我應該不會再光顧，達不到預期

我哋用電話落完單之後 好快就有嘢食上枱 依間放題上嘢食既速度好快最值得一提係可以望住海景食嘢架剌身炸物黃金帆立貝 + 蒜蓉牛柳粒帆立貝既size都幾大 佢係用日式沙律醬去做個汁 汁入面見到有蟹籽、蟹柳咁 味道都幾豐富同幾好食 鐘意食燒既👏🏻燒菠蘿好甜好滋味 佢哋燒得好夠時間 我encore咗三round🥳🥳🥳清酒煮蜆雪花牛肉煱賣相唔錯 有隻蛋係上面 壽喜燒既湯底 牛肉上枱時仲係半生熟甜品櫃芋香椰奶凍好有芋香既味道 落咗椰奶 好滑好creamy ☺️☺️佢哋仲有黑芝麻奶凍同Oreo奶凍 我試咗幾款都好creamy 細細杯唔覺唔覺就食咗好多杯🤤🤤😂😂雪糕我就試咗港式奶茶同沖繩海鹽沖繩海鹽雪糕既顏色真係好夢幻呀😍😍😍 個味就好似唔太甜既salted caramel 唔錯唔錯👍🏻🥳🥳 另外港式奶茶味就比較甜啲 都係一個唔錯既甜品選擇😺😺

x 無限一向我都好少會俾咁差既負評，呢次真係好唔掂🤯我連影食物相📸️既意欲都無...首先，我 book 左 7pm，話 Facebook 俾 like 就送生蠔，點知去到就已經話送晒🤷🏻‍♀️好，算然後，去自助吧拎野食，除左哈密瓜 & 豉油雞翼係有味之外，無野係有味道。特別一提，個泰式鳳爪加左汁都無味道🤦🏽‍♀️好，算之後，用微信落單叫野食，電子化環保唔係唔好，而係嘟個QR code 嘟左 10 幾次先入到去落單，係咪好有問題呢？仲要成功落左單都唔代表真係有野食，漏單唔緊要，我去追單，侍應竟然答我：你地再落單就得嫁喇。再落單都唔緊要，但最後只有一部分野食真係有黎，而有一部份野食真係無黎，究竟係根本無呢樣野食吖？定係個落單系統有問題？真係無人知🤷🏻‍♀️好，算刺身，無一款係新鮮，無一款係有味道。壽司，同樣無一款有魚生既係新鮮，完全唔明白點解之前會有食評話佢啲飯同紫菜既質感好夾🤮好，算熟食，鍋物係熱，其他都係暖，除左燒菠蘿值得再叫多次之外，其他都可以唔洗再食🤢好，算服務態度都無特別，只係侍應成日都跌野。環境係幾好，對住個海，但啲燈咁光，點望都反晒光，完全浪費左個海景🤦🏽‍♀️好，算，總結我 係 唔

真係未食過咁垃圾既放題 已經唔係開門頭幾日去 裝修風格好似大陸骨場 落單要用微信係咩事？！熟食位置得幾盤水坐住無嘢食 泰式鳳抓完全無味 嘢食等勁耐 落串牛俐等一個鐘 真係未食過咁垃圾既放題 已經唔係開門頭幾日去 裝修風格好似大陸骨場 落單要用微信係咩事？！熟食位置得幾盤水坐住無嘢食 泰式鳳抓完全無味 嘢食等勁耐 落串牛俐等一個鐘 話送生蠔但係7點已經無 明明晚市啱啱開始 d野樣樣難食仲要3百幾一個 話送生蠔但係7點已經無 明明晚市啱啱開始 d野樣樣難食仲要3百幾一個

先講坐位，你整得自助吧，就編好d位，d人不停係你背脊行黎行去，你唔係位就直接推走你張櫈俾我已過。第2野食的種類，我諗係我食咁多次放題最少一間，冇之一，只有佢，我諗全部加埋都唔知有冇50款，唔怪得唔劃紙仔，印出黎我哋諗老闆自己見到都覺得好笑，咁的種類做放題。最後食物的味道，好健康，因為全部都冇味，刺身冇味，自助吧的野食冇味，連豉都冇味，顏色又淡，真係唔好俾d廣告誤導，咁的價錢完全冇質素，得個所謂的海景，大佬，俾3百幾睇景咩！

見呢間餐廳新開張有88折 諗住試下 順便行吓新商場 咁首先講下間餐廳其實係既好既 包括哈密瓜 汔水任飲 仲有拋開你係食緊放題既前設 個蝦粥都有深圳既味道既講完客套說話可以入正題啦 d野食好似係太陸食日本餐咁 食放題重點一定係刺身啦 叫左d三文魚 油甘魚 馬刀貝 北寄貝 帆立貝 好神奇呀原全一d海鮮味都無 當時令我毛骨悚然到底食左d係咪魚黎既呢？ 唔敢再點任何魚生壽司啦 諗住轉d熟食應該安全d啦 叫左牛油粟米同蒜片牛粒 又再重新顛覆我對食物既認知 個粟米甜到一淡都食唔完 個牛個樣正正常常咁 食落又硬又有種好怪既甜味 其餘既野都唔想再記起 比完二百幾蚊食呢個地獄料理 真係好似發左場惡夢 比錢事少 唔好再比屎我食

今日見佢新開，見到幾多人食，就入咗去。點知冇野係好食，刺身極不新鮮又腥，熟食都極之難食牛舌似擦膠。呢度每一張相都係佢上完我即刻影，完全冇郁過，佢個賣相就係咁核突！