品川日本料理 (已結業)

吃過最好吃嘅刺身呀！！海之戀新開商場，地理位置一流又鄰近海濱長廊，地鐵站又好方便！佢其實好多店都未開哂，仲裝修緊。不過見好多餐廳都進駐咗，有喜茶，海底撈...有放題店新開張有折，當然去試試喇！！！抵！！門口好似細細禁，但一入到去好大，最正佢有套房，自成一格好似日本榻榻米，好日本style，都吾錯！仲要成個海景睇，不過玻璃有小小反光吾算好睇到景！！位黎講佢好闊落，坐得好舒服，又有私隱，放題店係好正！！到正題，佢係電子落單，環保！讚！都多野食叫，有炸物、串燒、刺身、壽司....送單都好快到！所以一點完5分鐘內就送到了🤣🤣服務一流😌重點係刺身！佢啲刺身好厚，而且好新鮮，一啲都吾腥😍好吸引！推薦！油甘魚係我吃過最新鮮嘅，又無渣！！好多款！！！而且好小放題店有泰式生蝦仲要配汁比你！好貼心！！蟹柳吾係cheap cheap個種，係蟹肉高級啲🤣刺身強烈推薦❤️❤️食完凍野我一定要吃下熱野🤣🤣我叫咗個牛肉鍋，好好吃！又多菜，同薯粉！都幾好！！！最後我地一人一杯哈根達斯做完結！完美無瑕😚又有海景又有放題黎講佢都幾高質！性價比好高😚

荃灣有放題，不過荃灣西就無。懶懶的我們行完附近幾個商場，見到新開的日式放題店，又有discount，就入左去試下。環境的確十分闊落，就算約埋三五知己都唔會太迫，亦有幾間闊落的日本風情大房間，唔係一般放題店舖張枱會唔夠位，要拿拿聲食晒放另一D食物上黎。好多放題都轉左用手機點餐，呢間亦唔例外。值得一頻的係無漏單的情況。食物紙就不多說。先說飲品，和正常的放題店舖一樣，大量啤酒汽水解茶任飲，亦有清酒任飲。亦有一個雪糕櫃和甜品櫃。亦有一些熟食丶冷盤及炸好的麥樂雞和咖哩角等。刺身我地每樣點左4片。非常靚的擺設，所有刺身都非常鮮甜，吞拿魚就差少少，可能平時食開中級以上。會黎呢間度食就係因為有本人最愛的雞軟骨串，當然一黎就啪番幾串先啦! 非常好味!呢間亦有海膽軍艦，雖然黎到果時唔係太好睇，差D以為中伏!不過食落一D都唔苦，重好鮮甜呢!重試左下個炸香蕉，又真係成舊落去炸，幾得意，之後重叫多左2舊食!牛柳粒係必食之一。一般黎講平時食放題，D牛柳粒最多都係暖既。但呢間上到黎重熱辣辣，又無乜筋，正阿!黃金燒凡立貝亦都好入味!!任食的雪糕就一般般啦，最尾會有杯haagen dazs，比左陰左。。細細杯果D佢寫住

海之戀新開的商場，剛好朋友過來荃灣，我們便過來逛逛，中午時見到這間品川海景自助餐做緊88折，所以就試試冷盤方面有中華沙律、芝麻海蜇螺頭、芥辣八爪魚、白雲鳳爪和牛柏葉，還有蕃茄仔和蜜瓜。好少自助餐會有芥辣八爪魚做冷盤的，這個是食壽司必點的，今次可以食過夠！雖然有熱盤，但只有一盤有日本蒸蛋， 蒸蛋好滑唔會好鹹，內有蟹柳，味道ok。他們是用電子點餐的，點完後就先拿一些甜品食下。黃色的是芒果布甸上面加咗一層芒果啫喱，上面係黃梅醬加了脆珠、Oreo曲奇加cream、士多啤梨加奶凍、Cappuccino cream泡菜炒腩肉但係似黃芽白炒臘肉多啲，無泡菜味，腩肉是先煎過的，好咸，有啲失望。麻醬烏冬， 烏冬比較淋身，麻醬比較稀，所以都係麻麻地。熱食我最喜歡的只有清酒煮蜆，蜆肉肥美。蜜烤bb骨，好難先食到啲肉。 七味醬燒雞翼做得反而不錯。另外，天婦羅做得不錯， 皇帝蟹棒、虎蝦、秋葵天婦羅，炸漿只是輕輕掛在食物的表面， 食完都唔覺得好油膩，特別係香蕉天婦羅這個甜品非常好。因為還在康復期間，今次無食剌食生冷野， 啱啱見到隔離枱刺身都好正。我們只點了鰻魚手卷，、香蔥拖羅蓉軍艦壽司、天婦羅蝦芝士卷、芒果軟殼蟹

有史以黎第一次寫食評......原因係....真係好難食，刺身得水味，天婦羅個皮仲厚過我臉皮，燒物一係好鹹一係就好甜，再唔係就無味....火炙壽司凍冰冰.....望住個menu 得過幾樣野揀.....連放題必備既羊架都冇望住個雪櫃以為有任食Hagen Dazs,點知個雪櫃係鎖住，每人限一杯！另種任食既雪糕就.....又係難食到痴孖筋.....總之一定唔會有下次，根本冇樣嘢入得口！仲要咁既價錢，失望透支除非你係黎食個景～

年三十晚打算同屋企人出街食，海之戀商場開左唔少食肆。就試左間日本放題「品川」，年三十晚黎計人流不算太多，氣氛有點冷清。環境黎講位與位之間都很寬敞。舖號點餐形式係手機掃QR code點餐，之前上網睇過有人話上菜速度慢，但可能當日人流唔多，所以尚可以沒有漏單情況發生。魚生除左三文魚🍣可以，其他貝類及蝦刺身是沒有味道。可能急於用水解凍的原因而導致刺身大部份都沒有味道。另外，熟食點了串燒及燒物！當中比目魚可以一試，佢肉質好嫩滑唔錯但其串燒只屬一般。飲料方面都係大路的韓式罐裝，但其中一樣係放題好少見就係有清酒任飲，我唔飲酒就無試到。甜品方面，每一可有一杯Haagen Daz雪糕🍦🤤

從來都唔打食評 但係食完佢，一定要打出嚟，唔想有其他受害者中伏。衰過Buffet啲刺身，咁嘅價錢有咁嘅質素，好唔抵食，仲要隔離枱超級臭，好似幾日無沖涼咁，超級影響食慾。刺身已經質數勁差，食落去 仲未解凍，卷物做得好差，無咩野食，出面大部分放題做得比佢好，完全係一個伏。落左單嘅嘢食，等左成大半個鐘都冇嚟到。呢個價錢真係出面極大部份好過佢。社交平台見到好多人讚，呢度見到佢咁多好評，所以先會幫襯，我懷疑極多都係網絡打手，唔知啲人係咪收咗錢，仲要睇都有啲評論話佢坐滿晒人，但去到得幾枱質素極差，希望間放題會改善下。

每次去食放題都覺得係當自己唔食咩時既好選擇，放題對於我黎講，的確比較少食，所以每次食都覺得有驚喜😂今次都選擇午市放題，人流相比夜市放題少，價錢又可以優惠啲，識揀午市放題先係抵食之選。呢間餐廳地方真係好大，一入去已經好舒服，特別係香港地方狹窄，咁大面積真係好難得，最好坐係卡位，一邊食嘢，一邊面對住海景，心情都靚啲。我覺得要食得多款式，秘訣係數量唔好多，樣樣少少，咁先有肚食各類嘢食。呢間餐廳比較電子化，用QR code 點餐，都好方便環保。基本上放題必點嘢食都有，壽司，刺身，天婦羅，串燒，小食等等都有。今次比較讚既係鹽燒鯖花魚，好大條，簡單用鹽帶出魚既味道，有時唔需要太多調味料先可以食到食材原有既味道，係一叫再叫既菜式。天婦羅都唔錯，唔會話有食到一啖粉，小小炸醬就OK。壽司都有唔少款式，鰻魚卷，芒果卷，軟殼蟹卷，三文魚，魚子等等，不過仲有新鮮海膽卷先至驚喜，要知道唔新鮮既海膽真係又苦又難入口，所以有新鮮海膽要食多幾舊先😂除左點餐之外，仲可以去出面拎嘢飲同嘢食。嘢飲都好大眾，基本上大家鍾意飲既都有。雖然選擇好多，不過最後都係揀左—解茶🤣嘢食就有啲冷盆，好似有中華沙律，硯肉，芥末魷魚，凍蝦，生

平時比較少喺荃灣食放題，唔想食親都係去旺角嗰啲，所以今次搵咗呢間新開嘅放題試吓。位置鄰近荃灣西鐵站，都算方便，不過個商場新開嘅，所以都唔容易搵。一開波就叫咗碟刺身試一次先，覺得都算新鮮，而且比嘅量都會比足。唔會話你叫十塊淨係比三塊你。之後試咗佢嘅一口牛柳粒同埋燒牛舌，一口牛柳粒嘅水準正常，而且都好多牛柳，足料既。牛舌嘅味道同口感都相當唔錯，牛舌我覺得係值得推介嘅。至於自助食物果方面，佢啲炸物都有射燈照住，所以食落去都keep到個溫度，唔會話凍哂。榆樹街嗰啲都係趣嘅，都係水準之內。另外仲有一啲壽司同埋手卷，值得推介，例如海膽軍艦，都係一啲平價放題唔會食到嘅種類。最後佢仲有一人一杯Häagen-Dazs嘅雪糕，算係一個比較完美嘅句號。整體而言，我覺得呢間放題嘅水準同旺角一般嘅放題比係比較高嘅，大家都唔需要專登出旺角啦。

荃灣開咗個新商場~海之戀，同個朋友收工去咗食一間新開日式放題。我哋2個人，個接待員安排咗我哋坐1張4人枱，如果食日式放題嚟講，呢度真係夠曬大，呢間店鋪裝修有日式感覺。同埋有啲獨立嘅房，如果你有6, 7個人，可以試下訂唔訂到獨立房啊。野食方便一般放題嘅嘢食全部都有，嗰七味醬燒雞翼，啲皮係脆，肉係嫩滑嘅。黃金燒凡立貝，鹽燒青魚，Haagen dazs 雪糕都一定要食。總括嚟講，呢間日式放題環境清幽，食物唔錯，由於坐得比較舒服，所以食完有一種舒適嘅感覺。

年廿九，帶媽媽食好野！佢話好耐無食過放題，所以就帶佢黎試吓呢間新開既放題！呢間放題係海之戀商場入面！一出地鐵站，就哇左出黎😂😂第一次黎海之戀，仲要日落時間，個咸蛋黃勁靚！上到餐廳，因為仲早，好快就可以坐低.又係哇⋯左出黎.對住日落同青馬既海景！未食都覺得環境好正🤪呢間放題係半自助，出面係飲品櫃、熟食同雪糕！特別之處有部清酒機！本身想飲一杯仔，點知係要裝一枝😂野食方面：刺身，都有成10款，有三文魚、吞拿魚、甜蝦等；壽司，就有我最中意既左口魚壽司同海膽壽司🤪🤪🤪熟食面：有雞軟骨、牛舌、炸天婦羅、蠔仔粥、牛肉鍋等⋯呢到仲有我至愛既燒蝦！好大隻！好鮮甜！最後仲可以一人一杯哈根達斯🥰🥰🥰好滿足

上菜速度特快，私隱度高（卡位），光線充足，通風系統好，衛生環境好，地下乾淨有水果提供，飲品算多三文魚同雞翼幾好食，唔差，其他就算但服務態度非常惡劣，落單系統又有問題食物款式少，重複性高，某d食物質素欠佳，特別係甜品同炸物。熟食嘅菜又黃，蒸蛋又蒸很太老布丁又難食，其他都係章魚小丸子連味同外來都唔似夜晚去到冇海景睇，可能岀面太暗，睇唔清，建議午餐時間黎食可能會先到海景一試無妨，但再試⋯⋯⋯⋯⋯⋯就不了

見到海之戀呢個MALL開左好多新餐廳,就去左品川啦!因為我真係好中意食日本野,見佢裝修都好唔錯就選了這間啦!呢度都有唔少高質既野食,每人有一杯HAGANDAZ,仲有3款味選,而水果有我中意既哈蜜瓜同西瓜,正呀!間野有個特大既海景,真係超有FEEL!仲好MORDEN添,係好QR CODE ORDER食物架!我叫左D刺食,個擺盤好靚,令我食得好開胃呢!串燒就叫左D蕃薯仔,連台式腸仔都有,真係好好味呢!我又叫左D炸物同牛肉hotpot,食物上得快,而且味道都好好呢!至衰我唔飲酒,如果唔係見到個任飲清酒既機真係開心死,但我都好SURPRISED呢度有清酒任飲。呢度勁多款自助飲品,真係令人滿足。好中意呢間野!如果一大班人,可能有個好日式既房添呀!勁有日本感覺。

同老婆行donki，順便係海之戀商場搵野食。一入去就發現餐廳原來好大，枱與枱之間有適當嘅距離，唔似其他放題店坐得好迫。今次好好彩仲有海景位俾我哋坐。餐廳一邊牆係全玻璃海景，令一邊牆就係甜品、飲品、小食、雪糕、生果任君選擇。呢度scan QR code點餐，好方便，又可以睇返自己叫做啲乜嘢，而且完全冇漏單嘅情況發生。食放題當然唔少得魚生啦，呢度嘅選擇都算多最有驚喜嘅就係馬刀貝，我encore左兩次。其他海鮮都好新鮮。最有驚喜係軍艦，有飛魚子海膽，啲紫菜仲係脆既，你都唔錯，前後encore左兩次。其他仲有壽司、天婦羅、和民、小食選擇。老婆最鍾意食牛舌，Total叫咗10串😆燒海蝦，啲蝦都好大隻，燒到啱啱好，味道唔錯。

放題黎講呢間都算差...環境係寬敞既，但無咩日式餐廳既感覺，呢樣唔緊要.....最緊要都係食物既味道...咁呢間食店落單係要用自己部手機在微訊到do完個qr code落單既...心諗無微訊咪唔洗食.....network差既我，都load左好耐先落到單午餐黎食 唔算多人，落左單都等左一陣先上刺身，刺身當然就唔係新鮮野啦，平時鍾意食既蝦呀貝呀真係想食多幾舊都搞唔掂....真係好唔掂.....其他食物都要等下啦.....啲壽司我都無咩期望架喇.....普通超市壽司咁囉..啲炸物....咪買返黎自己炸果啲咁囉..雞軟骨串燒...淡而無味，又無調味料....有幾粒鹽既...有啲味既野味個炒牛柳粒囉雪糕就唔係出名既品牌，香港品牌黎既，味道叫做唔錯架喇總之就...成間野既質素好唔掂......無誠意之作！二百幾蚊既放題好食過佢既應該好多......

講到荃灣新景點，當然係DONKI 啦⋯⋯行完就去海之戀商場搵食喇......今日餓餓地，所以見到有放題就二話不說入座😆😆品川個門面都幾大幾闊落場內個壽司bar枱好大，入面啲師傅開始忙過不停有甜品櫃，大量不同款的飲品，清酒🍶任飲，杯裝雪糕任食17:00開始入座都有咁多人，到我食完走果陣接近9成入座，其實都幾旺場自助食物有豉椒炒蜆，滷水雞翼，日式蒸蛋，各類前菜包括：螺肉、海蜇、凍蝦等仲有西瓜🍉哈密瓜🍈刺身我叫左2 round我自己鍾意食的款式三文魚、油甘魚、劍魚腩、玉子、帶子、甜蝦刺身、蟹棒、螺肉、馬刀貝上面四款前菜自己出去自助bar到夾下面就係特色刺身沙律🥗壽司類：我order左牛油果軟殼蟹卷、芝士鰻魚卷、海膽軍艦、雙色香芒之戀、火焰三文魚腩壽司、吞拿魚沙律軍艦其中鰻魚我覺得係必食之選燒物類： 吉列炸蠔、忌廉薯餅、虎蝦天婦羅、蟹棒天婦羅、南瓜天婦羅、蜜烤BB骨、有機鮮波羅串、鹽燒牛舌、鹽燒海蝦、有機番薯仔串、黃金帆立貝鹽燒海蝦同黃金帆立貝係我encore之選雪花牛肉鍋，蒜香炒牛粒各式甜品🍮總結： 環境好闊落，有無敵大海景，侍應態度都幾好，收碟速度都快，唔會積到成枱都係碟，食物方面正正常常