品粵居

营业中

休息中

這間位於灣仔與銅鑼灣之間的餐廳，中式傳統酒家裝潢，以圓檯為主，簡約淡雅，餐廳主打點心及粵菜，海鮮由附近街市即叫即買，保證新鮮。🌸惹味泡椒魚皮 $68魚皮晶瑩剔透，冰凉爽脆，入口Q彈，麻辣勁度十足。🌸鎮江排骨 $138鎮江排骨味道濃而不膩，排骨稍肥，酸甜平衡合宜。🌸歧江燒乳鴿 $68隻乳鴿肉質嬌嫩，肉汁脂香豐富，齒頰留香。🌸生煎頭抽原隻鮑魚 $98隻鮑魚好入味，調味剛剛好，沒有蓋過鮑魚的鮮味，入口爽彈，令人回味。🌸原隻蜂蜜柚子蝦球 $188/六隻蝦球大大隻，賣相好吸引，香脆可口的蝦球再淋上香甜的蜂蜜柚子醬，清新減膩。🌸蟲草花螺頭燉老雞 $68位秋冬滋陰進補的好時機，飲番碗養生暖胃的燉湯，啖啖幸福味道。

今日到銅鑼灣和灣仔區購物, 晚上在天樂廣場品粤居用膳, 酒樓環境幾安靜, 地方闊落舒適, 最啱家庭和朋友聚會。菜式有很多選擇, 而且經濟實惠, 確是性價比高嘅粵菜, 招呼也很有親切感。歧江燒乳鴿大大隻乳鴿, 熱辣辣外皮燒得香脆, 肉質嫩滑, 肉汁豐富, 口感鬆化, 味道可口, 越吃越滋味。原隻蜂蜜柚子蝦球六隻原粒大蝦球, 份量十足, 蝦球外皮炸得酥脆, 蝦肉爽脆彈牙, 掛滿香甜蜂蜜柚子醬汁, 中和咗酥炸嘅肥膩感, 吃起來酥脆可口。涼瓜炒安格斯牛肉128熱辣辣香噴噴鑊氣十足, 涼瓜爽脆, 加上惹味豉椒醬汁, 牛肉也炒得很滑溜, 兩者味道非常配合, 真係可以食多碗飯!蛋黃蓮蓉壽桃這道中式甜品真係好吸引, 大大個壽桃份量十足, 餡料是清甜香滑嘅蓮蓉和甘香嘅蛋黃, 趁熱食就最好味。

粵菜是中國四大菜系, 着重食物原味和只用少量香料, 一般做得比較為清淡。品粤居位於灣仔天樂廣場, 裝修清雅舒適。菜式是地道嘅家常菜, 價錢也很大眾化。菠蘿咕嚕肉 菠蘿咕嚕肉向來是酒家厨房嘅考牌菜, 這道咕嚕肉能做到外脆內嫩口感, 酸酸甜甜, 入口酥化而有嚼勁和肉香, 加上菠蘿洋蔥和甜椒, 惹味又醒胃。西蘭花炒鮮魷蝦仁這道菜炒得很夠鑊氣, 色彩繽紛碟頭擺設吸引, 新鮮蝦仁大粒又爽脆, 鮮魷清爽有嚼勁, 西蘭花則嫩綠爽脆, 整體味道很和諧, 調味啱啱好。虎皮尖椒炒豚肉虎皮尖椒有辣度, 豚肉炒得很爽脆, 完全冇肥膩感, 配合鹹香嘅芡汁, 送飯相當合適。飯後來個壽包作為甜品, 壽包熱辣軟糯, 蓮蓉餡清甜, 更添滿足感。

位於銅鑼灣同灣仔之間既中菜小館🥢店內以中式裝潢為主再加上大玻璃窗設計優雅舒適且光線充足 坐得舒服👍🏻供應各種色香味俱全既中式料理,海味同鑊氣小炒等餐牌選擇多元化 好適合同屋企人食飯或朋友聚餐👍🏻🌟上湯海蝦伊麵蝦肉新鮮爽彈 伊麵吸收晒上湯既精華香濃又鮮甜 🌟瑤池貴妃雞貴妃雞鮮嫩爽滑 連雞胸都唔會嚡口而且雞味濃 雞皮黃油充足🐔蘸埋秘製薑蓉更滋味🌟魚香茄子煲用砂鍋上 一上枱就聽到吱吱聲夠哂熱辣辣🔥茄子軟腍又唔會食落好油而且鹹香味十足 好惹味🌟薑汁千層糕千層糕口感煙韌帶薑味🫚

椒鹽魷魚鬚 $68魷魚鬚有咬口, 炸粉不算厚, 簡單落左椒鹽調味椒鹽金磚滑豆腐 $58即炸外皮金黃內滑嫩, 幾滋味小食鎮江排骨 $138sauce 酸酸甜甜平均包裹住炸得香脆嘅排骨肉, 骨唔算大舊, 好岩用黎下飯手打馬蹄煎蓮藕肉餅 $148蓮藕肉餅外層至微金黃, 肉餅夾有點肥肉增香味同蓮藕碎豐富口感, 不過就略偏油膩秘製魚湯雜菌手打魚腐 $138一煲魚湯呈乳白色, 魚味頗香濃. 上面嘅魚腐睇落似魚蛋, 其實口感極軟腍. 鍋中仲有雜菌菜苗上湯海蝦伊麵配瑤池貴妃雞 $298用左海蝦代替平時常見龍蝦. 蝦球爽口彈牙, 落左薑、蔥、蒜煮伊麵, 掛汁不過伊麵都係偏腍貴妃雞類似白切雞做法, 剛剛好的熟睇落會仲帶有點紅, 肉質嫩唔算好肥, 配了薑蓉 @morrisoncourthk灣仔摩理臣山道5-9號天樂廣場1樓

上星期和家人聚會 到了灣仔的一間中菜館《 品粵居》 吃晚飯這家中菜館地點便利 位於銅鑼灣和灣仔的交界灣仔南洋酒店附近地方寬敞 非常適合家庭聚會或者朋友聚舊餐廳的菜式集傳統和創意於一身既有鑊氣小炒 即蒸點心同時亦有各款新派菜式由於有小朋友 就點了一些大人細路都喜歡的菜式《 椒鹽金磚滑豆腐》 一口size非常之熱辣辣 外層的脆皮金香酥脆裏面的豆腐滑捋捋加上少許惹味的椒鹽 令小朋友吃到停唔到手另外一道非常健康的素菜《 鮮百合蜜豆炒淮山》用上了幾款口感各有不同的蔬菜鮮百合味道清甜 滋陰潤肺雲耳鐵質豐富 口感柔軟彈牙蜜糖豆翠綠嫩口 非常之爽脆而且帶有絲絲微甜 大人細路都相當喜愛最後 不少得淮山淮山切成條狀 輕輕油炸質感是所有蔬菜中最爽脆的這道菜雖然用料簡單 但火喉味道都控制得很好是一道又健康又美味的素菜今晚的重點菜式《 金獎燕麥海蝦》平時吃的麥皮蝦多數用了快熟麥片這家菜館的黃金燕麥海蝦則用了原片燕麥再配襯埋用鹹蛋黃製成的金沙醬 吃起來鹹香十足 而且外層的燕麥片佈滿了黃金流沙但是外層的脆皮已是令人回味無窮再加上海蝦經過人手精心處理將蝦腳和蝦頭部分去掉食起來就更加方便 企理《岐江燒乳鴿》 皮脆肉嫩

今日接完個仔返童軍加上外母隨行，搵間中菜晚飯自是不二嘅選擇，難得發現喺銅鑼灣嘅邊垂都有間咁企理嘅中菜館，就過嚟試下。椒鹽脆皮豆腐，豆腐份量甚豐，外脆內軟，豆味香濃，炸得夠脆，只係簡單以少少淮鹽同埋喼汁調味已經相當好食。百合蜜豆炒淮山，切成條狀嘅淮山經過走油處理，有夠誠意，同清新嘅百合蜜豆相當之夾。石岐燒乳鴿，皮脆肉嫩，鴿肉保時住應有嘅肉汁，相當出色。砂鍋啫啫文昌雞，啫啫雞一擺上枱香氣撲鼻，大蒜、蔥頭、香蔥加上紅椒同滑雞嘅味道充分融和，非常惹味。

品粵居由五星酒店前主廚領軍，品粵居菜式講究，集結了傳統及新派小菜，應有盡有，予食客最高感宮的饗宴，店員親切的服務，優雅的裝潢，一切的準備，讓食客有至高無上的感覺。蒜泥手拍青瓜是餐前最佳的小食選擇，蒜泥手拍青瓜蒜味十足，無敵入味，青瓜飽含水份，爽脆多汁，蒜泥手拍青瓜令人一吃就愛上。歧江燒乳鴿特別選用幼嫩的乳鴿，然後把乳鴿浸泡於以主廚特製的滷汁中，吸收其風味，再反覆澆淋熱油油炸至鴿皮呈現誘人的香脆色澤。歧江燒乳鴿皮脆肉嫩，入口留香，美味可口，朋友直說好吃。秘製魚湯雜菌手打魚腐這道菜也太棒了，不要以為只是單純的蔬菜，上方還有海味無窮的魚腐，魚腐嫩彈鮮美無骨刺，淋上秘製魚湯的雜菌菜苗只能說太味美，大家都拼命吃一下就被消滅，如果家裡有不吃蔬菜的小鬼，這菜絕對讓小鬼想吃。糖心宮爆蝦球將大蝦裹粉酥炸之後淋上酸甜的陳醋醬汁，炸粉不會過厚，吃得到蝦仁的鮮甜彈牙，還可以與旁邊的醃蘿蔔和皮蛋一起入口，糖心宮爆蝦球果然是適合秋天吃的菜式，醃蘿蔔酸酸的滋味及輕脆的口感，相當爽口開胃。薑蔥海參豚肉煲處理得好不入味，海參不會讓人嚼起來有糊糊爛爛的嚼感，嚼下時還帶點彈力，而咬嚼時卻是柔軟的。豚肉富彈勁不柴硬，而肉鮮也

品粵居 (灣仔).餐廳職員服務好好，亦好貼心咁係茶上面有一個爐keep住座熱.惹味泡椒魚皮.來自海魚嘅魚皮真係超彈牙爽口微辣又香又惹味.砂窩蔥爆龍躉頭腩 .龍躉頭腩有唔同嘅烹調方法，我地今次揀左砂窩蔥爆龍躉頭腩，每件炸得焦香，啖啖肉❤️ 食落唔會太油，而且仲有大量嘅葱蒜作為調味，個人十分推薦！.鮮菠蘿咕嚕肉.菠蘿酸酸甜甜，咕嚕肉偏瘦係我喜歡，炸粉又唔會太厚，配上甜酸嘅味道，非常開胃！.品粵居 (灣仔)灣仔摩理臣山道5-9號天樂廣場1樓

約咗屋企人食飯 試一試呢間中菜先 屋企人食完之後都大贊呢間餐廳 真係忍唔住要推介俾大家😍四個人叫咗六個菜 大膽講一句全部都好高質素👍🏻 欖菜法煸豆 有別於一般豆角佢又生好多咬落去完全冇渣 好食到不得了👏🏻👏🏻👍🏻魚香圍蝦豆腐煲 用煲仔上就算大家一邊傾偈一邊食都唔會癱倒凍晒👍🏻海鮮孖寶 海鮮質素非常之高😍上湯海蝦伊麵 吸盡蝦鮮味 濕度恰到好處😋瑤池貴妃雞（半隻）貴妃雞半肥瘦 咬落口啖啖肉好滋味👍🏻中山煎焗斑頭腩 翡翠炒球🥦好有鑊氣 一食落口就知道師傅擺咗好多心機落去整呢度佳餚😋其實仲有好多款未食 不過真係一次過食唔到咁多下次有機會一定會再嚟食👍🏻👍🏻

同屋企人食飯 中菜係一個不二之選❤️‍🔥有長輩喺度食返傳統小菜一定滿意😊==============================𝐅𝐨𝐨𝐝 𝐋𝐢𝐬𝐭📌🫛欖菜法煸豆 有別於一般豆角 幼身好多😋咬落口唔會有韌嘅感覺😊🥣魚香圍蝦豆腐煲 擺放得好有心機😍未放落口先㗎 50分👏🏻放埋落口加埋另外50分💯無誇張真係睇得又食得👍🏻👍🏻🐟海鮮孖寶 🍝上湯海蝦伊麵 除咗單點之外仲有個雙拼海鮮孖寶 呢個都係一家人食飯嘅好選擇👍🏻 個海蝦大大隻 咬落去填滿成個口好滿足😍🐣瑤池貴妃雞（半隻）嗱好老實嘅 呢個擺盤就真係一半喇🥲不過咬落去雞肉係好嫩滑🥹雞有雞味😋好好食😄🥦翡翠炒球 又係藝術品咁樣🎨西蘭花翠綠 唔鍾意食菜嘅小朋友都好喜歡🤭🐠中山煎焗斑頭腩 啖啖肉😍😍

📍 品粵居🌍灣仔摩理臣山道5-9號天樂廣場1樓 1/F, Morrison Plaza, 5-9 Morrison Hill Road, Wan Chai📝整體評分：８／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝▸惹味泡椒魚皮◂＄５８✿ 魚皮勁爽脆，加埋青瓜絲更爽~✿ 泡椒香濃，香醋做到調味效果，係搶哂味，香辣帶酸，開胃~▸椒鹽金磚滑豆腐◂＄５８✿ 唔似油炸，表面不黏油，但食落酥脆，內外口感分明～✿ 椒鹽味重手啲就完美~▸手打馬蹄煎蓮藕肉餅◂１４８✿ 半煎炸令到外皮勁焦脆香口~✿ 半肥瘦肉加入馬蹄，又juicy又爽口▸虎皮尖椒炒豚肉◂＄１２８✿ 豚肉勁爽滑，彈性十足並帶柔韌，有啲似豬頸肉般口感卻不完全是✿ 尖椒辣勁，加埋豆豉，相當惹味，超下飯！

今日去咗灣仔帶父母去食中菜未入去已經好古色古香，上到去有落地玻璃可以睇到灣仔嘅風景，居高臨下視野廣闊，感覺非常舒適。座位之間都有距離，傾偈唔會嘈親隔離。店員服務非常友善，亦都不停幫我哋加水。茶壺採用玻璃壺，下面仲有個爐熱住d茶, 令到茶keep住熱嘅溫度。仲有一個壺比你用來加熱水入去玻璃壺，自己去決定去浸泡茶葉嘅時間。好耐冇食過海星斑，而且同父母一齊食飯，都要照顧好佢哋嘅身體，所以叫星斑兩味就最適合啦。碧綠炒球非常健康嘅一道菜色，好多西蘭花，仲有紅椒黃椒去令成道菜色彩繽紛。未食已經流晒口水。 魚肉非常厚身、而且好多件，好足料。仲加入陳皮絲去辟走魚嘅腥味。古法炆頭腩用砂鍋上菜，未食已經聽到吱吱渣渣聲，非常夠熱。裏面超多薑蔥，魚腩非常鮮甜肥美，店員仲幫我哋撈勻，先開始食。豉椒涼瓜炒安格斯牛肉食得出牛肉片真係安格斯嘅味道，非常嫩口，脂肪比例均勻唔會過肥、亦唔會好韌。涼瓜炒到完全冇晒苦澀味，食落回甘，涼瓜片切到好薄片、口感非常爽脆。好耐未食過咁好味嘅涼瓜牛肉，而且好夠熱同好夠鑊氣。

早幾晚去左灣仔品粵居食晚飯🥢見到門口已經大大個招牌有魚翅😋 上去見到主要係大枱，一圍圍都唔少客，座位寬敞，坐得舒服，我地既晚餐點左.🍲宮廷濃湯雞煲翅 (4位用)呢款雞煲翅係足足有8兩翅🤩 經理首先俾魚翅的份量我地睇，然後先放入雞湯煮，煮熱後已經聞到香氣，飲啖雞湯好滋潤，魚翅好爽，份量多！.🥘薑蔥海參豚肉煲見呢個幾特別所以叫左呢款，將海參同豚肉加埋醬汁一齊炒，好惹味，估唔到可以咁樣整，而且咁樣烹調海參，口感好爽口！豚肉切絲，肉質好juicy!.🦆歧江燒乳鴿簡單烤香乳鴿食，唔駛點醬都好香，旁伴有調味料，可以食到唔同風味.🦐西蘭花炒鮮魷蝦仁擺盤幾靚，西蘭花整齊排在外圍，中間係大大件既蝦仁同鮮魷，好新鮮好爽脆！

香港美食眾多，要選擇吃什麼菜式作為和朋友飯聚都有一定困難，人數越多，就最合適吃中菜。這次來到灣仔品粤居，吃過小菜，又多一份驚喜。 ******************************品粤居位於灣仔大廈1樓，地方和一般酒樓相比，也不算大，但可以看著街外景色吃飯，安座吃飯也感覺舒適。品粤居小菜就在餐牌之內，雖不算太多選擇，還有不少時價海鮮，不同套餐供應，絕對足夠。入座就只收以每一位人頭計算茶介，還有加一收費，連小菜價錢都非常實惠。西蘭花炒鮮魷蝦仁 HKD138，魷魚切片炒，非常新鮮，還有蝦仁和西蘭花，蒜蓉味夠香，最重要一點都不油膩，非常鮮甜。魚香圍蝦豆腐煲 HKD98，以豆腐蒸蝦，加上醬汁，看似清淡，但吃上口鮮味十足，豆腐口感又非常滑溜，沒想到，要點個白飯伴吃。大澳蝦醬海珊骨 HKD168，大澳蝦醬果然聞名，咸鮮味香而不咸，所以這個海珊骨蝦醬味十足，還要炸到酥脆香口，吃上口無骨，啖啖肉，非常滿足。