喜聚坊

营业中

休息中

今日嚟到大角咀呢邊打羽毛球，做完運動就好肚餓，於是就周圍search下有咩好食😋經過喜聚坊門口見到有好多客人食緊，望埋餐牌都感覺唔錯，就入咗去試吓～首先飲嘅係佢個海底椰粟米豬骨湯，好清甜潤喉，同埋冇味精，咁熱嘅天氣下飲番啖湯真係好舒服👍🏻👍🏻😆之後我哋就叫咗佢個嗰拎過金獎嘅咸水角，佢個賣點就係唔會好痴牙😙不過咸水角入面有西芹，未必個個都啱食🙈然後我哋叫咗碟蝦仁炒貴刁同埋川式口水雞飯🤤蝦仁炒貴刁入面嘅蝦仁大大粒、啖啖肉，真係好好食😋🤤而且佢個咖喱醬係佢地店舖自己炒，辣得嚟好惹味😙❤️如果唔係好食得辣嘅話都可以叫佢少辣～反而口水雞唔算好辣，個口水雞汁用嚟撈飯一流🤣👍🏻口水雞有好多件，份量真係好足夠，而且雞肉嫩滑😙不過我個人都係比較鍾意炒貴刁～最後要推介大家飲嘅係佢嘅奶茶！！佢嘅奶茶同埋檸檬茶都係有花香味，飲落好香，而且唔會好甜🥰

又來撐寶哥場啦!隔一段時間就自動番黎, 為既就係再嚐寶哥嘅私房菜~ 實力派果然名不虛傳, 功架水準完美保持到,果然係30年經驗老師傅!一坐低老闆娘即推介佢地既新作「凍檸茶」，唔好以為普通料，查實因為寶哥特別用幾種花茶一齊煲黎做茶底，所以第度係飲唔到架，好清新花香味，岩好解滯打個底~飲完檸茶就來一個老火靚湯啦！ 「去濕冬瓜豬尾骨湯」大熱天時去濕消暑絕好!煲足5個鐘夠晒火喉，香濃超甜但完全唔落味精，落足料湯渣都有一大碟！一煲夠4個人飲, 2個人每人飲到2.5碗, 咁先夠喉！「蜜椒雞翼」好惹味， 甜甜地，面頭有好多芝麻粒同蜜糖，而且炸得香香的，單骨好多肉又容易handle，完全係開胃小食～「 失傳醬脆皮生炒骨」老闆娘透露話點解甘好食，秘訣係除左用上浸泡多日嘅蘋果醋醃味，加埋新鮮豬排骨即炸用料新鮮之外，仲因為師傅好手勢夠鑊氣，酸甜度適中，仲有拔絲效果，外皮香脆內裡鮮嫩多汁，做到呢個效果唔易架！「喜聚坊小炒皇」係次次必點既，因為材料極之豐富，其他地方好少食到，有腰果﹑三色椒﹑韮菜花﹑魷魚﹑珊瑚蚌﹑蝦球﹑蝦乾﹑白飯魚同菜脯等，味道鹹香，用黎送酒好適合~最後仲有甜品「 腐竹薏米糕」，有腐竹味，微甜，

大角咀有一間精緻中菜，一於同朋友一齊嚟食個飯！裏面貼滿左總廚寶哥嘅相片同埋唔同嘅合照，亦都有好多唔同嘅電視或報章雜誌推介，相當厲害。海底椰青紅蘿蔔粟米湯味道清新清甜，冇味精，清熱氣！雲彩海參汁千層脆相當特別，三角形嘅形狀，響鈴口感，而且佢個海參汁味道鹹香獨特，提升鮮味。秘製回味脆皮牛肋骨超級好食！牛肋骨D肉真係全部片晒出嚟，厚薄平均，外皮香脆，裏面鹹香入味，仲配搭芝麻，蔥花等，香味突出。濃湯雞煲翅（六兩）就有好大窩！裏面真材實料嘅雞煲翅，雞都有成大半隻，最緊要就係有好多翅，整體非常補充骨膠原。花香奶茶/花香凍檸檬茶都係令人值得試同埋令我有啲上癮！因為平時奶茶同凍檸茶好少有花香，佢加入呢種花香成分，仲有清熱氣功效，建議可以飲咗之後先至篤檸檬。另外午市餐牌

咁啱係大角咀做完嘢，又見落大雨，行行下見到呢間餐廳，就決定入去食嗰午餐同避一避雨。🔎 秘制咖喱牛肋飯（$60）一上枱，聞到勁香~職員話咖喱膽用三十種香料煲左6個鐘。咖喱食落甜甜地，辣度對我黎講辣左少少，不過好惹味，送飯一流～牛肋粒炆得好冧，配菜有薯仔🥔同紅蘿蔔🥕🔎 竹筒馬友蒸豉汁鮮排骨（$60）呢個絕對有驚喜～竹筒既飯食落軟硬適中，馬友帶鹹香，不會淨係得嗰鹹字，連平時少食鹹魚既我都覺得正～排骨係鮮排骨，醃得好入味，食落唔會嚡口～🔎 金銀菜豬骨湯職員話煲左6個鐘，睇落非常足料，味道十分濃郁，好飲~🔎 港式花香奶茶（跟餐+$6）花香奶茶係呢間餐廳既特色之一，奶茶飲落真係有花香味，好特別~

行過大角嘴利奧坊對面，見到呢間餐廳入面好似好勁，有好多獎牌，所以入去食個lunch 試下。坐低睇下餐牌，老闆娘推介黯然銷魂飯😍話佢地叉燒係自家秘製🤤咁岩燒味我又岩曬口味 叫左2個飯，黯然銷魂飯 同 秘製香煎豬扒蛋飯 黯然銷魂飯真係靚過張poster 😂😂叉燒大大塊，而且燒得好靚，有少少入口即化嘅感覺，肉質香軟，外層蜜糖唔會太甜，真係同出面普通燒味店唔同好多👍🏻必食♥️香煎豬扒蛋飯😱塊豬扒大過我隻手，成半隻碟咁大塊，煎得岩岩好，肉質嫩，唔乾身👍🏻我覺得D豉油都係自家製，用嚟撈飯，一流👍🏻食多碗飯都仲得👍🏻仲有！不得不提杯飲品，叫左凍奶茶同凍檸茶，個茶底好滑，一D都唔澀！睇返原來又係自製花茶底😍餐廳一杯野飲都做到咁用心！呢間野掂呀 👍🏻👍🏻👍🏻而且重點係價錢好平民，人均都50-60 。必須下次再幫襯♥️

大角咀入邊有唔少食肆，而今日就揀咗呢間粤菜同川菜嘅餐館食午餐。午餐黎講選擇幾多，款款都好吸引，最後揀咗黯然銷魂飯同埋蔥油流心蛋煎雞扒飯。跟餐附送嘅湯係藥膳湯，個湯有濃濃嘅藥膳味，非常之足料，碗湯撈得出北芪同埋黨參，滋補下個人就啱晒啦。蔥油流心蛋煎雞扒飯食得出佢煮之前特登整平塊雞扒，令到佢煎得更加香脆。伴碟有蔥油同平時少見嘅菜甫，呢兩樣都送飯胃口大增。黯然銷魂飯首先講個叉燒，呢度雖然係瘦叉，但咬落去好淋易入口，絕對冇鞋口嘅感覺，味道亦都很好。另外不得不提佢嘅豉油，入口鮮甜，問個老細先知原來加左大地魚入去，怪唔知得咁好食，豉油撈匀落啲飯度簡直一流！呢間餐廳嘅奶茶同檸茶嘅茶聞落有花香味，都幾特別。

呢間中菜館有位廚藝了得嘅寶哥師傅，開咗咁多年都好多唔同嘅人樓下個捧場一間中菜館，咁啱下午嚟到嘅時候已經爆滿真係意想不到🫣店內雖然細小，但原來有一間房可以獨立預早預訂私房菜，房間私隱度好高👍🏻😳✨萬壽果南北杏雪耳木瓜湯每日用咗四、五個鐘煲嘅老火湯，雪耳配木瓜清甜顏色嘅湯汁完全吸收到萬獸果嘅味道配埋南北杏清熱，消暑解渴😊😋✨叉燒滑蛋飯叉燒切得比例細小，叉燒碎同白飯嘅份量夾埋一齊食原來係恰到好處再配湖北雞蛋，蛋黃橙黃色非常之鮮艷，而蛋香味特別濃郁再配上秘製嘅醬料食落去我一啖都食到炒蛋香味又唔會搶咗叉燒分香嘅味道👍🏻👍🏻✨✨凍奶茶香茶沖出嚟嘅奶茶裏面嘅茶香味甘香而獨有嘅花香味道令到成杯奶茶花香味道，牛奶成杯奶茶一啲都冇茶香苦澀味，值得一讚✨🥰

對上一次嚟食已經係1年前，幸好「喜聚坊」仍然屹立不倒，果然係實力派。主廚「寶哥」有超過30年嘅下廚經驗部份係已失傳嘅秘製菜式，坊間好難食到，所以真係值得一試。《 老火煲海星海底椰豬尾骨湯 $238 》煲咗5小時夠晒火喉，香濃但無味精，而且豆類都滾到溶晒喺湯度，有起沙嘅口感，好正！呢煲4人share，每人都飲到2.5碗。有海底椰、海星等等，化痰、止咳、潤肺夠滋補。《 回味泡椒鳳爪 $68 》入味又爽脆，肉亦多，令人回味。《 失傳醬脆皮生炒骨 $148 》用上浸泡多天嘅蘋果醋製作，採用新鮮骨即炸，夠鑊氣之餘酸甜度適中，更有拔絲加持，外皮香脆肉質鮮嫩多汁，味道一流，必食！《 川味香辣炒蜆 $128 》蜆肉多又嫩，鑊氣夠，鮮甜蜆肉加上惹味嘅醬汁好香口，而且全部夠熟。《 生啫蝦乾通菜煲 $128 》通菜好嫩完全無渣，加入蒜蓉爆炒勁惹味，又唔太油，蝦乾大條又多，入口好有蝦嘅咸香，另外仲有加入細細條嘅魷魚條提味同增加口味。《 凍檸茶 $18 》唔會以為好普通，但其實好值得試吓。茶底用花瓣煲，好重花香而且茶唔澀，好有誠意。最後甜品有 《 腐竹薏米糕 》微甜潤腸，滿足～

已經好久沒有到外面食晚飯，今晚相約家人到外面食中菜，我們選擇了位於大角咀近奧運站利得街的"喜聚坊"，餐廳出名做古法菜式，正合我意。餐廳牆上掛滿獎項，仲有古法菜單，解釋十分詳盡學到不少。老闆娘耐心介紹幾款菜式給我們。老火煲海星海底椰豬尾骨湯 $238老火湯香甜味濃，十分滋潤，看看一大碟湯料就知道十分足料。回味泡椒鳳爪 $68鳳爪爽嫩，泡椒味香濃，越嚼味道越出，佐酒一流。失傳醬脆皮生炒骨 $148賣相漂亮，十分掛汁，入口外脆內軟糯，配上三色椒和菠蘿，酸甜醒胃。川味香辣炒蜆 $128辣度適中，風味十足，蜆肉都夠大粒又鮮味，醬汁很惹味。生啫蝦乾通菜煲 $128夠火喉熱辣辣，份量十足，用上蝦乾炒，汁香味濃，下飯不錯。凍檸茶 $18用上花茶作茶底，有別於平時飲到的味道，花香味濃十分清新。最後送上甜品腐竹薏米糕，很特別，甜度適中。

大角咀之友曾經向我推介呢間小菜館呢日去大角咀參觀一間新開嘅camping gear shop，原來小菜館就喺同一條街，擇日不如撞日，入去食個lunch先～午市飯麵選擇多，有好幾款都想食，我揀咗咖喱、朋友有選擇障礙，佢問店員有咩推介 😬最後揀咗”秘製咖喱牛筋粒飯” 同 “竹筒土魷蒸鮮肉餅飯”，加多個涼菜”拍青瓜”🔸秘製咖喱牛筋粒飯咖喱味幾香幾complex，椰汁味突出之餘唔會喧賓奪主，牛筋粒有𡁻感，薯仔好入味店員話煮呢個咖喱要用上30幾種香料同鮮磨椰汁慢煮6個鐘而成呢份心機同時間值得俾個讚👍🏻🔸竹筒土魷蒸鮮肉餅飯呢個影相📸️絕對係IGable 大大個竹筒➕大大塊肉餅賣相好特別😄肉餅嘅質地鬆軟，唔係死實實嗰啲，店員大推話肉餅係用新鮮豬肉蒸嘅以喺屋企以外食嘅肉餅嚟講，呢到整嘅質素算出色，幾有住家蒸肉餅feel🔸拍青瓜青瓜清爽醬汁調味啱啱好，微微辣、微微醋香，蒜味適中，係開胃涼菜好選擇呢到食lunch仲包老火湯同餐飲個湯好好飲，夠哂火喉，落足料，仲有粟米食同豬骨‘噒’添至於餐飲呢～試咗呢到嘅自家出品港式花香”凍擰茶” 同 “熱檸蜜”，陣花香味幾特別喎呢到嘅花香奶茶仲用咗可愛熊仔樽裝住俾人買走㗎🌸

今日同男友二人去開大角咀，見到有間食古法手工菜嘅中菜館，睇落好吸引😘😘，講多無謂，直接去試下！裝潢好典型中菜館格局，見到仲有鮑魚盆菜同埋一啲自家製嘅醬料售賣，店舖內亦貼滿主廚寶哥嘅照片，睇黎應該成日上電視！食物方面種類有很多，基本上都係一啲典型中菜，不過我同男友兩人都嗌唔到太多嘢，決定平平地一人嗌一個客飯試下先。首先試咗香蔥滑蛋蝦仁炒河，香蔥滑蛋蛋汁濃郁，唔會太水汪汪，又唔會變到蛋餅咁款🤩🤩🤩蝦仁隻隻都好大隻，好彈牙，河粉炒得出色，有鑊氣。跟住叫咗個豉椒酸菜脆斑塊飯，一上格發現好大碟，啲餸鋪滿飯面，豉椒酸菜惹味得嚟又唔會太咸太酸😝十分開胃，搞到我地都食到哂全個飯。而主角斑塊外層炸得香脆，令到外層索滿汁都保留脆口。今日淨係得我地兩個人，所以都食唔到太多嘢，但男友同我都對呢間餐廳讚好👍，希望遲啲有機會可以試到多啲招牌小菜。其他menu

陪老豆去大角咀做野，做完野佢話介紹我去佢平時食開既飯堂，仲以為係普通茶記檔次，估唔到呢間私房菜價錢平民得尼食物都幾有水準～金銀菜煲豬骨湯煲左五小時，無落味精既老火湯，足料又清甜海參粒滑雞煲仔飯Lunch $68就食到咁大煲既煲仔飯都幾抵雞件大件得尼幾嫩滑，海參粒都好多，每啖飯都可以撈到一齊食，口感豐富，食到底仲有少少飯焦👍🏻好大煲，女仔未必食得哂滑蛋叉燒飯滑蛋同叉燒絕對係完美組合～金黃蛋汁非常嫩滑，加啖啖肉半肥瘦叉燒，叉燒肉質幾嫩，最好係叉燒會切成一粒粒，容易入口，香味十足。加埋甜豉油就更好職員推薦我哋試佢哋既檸茶同奶茶飲左兩啖發現的確係有個特別既味 就係落左花粉～ 係一種幾清新既甜味～

大角咀附近不嬲都好多嘢食，今次搵到呢間係中菜，私房菜，舖頭越食越多人。今次佢有好多款午市供應，問一問原來佢有隱藏菜單！今次係酸菜班片飯，另外仲叫左餐單上面有嘅XO醬海鮮干炒烏冬。首先嚟咗中湯先，之後我哋叫咗兩杯花蜜檸檬茶，大廚推薦我哋飲因為出邊飲唔到，一飲真係好香花蜜味！飲落好潤喉，相信女仔都會鍾意！而且我喺出邊真係未飲過。跟住嚟咗酸菜斑片飯，好有鑊氣，而且個汁用嚟撈飯一流，班片亦都俾咗好多，大大塊，如果下次有呢個係菜單我哋都會再叫！推薦另外叫咗XO醬海鮮乾炒烏冬，魷魚同埋蝦都好多，成碟好大碟，烏冬炒得好乾身，唔會成Pat油。原來呢間夜晚有得食炒蟹！下次可以一試晚市！

寶哥私房菜好出名，身邊有幾個朋友都勁推介，今日去大角咀約埋個friend一齊去試下去佢嘅午餐。午餐有好多選擇有碟頭飯同埋炒粉麵飯，今日試咗呢個果醋豬扒、蟹油鮮魷炒乾麵同埋小食黃金豆腐。首先一人上咗一碗湯，餐廳強調一啲味精都冇，而且好足料，湯渣同埋湯嘅比例係一比一咁掣，好誇張，超濃味，好似屋企煲嗰啲咁，好好飲！之後上咗個果醋豬扒，豬扒入味，軟淋淋，好好食。而我最欣賞嘅係個炒乾麵，味道好濃沃，唔係死咸，好有層次，而且炒到好乾身，好有鑊氣，超級推介！！！由於太好食，加多個小食，黃金豆腐，呢個又係一絕，外皮炸到好脆，入面超嫩滑，都係必食之選！由於太好食嘅關係，我同個friend已經商量約埋其他人去晚市試佢哋啲手工菜！

之前朋友帶我食過一次，今日經過大角咀，同女朋友黎回味下炎炎夏日，自己鍾意食d涼伴前菜，呢度既回味泡椒鳳爪好岩我胃口！酸酸辣辣，非常開胃！尤其加左洋蔥，多左d辛辣，開胃又好食😌小炒玻璃豬肉🥓似回鍋肉既做法，食得出用新鮮豬肉，肉味香濃，肉質紮實有咬口。咁岩同店員講開，原來佢地既豬肉會用鹽醃一陣再風乾，所以肉質會紮實d，值得一試😋秘製回味脆皮牛肋骨店員推介既脆皮牛肋骨超正！上菜嘅時候仲新鮮熱辣，外層酥皮夠酥夠薄，中間既牛肋肉鬆軟嫩滑，口感非常有層次，驚喜十足！！豬油渣霸王花曬乾既食得多，新鮮既霸王花真係第一次，原來新鮮既咁大棵，同乾貨既一樣，都有自身既粘性，但新鮮既甜味唔一樣，加多蝦乾、魷魚乾、味道更甘甜😊十分推介大家一試，而且好食得出呢度既小炒都無落味精☺