喜記避風塘炒辣蟹 (利園山道) (已結業)

朋友找我吃晚飯，說忽然很想吃蟹，提議去試吃喜記的招牌避風塘炒辣蟹，雖然是即興，但我也很樂意去試吃，畢竟早聽說過喜記的水準是有保證的。到達餐廳後，店員問想吃多大隻的蟹? 然後拿了5種size 的蟹讓我們挑選，因為我們只有2人，所以只選了最小隻的，另加了每人一隻清蒸大聖旨。終於上菜了，那些金黃色蒜頭炒的超級香，這就是避風塘炒辣蟹的魅力了，真的很夠鑊氣，蟹肉鮮甜美味! 太香口了，於是點了個白飯，金蒜真的是非常適合配白飯吃，很好吃。 聖旨相對來說就有點平凡，不過不失，因為很多地方都可以做到差不多的味道，果然來喜記就應該集中力火力吃蟹。

今天八人行，本身諗住只係食生日晚飯，原來今天都係父親節， 所以就一齊慶祝！我哋用另一個Apps有訂座優惠，本身諗住食尖沙咀另一間餐廳，但佢哋前一天才通知臨時有改動， 於是唯有我哋都改去呢間想食嘅海鮮餐廳啦！服務員態度非常友善，值得表揚！而每個菜式都炒得非常之好出色！不濃味及不太油，調校得剛剛好！我哋當然必食避風塘炒蟹，我哋咁多人叫埋薑蔥炒蟹仲有必食嘅蛋白炒飯，另外仲叫咗好多嘢食，包括：沙薑雞腳、非一般咕嚕肉、金銀蛋浸時菜、蟹油炒麵、豆豉鯪魚炒A菜、滑蛋炒蝦球、肉碎虎皮椒、椒鹽鮮魷、豉椒炒蜆！本身仲影咗店舖同埋餐牌照片，我哋已經叫咗12碟餸，唔夠相位我哋全部人都太滿意了！等疫情過後，一齊再食過

Life is better with Crabs蟹季食蟹係必須要的 今日去左橋底辣蟹到食晚飯點左一個二人餐食 呢個二人餐包左5道菜包左:招牌避風塘炒辣蟹 醉鮑魚 上湯水浸蜆 蒜茸炒時菜 蟹油炒麵重點推介:避風塘炒辣蟹: 真係好好好食 好大隻 仲要係好多肉 好肥美上湯水浸蜆: 個上湯勁鮮甜好有蜆既味 同無咩沙Remark:份量都偏大 如果要點二人餐記得要留肚食Location: Causeway BayPrice (10 is expensive): 5.5/10Yummy (10 is delicious): 8/10

一直覺得香港冇麥代表菜，由雞蛋仔燒賣至蛋撻都係小食，冇一種主菜係可以又代表到香港，又可以坐定定食。今日帶左外國黎港既朋友食避風塘炒辣蟹，佢話只係食過避風塘味既薯片而未食過真正既避風塘炒蟹。今次可以嚐新好開心。我地左睇右揀，決定揀呢間老字號巴餐廳，見到不少名人曾光臨，一試便知龍與鳳。招牌二人套餐 $888招牌避風塘炒辣蟹-點左少辣，好大隻蟹醉鮑魚四隻- 入味豉椒炒蜆-有微辣，冇沙黃金蝦-殼都好脆蒜蓉炒時菜-好爽避風塘炒河-飽肚

喜記一早就聽過，今次專登一家人過嚟銅鑼灣食避風塘辣蟹。我地揀左招牌四人套餐 $888，頭盤係醉鮑魚四大隻，冷盤開胃，鮑魚肉爽口彈牙，有好香既花雕酒味，不錯！蜆可以揀豉椒炒或者上湯水浸，而我地就揀左豉椒炒蜆，蜆肉隻隻飽滿，配上香濃豉椒醬汁，回味無窮！黃金蝦炸到卜卜脆，連蝦殼都可以食，好有大排檔風味。重頭戲，招牌避風塘炒辣蟹，蟹肉鮮甜唔使講，我地揀左少辣，啖啖滋味，炸蒜都好值得一讚，炸得超脆超好，睇落有少少黑但食落一啲都唔苦，仲好香。食左咁多碟惹味海鮮，配返個蒜蓉炒時菜就非常之好，中和一下油膩感，而菜都好新鮮脆口。最後避風塘炒河，牛河炒得乾身唔會太油，牛河又香又滑！

新一年的來臨，當然要吃好的，吃海鮮最適合不過。喜記避風塘炒辣蟹可謂是海鮮專家，尤其它的招牌菜避風塘炒辣蟹每次吃完都吮指回味。喜記的精選二人套餐可以一次過吃到醉鮑魚，豉椒炒蜆，避風塘炒辣蟹，蟹油炒麵和蒜蓉炒時菜，價錢實惠之餘，又能滿足海鮮控的口腹之慾。醉鮑魚作為前菜真是一絕，鮑魚冰涼頗清爽，花雕酒完全滲透鮑魚當中，嫩中帶彈的肉質引人入勝，教人津津樂道，想一吃再吃這醉鮑魚。豉椒炒蜆以豉椒爆炒，鑊氣十足，上桌時香氣盈滿。炒蜆顆顆飽滿，蜆肉咬起來軟嫩中帶點彈勁，豉椒味道十分到味，微鹹微辣，我們一口接一口吃過不停。避風塘炒辣蟹我們選了小辣，炸蒜辣度不嗆喉，反而非常惹味，用來拌蟹肉或蟹油炒麵吃，下飯極了。蟹肉肥美到不行，炸蒜帶出蟹肉原有的鮮甜，好吃到我們連蟹腳節與節之間的肉通通挑出來吃。蟹油炒河看起來像乾炒牛河，但細細品味時卻有不一樣的風味。河粉炒得乾爽不油膩，甚有彈力，配料方面不花巧，以芽菜，青蔥為主，多一份脆度，且襯托出蟹油的精髓，嚐出蟹香來，多奇妙的炒河。從嚐豉椒炒蜆就知道大廚炒功了得，就連這簡單的蒜蓉炒時菜的火候掌握得恰到好處，翠綠無比，生菜嚼起來蠻爽脆，富含水份，一點都不乾柴，蒜香陣陣。

喜記避風塘炒辣蟹－ #銅鑼灣細細個婆婆帶我搭船去食銅鑼灣避風塘 嘅 船上大排檔， 大個帶返佢嚟食 雖然已經無咗船上食的環境風味，但食材味道依舊令人回味！ 兩個人叫咗個二人餐， 由前菜 海鮮 時蔬 到粉麵 有齊晒， 好啱同長輩嚟食！【前菜－醉鮑魚】煎炒煮炸 都食過，唯獨未試過冷盤！花雕酒味相當香濃， 酒香充斥口腔， 後勁有鮑魚的鮮甜， 酒味香甜， 不會喧賓奪主！【豉椒炒蜆】食大排檔小炒又點可以唔叫炒蜆， 份量相當驚人，足夠4人分享， 蜆肉鮮甜 帶微辣，炒得夠惹味！【避風塘炒辣蟹】主角嚟喇，我係超級蟹粉絲， 正宗避風塘炒蟹好多年無食。上菜嘅時候炸蒜香氣撲鼻，新鮮肉蟹即叫即炒，辣度可以自己選擇，想食到蟹肉嘅鮮味建議叫小辣 剛剛好。 蟹嘅Size大過我個頭呀！淨係蟹鉗已經有手掌咁大，啖啖肉，夠鮮甜 ！ 配埋炸蒜同辣椒食夠惹味！ 【避風塘炒河】河粉炒得條條分明，配埋蟹肉同炸蒜食好正！芽菜夠爽口！【蒜蓉炒時蔬】超有鑊氣，蒜蓉香味比油麥菜吸晒！

啱啱喺北海道返黎 實在忘不了嗰度既蟹... 今次返返黎香港忍唔住一家去食返港式既海鮮！ 終於book左銅記喜記，因為好恨想食返港式避風塘炒辣蟹～～～入到去第一時間就落左隻肥蟹單先等左十分鐘左右，避風塘炒辣蟹終於到喇隻蟹鉗好厚肉 肉質彈牙爽口 再加埋啲蒜粒 入晒味 大佬好想再加碼！！ 一隻真係到喉唔到肺....跟住再介紹埋其他海鮮先呢個黃金蝦 都好吸引 蝦身好大，再加埋咸蛋醬炒，炒到起晒沙 超有口感之後就係豉椒炒蜆，一上台 覺得佢個味同平時啲唔同，問問伙記先知原來佢地用海鮮醬豆豉同蒜蓉黎炒，所以尋味特別香！醉鮑魚四隻 凍食飽魚鮮，加埋濃濃酒香 胃口大開！淨食小菜唔太夠飽 所以都係要叫個麵打打底，我地叫左個避風塘炒河粉 河粉上面加埋啲炸蒜粒黎炒 好香口 最後就真係要食埋個菜中和下啦 蒜蓉炒油墨菜 嘿嘿又係蒜 其實中和到啲咩？哈哈 不過唔理喇 ~~~~

今晚喺銅鑼灣食飯，約左個一樣咁鍾意食蟹既朋友仔去食大餐🥳食蟹最麻煩係份量，兩個人又唔食得多，喜記就特意有個二人套餐，有齊蟹、菜、海鮮同粉麵，份量適合得黎又好滿足🤟🏻醉鮑魚前菜來講好大隻😍 有酒味之餘亦有香濃既麻油味，十分爽口，第一碟餸就已經好有驚喜✌️上湯水浸蜆見已經咁多炒野，就揀左上湯煮。超多蜆，鮮甜得黎好有肉。招牌避風塘炒辣蟹個蟹鉗好大隻呀😍😍師傅有先扑碎蟹殻，所以食起上黎都好方便。肉質鮮嫩，唔錯👍🏻蒜蓉炒時菜菜好滑，亦夠稔，好惹味👍🏻炒河粉河粉好軟熟，調味剛剛好，好味😋

我同媽媽都好鍾意食蟹，早陣子，媽媽興起話要食蟹，我就帶他去喜記蟹將軍吃晚飯！我們來到銅鑼灣的分店，除了蟹，那裏還有很多其他海鮮！我們見到有精選二人套餐，想也不想就決定吃這個，因為都幾豐富，有5道菜！招牌避風塘炒辣蟹可以選擇自己喜歡的辣度，我和媽媽都不能太吃辣，所以選了BB辣！另外蜆也可以選擇豉椒炒或者上湯浸，我們選了豉椒炒蜆！首先有醉鮑魚，這個最鮑魚是凍食的，鮑魚好爽口彈牙，而且好大隻，食得出有花雕酒的香味，不錯的頭盤！主角避風塘炒蟹來到了，一隻肉蟹，一來到已經聞到香噴噴，超多炸香的蒜粒，還有蔥段，有一點點辣椒碎，因為我們選的是BB辣，所以不會太多辣椒！雖然蟹不是最大隻那些，但仍不失香辣鮮味！蟹肉鮮甜結實，蟹蓋還有膏！喜歡食蟹的朋友真的可以一試！豉椒炒蜆好惹味，好夠鑊氣，除了有豉椒味之外，還吃得出有南乳的香味，蜆肉鮮甜！食返碟菜就唔怕油膩！蒜香白灼油麥菜非常之翠綠，咬落去爽脆，好新鮮！最後還有一個蟹油炒乾炒牛河，牛河炒得好香，牛河夠滑， 還有陣陣蟹油的香氣，還有避風塘的炸蒜，非常惹味！

朋友喜歡食蟹，知道在公司附近的這間炒辣蟹店舖很有名，曾她生日當然要帶她來試試。餐廳在銅鑼灣和灣仔都有多間店舖，所以這間餐廳不算很大!看看餐牌，有一二人餐好像幾抵食，所以便點了這個來試試。醉鮑魚，鮑魚好濃酒味，肉質唔會太硬，很爽口，是一個很好的前菜。豉椒炒蜆，這裡的豉椒炒蜆，味道跟出面街外吃到的有點不同，帶有少少辣味，但也有少少甜味，蜆的份量都幾多。招牌避風塘炒辣蟹，蟹的辣度可以選擇，我們點了小辣，不過不算是太辣，下次可點中辣。第一次食避風塘整的食物會食埋D炸蒜，平時街外吃到的都會黏牙，但這裡的不會，而且脆口又惹味!蟹是肉蟹，很大隻蟹鉗，多肉又鮮甜，而且蟹殼都很易整碎，容易食用的。雖然是一隻蟹，但蟹肉都幾多。蟹油炒河，這個炒河炒得乾身，唔會太油太濕，味道唔算好濃，再配上避風塘炸蒜一齊食，味道更惹味!還有蒜蓉炒油麥菜，很有鑊氣呢！這裡的避風塘炒蟹真的很惹味，唔怪得這麼出名!

週末約咗朋友出去銅鑼灣買聖誕禮物，為聖誕節做足準備，行街行到攰想搵食醫肚之際，經過間餐廳見門外貼滿明星相，望落好吸引！原來呢到出名食避風塘辣蟹，啱哂鍾意食蟹嘅朋友！於是我地二話不說就衝咗入去。☀️醉鮑魚鮑魚質感爽彈，肉質軟腍唔韌，酒味清香唔嗆鼻，鮮味十足！☀️豉椒炒蜆豉椒好惹味，好香口，炒蜆火候啱啱好，冇咩離殼甩肉嘅情況，蜆肉冇沙，好鮮甜！☀️避風塘炒辣蟹呢晚嘅主角！避風塘炒辣蟹！賣相霸氣，大量嘅黃金炸蒜鋪滿蟹面，炸蒜味道香濃惹味！隻蟹好大隻，多肉，而且蟹肉肉質結實，鮮甜，好新鮮！☀️黃金蝦黃金蝦大大隻，已去眼去角去鬚方便食，蝦殼炸得香脆，黃金咸蛋黃惹味香濃，肉質彈牙！☀️蒜香油麥菜油麥菜炒得青翠欲滴，爽口清甜，蒜味香濃有鑊氣。☀️避風塘炒牛河牛河炒得均勻，每條河粉都平均上色，口感順滑爽彈，咸味適中，入面仲有爽口芽菜同洋蔥，令口感更豐富。

就黎做冬，唔想媽咪係屋企做得咁辛苦，所以今年我地決定出街食飯做節。媽咪本身鍾意食蟹，所以我地帶左佢去銅鑼灣度食避風塘炒蟹。我地叫左一隻避風塘炒辣蟹，醉鮑魚，黃金蝦，蒜香唐生菜，豉椒炒蜆同埋避風塘炒牛河。先黎既係炒辣蟹，佢係成隻蟹咁俾我大，有一大堆炸蒜伴碟。我地只係要左小辣，味道非常惹味，蟹肉又多又大又啖啖肉，好正呀。我地食到停唔到手。醉鮑魚滲著濃濃酒香，好大隻啲肉又稔身唔韌，食到媽咪見牙唔見眼。黃金蝦炸得非常香，脆卜卜，又多肉，味道好正呀。唐生菜就分量好大，味道正常。炒蜆係小弟既my飛佛之一。分量大，味道好，唔腥，冇沙，又惹味。炒牛河分量都幾大，味道唔錯，牛肉炒得好香好稔，加埋啲蒜香真係一流。

當年在灣仔工作期間，每晚下班都看到喜記炒蟹的老闆，在橫街的手推車炒蟹，今時今日，已經有幾間分店，可想而知，香港人的奮鬥精神，是如何利害。今晚便選擇了銅鑼灣的分店，懷念一下往年的味道。精選二人套餐$688避風塘炒辣蟹一隻，蟹肉香甜而爽口，炸過的蒜蓉，已經帶點醎和辣，而且非常惹味，就連一向少吃蟹的我，都和太太爭吃。醉鮑魚，酒味香濃，鮑魚的肉質軟腍。蒜蓉炒時菜，時菜採用了油墨菜，味道爽甜。蟹油炒河，河粉每條都吸收了醬油，加上芽葉和油蔥，味道更佳，如果將炒辣蟹的蒜蓉混合就更加惹味。上湯水浸蜆，蜆肉清甜，湯頭的胡椒味十足，而粉絲爽口彈牙，絕對是一味出色的浸蜆。

晚上和家人去吃避風塘炒辣蟹，餐廳裝潢喜慶，設有圓台和卡座，還鋪了檯布，很有懷舊感。餐牌有不少優惠套餐，我們選擇了精選二人餐$688。⭐️醉鮑魚鮑魚滿滿的酒香，入口軟腍，吃起來很輕鬆。⭐️招牌避風塘炒辣蟹我選擇了小辣，端上桌時鋪滿了炸蒜末，香噴噴。撥開蒜末，蟹鉗很大大一隻，拆開以後，蟹鉗非常飽滿，吃起來又鮮甜又緊致，配蒜末吃超級惹味！⭐️豆椒炒蜆炒蜆隻隻飽滿，沒有砂石，非常鮮甜。用豆椒炒非常惹味香辣，送入口還可以吮吸醬汁，非常好吃！⭐️蒜茸炒時菜這道菜炒得油光閃閃，稍微油膩了一些，入口爽脆新鮮。⭐️炒河粉素炒河只有豆絲和芽菜，勝在芽菜新鮮，炒得夠火候。▫️炒辣蟹真的很好吃，特別是蟹鉗鮮甜，如果有預算，可以多試試其他海鮮。