四哥車仔麵

营业中

休息中

紅磡出名多美食😆😆今日經過呢間四哥車仔麵，見佢除左車仔麵仲有海南雞，就入黎試下😎😎唔坐低唔知，愈睇愈多野食，眼花撩亂😅老闆娘話蟲草花冬瓜燉鴨飯最正，重點推介🤩每日剩係賣兩轉，不過我地太晏，賣晒冇得試🙈最後嗌左星加坡肉骨茶配飯同秘製香辣汁撈粗麵同半隻海南雞🤤老闆娘勁好客🥰🥰不斷同我地介紹，見男朋友食得辣，仲私人醒多兜車仔麵嘅秘製辣汁比佢撈麵食😆😆雙重辣味，男朋友表示堅正，真心辣撈麵勁大碗，勁足料，配埋個雞湯🤤$45勁抵食，辣椒醬食得出自家製肉骨茶係藥膳味個種，大多數藥膳味肉骨茶嘅肉都係好鞋，呢間做得好出色嘅係啲肉好嫩滑，軟林林，啲軟骨唔使好大力都咬到，仲有隻蛋同埋豆卜，超級入味，一咬落去啲汁咇晒出嚟😻爆汁豆卜另外隻海南雞肉質好實，好有咬口，配菜青瓜絲同酸瓜絲都用米醋自己醃，唔使驚有防腐劑😆食完好開胃佢地仲有養生飲品可以揀😎五花茶同薏米水，我哋叫咗一杯薏米水同奶茶紅豆冰🥰奶茶紅豆冰茶味好濃，怕太甜嘅唔使驚，可以盡情飲😎下次搵日早啲嚟試埋個冬瓜燉鴨飯🥰

👉今日要到紅磡辦點事，當然要找間小店醫肚。。。門外看看餐牌，🈶️飯、車仔麵、泰式料理⋯😀.📌秘製香辣汁撈粗麵 $45 ～ 配料豐富，豬頸肉濃邊甘香，雲耳、青瓜絲、芽菜均增添口感。🥳👉花生碎、乾蔥蒜、芫茜⋯香氣飄飄。☝️粗麵底為蛋麵，配上自家熬製上湯、㊙️製香辣汁，沙爹味香濃突出，少少麻辣香又不過辣，混點醬、加點湯⋯果然用心製作‼️👏📌酥炸雲吞 $30 ～ 1⃣️客6⃣️粒炸雲吞香脆熱辣，比想像中大粒。。☝️中間咬開爆汁，看下原隻蝦🦐仁彈出。。😳肥肉、豬肉比例適中，好味又抵食。大推👍📌+$3 🈶️凍飲🥤👍

今日又揸車黎食四哥車仔麵，😋😋食完之後去睇軒公演唱會，鍾意佢抵食又好食，比起開張個排，而家越來越多人食，有時要等位啦😭.今日趕時間就無叫車仔麵，估唔到佢啲飯都幾掂👍🏼晚餐時間$4x/個飯，真係窮人恩物呀，「海南雞飯 $46」另轉雞髀 +$5，雞飯係黃薑飯底，有少量配菜：青瓜絲、花生、蘿蔔，仲有碗湯跟餐，海南雞份量都唔少，雞夠滑又香黃薑味👌🏻「蔥油豬頸肉飯 $46」轉黃薑飯 +2，蔥油豬頸肉仲惹味啲，燒過既豬頸肉唔會太油膩又恰到好處，脆脆地皮咁，加上糖心蛋，配飯食好夾。.呢度小食都好吸引又平☺️，「炸雲吞 6粒 $30」有蝦既炸雲吞，脆卜卜得黎又唔會膩，蝦肉爽口。「炸雞翼 6隻 $38」炸雞翼應該無人唔鍾意食，重點係生炸😍「腐乳通菜 $13」$13碟菜，份量仲唔少🤣真係買少見少。.轉特飲「凍檸樂 」同「凍檸檬意米水」都係+$8，抵飲又高質😋

上次吃過紅磡「四哥車仔麵」的海南雞鷄飯雖然令我念念不忘，不過今日試吓車仔麵，因為放工去到已經過咗六點，唯有外賣返屋企食，男店員好有禮貌咁叫我坐低等一等，另一邊見到老闆娘好勤力咁包緊雲吞。約等咗大約5分鐘就拎得都幾快手。揀咗三餸車仔麵$38 送熱飲一杯。蘿蔔、牛筋、雲吞配幼麵蘿蔔炆得唔夠淋，食落仲係索索聲牛筋又稔亦軟滑廣東云吞，餡料是豬肉和蝦，比例上是七比三，味道和口感也是一般，勝在系自家製作，加點誠意分。幼麵浸住10分鐘左右已經變稔，雖然話係一個麵餅但食落去感覺幾多，份量足、足飽肚。熱柚子蜜味道正常。

第一次黎食四哥，素聞佢海南雞飯好出名，但我睇到餐牌之後想要變卦，嗌左肉骨茶米線。天氣一凍就好想食D滋補養生野。大概等咗五分鐘就出左菜，速度好快！湯底同米線分開裝，客人可以自己決定湯底濃淡度。湯底香濃，材料亦好豐富，呢份肉骨茶裡就有雞蛋，排骨，豆卜同花菇。大大份好滿足。跟餐送一杯熱柚子蜜。心滿意足既一人食。仔細睇餐牌，原來佢除左海南雞，肉骨茶仲有車仔麵同麻辣小食。非常適合一家人一齊嗌唔同既菜式share，下一次會再來光顧

今日剪完頭髮，見有啲肚餓，又未食晏，於是周圍行吓，睇吓有咩食。見到呢間舖食車仔麵，又好耐無食，於是就行入去試吓。入到去係舊式食肆裝修，有啲中學時代嘅味道，點了個三餸麵，分別係魚皮餃、咖哩魷魚同埋牛肚，要油麵底(個人覺得車仔麵配油麵係最正同最啱)，醬汁就要秘製小辣。先講隻魚皮餃，個人覺得啲皮淋咗啲，唔夠煙韌，跟住到牛肚，都幾入味，同埋都有咬口，然後到咖哩魷魚，覺得咖哩汁唔夠多同唔夠濃，比較一般。而油麵就正常，都幾多吓，反而佢個湯係幾好味，配埋辣汁唔錯，最終差唔多都飲咗半碗。整體嚟講，成碗麵都正常，係個湯比較出色，不過以30幾蚊嘅價錢算係唔錯。

今日第一次去四哥食車仔麵，叫了碗三餸麵，油麵，通菜，鹵水豬腸和豆腐卜，凍檸茶加3元。車仔麵上枱，令我感到驚訝萬分。第一：碗是黏笠笠的；第二：我叫的湯底是沙嗲汁，但面前只有小指頭份量的沙嗲醬點綴著，我從來吃車仔麵沒見過這樣的畫面，十分驚訝和失望，湯底完全絲毫沒有沙嗲味，撈混了那一少點的沙嗲醬亦只是清湯味道而已，於是我向店員要多些沙嗲醬。麵的份量適中，豬腸和豆卜的份量和味道也可以接受，但是通菜份量少得離譜地過份，只得幾條菜條鋪在麵上一側。凍檸茶沒有茶味和檸檬味都算了，整杯檸檬茶可以媲美苦澀不堪的冰水。總結：真心說我是一個對食不是很高要求的人，但對於是次的到訪感到失望。該店鋪沒有誠意，希望日後能夠改善！

今日放假和女朋友來到紅磡寶其利街搵食，大家都唸住撞下運氣，真係對依條街零頭綷。差唔多行到街尾見到一陣細細間「四哥車仔麵」有車仔麵又有海南雞飯，女友like 車仔麵，我 like 海南雞飯，perfect match 。店員是位叔叔，有禮也主動問我地想食乜嘢，感覺良好。我第一時間問下海南雞個飯系吾系油飯先，店員話是油飯，我就即時要一碟，轉雞脾只係加$5 不久先奉上冬瓜湯，溫度足鮮甜好味，肯定唔係例湯咁簡單。海南雞是全去骨鷄脾，冇偷工減料。用上黃油雞，雞皮和脂肪也較黃，因為健康理由吾吃鷄皮，鷄肉則非常嫩滑，有雞味，付上是蒜蓉辣椒醬，我覺得有點搶去雞肉的鮮味，雞肉淨食已經好好味。黃色油飯絕對吸引我，味道無顏色咁突出，都有啲味，入口粒粒分明，不黏口也不太油。整體來講成碟飯性價比系高達。至於「車仔麵」大有大食、細有細食。蘿蔔、冬菇、雲吞、豬皮、辣魚蛋配粗麵鮮蝦雲吞一定最好食，因為睇到老闆娘即包，誠意分十足。辣魚蛋惹味彈牙、蘿蔔鬆化冇渣、冬菇細細粒蠔油味足、豬皮煮到半溶，好似食緊花膠咁，水準吾錯，下次試其他餸先。新張期內送飲品最犀利係有店主自家煲嘅「五花茶」 四個車仔麵俾我感覺很有家嘅味道。

麻辣皮蛋🔥這一道菜色真的非常好吃 醬汁甜甜辣辣 還帶有麻香🌶皮蛋軟糯香濃 好好吃 好想再多點一碟🤣 深信這個醬汁用來拌麵也會很不錯！蘿蔔、豬手、手打魚肉、生腸、豬頸肉 👅湯底非常清甜 是有點家中媽媽熬湯的味道 多喝也不會口渴； 每項配料也是非常好吃 蘿蔔清甜無渣 豬手軟趴趴 手打魚肉彈牙 滑luet luet 豬頸肉甘甜爽彈 生腸彈牙！ 無可挑剔！店主還提供麻辣醬讓我蘸著吃！夠香夠麻！好好吃！！！！！ 隨餐附送凍檸茶 茶底香濃 冰到十足 解辣一流👅-店員服務態度十分好 因為本人是眼闊肚窄的一群 十分嘴饞 一直嚷着要點這個要點那個 但是店員一而再再二三的制止了我 讓我不要浪費金錢🤣🤣🤣 叫我下次光顧時再試其他新的小食🤣🤣🤣 覺得這樣的服務很好 因為他沒有站在客人的角度去思量 不只考慮經濟的收益 +20分！-食物好吃 衛生乾淨 賓至如歸 如要挑剔就只挑剔店內的座位比較狹窄 〰️ 不過我還是會再去光顧的！！

3訪試真啲實錄！ 點解要3訪，係因為呢間車仔麵太抵食，見到佢地都好有心想搞好間鋪，但第一次初訪，我覺得真係麻麻…但個價錢實在太抵食😭 #四哥車仔麵 泰式海南雞。我同男友各自叫左3餸麵同4餸麵，再每人一杯凍奶茶，再加一碟腐乳通菜，埋單時，只係$96 😱😱😱 我以為計錯數呀！！因為太鐘意食車仔麵，加上係紅磡，收得夜，10:00後仲有外賣，簡直係沙漠中的方舟～～ 所以我諗，可能啲餸唔岩，試下其他餸，可能個湯底唔岩，試下叫第2隻湯底…就係咁我試左3日…初訪：滷水豬大腸，豬皮，魚皮餃（秘制辣汁）｜凍奶菜｜腐乳通菜話就話秘制辣汁，不過個湯無咩味，食左兩啖，叫佢地加少少沙嗲汁比我…還是差少少味…雖然滷水豬大腸并不是我預期的味道，不過都可以係推薦之一，而豬皮就正常，魚皮餃就麻麻…二訪：豬頸肉，金菇，韭菜餃（麻辣汁）｜凍奶茶｜腐乳通菜麻辣汁湯底，又是差一點味道，但比秘制辣汁好一點…豬頸肉OK, 韭菜餃還好…三訪：咖喱魚蛋，芝心丸，麻辣金錢肚（沙嗲湯底+腩汁）｜凍奶茶｜腐乳通菜今次終於近似我想要的味道了🤩 湯底加了腩汁，同埋我發現左原來一直有兜 #辣菜脯 可以比客人隨意加～加左辣菜脯後，湯底即時變得惹味

紅磡最近新開左一間叫四哥車仔麵，冇幾耐來之前仲係雲吞麵舖，原來已經頂咗手。裝修格局不變，依舊冷氣夠坐得舒服。我見到一面四送只係$43，仲要冇限制叫邊一款類型，換言之，就算你叫四款$13既送，埋單一樣都係$43。好抵食。下午茶時段，仲免費送嘢飲👍🏼👍🏼我叫咗四個餸，流心蛋，豬頸肉，豬紅，冬菇。餸既份量比我想像中多，淨係冬菇都有五舊，而且推介豬紅好好味。值得一讚係佢嘅流心蛋，一咬入去，真係有流心效果，好少食車仔麵可以食到真流心蛋👍🏼總體而言，又平又靚又正，呢間的確係街坊嘅好選擇👍🏼

以為附近幾間幾出名的車仔麵幾好食，誰不知搵搵吓搵到呢間，一試就覺得贏晒👍🏻成日响對面食嘢都唔知同一條街有間咁正的車仔麵😙個人好鐘意食河粉，但相信大家都知車仔河粉好難遇到好食，呢度好滑好正！秘制辣椒油超得手🤪🥳我選擇困難時，姐姐話我哋有豬潤同雲吞，餐牌冇的，於是我就叫咗呢兩樣同豬紅…豬膶雖然薄身咗小小，但好鮮嫩😋雲吞自家制，好多蝦，豬紅入面有味道，幾好，如果夠熱一定仲好味👌🏻仲有自制菜莆，不錯！一定會成日去食💪🏻快啲整返好個招牌啦！三餸連凍飲都係$37，邊度搵冇得輸

今日揸車去黃埔家興掃貨，見到隔離街有間車仔麵幾多人食，就簡簡單單食個lunch。.呢間車仔麵店選擇極多，比一般車仔麵檔多野擇，重點冷氣夠晒凍，岩晒我行到身水身汗😅一麵5餸先收$49，所有貴餸都擇得，新張期間叫碗麵仲送冷熱飲品.(秘製辣汁)菜底配蘿蔔、咖喱辣魷魚、南乳豬手、炸雞中翼、滷水鮮大腸 ，雖然有啲誇張，但呢碗野真係好抵食，每樣料都好多，好似雞翼2件、豬手2件、蘿蔔3件、大腸同魷魚成堆🤣 重點係個秘製辣汁底好夠辣得黎好入味😋我叫菜底個菜吸晒啲汁超正。.(麻辣汁) 公仔麵配司華力腸、蠔油花菇、泰式豬頸肉、柱候牛腩、滷水鮮大腸，除左料多之外，想讚下佢呢燒野炸野真係好食，好似個豬頸肉係好爽又彈牙仲脆脆地，牛腩呢唔會hea著俾得少又好食又入味，唯獨係司華力腸比較其他餸就遜色左啲。但麻辣汁味道就比較淡，個人比較喜歡秘製辣汁多啲啲，但麻辣就麻好多既。.小食加左「炸雲吞6隻 $30」、「炸韭菜餃4隻 $18」、「酸齋$18」呢間炸物係出色既，炸餃好脆，有個好強烈對比，好似下下會爆汁咁👍🏻鍾意食脆口野既唔好錯過。.呢間車仔麵都算係有啲驚喜，足料抵食又好味，尤其個秘製辣汁，加油支持多啲小店💪🏻💪🏻

呢間車仔麵店除咗有車仔麵，仲有海南雞同各款泰式美食，選擇非常多😍。.佢哋定時有新嘅車仔麵配料，次次食都有新野，好有新鮮感。.🥢牛腩雲吞生菜米線佢哋嘅車仔餸款式好多，樣樣都好吸引🥰。牛腩軟腍入味而且份量唔少。.雲吞有啖啖蝦肉🦐，鮮味又彈牙，好有驚喜！.生菜翠綠清甜又健康。沙嗲醬有好香花生味🥜。米線煮得啱啱好，保持到彈性，配埋香濃嘅沙嗲醬一流。.🧊紅豆冰 +$8粒粒紅豆又甜又夠口感，椰汁香甜消暑，夏天飲一流😍。.

紅磡寶其利街家庭式經營小店四哥車仔麵，食物選擇大眾化價錢與食物質素性價比超高， 而且賣車仔麵也賣海南雞飯， 與同事朋友 屋企人黎， 想食麵又得想食雞飯都得， 大家都有得揀。海南雞飯雞肉份量超多， 一睇就知對版 ，吃落去皮肉爽滑仲要唔肥， 亦都有層啫喱係皮下底 ， 油飯 有薑黃與及椰汁香味， 醃蘿蔔也不錯吃， 四十幾蚊一大碟抵食。海南雞飯仲送埋自家煲的家常湯， 南瓜雞湯 香甜冇味精，是家的味道。車仔麵材料選擇多， 梗有一樣 啱心水。 揀兩送三送四送都可以， 蘿蔔蠔油少冬菇牛筋腩， 小冬菇 入味又又好食 ，蘿蔔鮮甜 ，牛腩啖啖肉。 三十幾元大大本冇得彈。麻辣木耳秘製麻辣 汁那陣濃厚麻辣味， 麻、辣、蒜蓉香都俱備， 木耳爽口，讓人一試上癮。麻辣手撕雞麻辣手撕雞 肉爽不會柴， 加埋清涼暢快的青瓜， 夏天食超爽.順帶一提， 餐廳新開張叫主菜送飲品， 自家製檸檬檬薏米水， 和自家製五花茶是 超有誠意之選。