圃公館 (已結業)

酒店位置比較隔涉，幸好有shuttle bus，不過香港站個架時間有點梳，10:40am或12:40，銅鑼灣二期個架就多少少時間選擇，10:38am或12:08，12:38服務方面，lunch time顯得有點不夠人手，舉手下單無人理，叫茶都等左好耐，過後就好好多，下單後上菜速度挺快👍🏻食物方面，款款都好食，食物質素不錯，腸粉醬油醬汁好味，有誠意，任食真係超抵！有長者卡仲抵！下午都坐滿，最好book定位

經朋友介紹下來到灣仔區酒店裡的中菜~ 圃公館, 同家人食團年飯。 圃公館裝修中式風格,環境寬闊舒適。** 店有落地玻璃窗可挑望灣仔街景。**首先點來【椰香燒BB乳鴿】 $68 即叫即燒,將乳鴿本身的肉香鎖住, 熱騰騰的,外脆香口肉嫩, 並有淡淡椰香。**【洞庭香辣蟹】 $960 咬著啖啖肉的大隻肉蟹,肉厚結實甘香又鮮甜, 仲有蟹膏,帶出不算太辣的香辣味道, 加上多款配料來炒,味道好有層次,惹味非常, 連配菜的薯仔也好好食,回味無窮。**【酸菜桂花魚】 $380 這味菜特色 酸､鮮､ 辣集於一身。 選用新鮮桂花魚起骨切片,放入酸菜湯煮, 入口魚肉質嫩滑,加上湯酸酸地都幾開胃。**【翡翠牛菌炒海螺片】 $288 簿身海螺片口感彈牙好味,略牛菌少了點,而甜豆亦炒得比預期好吃！** 【蛋白杏仁茶】 $48 杏仁茶充滿濃濃杏仁香,加上蛋白, 入口甘醇,清潤美味。

想搵到地方可以一大班閨蜜慢慢傾下計，呢度係不錯的選擇。枱與枱的空間很闊落，很舒適。食物每樣也不錯，特別出色的是釀雞翼和豆腐，一邊食一邊讚，必食之選。湯也足料，喝不出味精，連湯渣也不想放過。唯甜品沒小菜出色。不足處是地點不太方便。

哥倫布美食遊。今次去邊到？美食哥倫布今次同大家嚟到灣仔嘅圃公館！有乜咁好食?一齊睇下啦!先介紹幾款江南小食比大家！青芥小木耳、秘汁牛臉頰、陳醋海蜇頭！青芥小木耳一啖一粒！好多時木耳最多都係配陳醋，所以第一口食嘅時候，感覺到少少攻鼻嘅嗰下都幾醒神！秘汁牛臉頰好腍！好軟綿線嘅感覺！中間有啲透白位入口即溶！好少食牛肉會有咁嘅口感！而且佢個汁做得好好，好食得黎又入味！木耳唔係用陳醋，反而海蜇頭用返陳醋！甜甜酸酸，比平時淨係用普通醋好食好多！海蜇又夠爽口，涼涼地酸酸地夠開胃！砂鍋雞煲翅真係唔可以唔提！足料到暈！個雞湯唔會太油，雞味重而且又好甜！啲翅好爽口！一梳梳咁！拎啲雞出黎食埋佢，有成隻雞喺入耐！而且啲雞肉煲到好腍！連啲骨都軟埋！翡翠玉環瑤柱甫唔算好特別，因為我都知好多地方有！不過佢地件節瓜入面粒瑤柱都真係幾大粒！而且個汁都好鮮甜，節瓜吸完啲汁真係好好食！最後係金牌酸菜和牛肉，老實講用和牛真係有啲灑料！因為酸菜本身個味都幾濃吓，不過食落去又真係完全唔同！咬下咬下好香口！酸菜底下仲有薯粉，煙煙韌韌好好咬～而且仲好入味！份量都好夠，唔洗再叫炒粉麵都得！

今日約左朋友行開灣仔銅鑼灣，行到好餓又唔想食日韓菜，就諗住食中菜啦。近近地又想同班朋友坐耐啲傾耐啲，就搵左一間叫圃公館。聽名未必知係邊度😅其實就喺伊館對面酒店一樓。離地鐵站有少少遠，好彩我地咁啱行完times，行過去都唔算好耐。因為太餓，所以叫左個頭盤食住先，食住慢慢叫其他餸💁🏻‍♀我地叫左個梅酒聖女果$68，睇個名唔知係咩黎嘅，睇相先知原來係車厘茄。酸酸甜甜超開胃！加左梅其實令到車厘茄超甜！呢味秘汁牛展$78炆到好淋又入味。佢個汁仲有少少甜，好味道！帶子大大隻，最啱我呢啲勁鐘意食帶子嘅人。帶子好鮮甜，亦唔會overcooked令到帶子變到一絲絲。酸辣湯$98係用火㷫住，一人一”窩”平時食酸辣湯凍左唔好味又會好滯，但依家用火㷫住就一直保持住熱辣辣，飲飲下食其他餸都唔怕凍左！同埋佢將啲料切到細絲，令到個湯更易入口！至於辣味，我覺得適中，唔會太辣灼喉。走地雞$198/半隻，無諗過咁大鍋！同枱有朋友好喜愛吃芫茜所以大愛呢味餸，因為佢嘅芫茜好出味！不過唔食嘅朋友就要留意番農圃糯米雞翼$78，呢道餸係我今晚最愛糯米飯炒到好香，釀入雞翼再炸，外皮非常脆，而佢唔係得雞皮包住糯米，而係仲連住啲雞肉，雞

一向都非常喜歡灣仔區，呢一次去到食晚飯，當然就要揀間環境舒適，而且食物質素亦要唔失禮。首先有兩款小食，炸豆腐係款幾香脆可口嘅小食，上檯時香味十足，而豆腐又夠軟滑。接著紅燒牛𦟌亦係好惹味，以多款醬汁烹調而成，令牛𦟌夠晒入味，用黎送飯就最好！接著呢個明爐荀殼魚夠晒份量，以明火伴著，確保每一啖都夠熱。用上酸菜，莞茜，辣椒等上湯滾熟條魚，魚肉白晰而質感嫩滑，推烈推介！最後仲有香噴噴嘅生煎走地雞，用上好多配料一齊炒，加上雞肉選材新鮮，令雞肉入味而入口嫩滑，整體質素唔錯！

是日約左朋友一齊飲茶（其實好少可😂），早前有介紹圃公館有任食點心就一於黎試試😋原來餐廳位於酒店一樓！！！任食嘅menu其實得一版嘅點心可以揀，雖然同a la carte menu比較少左啲但都有齊蒸、炸、煎嘅點心&炒粉麵飯。我地一共5個人，book左1點鐘，但1:15先可以入座因為前一枱未埋單，要執枱。我地被安排坐近窗邊，餐廳環境幾舒悉闊落又夠靜，好適合一班朋友食飯傾計。因為點心係即叫即做，所以製作需時，我地總共叫左兩輪。肚餓嘅朋友要有心理準備😂總括黎講點心味道都OK，麻辣燒賣幾特別，鍾意食辣嘅朋友可以一試。甜品叫左其中兩款：楊枝金露&是日甜品（腐竹糖水）。價錢方面有加一服務費，以灣仔餐廳同埋任食黎講都算OK。我地一邊食點心時見到隔離枱有啲好有特色嘅點心，相信係任食點心外的，下次會想試試！😋

今日黎到帝盛酒店同客人傾野 難得黎到甘唔就腳既地方 就試下網上好多好評既圃公館 晚市 真係地區關係 大流唔多 估計主要都係for酒店住客 食物都有幾多中菜選小食既豆腐 都幾香脆入味 仲有d辣辣地 木耳就帶點芥辣味 都幾得意雜菜煲有好多花膠 同蝦乾 粉絲 夠哂熱辣辣 湯底香濃都幾正 有個菜好正 係糯米雞翼 將d糯米飯塞落雞翼入面 夠哂雞油香 多重口感 正 !仲有辣得黎惹味 豬肉味香濃既水煮黑豚肉 豬肉肥味 入面仲有吸汁芽菜 同筍 夠哂正 仲有酸菜魚既酸汁好正 魚肉好夠香滑 仲有好多薯粉 好入味

今日行完街，朋友想食中菜！咁就去左灣仔果邊食七味脆豆腐豆腐外脆內好香滑，不太鹹食完一粒又想食一粒秘製牛展我食過咁多牛展之中，依個都算做最好食嘅一個，我相信啲汁一定係秘製，牛展亦好有牛味，食完真係好想叫多一碟食！海鮮酸辣湯又唔會太辣，辣油同湯好似分開一樣，湯同辣要自己撈埋一齊！荀殼🐠(一斤半)好大鑊一定食得飽，好香魚味有少少辣辣地，有酸菜半魚，又香又辣，係一種好美味嘅酸辣配搭茶香仔骨這味菜同牛仔骨差不多，一個最特別係牛仔骨上面的伴菜，食落有少少茶嘅香味，值得一試公館炒飯炒飯中這個公館炒飯，真係真係好正，夠熱，夠香，夠多餸，有暇丶海膽丶蟹子等等！好味農圃糯米雞翅雞翼裏面釀碎肉就見得多，今次是釀糯米飯，都好特別食完仲有啲飽花膠海味時菜雜錦煲有大大隻嘅花膠，又有好多海味，好似食緊海鮮都一樣 整體來說，餐廳質素都很好，食物都很滿意，而且服務一流！雖然地點偏僻點但都值得！

有朋友喺外國返嚟，話要食好食嘅中菜！之前有朋友嚟過話OK，所以今次就膽粗粗咁，帶佢黎試吓啦餐廳為處喺酒店嘅1樓，附近係伊利沙伯體育館，環境都唔錯！餐廳地方寬敞，每枱之間都預留咗一定程度的空間! 坐得幾舒服講返食物先！先來一個梅酒聖女果$68 ，聖女果其實即係蕃茄仔，廚師先將蕃茄仔去皮，再浸入梅酒到食落酸酸甜甜咁，幾開胃之後係秘汁牛展𦟌$78，除咗牛𦟌外，入面仲有啲牛筯個秘汁調得好好，食落唔會好鹹，但同時帶到牛味出嚟！兩者食落都係軟腍入味，送飯或者當小食都可以海鮮酸辣湯$98，真心有驚喜點諗到佢會係連埋個爐一齊上菜，一路食，一路有個火幫你加熱所以成程都keep住個湯暖笠笠正而且入面配料非常多，飲完個湯之後都已經飽咗1/3，哈哈另外又點少得叫佢地嘅招牌- 農圃糯米雞翼$78一碟有4隻，隻隻都脹卜卜咁，賣相吸引。每一隻雞翼入面都塞滿生炒糯米飯，所以食落特別惹味👍🏻配埋外層又脆又香口嘅雞翼一齊食，真心好味由於朋友鍾意食辣，所以特登為佢叫咗呢個水煮和牛肉$288睇落好似好辣，不過食起嚟其實無想像中咁靚的入面除咗有鮮嫩嘅牛肉外，仲有啲吸晒辣汁嘅芽菜，食落好惹味前面比較多肉，所以最後當然唔少得叫番兩

人越大，食飯越追求舒適環境，畢竟辛苦工作都係搵兩餐，當然要對自己好啲。上次因為去過旁邊既餐廳食飯所以認識到呢間中菜火鍋店，位於酒店內環境確實非常舒適寧靜，係同朋友家人歡聚享受既好地方。《蝦兵蟹將鍋 $288》打開餐牌，最吸引我既係蝦兵蟹將鍋！有別於平日既火鍋湯底，呢個係乾鍋，可以先享用炒得好香既海鮮，例如蟹、蝦、青口等等，食到差不多先叫侍應加湯。不得不讚海鮮真係炒得非常惹味，味帶微辣，令人有食完又想再食既衝動！$288有一煲兩食既作用，值得既！火鍋調味《本地牛頸脊(大) $408》見到呢份超肥美既牛頸脊，真係心情變得好愉快！牛頸脊既好處係肉味夠濃而帶油花，咬起來有口感而充滿肉汁，非常好味！《特色四色丸 $128》四色丸係我食過最有質素嘅一次，呢間每一款丸既味道都好鮮明突出，而且粒粒都好彈牙，尤其是蝦丸，蝦嘅鮮味真係令人難忘！《鮮淮山 $48》淮山對身體有益，難得呢間有得食，當然要點啦！煮淋左嘅淮山質感就好似芋頭，粉粉地，容易入口。《炸響鈴 $68》打邊爐點可以冇響鈴！《花膠 $128》《牛柏葉 $68》人均：$500————————

去到港島區高貴價地段，餐廳質素亦相對有保證。今次去到帝盛酒店嘅圃公館，環境當然舒適，而食物亦無令我地失望!首先有羊肚菌燉花膠湯，淨係見到湯渣嘅材料，就知道用料非常豐富，樣樣真材實料，燉出黎嘅湯鮮甜而清晰唔油膩，加上充滿骨膠原嘅花膠，呢個湯夠晒養顏滋陰。明爐荀殼魚係今日最期待嘅主菜，淨係賣相都已經夠晒吸引，加上荀殼魚份量十足，差不多有2斤，燒酸菜、海帶等配料燉制而成嘅湯浸熟條魚，魚肉嫩滑而保存到鮮味，強烈推介。而最後亦有兩道肉食，分別係茶香牛仔骨、糯米釀雞中翼，前者用上茶葉嘅香味，同牛仔骨非常合拍; 而糯米釀雞中翼亦係相當新穎嘅菜式，將糯米功巧妙地釀入雞中翼之中，雞翼外表又烤焗得金黃香脆，令整個口感更加有層次!

<圃公館 多元化中菜>😄呢間喺帝盛酒店樓下既中菜館 地方雖然唔太方便 但食物質素好唔錯 除左廣東菜外 仲有川菜 浙菜 等等 夠哂廣泛 而且質素唔錯👍🏻😄🍴七味脆豆腐 58 蚊😄餐前小食之一 豆腐切成正方形粒狀 外層 炸得幾香脆 落左少少七味粉增加香味 🌶 入面既豆腐好夠香滑 如果 再熱辣辣d會更好 👍🏻🍴青芥小木耳 58 蚊其實係一碟普通既凍食木耳 夠爽口新鮮 食落去加左d wasabi醬 個人覺得d味重左d . 格番走少少醬就剛好😉🍴農圃糯米雞翼 78 蚊🐤四隻大雞翼 內有乾坤 入面既雞肉挖走左一部分 主要淨番香脆既雞皮😈 入面釀滿香濃既糯米飯 夠哂香甜同口感🍚 好味😄🍴水煮黑豚肉208 蚊🌶🐷水煮 用左辣椒 胡椒 泡椒 等等整成既鮮紅湯底 有番甘上下辣度 底層充滿住爽口芽菜 筍絲等等🌿盡吸辣汁 , 不得不讚佢既黑豚肉 厚度適中 肉味香濃得黎 又帶點肥膏 吸埋辣汁更惹味🐷😀🍴花膠海味時菜雜錦煲 138 蚊🌿高檔既雜菜煲 🍲 除左有西蘭花 生菜 粉絲 等等 外 仲有足料彈牙花膠同香濃既大蝦乾🦐 落足哂料 而且雜菜湯底都好夠味 唔錯👍🏻🍴茶香牛仔骨168 蚊🐂好似平時大排

今日同埋朋友食飯，見咁耐無見就揀間 fancy 啲嘅中菜廳試下喇。聽啲朋友話去過圃公館嘅點心放題，所以我就提議試下晩餐喇。秘汁牛展 ($78)真係想講我第一次食到咁高質嘅牛展！平時啲牛展多數都偏硬身，幾有咬口。但呢度嘅牛展竟然可以煮到咁腍咁入味，仲有小小入口即溶感覺！醬汁都好惹味，嗌碗白飯直頭可以就咁當個餸食呀。海鮮酸辣湯 ($98/位)佢個碗下面有個爐幫佢keep住熱，完全唔怕同啲fd一路吹水會搞到凍哂。一嚟到有陣好香嘅麻油味，湯嘅酸辣度都係啱啱好，喝得過癮。湯都好足料喎，有好多蝦肉呀，木耳等材料。價錢係貴咗啲但絕對真材實料。桂魚酸菜 ($380)啲魚肉真係超滑溜，而且佢配合酸酸地嘅湯令到條魚一啲都唔單調，不過佢有小小骨所以食落要格外小心！酸菜都有好多，但講到最驚喜一定係底下嘅麵條，好似寬條麵同薯粉咁，厚身得嚟又煙韌，撈埋個酸菜湯一齊食好開胃。水煮黑豚肉 ($208) 睇落好似好辣，但唔好俾賣相呃到呀。有麻而不辣感，唔會話辣到條脷好唔舒服。豚肉好嫩滑，而且肥瘦均勻。呢餐飯我哋四個都好滿意呀！

朋友剛結婚就要請他們吃頓飯吧，請客當然不能失禮。位於灣仔帝盛酒店的「圃公館」夠大方得體，是不錯的選擇。前菜是陳醋海蜇頭 ($138)，味道酸酸的很開胃，海蜇頭爽口，而底下還放著清新爽口的青瓜。不要被北方辣子雞 (178) 的賣相嚇倒，雖然有很多大小辣椒，吃起來確是有點辣椒香味，但辣度並不誇張，有點麻而不辣感。辣用炸得香脆惹味，炸得乾爽的外面也猜不到內裡是嫩滑多汁的雞肉，實在好吃。然後便是清淡的花膠海味時菜雜錦煲 ($138)，粉絲的份量還真多，口感彈牙。花膠也很大件，有了蝦乾更能帶岀鮮味，湯底清甜好渴。上湯龍蝦伊麵 ($328) 好味呀！龍蝦大隻啖啖肉，肉質爽口彈牙，非常入味。伊麵也沒有煮得過腍，吃起來有嚼感。