團日式拉麵

营业中

休息中

今天忙完事之後又未食午餐又約了朋友行荃灣！行過見到😱日本自助售票幾！就去試下！有簡單教學！買左一碗基本魚介拉麵！去入坐啦！🎉🙏🏻入到去好有在日本的一般拉麵店的feel 😏🤗🍜來了開餐！😋留心蛋蛋香濃郁！滑嫩可口！😜😝叉燒有點焦香！肥而不利！麵質不錯👍🏻 有曲麵和直麵的選擇，我選了曲麵！不過湯底比較鹹 本人覺得不太有喜歡！見意加芝麻佰比較香！總結：味道～ok 湯不行！價錢～上可服務～ok

小弟最喜歡吃日式拉麵，既可以在寒冬之下感受一碗熱辣辣的拉麵，也可以在近距離欣賞師父烹調拉麵的技術！今次在荃灣區，小弟在家附近發現日本街頭拉麵的味道，無論裝潢，擺設，味道，都令小弟想起去日本旅行時的滋味呢！就是今次的主角啦！拉麵自助機，記得去日本時，每間拉麵店門外都有個自助售賣機，購買自己喜愛的拉麵、配菜、飲品後，將票據交給店員，稍等一下就可以開餐了！😎😎😎有吧枱選擇，可以近距離欣賞師傅煮拉麵的過程！不過今晚的客人全部坐低枱，包括我們😆😆我同朋友各點了一碗拉麵，黑蒜油拉麵和櫻花蝦拉麵，黑蒜油湯底夠香，而且我選了較硬的麵質，吃入口就更能增加口感！朋友點的櫻花蝦拉麵也很不錯，櫻花蝦夠鮮香，更加能突出湯底的味道，正！😋😋😋

黎到荃灣突然想食日式拉麵，就上網search下有咩好食。竟然搵到一間用售價機買既拉麵🤩就決定黎試下啦！呢間鋪開喺內街，大約喺大屋街既中間位置。鋪面細，唔突出。比較難搵，要行近先見到。部機簡單易用，只收現金💵拉麵款式只有5款，相中最頂一行既4款都包括拉麵，可選曲麵或直麵。其餘配料同飲料都要加錢店員好有禮貌，入到黎唔使比飛，搵位坐就得了揀左魚介拉麵（$80）+溏心蛋（+$10）+海苔（+8）曲麵唔太硬豚肉煮得好焾，調咪料重溏心蛋煮得岩岩好，蛋白全煮，蛋黃仲係啫喱狀態今餐真係好滿足，又坐得舒服如果地點方便d就可以黎多d啦！

天氣開始變凍，經過荃灣想去食下啲小食。但行到路德圍就見到一間有日本feel嘅拉麵店。叫團日式拉麵。本人十分滿意！團日式拉麵係日本形式嘅拉麵嚟嘅，全自動點餐，快速方便。步驟1）用自動售賣機點餐，機器是入紙幣的但係可以找散子2）拎票入拉麵店，等一陣就會上菜了。3）食完之後離開便可以了。團日式拉麵係有四款拉麵可以選擇。1）櫻花蝦拉麵2）魚介拉麵3）黑蒜油拉麵4）辛味拉麵麵底方面可以選擇：1）曲麵 - 比較彈牙，口感好有質感亦掛湯2）直麵 - 幼幼地但更掛湯當日我同哥哥兩人，各點一款拉麵哥哥：櫻花蝦拉麵選擇了曲麵，湯底好濃郁，曲麵好彈牙而且掛湯！加上乾既櫻花蝦，浸湯味道更濃郁而且會有少少香辣味。叉燒係正常程度，正常水準。但糖心蛋真係一流。一咬個蛋係有好多汁液爆出黎！非常好味！我：黑蒜油拉麵糖心蛋!!!直麵。湯底夠濃，直麵雖然唔夠曲麵彈牙，但係比曲麵更加掛湯。叉燒係正常程度，正常水準。竹筍好吸湯, 好正。但糖心蛋一樣係非常之好味，所以團日式拉麵既糖心蛋咁好味應該唔係巧合。飲品方面：波子汽水，係香港比較少見既牌子，係幾好飲的。服務方面：員工效率快，有禮貌，滿帶笑容，令我地食得好舒服！ 

早兩日揸車經過大屋街見到有間新開拉麵鋪，最特別嘅係佢同日本一啲拉麵舖一樣都係出面自助買飛，然後店員會安排位置畀你 拉麵款式唔算好多，不過主要既款式都有揀完面嘅款式之後，可以再選擇麵條類型&配料飲品都喺要自助形式去買而且全部都係日式嘅嘢飲， 我哋叫咗富士山柚子梳打 & 信州蘋果梳打黑蒜油拉麵 $83湯底濃而不膩份量好多，除咗紫菜之外，仲有兩大片豚肉，加一隻溫泉蛋，咬開溫泉蛋裏面蛋漿湧曬出嚟，而蛋白仲非常嫩滑，成個拉麵都好好味，有日本嘅味道!!!直麵比曲麵吸入更加多湯汁， 麵條較軟櫻花蝦拉麵 $88櫻花蝦多到好誇張呀 將櫻花蝦同個湯底撈勻再食，每一啖都食到一粒粒嘅蝦仔，令湯底更加鮮香味， 同黑蒜油拉麵一樣有兩大片豚肉+溫泉蛋曲麵比直麵更有口感

係香港可以用到呢部機好特別！回想起日本既時候全部都係呢d機賣既就特別大感觸辛辣拉麵我係好食得辣既，所以叫左個辣味拉麵，拉麵好唔好食都係睇幾樣野架姐！一就係個湯底，二就係個麵質，三就係肉既質素！第一啖飲落去又冇想像中咁辣，但係個回甘好特別！個辣慢慢甚出黎！幾特別原來想叫軟麵的，但店員主張係師傅會將最好的一面上台，所以不會因此改變煮既時間！是一位有堅持的師傅！肉質感好嫩滑同入味！吸收左辣味後更加入味！招財貓梳打怕太辣的我選了這個飲料！造型好得意阿！味道都不錯

比荃灣呢間拉麵小店門口部拉麵機吸引住，一於玩下部機，食個靚麵先五款麵，有煞介拉麵，黑蒜油，辛味，櫻花蝦同新登場期間限定既激辛味噌拉麵我係無辣不歡既，就試下究竟激辛拉麵有冇料到，朋友叫左櫻花蝦拉麵可以揀曲麵或者直麵，配料想唔要咩都可以tick 埋出左飛仔就入去比師傅等食有Bar 枱有普通枱，燈光柔和，座位都坐得舒服叫左桃味汽水$22 同招財貓梳打$18味道唔錯，而且樽好靚激辛拉麵配曲麵見到紅卜卜堂場呆一呆，仲放左兩隻乾辣椒，但嚇我唔到既湯底係偏油，不過我都試啖，嘴唇好似火燒咁，死火，似係平時係譚仔最盡食中辣既我叫左個大辣曲麵仲要好掛湯，辣到噴火味道係好濃，雖然辣但好惹味叉燒有輕輕燒過，見到表面有燻過，團既叉燒係半肥瘦，偏厚身，咬落啖啖肉，又帶油香，我喜歡蛋亦都比晒成隻你，入面係超級流心朋友既櫻花蝦拉麵，鹹香鹹香，配左直麵。叉燒照舊有兩大塊，湯底味道都係好濃直麵同曲麵比，個人鐘意曲麵多啲，掛湯效果好啲，而且彈牙啲味道係唔錯，所以我會再黎既，下次要試黑蒜味

又係荃灣系列～ 早幾日去咗荃新天地行街，本來都諗住返返屋企附近食飯，點知行行吓竟然見到平時得日本先有嘅拉麵售票機😧 喺日本就見得多，喺香港真係第一次見 （當日有其他客人買緊拉麵，所以就無影到相）我同朋友分別揀咗櫻花蝦拉麵（上）同黑蒜拉麵（下）拉麵有得揀直麵或者曲麵，今次我同朋友麵揀咗直麵食落麵質唔錯，我食黑蒜拉麵覺得個湯底調得非常適合大眾口味（我超重口味，所以覺得可以再重味啲🥴，但朋友試完覺得啱啱好👍🏻）不得不提佢嘅溏心蛋，有啲拉麵店嘅蛋會過熟，無咗溏心嘅感覺，但呢間完全唔會，食落有超幸福嘅感覺，因為個隻蛋真係處理得好好！讚！#團日式拉麵

星期日的中午十二時左右，來到了這間很有特色的拉麵店食店特色在於它以在日本好普遍，但香港卻沒有幾間有的自助拉麵販賣機來吸引客人。食店位置於街市附近，但人流不算多。當日可能時間尚早，十二點，不用等位。全店有七至八張枱，只有三枱有客人。太感動！買完票就直接坐下來，等店員送上食物！（可是十二半時就全店滿座了！！）特色還特色，但食物質素更為緊要。評一下它的拉麵🍜味道如何拉麵可以選：曲麵或直麵配料可選：走葱 走筍與男友二人每人點了一款拉麵試一下魚介拉麵（$80）點了走葱，走筍，曲麵湯頭很不錯👍🏻香濃叉燒燒得很香，沒有太韌近來沒太多拉麵店有曲麵可選，好久沒有吃過，所以點了曲麵試試。掛湯一流👏🏻👏🏻麵條不錯，很彈牙。(雖然本人較愛淋一點的麵條。。)而另一碗點了櫻花蝦拉麵（$88）比起魚介拉麵，我更愛這款！同樣 走葱，走筍，曲麵櫻花蝦拉麵味道較濃好多櫻花蝦！加入湯後，更野味！溏心蛋又好味喜歡口味重一點的可以選擇櫻花蝦，喜歡口味清一點可點魚介拉麵試一下提一提，販賣機只收現金！不過可與店員兑錢。

今晚去了荃灣一間很特別的日本拉面，以為自己去了日本，一入門口就見到售賣機，無錯拉麵是採用自動販賣機點餐買券入場，每個人只能選一種拉麵，但可以加選很多配料，例如：叉燒、蛋、飯等等，我地點左比較重口味黑蒜油拉麵和櫻花蝦拉麵。味道唔同，但配料方便差不多。這家拉麵的湯頭相當濃郁，麵條則是選用細麵，相當彈有勁，拉麵的叉燒更為厚實軟嫩，入口即化，還有一顆半生不熟的糖心蛋，我個人比較喜歡黑蒜油，真係勁香。最開心有四個靚仔哥哥服侍你，服務周到態度溫柔。

近來在街上看到越來越多新式的日本拉麵店，基本上差不多總有一間在附近的感覺。雖然係咁，但係見到新開既拉麵店都總係好想去試吓，最後朋友搵到呢間喺荃灣新開既拉麵店，地點喺商場附近既橫街，感覺好隱蔽，但門口居然有一條人龍，頓時增加了不少信心佢好似日本嘅拉麵店咁，喺門口先買票再入去坐，好有日本風味，店員好殷勤咁安排座位俾我哋、而且每個都面帶笑容，好有日本嘅感覺朋友比較鍾意食辣，所以佢選擇咗期間限定嘅激辛拉麵，我試咗一啖湯底，食得辣嘅朋友應該會好鍾意，湯底好濃郁而且唔會好嗆口，亦都好鮮味，正而我就選擇咗味道比較濃嘅櫻花蝦湯底，湯底好鮮甜而且好重蝦味，叉燒都好大塊，店員話佢嘅叉燒係自家製，肥瘦均勻，好香口，特別讚一讚佢嘅麵底，佢有曲麵同直麵兩款，店員話曲麵掛湯會比較好，所以會比較好味，果然冇介紹錯

每次經過間拉麵店 都覺得門口部販賣機好囑目 好有想襟下佢既衝動 部機擺係室外 好驚佢有朝一日比人襟壞某天終於得閒去襟一襟...一. 講門面裝修：門口既窗口格局同大紅燈籠既擺設都有幾分日式拉麵店既風格。二.室內裝修 ：門面風格就比較簡約 白牆襯木色枱櫈 店中有個日本式拉麵吧枱。三.食物質素：二人同行 點左櫻花蝦拉麵（曲麵） 黑蒜油拉麵（直麵）櫻花蝦拉麵（曲麵）上枱時真係有點嚇親 好多蝦乾灑係面 曲麵既口感幾好 幾彈牙（個人比較推薦曲麵）一個好既溏心蛋可以另到一碗拉麵昇華依間拉麵店 在溏心蛋方面做到水準-叉燒就有點失色 無咩香味 咬口略粗 有待改善湯底- 唔錯，櫻花蝦既甜味融入係拉麵既湯底，但湯底偏濃同咸。黑蒜油拉麵（直麵）黑蒜油拉麵就感覺比較油膩 蒜味重 個人感覺 直麵口感比曲麵無咁爽口彈牙湯底亦都偏濃同咸 愛蒜味的可以一試汽水：一般波子汽水 食完麵解解渴都ok既總結：整體黎講食物質素唔錯 溏心蛋 麵條湯底有點偏濃味 叉燒味道尚可 口感偏實值得一試！

今個星期放假去荃灣行下街咁啱俾我撞見有間拉麵門口有部售票機咁得意當然過去望吓啦，原來真係好似日本咁喺門口自助售票機買完再入去食拉麵😍當堂會想起喺日本差唔多大部份拉麵都會用售票機,心血來潮當然要試吓香港自助售票機先啦（話晒都香港第一次）拉麵有幾款選擇...我選擇左辛味拉麵，拉麵配料很多...拉麵嘅味道都拍得住日本水準仲會加埋個溫泉蛋俾你食唔使$100非常之超值👍🏻👍🏻黑蒜油拉麵湯底非常之濃郁而且配料都很多味道的確唔錯超值😋😋青提子味非常之好飲我很鍾意😍😘😘

呢輛鼎爺動作多多，睇大台，知道佢開咗自己的餐廳菜館，又上深夜食堂推介菜式，又上Big Big Channel推介菜刀，下星期，仲會有新一輯教煮餸節目，真係佩服佢嘅魄力。近日天氣凍咗好多，是時候打邊爐了。記得佢之前介紹過楊屋道街市啲鯇魚、鯪魚好得，所以，今日走去入貨。之後，經過大屋街，見到有間拉麵店好特別，特別之處係佢擺咗部自助售賣機出嚟，似足日本嗰啲，同樣都係只收現金。一向都係拉麵迷嘅我，當然要試玩下，幫襯下啦。操作好簡單，跟指示，按下想食的拉麵和飲品，畫面就會顯示出來，之後入錢，就會出飛。呢個點餐方法，相比起一啲拉麵店仲用緊剔紙仔較環保。有樣嘢想提嘅係，因為部自助售賣機係放係升高咗於路駁之上，高過行人路好幾吋，生得矮啲，會好難睇清楚個顯示屏，除非企上個駁位買飛啦。希望拉麵店諗諗佢。然後入去拉麵店，搵位坐。店子係簡樸日式style，時近聖誕節，所以，多了很多聖誕裝飾。飲品買了蘋果梳打和白提子梳打。味道完全係喺日本飲開嗰啲。以後唔使去得咁密了。黑蒜香油好香，好醒神。筍乾超正。麵質亦唔錯。有好多櫻花蝦乾鋪喺拉麵之上。蝦乾應該經烘過，所以零捨香。溫泉蛋係流心的，好好食。叉燒都好有水準，入口就

荃灣其實有唔少需要排隊而且人氣十足的拉麵店，今次真係估唔到依一間係內街入面，而且毫不起眼嘅拉麵店咁得我歡心。由於返工喺銅鑼灣，基本上銅鑼灣大大小小嘅拉麵店都食過。對比番我食過嘅拉麵店，依一間係絕對會encore嘅。我覺得仲好食過登龍街所謂嘅米之蓮一星拉麵🍜我自己叫咗櫻花蝦拉麵，呢間野有得揀係直面定曲面，自己本身比較鍾意直面。食拉麵我會好重視佢覺得湯底，依個湯底我覺得好濃郁，但又未去到好杰撻撻好鹹，係我鍾意嘅而且個湯底食到尾有少少肉碎，食得出佢用咗好多材料去整依個湯底。另外必須要讚嘅係佢個流心蛋做得十分之好，如果唔係當日佢唔夠買，隻蛋冇得再另加，我一定叫多隻我自己覺得佢個流心蛋比得上好多間出名嘅拉麵店！再加上佢所有嘅配料都好多，所有嘢都好似食極都仲有所以好開心經過食到依一間拉麵，正常嘅價錢，又唔使等位，就可以食到咁高質嘅，真係好似賺咗咁另外，依一間係用門口嘅自動售賣機去落單。當日唔知點解我張$100佢碌極都碌唔到入去，好彩好人嘅店員哥哥幫我換咗張$100， 我先至買到🙈所以如果大家去食就記得準備定現金啦如果第時有得比八達通就好啦！