土司工坊 (已結業)

同女朋友帶著希望來,帶著失望離開。完全失望。星州喇沙套餐($38)---辣!!!材料有芽菜,豆腐卜,蝦,米線。湯底對我地嚟講好辣,豆腐卜吸左湯,辣到我想死。餐飲配熱奶茶,好似早餐奶茶,幾滑。傳統土司套餐($28)---份量少,多士烘得熱脆,夾著牛油和咖央醬,甜甜的,不錯。餐配兩隻半熟蛋,等左勁耐,差不多食晒其他野先有,無味。餐飲轉凍薏米水(+$4),本來隻杯裏面有喇沙汁,即係叫人換過杯,換完呷了一口,好清,清到好似水一樣,無味,又無薏米渣。斑蘭蛋糕($13)---以為有咩特別,原來好似普通蛋糕,不過都幾鬆軟。不過,青綠色的蛋糕又幾靚。唉,食物又唔係好味,又細件,又貴唔抵,食具又唔乾淨,又唔俾人影相,真的一次就夠。

因為星期六晨咁早要工作，先有機會同同事試下多士早餐。我想食好耐的花生醬厚多士，終於都試到喇，花生醬果然好好味喎，滑得嚟唔會太甜，但如果塊多士再厚多少少口感應該仲好。杯椰香奶茶都好滑有味道，絕對唔係一般茶餐廳的質數，下次要試埋杯咖啡先，今個早上就享受左好舒服的早餐了。

等睇戲期間有點餓仲想食多少少野。被這裡的裝修吸引了，很像拍戲的片場 feel。牆上有裝飾，店面有 open kitchen 牛油塔，沖奶茶的壺與爐，etc...佢咁 open 地公開佢個 kitchen 也難怪唔俾影相，不過佢個唔俾影相 sign 我俾佢話完到走先見到係o係門口好細細個的。本來見佢咁靚想影黎同大家分享下，依家影唔到太多lu。連我食個飽都唔敢影啦。食左辣蝦米飽 $13，味道幾吊胃香口！If 連埋 drinks 配餐就 $28...好似有 d 貴咁。見到坐得很遠的哥哥都在拍照，我其實覺得佢可以俾人影啦咁靚，幫佢免費宣傳喎。wakanai ne

成日行過Time Square都想試下，但次次都係晚飯時候，今日見得閒一放去食番個lunch。因為香港地賣呢d食物既地方唔多，所以好少食呢類形食品，令人好有新鮮感。店鋪採用自坐買賣的，像快餐店那樣子。我和老公兩人共點了以下食品：斑蘭蛋糕 ~ ~ 超鬆軟，有蛋香有少少斑蘭葉香味。花生醬土司 ~ ~ 脆邊多士，醬有粒粒花生碎，花生味香濃。凍檸茶&薏米水 ~ ~ 凍檸茶一般，自家制薏米水飲得出用料足，啖啖都飲到溶唔晒既薏米。五香肉丁公仔麵 ~ ~ 麵不是出前一丁的，但麵質ok，一般既五香肉丁，蛋反而出奇好有蛋 味。(可以單點兩隻煎蛋 $6):星洲叻沙 ~ ~ 頗辣，湯底蝦味花生味香草味椰奶兼備，濃濃的，麵像米線似的，餸料只得魚片和豆腐卜，單溥了點，好在味道香濃可口，好味。

0係附近番工,所以幾多機會去到時代廣場今朝番工經過時代間土司工坊買左個餐蛋面外賣番公司食,$26!!!諗住會好食過普通荼記,點知一食........,好少湯...浸唔哂D面個面又未熟得哂咁，餐肉...硬0既..?!!蛋...成碗面最差勁...真係好失望!!之前食過佢地D土司都OK0既.....但係今次食完D面真係太差啦～我奉勸各位如果去土司工坊食野。。真係食佢Ｄ土司好啦..

With a friend from Malaysia went to the Toast Box on Thursday night to check out their food, to see how authentic they can be....We ordered 2 set meals plus an order of the Kaya Toast and Laksa Curry Chicken with Toast set - the curry sauce was quite tasty though not as spicy as I have expected but I could only found 4 small pieces o chix wing which were slightly over cooked cos I guess you can finish them even without one tooth.. the texture of the curry sauce is different from those

話說 去年暑假本人到星洲10天食過一次Laksa之後彷彿踏上一條不歸路甚至上吐下瀉 都還是要吃Laksa回港後 對Laksa朝思暮想一直沒機會再嘗一口之後 toast box襲港聽說掀起了一陣熱潮人太多 不敢去一直到昨天看了一場電影1330 到了午飯時間朋友提議到toast box看到桌上的套餐menu二話不說 就點Laksa套餐加上一杯Kopi朋友幫我order可是!!!就在此時竟然看到牆上的beverage manu有barley!!!!!算了~ 反正朋友已經把Kopi拿回來了之後店員把Laksa拿給我們是我的最愛~~喝一口湯 很椰 帶一點辣是久違的味道我回到了新加坡!!!!!!可是卻有一個小小的遺憾可能是為了配合港人的口味這裡的Laksa沒有si hum(很像蜆肉那個)感覺不夠星洲Kopi的味道倒是剛剛好沒有很甜也沒有很苦有一陣很濃的咖啡香

第一次食toast box 係係泰國, 一見到佢已經比佢d麵包吸引住. 當尖沙咀餐開既時候曾經好想去. 不過上次去到無得食. 之後都的唔起心肝再去... 估唔到原來佢已經進駐左銅鑼灣, 咁啱又下午茶時間, 即刻入去試試先.叫左個花生醬土司 + 黑咖啡.... 其實我唔知黑白咖啡有咩分別, 只不過我唔想係落煉奶, 黑咖啡好似安全d. 不過黎到先發現佢係咩奶都無落. 出到去問個哥哥仔可唔可以額外比個花奶我. 佢同我講: 已經落左嫁喇喎~~~ 不過佢望一望我, 都係另外比一杯我. 仲要比我之前好細心用熱水沖沖隻杯先比我. 讚~~~咖啡好香, 好味!!之後上枱既係花生醬土司套餐. 估唔到以呢個價錢有咁多野食喎~~~ 蛋我無食, 不過見到個樣都好似唔错咁. 花生醬不嬲都好好味, 熱既就更加好~~~ 不過我覺得佢塊方包唔夠厚, 如果可以再厚d就好喇~~~我見到坐係我隔離食嗰粉喇沙都幾好味. 下次有機會要試下.

4月25日, 今日陪咗呀菲出銅鑼灣食TEA, 新開咗間來自新加坡嘅麵包工房喺時代底層, 呀菲好想試, 所以我地就嚟到, 都幾快餐式, 自己去櫃台購票, 搵到位自然有侍應捧上食物~::: 肉鬆厚吐司套餐 ::: $28吐司餐要$28其實都唔平, 不過勝在夠新鮮特別~ 肉鬆吐司真係有好多肉鬆, 下面吐司好似西多士咁, 脆得黎非常鬆化, 質地奇好切完扁咗都識彈番起~ 喺吐司上面搽咗少少奶油令到整個配搭味道更豐富~ 另外仲有2隻半熟蛋, 即係半熟蛋白加全生蛋黃, 佢介紹嘅食法係先落豉油同胡椒粉, 再篤爆個蛋黃撈勻一齊食… 味道其實同白烚蛋冇乜分別, 不過就夠晒滑~ 係幾新穎, 不過好唔好味真係見人見智~ 新加坡奶茶都幾香濃, 奶味幾香, 茶味同奶味都好平衡, 見住個拉茶呀哥好專心咁拉, 加咗唔少分~佢嘅吐司真係吸引到人, 而食物種類都幾多~ 差在侍應生可能未做熟, 捧餐有d手忙腳亂, 下次嚟要試埋美綠恐龍先得~!

我得承認, 我對新加坡是有點情意結的, 不然也不會一年內去了三次。其中一個原因當然是星洲美食多啦! 就快又有星洲菜食了, 先來個預習兼回味吧。此周日早上, 來到時代廣煬, 地庫大部分的店還未開門, 就是這裡門庭若市, 買東西都要排大隊! 幸好還有些座位揀下。跟當地的店一樣, 店子的裝修也是以舊日南洋風情為主, 白色的木牆、古典的吊扇, 還有招牌的牛油山, 令我彷彿回到了星洲! 我在新加坡 Toast Box 吃過超美味的叻沙, 但晨早流流吃叻沙好像有點過份, 還是點招牌的傳統吐司套餐 ($28) 了。套餐包括咖央吐司兩件、蛋兩隻 (可選半熟蛋/煎蛋/全熟煎蛋∕太陽蛋) 和飲品 (預設是咖啡/茶)。最地道的食法是半熟蛋 (soft boiled eggs), 餐紙上有介紹正宗的食法, 乃是在蛋上加上黑豉油和胡椒粉, 再攬拌便可以吃了。(圖中的是未攪的樣子) 半熟蛋是不熱的, 連暖也談不上, 幸好夠哂流心, 豉油其實也不太鹹, 幾得意咁啦。飲品呢, 當然是要咖啡, 不過就是點 coffee or tea 也大有學問:咖啡 = Kopi茶= Teh--> by default 是加煉

上星期日同 Honey 去了 Times Square Shopping, 見未夠晚飯時間, 想搵d 下午茶食, 見倒 Basement 有間 Toast Box, 就試吓:-點了: 西多士 +兩隻煎蛋: 因不喜歡吃生蛋黃所以叫了全熟，正常味道~肉鬆土司: 土司+脆脆的非常香口，配肉鬆一咸一甜的非常好味~而特別一提: Order 了兩款飲料： 熱薏米水　(Tea set 另外加 $3) , 但好好味~而另外一款：美祿恐龍, 起初睇賣相似只不過加了 d 美祿在上面,但Honey 話飲落好滋味,比起好多茶餐廳 d Ice chocolate 好好多!雖然好少到 Causeway Bay, 但都會再去食!但當日都好多人, 不過d 店員 都好好 services ~ ^.^

看了數篇Toast Box嘅食評，早已蠢蠢欲動，一試聞名已久的咖央多士。看著廚師小心翼翼地弄著一片片的麵包，早已涶涎三呎。當多士送到時，已急不及待的把它送進口裡。多士夾著熱暖牛油在口中溶化的感覺，簡直非筆墨所能形容。多士、牛油和咖央份量比例恰到好處，而咖央的口感豐腴但又不會過甜。南洋咖啡加煉奶，味道和口感雖然沒有港式茶走的香滑，但作為早餐飲料，感覺也蠻清新。唯一美中不足的地方，是套餐一定要跟兩隻雞蛋。雖然雞蛋也做得好吃，但畢竟膽固醇還是很高。這麼好吃而又高膽固醇的東西，簡直就是魔鬼給我們最大的誘惑。

星州叻沙好鄭嫁, 我去左尖沙咀個間, 旁邊有bread talk, 試左個cheese cake tim, 好soft,好有左芝士味呢, 好似係 $2x/3x, 佢地呢凍檸茶味道剛剛好, 不是太甜,或淡味, 佢地既toast 好好味呀~ 未試過就要試下...Highly recommened!!!

Toast Box 通常「連住」Bread Talk在附近,但銅鑼灣店竟然沒有,而且仲有自己Toast Box的自家麵包。Toast Box既野,我樣樣都鍾意,見到有幾款的的骰骰,四粒麵包,本想買香蘭葉味,可惜$8一包四粒仔,真係貴到買唔落手。媽媽鍾意咖啡包,買包五片裝方包。蒸番熱,嘩!香味四溢!咖啡味苦苦地,濃到如用espresso泡製!以前只有Panish有咖啡包買,(而家無再出了)都唔及Toast Box的香啊!